السلام عليكم
عندي خادمة محترمة جدا وكبيرة في السن عمرها 50 سنة ..
واحنا استقدمناها حتى تكون تسوي شغل بيتي القليل وتساعد خادمة اهل زوجي ..

لكن لما جت رفضت انها تشارك ببيت اهل زوجي وصارت طوول الوقت ناشبة بشقتي .. طول الوقت !
انا انسانة اقدر الخصوصية وبصراحة مرة طفشت اني راقب تصرفاتي عشانها .. ابغى اخذ راحتي مع زوجي وبلبس وبكذا

قلت لها انزلي لغرفة الخدم ارتاحي وخوذي قيلولة .. سوتها يومين وبطلت !

الحين قلت مالي الا الصراحة بقولها من اول مايجي مستر للبيت انتي اطلعي لغرفتك ولا تجين لحد ما اناديك ..

فهل هذا شيء لائق؟ والا غلط علي هالشيء ؟

__________________
سبحان الله وبحمده ، سبحان الله العظيم

لا عادي
بس قولي لها لك اوقات محدده هنا
ولا تقولي مستر اخاف تكبر الموضوع وتقول شاكه فيني
شكلها خايفه يكرفونها الي تحت او ما تاقلمت مع الشغاله الثانيه

شكرًا جزيلاً لردك ❤
سبق وقلت لك اني احبك ؟ من الناس اللي اتمنى اني اقابلهم بالحياة الواقعية 💖

__________________
سبحان الله وبحمده ، سبحان الله العظيم

وانا بعد احبك ❤❤❤😍😍 ياحلوك بس الله يجمعنا على خير

عادي خيريها بين الذهاب لغرفتها أو بيت أهل زوجك اللي فهمته انكم ساكنين مع أهل زوجك؟؟

__________________

نعم الغرفة ببيت اهل زوجي وانا ساكنة بشقة مستقلة بنفس الفيلا

__________________
سبحان الله وبحمده ، سبحان الله العظيم

عزيزتي غادة..

هل أوضحتم لها طبيعة عملها والمطلوب منها بالضبط قبل أن تأخذوها من المكتب؟

وبخصوص الغرفة التي تحدثتِ عنها فلم أفهم هذه النقطة .. هل الغرفة التي تقصدينها في شفتكِ أم في بيت أهل زوجكِ؟

__________________


اللهم طِيبَ الأثر .. وحُسْنَ الرحيل.

اول ما اخذتها قلت لها اذا خلصتي شغل بيتي ( لانه قليل جدا) انزلي ساعدي خادمة اهل زوجي لان بيتهم كبير .
ومشت على كذا اول ثلاث شهور تجي عندي تقريبا ثلاث ساعات موزعة على اليوم فقط وكنت جدا مرتاحة ..

بعدها صارت تسوي مشاكل مع خادمة اهل زوجي وجت عندي قالت انا ما ابغى انزل تحت اساعد انا جيت لبيتكم وبس .. كنت حامل ومفوتة موعد ولادتي ونفسيتي زفت فماناقشتها حتى ..

الحين توي استوعب ، انا مايهمني ابدا استغلت عندهم او لا .. انا بس ابغاها تعطيني بعض الخصوصية
زي ماقلت البيت صغير وزوجي صاير مرة رسمي واذا ضحكت معاه او تكلمت قال مو قدام الخدامة !!

ففكرت بهالفكرة واريح راسي !

لاني قلت لها انزلي ارتاحي بغرفتك مافهمت وصارت تشتغل بزيادة يعني تدور الشغل تدوير 😂 تخيلي فككت المكنسة الكهربائية قطعة قطعة يازعم تنظفها وخربتها
الكنب فكت قماشه بتغسله وخربته
اللمبات تفككهم بتمسحهم ويتكسر بعضهم 😂
دورات المياة تغسلها ثلاث مرات باليوم !!

كله من قلة الشغل صارت تلهي نفسها عشان ما اقولها انزلي ساعدي خدامتهم 😅
فقلت مالي الا اقولها ع بلاطة ابغى شوي برايڤسي

__________________
سبحان الله وبحمده ، سبحان الله العظيم

هذا هو لب الموضوع كله يا عزيزتي.

المشكلة أننا نفكر في أنفسنا وراحتنا وخصوصيتنا وكل ما نفتقده ولا نفكر في بنت الناس وخصوصيتها وما تفتقده وما تحتاجه.

تعرفين .. من كم شهر استقدمت سائقة .. وقبل تعيينها طلبت محادثها لمناقشة عملها وتعريفها على أبنائي وما هو مطلوب منها بالضبط.

خلال حديثها أخبرتني أنها عملت سابقاً لدى أسرة فرضت عليها المساعدة في أعمال المنزل بجانب عملها كسائقة باعتبار أن ساعات فراغها طويلة قياساً بعملها في التوصبل .. وقالت لي بالحرف: أنا درايفر مو خدامة!

وإحدى خادماتي السابقات أخبرتني أنها في عملها السابق كانت تخدم في ثلاثة شقق لأخوة يعيشون معاً .. وكانت منزعجة جداً لأنها - كما قالت خادمتكِ - جاءت لتعمل في مكان واحد فقط.

بعضهن ليس لديها مشكلة في كثرة أو قلة العمل بقدر ما أنها تحتاج لاستقرار نفسي وحاجة لمعرفة أنها ليست مستَغَلة.


لذلك أنصح دوماً بالاتصال بالخادمة وهي لا تزال في بلدها وقبل استقدامها .. لشرح تفاصيل عملها بالكامل وما هو مطلوب منها بالضبط .. ومن ذلك إن كانت ستعمل في بيت أو شقة واحدة أو أكثر .. ولها حرية الاختيار.

لكن سياسة الأمر الواقع مزعجة بصراحة.

__________________


اللهم طِيبَ الأثر .. وحُسْنَ الرحيل.

صديقتي مفهمة خدامتهم اذا جا زوجها تروح ملحقهم ومن اول ما يجي تهرب متعودة
لان الرجال رسمي و لا يحب مطلقا وجود الخادمة
هو الافضل من البداية عشان ما تنجرح مشاعرها
،اذا غرفتها فيها وسائل تسلية من تي في و ثلاجة صغيرة قولي لها باسلوب جميل تروح لها اذا جا و الله يعينك