السلام عليكم ..

.. بدخل في السؤال على طول

بما انه إحنــا رايحين في عطلة الربيع ( زيارة للمدينة المنورة ) ..

ومعنا الاطفال ..

فياريت اهل المدينه المنورة .. يقول لي عن

مطاعم حلوة .. أماكن حلوة .. اماكن ترفيهيه .. مولات .. مقاهي ..

يعني اي مكان حلوو ..

اسم المكان والشارع اذا ممكن .. يعني العنوان ..

لانه الصراحه مره من المرات .. ركبنا تاكسي .. وضيع فينا .. ولا عرف يرجعنا فندقنا

.. وانا شوي وابكي مع انه الفندق كان قريب منا ,, بس انا قلت لزوجي نركب تاكسي لاني تعبت

من المشي خخخخخخ << أستاهل صح !!

__________________

مولات :
فيه راشد مول .. و فيه مجمع النور ..
بداخلهم جلسات و مطاعم كمان للعووايل و ألعاب ترفيهية للأطفال

بس لاحظي إنه اسعارهم نفس أسعار ( بريطانيا )
و فيها ماركات ، بس أغلى من الخارج الصراحة .. ؟؟؟

يعني رحت مرة لـ نيكست NEXT و شفت قطعة ، نفس اللي في بريطانيا
سعرها الأصلي في الخارج أرخص كان

----------------------------------------------

لو بس إنت و زوجك تبغوا جلسة رومنسية
روحوا ( مطعم إيوان )

و لو إنت و عيلتك ( الركن الشامي كويس )

عموما ،،
شارع سلطانة مليااااااااااااااااااانة مطاعم و أسواق و بيتزا هت و ماكدونالدز و كل شئ

جنب الحرم فيه فنادق ( أوبروي )
ادخلي في المجمع تبعه ، تلقي محلات حلوة

و إذا تبغي ملابس للأطفال و أشياء للبيت ، أسمع من زميلاتي يروحوا يشتروا
من ( مزايا مول ، و لا سوق بدر ) ماعرف إيش كمان ؟؟؟؟؟

فيه لونا بارك ( ملاهي ) و فيه ( البعيجان )


مقاهي ؟؟؟؟؟

فيه في داخل مجمع النور ( كوستا ) و أماكن للعوايل كمان

يارب تنبسطي ^^

اختي الكريمة..
اجمل ما في المدينة المسجد النبوي فاحرصي على استغلال كل دقيقة في المدينة المنورة وعدم تفويت اي صلاة في المسجد. ولا ننسى ان اجر الصلاة بالمسجد النبوي تعدل الف صلاة.
وزيارة الروضة والصلاة بها ركعتين والدعاء.
يستحب زيارة مسجد قباء و قصده للصلاة وصلاة نافلة به يكتب لك اجر عمرة.
زيارة شهداء احد رضي الله عنهم والسلام عليهم.
زيارة مسجد القبلتين.

بالنسبة للمطاعم فكما قالت الأخت روح الطير شارع سلطانه به مطاعم كثيرة.
لشراء الملابس وغيره سوق البدر في شارع المطار تقاطع شارع المنارات وهو من اشهر المحلات للالبسة في المدينة وبضاعته رخيصة وجيدة.
ان كنت تبحثين عن الهدايا التذكارية والتي تخص المدينة بجوار الحرم وحوله عند البقيع..
الحدائق: توجد حديقة احد وهي على مدرج على جبل احد وبها شلال جميلة جدا .. ولكن لا اذكر عنوانها الان.
ويوجد حديقة الملك فهد جيدة . ولا اذكر عناونها كذلك.

موفقة..

__________________

وما من كاتب إلا سيبلى .... ويبقي الدهر ما كتبت يداه
فلا تكتب بكفك غير شيئ.... يسرك في القيامة أن تراه

ماقصروا اللي قبلي ..
وأحلى شئ في المدينة المسجد النبوي
لا تضيعي فرصة السكن بالقرب منهـ
::

وماعندي إضافهـ
اللي قبلي قالوا كل شئ
بس برضوا فيه عالية المدينة .. من الأسواق الحلوهـ
مثل النور تقريباً
وعلى فكره سلطانهـ فيها كل شئ
المطاعم والأسواق ..

::

بس إذا الأجواء كما هي الآن
فنصيحه هااااتي معاك ملاااابس برد,
لأنه هالأيام الجو باااااااااااااااااااااااارد
ورحله موفقه
بتنورينا في المدينة

__________________

.. تسلمين يالغاليه .. عن جد ما قصرتي ..

.. بس ما عندي نية للتسوق .. أنا إذا أسافر .. قليل جدا أتسوق ..

.. والتسوق يكون للهدايا ..

احب أتعرف على البلد الا ازوره .. وأستمتع بالاماكن الا فيه ..

..

جزيــــــــــــــــل شــــــــــــــكري لك ..

.. والله يسعدك .. ويوفقك بدراستك ..

..

