السلام عليكم
اخواني اخواتي ارجوكم وبدون مجاملة او مثالية تكونون صريحين معاي

قبل مااقول الموضوع انا الحمدالله جميع علاقاتي الاجتماعية ممتازة وأسلوبي مهذب مع الغير يارب لك الحمد

وأتغاضى عن الخطأ أحيانا وأحيانا ماأتحمل..

اليوم كنت مجتمعة مع مجموعة من النساء.. جالسة وجنبي أختي وزوجة اخوي على يميني ...يساري قريبة لي..

المهم ولد أخوي عمره 4 سنوات ملفت للنظر الله يحفظه مؤدب واسلوبه راقي في التعامل ماكأنه طفل ابد

يستأذن قبل مايسوي أي شي.. يشكر لما أحد يخدمه.. ويحب يخدم.. حساس جدا..

يفهم بسرعة..يراقب الأطفال بتصرفاتهم ويصححها لهم...لكن فيه عيب انه نعووووووم مرة وبزيادة

طول الجمعة وقريبتي بس تناظره وتضحك وتتريق..

مر قال عمتي ابغى شوكلاته قلت تعال..... وهو يدخل بين الحريم يناظرهم مستحي وكل شوي يوقف

يقول ممكن؟(يقصد ابغى طريق أمشي )قالت قريبتي ياحليل المايعين يبغون يمرون <<<<

سوييت نفسي ماسمعتها واعطيته شوكلاته ...قالت له: يله يا..... ( كلمة تقال للشاب المايع { وتعتبر

سبه } ) باي<< تقوله وهي تضحك مسوية انها تمزح

من وين جايبين ولد اخوك هذا ليه ماطلع على ابوه اتذكره خشن ورجال

قلت هذا طبعه بسم الله عليه

المهم مر مرة ثانية وهو يدخل بين الحريم

قالت بعد لابسة قبعة لا انت لازم يغيرونك لاسم بنت

طنشناااااااااااااااها وانا واختي وزوجة اخوي صرنا كذا

قالت لي زوجة اخوي بصوت واطي ودي اصب الشاهي على وجهها <<< عصبت مسكينة

واللي قهرني ان ولد اخوي يناظرها من بعيد حاس فيها !! لدرجة قال لأمه بالسيارة اللي لابسة اسود ماحبها موحلوة تصورو!!


بعد ربع ساعة... قالت اقول ......قلت نعم؟

قالت بضحكة خفيفة: الحمار ولد اخوك وينه فيه؟

قلت انا (وانا اضحك مثلها ) تلاقينه مع الحمير عيالك!!

أختي وزوجة أخوي ضحكو بصوت عالي وبقوة ..وقريبتي انكتمت...

وأمي اعطتني نظرات عرفت اني بتهزأ في البيت!!

ووقت العشا قالت لي زوجة اخوي الله يخليك لنا ياعمتنا تاج على روسنا

ان شاءالله يجي اليوم اللي احط عيالك فوق راسي <<<< صرت كذا انا


واول ماركبت السيارة امي بس تأنبني على اللي صار؟

ياجماعة انا مابغى اغلط عليها.. واحترمها واقدرها بس زودتها تستقوي علينا يوم شافتنا ساكتين؟

وش تحسبنا مالنا لسان ولاخايفين منها ولا شو بالضبط؟

سكتنا بما فيه الكفاية وماتأدبت خلاص لازم تجيها علقة ساخنة عشان المرة الثانية تعدل لسانها

امي زعلانة مني قلت لها بروح احط الموضوع اللي صار بمنتدى وبقرا عليك رأيهم

طلبتكم بعيدا عن المثالية انا صح ولالا؟

ادري بتقولون فيه اساليب افضل ليه ماسويتيها؟ انا ماقدر لأني لو بسوي اي حركة بتقول انا كنت امزح

شفيك زعلتي! لذلك جبت كلمتي كنها مزحة مثل كلمتها

وعلى فكرة بعد مرور نصف ساعة سولفت معاها عادي جدا

__________________
اللهم لك الحمد والشكر
"ولئن شكرتم لأزيدنكم"

أضحك الله سنك يا شوشو

دموعي نازلة من الضحك

أنا لو مكانك كنت عملت مثلك و كذلك والدتي كانت ستعمل مثل والدتك


لكن صراحة هي قليلة أدب و الغيرة تنهشها, أنا لما قريت كلمة حمار, صدقيني شهقت

الله يخليك لأهلك, دائما رافعة رؤوسهم


سلمي لي على الوالدة و قولي لها يسلم هذا البطن اللي حمل شوشو

__________________
(قَالَ إِنَّمَا أَشْكُو بَثِّي وَحُزْنِي إِلَى اللّهِ وَأَعْلَمُ مِنَ اللّهِ مَا لاَ تَعْلَمُونَ) (الآية 86 من سورة يوسف)

هلا وغلا حبيبتي00 زمان اول ممكن اقولك اللي سوتيه غلط00 لكن بها الوقت ماينفع بالناس الا العين الحمرا

ولا تنداس مهابتك 00 اذا شافوك ساكته00 ولاهذا قول تقوله ياسبحان الله حتى من الاطفال يغارون!!

