السلام عليكم ورحمة الله وبركاته
انا محتارة في أمر ومحتاجة مساعدتكم انا ليا اخ كان مدمن وغالبا مازال بس اهلي مفكرين انه خلاص المهم انا بحثت كتيرر واستنيت كتير اوي علي ما لاقيت وظيفة مناسبة ليا بكل المقاييس المهم المدير قالي لو تعرفي واحد يشتغل انا اخويا وابن خالتي كانوا بيبحثو عن عمل فقلت لامي تقول لابن خالتي واخويا لا لانه هيفضحني لانه بيروح يقول انه كان بيشرب مخدرات وانه مش محتاج شغل وبيشتغل عشان اهله ميزعلوش ويقعد يضحك علي الناس فقالتلي ماشي واتفقنا علي انه يبقي ابن خالتي بعدها لاقيتها بتكلمني وتقولي كلمي المدير علي اخوكي وهو مش هيحرجك وهيلتزم ومش هيصغرك انا بقي خايفة ومتردده لانه كداب وبيعشق الكدب طبع فيه والكل عارف وبيحب يضحك علي الناس ويفهمهم انه بيه ومفكر المخدرات حاجة حلوة بيتباهي بيها وغير كده طول عمره يوعدني ويضحك عليا وخد مني حاجات كتير وجاله فلوس ومهانش عليه يديني اي حاجة يعني مالوش مصداقية ابدااااا ومرة هصب علي زوجي في فلوس يعني مش همه شكلي ادام زوجي بس مامتي هتزعل وقالتلي انا اضمنه وهي برده اللي كانتدبتضمنه كل مرة فاتت وغير كده هو حمل علي بابا ونفسي اخفف الحمل عنه اشغله معايا وانا ونصيبي ولا اشوفله شغل بعيد عني رغم انه صعب الاقي شغل ليه لانه بيتدلع ومش بيوافق علي اي شغل فكرت ان اقول للمدير انه مش اخويا واخو واحدة صحبتي بس قلت لو اكتشف كدبي وممكن ربنا مايباركليش عشان الكدب محتارة دلوني


مستجدات الرد 11

http://www.66n.com/forums/showpost.p...2&postcount=11

__________________
لا حول ولا قوة إلا بالله العلي العظيم

وعليكم السلام ورحمة الله وبركاته

إذا أخوك مثل ما قلتي فأنصحك تفصلين بين مجتمع عملك وبيتك
حتى ابن خالتك لا تتوسطين له عشان تتجنبين زعل أمك
وممكن تصير تضغط على ابن خالتك عشان يتوسط لأخوك فأحسن تقطعين هالطريق عنه
وكلمي المدير انك ما تعرفين حد كفوء وبكذا تكونين ما كذبتي لأن أخوك غير كفوء
وقولي لأمك الوظيفه راحت على أخوك
وأحرصي أنه حتى عنوان شغلك ما يعرفه عشان ما يقدم بنفسه هناك
والله يوفقك

اختي انصحك لا تتوسطي لأخوك لسببين:

1. انتي تعرفيه اصلا مو كفو فمن الامانة إنك ما تنصحي المدير بتشغيله.
2. راح يسيئ لسمعتك بالشغل ويخرب عليك وظيفتك.

كان ممكن تدخلي ابن خالتك من غير ماتدري امك.. لانها فعلا راح تزعل اذا ساعدتيه وابنها ضل بلا شغل.. للأسف انتي مضطرة تقطعي النصيب على ابن خالتك كمان.. او اذا فيه امكانية يشتغل من غير ماتدري امك..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

جزاكم الله كل خير علي النصيحة انا برده عايزة اعمل كده وماما قالتلي ان ابن خالتي لقي شغل بس اخواتي هاجمين عليا عشان مش عايزة اشغل اخويا معايا برغم اني قلتلهم هجيبله شغل تاني وهدورله حسسوني اني عملت جريمة وفين البر بماما وبابا بدال متخففي حمل اخوكي عليهم واخويا اساسا مش بتاع شغل ده عنده ٣١ سنة وبيتدلع جدااا ويقولولي حتي لو شغلك هيضيع في سبيل ماما متزعلش عادي كأن مفيش بديل لكده عموما انا هعمل بالنصيحة وهفهم ماما بالراحة بكرة اما اروحلها واحاول اكون جبتله شغل تاني بعيد عن شغلي وربنا يهديه ويهديني ويكرمكم ويسعدكم دنيا واخرة

__________________
لا حول ولا قوة إلا بالله العلي العظيم

المشكلة انك قلتي لامك
الام ما تشوف عيوب عيالها
فصعب يشتغل معك بناء على كلامك
وأخلي إخوانك وزعلهم بصوب
الله يهديه ويرده

__________________
يا رب خاتمة حســنة ، وزلفى ، وحسن مآب ..

ساعدي اخوكي عشان امك و ابوك ..
و ربي راح يبارك لك في وظيفتك

انا كنت نايمة ومقررة مش هشغلهم معايا واشوفلهم شغل تاني صحيت من الون لقيتصاحب الشغل باعتلي تاني شوفتي حد ولا لا غمضت عيني وقرأت قرآن بدون تردد لقيتني بكلم ماما واقولها متزعليش مني وخليهم يروحو دلوقتي واديتهم الرقم والعنوان وبالفعل راحو وهما هناك دلوقتي وربنا يستر ويعمل اللي فيه الخير بس عرفت مدير الشغل انهم مش كفؤ اوي ومحتاجين تدريب والاتنين راحو اخويا وابن خالتي وقالي انا هدربهم واشوف كده وهترجي ماما تنبه علي اخويا بلاش فضايح ويتعدل بقي عشان ربنا يباركله وعشان ابنه وعشااني ومش اخسر شغلي وربنا يعمل اللي فيه الخير واللي ليا نصيب فيه هشوفه

__________________
لا حول ولا قوة إلا بالله العلي العظيم

الله يجزاك كل خير
و يهدي اخوكي و يصلحه

__________________

يااارب و يجازيكي يا اختي كل خير ويحققلك كل اللي بتتمنيه وشكرا علي النصيحة الحلوة دي

__________________
لا حول ولا قوة إلا بالله العلي العظيم