سلام عليكم اخواني الاعضاء والمشرفين رجال ونساء
من زمان اتابع هذا المنتدى الرائع وأسأل الله ان يوفقنا لما يحبه ويرضاه ، انتم مثل اخواني فحبيت استشيركم بموضوعي ، زوجتي عند اهلها وصار لها شهرين وتبغى الطلاق وتقول انا قنعانه منك فطلقني وكرهتك ،،،،،،،،،،، انا متزوج وصارلي 11 سنه وعندي ولد10سنوات وبنتين خمس سنوات واربع سنوات ، وحياتنا كانت مليانه بالحب والتقدير ، طبعا اكثر الناس يعانون من ضغوطات الحياه بسبب بعض الديون والاقساط ، والمهم حياتنا كانت ممتازه ، ولكن طيلة الخمس السنوات الماضيه ، لما يصير بيني وبينها مشكله بسيطه ، كنت اقول لها ياعاطله مايستفاد منك بشي وانتي دهورتيني بالديون، وبعض الاحيان كنت اقول لها بتزوج عليك ، وبعدين اقول والله اتريق عليك ، وايضا يوم من الايام جابت لي هديه عطر ، وبعد 4 ايام صار بيني وبينها مشكله خفيفه وقلت هذا عطرك ماابغى هديه منك ، وايضا يوم من الايام سوت قهوه وجات تسولف معي وماكان مزاجي رايق وقلت يالحريم ماحبكم للثرثره ماني فاضي لك ، طبعا اثاري الآدميه تكبت في قلبها وتكتم ، وطبعا قبل سنه قالت غير غرفت النوم وقلت بعد عشره اشهر تقريبا بغيرها لك والحين انا عندي اقساط وداخل جمعيه وايجار و . و. ومقدر حاليا ، وبالتحديد قبل اربع شهور ايضا قالت غير غرفة النوم قلت بغيرها بشهر 8 قبل رمضان ان شاء الله لان الجمعيه بتنهي بشهر 7 وزادت المشكله بيني وبينها
انك والله تغير غرفة النوم قلت والله مقدر عندي اقساط وقبل رمضان ابشري ، قالت طلقني انا كرهتك وكرهت بيتك ، وطبعا البيت ايجار يالربع عباره عن عماره دورين وانا استاجرت الشقه السفلى ووالله مضبطها صح والعيب في غرفة النوم فقط لانها قديمه وصارت تستحي من اهلها او اهلي اذا جو بسبب انها قديمه ،ومع العلم اهلي بمدينه بعيده ، واهلها قريبنن مني ربع ساعه بالسياره والمهم زي ماقلت زاد الجدال ، واتصلت بسواق اهلها وجاء السائق ووداها عند اهلها ومعها اولادي ، وخليتها اسبوع عند اهلها ، وبعد اسبوع رحت لأهلها اقدم اعتذاري ، وابوها يالله بالخراج اقنعها على اني بغير غرفة النوم ، ورجعت معاي البيت ، وقالت لي انا كرهتك وكرهت البيت ، فطلقني وماابغى اعيش معاك واضلمك ، قلت يابنت الناس تعوذي من الشيطان ولاتنسين العشره اللي بيننا من حب وود وتقدير ، قالت اقسم بالله انا قنعانه منك ، وطبعا وضحت لها بان غرفة النوم فلوسها ماهي وخلاص اصبري ومابقى سوى خمس شهور واشتري لك الغرفه ، وطبعا هي رجعت وهي وجهها متغير وزعلانه ، قلت اسألك بالله شفتي مني شي ، انا لاخنتك لاقدر الله ولاني خاين ولاني حق مخدرات ولاني انسان سيئ وتعرفين معدني ، قالت انا خلاص تحملتك تحملتك ومعاد اقدر اتحمل وخلاص عفتك وكرهتك وكرهت بيتك وخلاص انا قنعانه منك ، قلت عطيني الاسباب قالت تصرفاتك واسلوبك ، انت تقولي ياعاطله ياللي مايستفاد منك ، والهديه ورجعتها بوجهي ، ولاعمرك قلت احبك او سمعتتي كلمه حلوه منك ، انت انسان غامض ماتعلمني بشي ، وجيت سويت قهوه وابغى اسولف معاك وتقول
