السلام عليكم ورحمة الله وبركاته ..

مبارك عليكم الشهر الفضيل وجعلنا الله وإياكم من القائمين والمغفورين لهم ..

أخوااتي ودي استشيركم في شي وهو ..

اللي ساكنة في بيت أهل زوجها ( شقة خاصة بها )

أيش الأشياء اللي سويتيها وعودتي نفسك عليها مع أهل زوجك وتندمتي عليها ؟!!

مثلاً وجبة الغذاء أو العشاء دائماً معهم ؟! وبعدين رجعتي وتندمتي لإنك ارتبطتي في هذي الحالة ؟!!

أو مثلاً في الطالعة والنازلة تمري عليها .. ( كل ماطلعتي أو رجعتي من الطلعة تروحي تسلمي عليهم حتى لو كل يوم )
أو كنتي تسوين شي كل يوم وتندمتي عليه ..

وحتى اللي مش ساكنة في بيت أهل زوجها أيش الأشياء اللي سويتيها ورجعتي ندمتي عليها ..



باختصار أيش الأشياء اللي عودتي نفسك عليها ورجعتي ندمتي وقلتي في نفسك ياليتني ماعودت نفسي
على هالشي ...

ومشكورين ورمضاان كريم ..

هلا اختي انا لسه ماتزوجت لكن برد عليك من معرفتي لأعز صديقاتي ومعاناتها ولانها كمان ماعرفت تتأقلم معاهم كانت ساكنه بشقه بنفس بيت اهل زوجها

1-أيش الأشياء اللي سويتيها وعودتي نفسك عليها مع أهل زوجك وتندمتي عليها ؟!!

لمن كانت تخرج تمر عليهم وتأخذ احد معاها اخت زوجها او امه وندمت لانها فتحت لنفسها باب وتقول احيان نبي نخرج نتعشى او نشتري شي خاص ويدرون اني رحت ومامرت عليهم يتغامزون وتتغير معاملتهم لها

2-مثلاً وجبة الغذاء أو العشاء دائماً معهم ؟! وبعدين رجعتي وتندمتي لإنك ارتبطتي في هذي الحالة ؟!!

تقول بالعكس كانت هالشي قمه وكبرها بعين زوجها لكن احيان يزورونها ناس وتضطر تعزمهم كلهم وهالشي كلفها كثير وحتى لو درجت احد من اخوات زوجها ماهم فيه تقوول تفشلني امهم تقول لحظه انتظرو بنتي بتجي ومالي كلمه ف بيتي

3-أو مثلاً في الطالعة والنازلة تمري عليها .. ( كل ماطلعتي أو رجعتي من الطلعة تروحي تسلمي عليهم حتى لو كل يوم )
أو كنتي تسوين شي كل يوم وتندمتي عليه ..

كانت تمر عليهم لدرجه ياخذون الاكياس من يدها ويشوفون وش فيه .. لكن تأأزم الوضع لمن ولدت ورجعت بيدها حصلت اخو زوجها حضرت جنابه يأخذ دش ف دوره المياه الي بنفس غرفه النووم ونص اشياءها ماهي فيه ومن مكياج واستشوارها

لكن الحمدالله الحين ارتاحت بعد مانقلت لشقه مستقله ومو بعيده من بيت اهل زووجهاا




وانا مااذكرت هالكلام اختي للعمووووم لكن في ناس شواذ واصابع يدك مو مثل بعض

تحيتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(

كثرةالتنازلات00(( يتعود عليها الزوج بعدين يهضم حقوقك00 ))!!

معك

مع اني ساكنه بعيد عن أهل زوجي بس
سالفة الاكل معاهم احــــــــــــــــــــــــــــــــــذري تكونين على طول معاهم بالكثير مرتين في الاسبوع واذا ما كلتي معاهم أحسن
أنا أقولك ليه لأن بعدين يتعود كله يبي أهله معاه في هالحاله انتي بكره بتتضايقين
فعودي زوجك على بيتك قولي له نبي ناخذ راحتنا
ولا تتنازلين مهما ضغط عليك
سالفة تمرين عليهم................صيري محترمه شفتيهم في الطريق سلمي وامشي
ولا تنزلين لهم كثير مره في الاسبوع
وأتمنى يكونون طيبين معاكي

الله واكبر عليكم وكأن اهل الزوج اعداء والحياة الزوجية معركة استرتيجية تحتاج تكتيك خاااص فية,

باختصار حبي الناس يحبونك اعتبري ان اهل زوجك اهلك امة امك واختك اختة وهكذا.

__________________
الحمد لله

كلامك 100% صح وانا اوافقك الراي يعني هما مين مش اهل زوجك وعيالك يعني اهلك والواحد سبحان الله يتعامل بحسن نيه وبدون تفكير سلبي وكل شي بعد كدا بهون وبتسهل

لم أندم على شيء حتى الآن الحمد لله
انا سنتين زواج
و مو ساكنة مع بيت اهل زوجي

__________________
.
.

استودعتك أهلي في سوريا يا من لا تضيع ودائعه

انا صارلي اقل من سنة معرسة بس احسه دهر من كثر المشاكل الي نطيح فيها كل يوم كل يوم
اولا انا ندمت على دمعتي الي تطيح على اي سبب وقدام الكل حتى مع اهل زوجي ابكي توبتي ما اعيدها لوشو ما صار
ثانيا ندمانة انه مشاكلي تتجاوز غرفتي لانه بعدين صعب تتصلح
وابا اقول ش........ ندمانة اني حبيت زوجي كل هالحب مب عشان شي بس احس اني اتعذب بحبة وهو عندة عادي بمعنى ياريتني كنت ما ابين حبي ولهفتي ودموعي وكل الكلام الفاضي الي ماله طعم

[QUOTE=ام ارخيم]انا صارلي اقل من سنة معرسة بس احسه دهر من كثر المشاكل الي نطيح فيها كل يوم كل يوم
اولا انا ندمت على دمعتي الي تطيح على اي سبب وقدام الكل حتى مع اهل زوجي ابكي توبتي ما اعيدها لوشو ما صار
ثانيا ندمانة انه مشاكلي تتجاوز غرفتي لانه بعدين صعب تتصلح
وابا اقول ش........ ندمانة اني حبيت زوجي كل هالحب مب عشان شي بس احس اني اتعذب بحبة وهو عندة عادي بمعنى ياريتني كنت ما ابين حبي ولهفتي ودموعي وكل الكلام الفاضي الي ماله طعم]
أنا مثلك بهذا النقطه

__________________