ما اشوف نفسي قوية ..

لكن اشوف بعض الناس ( جبناء و فيهم خوف ) و ماعرف ايش السبب !؟

.
.

ماعرف ايش رايك اخوي

لاني اشوف نفسي .. انسانة حالها حال نفسها و رضيت تتعايش مع أوضاعها و ظروفها
و اتعرض مرات للظلم فاضطر اني أدافع عن حقوقي و عشان كذا اظهر قوية

حضرت من زمان دورة عن الخطابة وفن الالقاء

ومن الاشياء اللي علمونا اياه وعلقت في بالي

ان بعض اللي يلقو يعتذرو ويقولو كلام مثل : عذراً على الاطاله

او

ماكنت مستعد

او ماادري

او اي تبرير سلبي

فقال المدرب لاتبررو ولاتعتذرو لأن هذه امور في داخلك واللي قدامك مايدري عنها

فلا تنبهه باعتذارك

فيا ام الابطال الثلاثة حكاية انك تشوفي نفسك ضعيفة وماادري ايش فهذي حكاية عاديه وموجودة في كل البشر

فلا تلقي لها بالاً

__________________

بعد الموقف الأخير

ما رحت لهم لمدة 3 أسابيع اقل شي .. و نزلوا اخوات زوجي و رجعوا سافروا لمدينتهم ..
و لا رحت و لا ادري عنهم .. و عرفت من سلفتي انهم نزلوا ..

و أنا اصلا كنت مضغوطة مع العمل و البيت ، و زوجي كان مضغوط بالعمل ..
فبأستفيد من جلوسي بالبيت ، إني اخلص امور العمل ..

.
.

حماتي ارسلت لي ( رسالة عالواتس ) ..

رسالة دينية عادية من المنقول ..
و هي رسايلها الي ترسلها في الواتس - دينية - دائما ..
و من زمان ما ارسلت لي شي ..

مع العلم إنه مافي اي تواصل بيني و بين اخوات زوجي لا واتس / لا اتصال / لا رسايل
و فقط بالمناسبات أو للضرورة القصوى .. يرسلوا او ارسل انا .. و شي رسمي جدا

و التواصل فقط مع حماتي ..

.
.

ما فتحت الرسالة 4 ساعات ، و عشان لا تشوفني متصل و تسألني اي شي ..
و ما كنت بمزاج أبغى اتكلم أو ابرر او اي شي .. أو احد يعاتب و ما أبغى افتح موضوع اخر موقف ..
و خلاص يفهموا هما بنفسهم ، و اكيد فهموا ..

.
.

جلست مع نفسي فكرت ..

اخوات زوجي اصلا حتى مع سلفاتي نفس الشي ..
ما يكلموا سلفاتي الا لو يبغوا ( مصلحة .. تطبخ لها .. تنتبه لولدها .. تسوي لها حلى .. الخ )

فعادي جدا ..

بعد رسالة حماتي .. و بما اني تقريبا بدات افهمها ..
ففهمت انها - طفشانة - و ما عندها بناتها خلاص ..
و هي ما تخرج من البيت ابدا .. عشان زوجها طول الوقت بالبيت ..
فاختفت العوامل المؤثرة .. و اختفوا المحرشات و المحرضات ..


المهم ..
لقيت نفسي فاضية و الاولاد يلعبوا و ماعندي شي الخميس ..
و كنت راح اطلب اكل من برة لأولادي .. لانه الخميس دوامي طويل فما طبخت

.
.

فكرت اخد الاولاد و اطلب اكل زيادة و نروح لبيت اهل زوجي
و خاصة زوجي دوامه طويل و يخلص نص الليل و تاني يوم الجمعة ما راح نقدر نزوح لهم

كنت شايلة هم لو اتصلت .. تعمل حالها زعلانة و ما تعطي وجه
و انا ما احب الاسلوب هذا .. خاصة اني ماني غلطانة في شي ..

كلمتني سلفتي واتس و تتطمن علي
قلت لها أفكر اروح لهم دحين .. و قالت لي روحي طالما مافي بناتها
بس عندها اصغر بناتها و ما هي متزوجة

متابعة من زمان يا روح.