__________________

.. أكيــــــــــــد أجمل مافي المديــنة المنورة هو ( مسجد الرسول ) عليه افضل الصلاة والسلام ..

.. وكل الا وصيتي فيه .. أكيــــــــــــــــــــد راح أسويه ..

.. أساسا زيارتي للمدينه .. هي لمسجد الرسول .. والاستمتاع بالصلاه فيه .. جو روحاني عجيب ..

.. انسى الدنيا لما أكون في مسجد الرسول ..

..

بس هالمرة معي أطفالي .. وحابه انهم يغيرون جوو عن الامتحانات ..

.. وجزيل شكري لك أختي ..

__________________

الســكن أكيد راح يكون قريب من مسجد الرسول ..

لانه بنتي شوي مزعجة من ناحية المشي .. تمشي وهي تحن( متى نوصل , تعبت , أأي يا رجلي )

.. وبس نوصل الفندق .. تكون في قمة النشاط .. مع انها من شوي تشتكي وتقول بعيد وتعبت وأأة يا رجلي !!

..



أما عن الجوو

الظاهر أني راح اتجمد من البرد

لاني في البحرين مو قادرة اتحمل البرد

والبس كل ملابسي الا في الدولاب .. وبعد أكون بردانه

الله يعين البرد عليي


تشكراتي لك اختي ..

__________________

هلا وغلا بالزوار.. وبـ Ms. Blue
بالتحديد
حبايبي طلعوا بلدياتي.. ياسلااااام
روح الطير.. كمااان:14: شي يفرح..
ـــــــــــــــــــــــــــ

شوفي ياستي.. في المدينة في الدايري الثاني.. مطاعم كثيرة.. حتى سموه شارع المطاعم..
صيني وهندي وإيطالي.. وأشياء أخرى..
كمان مقهى أبو طربوش بطريق المطار.. لزوم الشيشة..
والأندلسية.. شيشة كمان.. ههههه
وقصر المرح.. مقهى وملاهي للأطفال(جديد)
النور أكله مرررة جنان.. تقريباً زي (الرد سي مول بجدة) من ناحية المطاعم.. نفسها..
والراشد مول فيه ملاهي ومطاعم معروفة.. وأخيرا فتحوا فيه (أبل بيز)
وفي شارع ساري.. ويقولولو الأوس.. بس معروف بـ (ساري) مليان مطاعم.. ومحلات ماركات مخفضة
أطلقوا علية شارع تحلية المدينة.. تيمناً يتحلية جدة..
ولا يمكن تضيعي لو إعتمدتي على الليموزين.. الحربي أو السلام
وأنا أميل للحربي.. تعاملهم طيب..
ولا تنسي الممشى.. بجانب مدينة الملك عبد الله الطبية (مستشفى النساء والولادة الجديد)..

ملاحظة بالنسبة للبرد.. أنسي موضوع الصنادل واعتمدي شوز الرياضة (الكاويتش والشراب)..
وزيارة موفقة.. تنور المدينة.. يا بلوووووو

__________________
اطبع الطين ما دام رطباً، واغرس العود ما دام لدنا، لو رأيت ما في ميزانك لختمت على لسانك.

رحلة سعيدة أختي مس بلو ..

وفي مطعم هندي في شارع الملك فهد اسمه مطعم ( طباق ) يجي منو

وكمان لا يفوتك الآيس كريم التابع لحلويات طيبة أو ( البرديسي إخوان ) ..

عندي استفسار لأهل المدينة ..

يا إخوان أنا لي 11 سنة أدور على مطعم شامي اسمه ( سلطاني ) بس ماني ملاقيه تقول انشقت الأرض وبلعته ..

ياخي كان مطعم مشهور والناس عليه زي الرز ..

والله مطعم تحفة وأتعب وأنا أقول تحفة لكن ما أدري فين راح حتى أصحاب التكاسي ما هم عارفين مكانه وكل ما أقولهم أبغى مطعم سلطاني يودوني شارع سلطانة ..

فالله يرضى عليكم اللي يعرف أي معلومات عنه أو يعرف أي أحد ممكن يدلنا عليه لا يتردد ومكافأته محفوظة ..

على فكرة هو لمن اختفى كانت لوحته حمراء والكتابة بالبرتقالي وأعلنا عنه في الجرايد لكن ما في أي خبر عنه

من أهم ما يميز المطعم إنه كان يسوي أكلة مررررررررررة جووناااان اسمها ( عيش باللبن ) ..

لكن يا حسرة يا قلبي ضاع المطعم وضعت أنا من بعده

أستنى أي رد من الإخوان يكون له الفضل بعد الله في لم شمل اثنين ضايعين لهم أكثر من 11 سنة

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

على ما يبدو أن مطعم سلطاني لم يعد له فروع في المدينة المنورة ..
بحثت في موقع عن السياحة السعودية .. و ظهر في مدينة جدة و هذا رقمهم ممكن تسألهم عن فروعهم .. قد تكون غير معلنة ..