خخخخخخخ،
يارب بهالساعة المباركة ربي يرزقك بتوم بنات يهبلون فيك

انت الاجمل
هذا الورد الاصفر تبع بنتي الصغيرة
كميته كبيرة فقسمته المعلمة على "فازتين"
خذي لك وردة وانت ماره

من امس مقررة انه بناتي ما يداومون
من شوي ارسلت مدرستهم، انهم ما يداومون نظراً لسوء الاحوال الجوية
امس الحوادث كانت عااالية
والسماء ما زالت توحي بانها مليءة بالخيرات
يغيبون افضل، مع هالجو الصقيييييييع

هالقصيدة حفظتها عن ظهر قلب اما كنت بالمرحلة الثانوية، حينما قراتها في جريدة الرياض
وعمري ما حسيت بكلام يعبر عن اللي بداخلي اتجاه والدي كثر جمال حرف هالقصيدة
وهي اهداء مني للحزينة( اقحوان)
واقول لها ، والله ما الومك


أنا يا أبي مذ أن فقدتك لم أزل
أحيا على مرّ الزمان.. بمأتمِ
تجتاحني تلك الرياح.. تطيح بي
في مهمةٍ قفرٍ.. ودربٍ أقْتَمِ
وتمرُّ بي كل العواصف .. والردى
يدنو مع الأمواج..و اسمك في فمي
أنا لم أزل أشكو إليك.. ولم تزل
ذكراك قنديل الطريق المعتمِ
وكأنك الصدق الوحيد بعالمي
والكل يا أبتاه .. محض توهُّمِ
وكأنني ما زلتُ أحيا يا أبي
في حضنك الحاني.. ألوذ وأرتمي
وكأن كفك لا تزال تمدها نحوي
.. وتمسك في حنانٍ معصمي
لا لم تمت عندي.. ولكن ما ارتوى
ظمأي إليك.. وما شفاني بلسمي
لا لم تمت عندي.. ولكنّ الأسى
والحزن يا أبتاه.. أبلى أعظمي
وأنا متى جاء يأتي المساء أكاد من
شوقي إليك أضم بعض الأنجمِ
أظل ألثم كل شيء لامست
كفّاك في بيتٍ كئيبٍ مظلمِ
وتظلُّ من فيض الشقاء وسادتي
حمراء تسبح في بحورٍ من دمِ
من ذا يخفف ما ألمَّ بخافقي
من ذا يحدُّ من الشعور المؤلمِ
من كان علمني العزاء فقدته
من ذا يعزّيني بفقدِ معلمي

الله ياياسمينة..القصيدة جميييلة ومعبببببرة الله يغفر لابائنا وامهاتنا ويجمعنا معهم في الفردوس الاعلى

ام ريان ودي تشورين علي الله يسعدك والحبيبات بعد يشاركوني برأي<<باشقح فيكم عن مواضيع المرجيحة^_^…
بماانك درستي الماجستير..الحين انا مترددة في التقديم على الماجستير..بس شايلة هم عيالي الله يحفظهم"2و4"سنوات اخاف يتبهذلون معاي واخاف اقصر في حقهم لما ادرس..وفي نفس الوقت التخصص اللي ابغاه مسائي بس مايناسبي المسائي عشان اطفالي لان الكبير السنة الجاية ان شاء الله يكون في التمهيدي صباحي ..وصعبه يرجع من الروضة ومايلاقني في البيت يعني نص النهار ماراح يشوفني ولو تقابلنا يكون بس فترة العصر والمغرب واكيد ع العشا بينام عشان دوامه الصباحي في الروضة...والتخصص الثاني مااحبه ولا ادانيه بس ميزته صباحي هذي الميزة اللي فيه....وفي نفس الوقت ماعندي ام ولا خوات الله يرحمهم يعني مافي احد يمسك عيالي والبارح قدمت بس وحده من البنات اللي كانت تجاوب ع استفساراتي سالتلي عن التخصص اللي قدمت فيه قالت ماراح يخدمك في التوظيف لانه مو امتداد التخصص والان مترددة الغي الطلب ولا ايش اعمل ...ماابغى اتعب نفسي وابهذل عيالي معاي وفي النهاية التخصص مايكون له فايدة...وش شورك وكيف تشوفين الدراسات العليا مع الاطفال....رأسي مشوووش ومو قادرة أرسى ع قرار