وشاكرة ثقتج فيني.


بس لو تلاحظين غالباً ما أشارك في مواضيعج الخاصة بأهل زوجج .. لأني بأمانة ما عندي شي أقدر أفيدج به ... أهل زوجي أساساً طيبين وما عملوا معاي حركات من أول ما دخلت عليهم.

بالعكس أنا في البداية اللي كنت متخوفة وكان فيني ـ بيني وبين نفسي ـ شوية سوء فهم أو سوء تقدير من كثر القصص السيئة اللي كنت أسمعها عن أهل الزوج .. بس الحمدلله ما صارت مشاكل أو صدامات أو زعل بينا أبداً.


الخلاصة .. أنا متعايشة مع أهل زوجي لأنهم زينين .. مب شطارة مني.

__________________


اللهم طِيبَ الأثر .. وحُسْنَ الرحيل.

توكلت على الله و اتصلت على حماتي ..
( و قلت اول ما ترد .. ما راح اعطيها فرصة تعمل حالها زعلانة و تعمل لي حركات ..
تعلمت من زوجي الحركة هذه .. )

الو
كيفك !؟
معليه و الله مررررررة انشغلت الفترة هذه مع العمل ..
حتى في الإجازة ما قدرنا نتهنى و لا نروح مكان ..

.
.

بدات تتفاعل معايا ..

.
.

تطمنت انه الأجواء سليمة .. و مافي مشكلة لو اخدت الاولاد و رحت لهم ..
قلت لها ..

و الله توي فضيت و أتنفس و قلت اخد الاولاد و اجي عندكم ..
بس ماعرف انتوا في البيت و لا خارجين !؟

قالت : لا لا موجودين .. بس كيف تجوا و مافي سيارة !؟

قلت لها سواق ولدي الي يوصله المدرسة ..
يجيبنا عندكم ..

و سألتها :
ابغى اطلب عشاء .. ايش تحبوا اطلب لكم كمان !؟

( انبسطت حماتي .. و اهل زوجي و زوجي .. يدلعوا بطونهم .. فهذه وحدة من مفاتيحهم )

المهم ..
كلفني اني اروح و ارجع مع سواق و اطلب عشاء و توصيل 250 ريال تقريبا ..
و قلت مو مشكلة .. لو في الشهر مرة ..

.
.

رحنا لهم .. انبسطوا ابو زوجي و ام زوجي

( ملاحظة تانية .. ام زوجي لما يكون زوجي موجود .. احسها تغار و تتغير و تعاملني بدون نفس )

فما كان موجود زوجي معانا ..
و كانت كويسة ..

ماعرف !؟
هل وحشناها !؟
هل عشان العشاء !؟
هل لانه مافي زوجي و مسبب مشاعر الغيرة !؟

.
.

مو مشكلة مهرة ..

خليك بليز معايا .. لو حسيتي ممكن تفيديني بتعليق !؟
لو مافي .. تكفيني متابعتك لي ..

يمكن اكون زودت المعيار معاهم حبتين !؟

اقتباس:

المشاركة الأصلية كتبت بواسطة روح الطير . . مو مشكلة مهرة .. خليك بليز معايا .. لو حسيتي ممكن تفيديني بتعليق !؟ لو مافي .. تكفيني متابعتك لي .. يمكن اكون زودت المعيار معاهم حبتين !؟

حاضر حبيبتي .. إذا مشاركتي بتكون مسموحة وعندي شي ممكن ينفعج ما بتأخر.


بس مبدئياً

أحياناً أحس إن طموحج في أهل زوجج عالي شوي رغم إنج المفروض عارفة إن تحقيق هالطموح صعب.

إنتي دخلتي عليهم وعرفتي أطباعهم .. فالمتوقع إنج تبنين علاقتج معاهم على هذا الأساس .. مب تتمنين أو تحاولين تغييرهم عشان يتوافقون مع طبعج وشخصيتج الساعية للسلام.