ولا وش له دخل هالمملوح ---- وحده كأنها شايفته

تستاهل ماجاها هي الباديه00 والبادي اظلم

الله يخليلكم الصغنون

__________________




يقول اديب الفقه الشيخ علي الطنطاوي (إن اصحاب الهمم العاليه اذا هبطوا الجبل من جانب قاموا يحاولون صعوده من الجانب الآخر ، لأنهم لا يطيقون البقاء في الحضيض بل يبتغون المعالي ابدا)
0
ليس في الحياة شيء مضمون إلا ما يتعلق بتقوى الله ؛ فإذا أوى الإنسان إلى ركن شديد من الإيمان بالله اكتسب قوة غير عادية في مواجهة صعوبات الحياة.(د.سلمان العودة)

بالنسبة لردي الشخصي
لوكنت مكانك اكيد امي راح تناظرني نفس النظرة وفي السيارة او البيت بتقول عيب البنت ترد على المراة وبتقول لو هي قليلة ادب ما تكوني مثلها عشان ما يصيرون يقولون البنت الفلانية لسانها طويل وترد عالحريم ويكفي انها في نظر الكل غلطانة ليه تنزلي لمستواها اللي بلا دوق عيب عليها
بس فيه ناس ما ينكتمون الا بالرد الحازم
انا كنت سويت مثلك
لكن كنت لقيت نفس التوبيخ واكثر
وياااااااااااااااااااما صارلنا امثال هالموقف مواااااااااااقف ومن بعدها ما عاد رديت على اي حرمة وما تتصورين ايش قد كبرت في عيون الحريم ويقولون فلانة محترمة فلانة ما ترد عالعيب بعيب
اكبري في نظرهم بالرد على الجاهل بالسكوت
لانه افضل رد
لانه مو حلو البنت اللي ترد على حرمة
هده المرة عدت على خير بس ماعاد تعيدينها واسمعي كلام امك ربي يحفظهالك حبيبتى

^
^
لا هي مو حرمة كبيرة
بيني وبينها تقريبا 5 الى 8 سنوات

وع فكرة هي تقرب لي كثير لكن نادر ماتشوف عيال اخواني
يعني بينا ميانة

والاجتماع كان فيه بس حريم اخوالي وخالاتي مافيه احد غريب
ومحد سمع بالسالفة غيرنا لأننا كنا جنب بعض

بس بعد الضحك القوي قالو شسالفة؟ صرفنا الموضوع


اصلا لو كان فيه حريم كبار او بيني وبينهم قرابة من جهة بعيدة استحالة اسوي كذا

__________________
اللهم لك الحمد والشكر
"ولئن شكرتم لأزيدنكم"

صراحه برافو عليكي

عالعموم حبيبتي الايام هده كما قالت الاخت في ناس ما تسكت الا لما تبلع كلمة او كلمتين وهده المراة الله يصلحها ويهديها ويهدينا جميعا
وانتي الله يحرسك ويحميك

بصراحة وبدون مجاملات


معك الحق وما اشوف موقفك فيه غلط

لانها من البداية ما احترمتك ولا احترمت ام الولد نفسه

يعني قاعده تعيب ع الولد بوجه امه

اصلا زوجة اخوك من كتر ما هي على خلق ترفعت عن اخطاءها على ولدها

والا لو وحده تانية كان مسحت فيها بلاط الارض


اما تغلط ع ولدي واسكت


انت كدا حطيتي لها حد...يعني لو في مرات جايه ماتقدر تتكلم ع الولد






ربي يوفقك ويعلّي شأنك ويرزقك كل خير ويوفقك دنيا وآخرة

__________________

ايه من جد ماتستحي
الله يسلم عمرك من الشر يااحلى العرايس
وامي تسلم عليك تقول لاتشجعينها هههههههههههههه

__________________
اللهم لك الحمد والشكر
"ولئن شكرتم لأزيدنكم"

وانا كمان شهقت من كلمتها حمار ولكن ضحكت من تعليقك ولو اني انا ام الولد والله لابوسك قدامها واقول يسلم فمك ....لا غبار عليك شوبارد سيري ونحن من ورائك

__________________
[/IMG]