__________________
سبحان الله وبحمده..سبحان الله العظيم

طبعا في تخصص آخر فتح التقديم عليه هذي السنة وصباحي وقريب مني بس عيبهم شارطين اللغة وانا ماحققت شرط اللغة ومرات اقول ااجل التقديم بس اخاف لما يكبروا عيالي اكثر يكونون بحاجتي اكثر وكمان اميزة ان هذا لتخصص مغري لوزارة التربية والتعليم

__________________
سبحان الله وبحمده..سبحان الله العظيم

والله يا سمو احس فعلاً الامر معقد
خاصة حكاية التخصص المناسب ، مع انه الحين حتى التخصص المطلوب ما ينظرون له!!
التخصص بالنسبة لي حسيتها مشكلة ما اعرف كيف اوجهك فيها
فما لك الا الاستخارة ، لانه فيه شي ثاني يضغط عليك معها وهو وقت الدوام
لكن الاطفال ، هم اسوء الذكريات برحلتي للماجستير!!
ماحد رضى يمسكهم لي، احياناً اخذهم المكتبة واجلس بجدال مع امينة المكتبة انه ممنوع
وتجيني لحظات بكى وضعف ، وانا مالي لا حول ولا قوة
اذا عندك شغالة ما رح تتعبين
لكن اذا ما عندك فالامر جداً مرهق
لكن في النهاية اتذكر لما اخذهم ابوهم وبكيت عند الدكتورة المشرفة قالت لي" مهما طال الزمن بيرجعون بحضنك" وبالفعل الحمد لله رجعوا وانتهى الماجستير كانه حلم مو قصة عذاب خمس سنين!!

السلام عليكم ورحمة الله وبركاته ..
ردك الثاني ياسمو الحبيبة سهل عليك ، خلال السنة هذه تعلمي اللغة وفي المركز الثقافي البريطاني وأولادك يكبرون سنة وتعوديهم على نظام جديد وفي تخصص مغري لو أجلت ..
المهم يكون توافق بين واجباتك والدراسة بحيث لاتشعري بلوم .
واستخيري ..

الله يجزاك خير ياشوك تسلميلي والله انا استخر اكثر من مره وسبحان الله البنت من الاسبوع الماضي قالتلي راح اسالك عن التخصص ذا اذا مرغوب للوزارة ولا لا..والبارح انا قدمت لان بقي4ايام ويخلص التقديم..وآخر الليل ارسلتلي ان التخصص ماهو مرغوب للوزراة لانه مو امتداد للتخصص والتخصصين الثانية مرغوبة اكثر اللي هي التخصص المسائي والتخصص اللي فتحوه هذي السنة لانه اول كان خاص والسنة هذا اول مره يفتح عام...واما شغالة زوجي ماراح يرضى احطهم عند شغالة..وماابغى افتح ع نفسي ابواب انا بغى عنها لو جبت شغالة امه بتسويلي مشاكل وزوجي بيصدق كلام امه ماانسى الجنان اللي سوتله لي ايام البكالريوس لاني الحمل تأخر بارادة ربنا 3سنوات وفي اخر سنة اراد الله لي احمل ل هالحمد عيشتني امه حرب نفسية قوووية وكانت تأثر ع ولدها بشكل كبير كنت ابغى كل ماذاكر من تهزئهم لي وبهذلتهم لكني كنت مأخذة عهد ع نفسي مايأثرون ع دارستي والحمدلله كنت كل سنة انجح واكون من الاوائل ع دفعتي..

__________________
سبحان الله وبحمده..سبحان الله العظيم

ابقول شي ولاحد يزعل من كلامي

هل لو كنا على ارض الواقع رح نوقف مع بعض زي وقفتنا الحين
والا عشان حنا هنا ما نقدم الا الكلام والكلام بس!!