مهم طبعاً إن الواحد يعيش بهدوء وبدون تلف أعصاب .. بدون مشحانات وحركات نص كم واستهانة وتهميش .. لكن إنتي عندج ميزتين مهمتين المفروض إنهم يخففون عليج شوي وما يصير تتغافلين عنهم:

أولاً: إنتي فعلاً شخصيتج قوية .. وتقدرين تاخذين حقج .... صح مزعج تتعاملين مع ناس يخافوا ما يختشوش .. لكن ترا مب أي حد أصلاً يعرف يتعامل مع هالفئة ويحقق نتيجة ترضيه.

ثانياً: زوجج معاج وفي صفج ومخليج على راحتج .... زوج غيره بيكابر وبيوقف مع أهله حتى وهو متأكد إنهم غلطانين 100%


فأنا أشوف إن الحل مب إن أهل زوجج يتغيرون .. لأن هذا صعب ومب في إيدج ولا مسؤوليتج أصلاً .. لكن الحل إنج تتعاملين مع كل موقف سيء أو مشكلة تحصل منهم بطريقة تطلّعج كسبانة وبدون ما تخسرين شي مادي أو معنوي إلا بمزاجج وبإرادتج ..... واللي أشوفه إنج تحققين هالشي فعلاً.

__________________


اللهم طِيبَ الأثر .. وحُسْنَ الرحيل.

حماتي شغلت بنتها و حفيداتها ..

و لما وصل العشاء .. جينا نفرش الاكل عالطاولة حقة الأكل ..
و ابو زوجي انسان دقيق جدا / منظم جدا جدا / مرتب و نظيف جدا ..

قال لبنته ( جيبي سفرة نايلون ) و سمعتها قالت له خلاص مو لازم زي كل مرة ..
قالها ( الا برضو .. ) و قصده علي .. اني موجودة عندهم ..

#. ابو زوجي من زمان الحمدلله .. كويس معايا ..

قامت بنتهم ( لوت بوزها ) و تضايقت .. و جابت السفرة ..
و لما كنت ابغى اشيل شي من فوق الطاولة و امسح تحته ..
قال لبنته .. تعالي شيليه ..

و جيت ابغى اشيل صحن و كاسة فاضيين من فوق الطاولة
برضو قال لبنته .. تعالي شيليهم ..

و هي وجهها مقلوب .. و هما كلهم كلهم يخافوا من ابوهم ..
فلاحظت على اخت زوجي كيف تضايقت لانه ابو زوجي عاملني كويس ..

.
.

و احنا بنتعشى .. كانت حماتي ( على غير العادة ) ..
مبسوطة و تحكي لي حكاوي عن زوج اختها و عن بناتها و عن و عن .. و تتكلم بحماس ..
طبعا بالعادة .. تطنشني و تكلم زوجي و اولادها .. و تتجاهلني ..

ابو زوجي قال ليش كذا الاكل كثير !؟
ام زوجي كانت مبسوطة .. و قالت له ( هي اصلا كانت راح تجيب لنفسهم و زودوا عليه )
عشان لا يزعل زوجها ..

#. ابو زوجي - ذوق - من زمان ..
حتى بعد العشاء .. دايما يسوي لي كوب شاي معاه؛ لي انا و سلفاتي ..
عنده براد صغير و بوتجاز صغير جنبه ..

.
.

بس ولدي كان يبكي و يبغى يوتيوب و ماعندي كلمة السر حقة الواي فاي حقتهم ..
و بنت عم ولدي .. راحت تبغى تحط له كلمة السر .. و ماحد يعرف غير اخت زوجي و امها ..

المهم ..
فهمت انهم ما يبغوا يعطوا كلمة السر ..

ما عمري طلبت منهم كلمة السر .. لاني اعرفهم ما راح يعطوا ..
بس ولدي كان يبكي و عشان اخوه عنده اليوتيوب يشتغل ..
( ايباد ولدي التاني .. ابوه دخل له كلمة السر حقة بيت اهله )

.
.

بس هذا موقف بسيط .. أوضح لك اسلوبهم ^_^
حتى على ابسط الامور ..

اذا احد طلب منهم شي و عرفوا انه باستطاعتهم مساعدته
ما يحبوا يساعدوا و يتهربوا و يحسوا انه هما ( بموضع قوة ^_^ )