ياانتم يالحريم ثرثارات ( المهم ياجماعة الخير انا عرفت وتوقعت انها ضغوطات متراكمه وسلبيات بقلبها جعلت هذي الضغوطات المتراكمه تكرهني ، والمهم بعد جلوسها اسبوع وهي زعلانه وتبكي وتقول اقسم بالله كرهتك وطلقني وبعد مرور اسبوع راحت عند اهلها ولها الحين شهرين مادخلت بيتي ، وبعد ان راحت لاهلها ابلغت اخواني الكبار بالموضوع ورحنا عند اهلها وخلاص اتفقنا بكره نشتري غرفة النوم وايضا قالو بنتتا تشتكي من لسانك واسلوبك ، قلت احنا بشر نخطي ومحنا ملائكه وانا اسف ، واعطيتها مبلغ اقل من خمس الارض رضوه لها ، وروحنا من عند اهلها ومشيت انا وهي عند اهلها على اننا بنغير في الروتين شوي وقلت لها بالجوال احنا بنروح المدينه نجلس يومين والاجواء حلوه ، وطبعا اليوم الثاني رحنا المدينه وجالس اتعذر لها واني نادم على كلامي الجارح لك سابقا واني فاتح صفحه جديده وانا شاريك وانتي ام عيالي ، وانا اعتذر منك عن جميع تقصيري وعن جميع غلطاتي وان الاعتذار من شيم الرجال ، قال اقسم بالله سامحتك ، ولكن انا احاول ارجعلك ولكن والله اني قنعانه منك ولكن احاول ارجعلك واحاول اكسر اللشي اللي قلبي عليك ، والمهم بعدين اثناء طريقنا ضحك وسواليف وتحكيلي سواليف ولاكأن فيها شي ، وانا تطمنت ان الوضع رجع ، وتكينا في المدينه يومين واستأجرنا ويازين الجلسات في الحرم النبوي في الساحه الخارجيه للحرم قهوه وشاي ، ويقول لكم لاحياء في الدين ، انا جيتها عالفراش ولاكأن فيها شي ، والمهم رجعنا من المدينه ونزلتها عند اهلها على اننا اليوم الثاني بنشتري غرفة النوم وبترجعلي بيتي ، واليوم الثاني ارسلت لي صورتها بالواتس وهي تبكي ودموع سايله وكأنها في عزاء ، وقالت اتصل بي ، وكلمتها وهي تقول اقسم بالله انا قنعانه منك وكرهتك وكرهت بيتك ، ولاتشتري غرفة النوم ، قلت يابنت الناس استهدي بالله ، وقلت ل8ا انا بآخذك على شيخ يقرأ عليك يمكن فيه عين او حسد او سحر ، وقرأ عليها 3 من الشيوخ في مدن مختلفه وماطلع فيها شي وهي قالت لي انا ماني مريضه انا قنعانه نتيجة الترسبات والضغوطات اللي في قلبي بسببك ، وجالسه تذكر لي السلبيات والله لاتزوج عليك انتي اخس الحريم ، انتي عاطله مايستفاد منك ، انتي اللي سببتي لي هذي الاقساط والديون ، يعني جالسه تتذكر السلبيات القديمه ، وخليته اسبوعين بعد هالحكي وبعدها راسلتها وقلت انا عازمك بمطعم ، وطلعت معاي وهي حزينه وجالس اعتذر وقالت والله اني قنعانه واحاول اكسر الشي اللي في قلبي ، ولكن ماقدرت ، هي تقصد الضغوطات ، والمهم بعد الوجبه غيرنا موقعنا ويدي في يدها وحاضنها وأتأسف لها باني نادم وانتي ام عيالي و ، و ، و يعني كلها اعتذار ، قالت اقسم بالله ماني زعلانه منك ولكن خلاص انا قنعت وابغاك تطلقني ، يمكن لو اعطيتني طلقه واحده ، ينكسر هذا الشي اللي في قلبي من الضغوطات وارجع اشتاق لك ، وقلت مستحيل اطلقك وماهو انا اللي انسى العشره ، والحين دوري انا اللي اتحملك ، والمهم ، حاليا قبل عشره ايام ارسلت لها رساله حلوه و ههههه سوت لي حضر بالواتس وصرت اراسلها رسائل نصيه ، وهي للامانه وشهادة حق هي انسانه محترمه واخلاق وتخاف الله ومحافظه عالصلاه ومتحجبه والحمدلله ،ولكن زعلها زي ماقلت اتضح انها تراكمت وضغوطات متجمعه في قلبها بسببي وقبل 3 ايام ارسلت اختي اللي خطبتها لي قبل 11 سنه وراحت لها اختي وحاولت وحاولت وحاولت فيها والحرمه تبكي ودموع تسيل بأنه كذا وكذا وكذا وجالسه تذكر السلبيات القديمه اللي فيني
ومن ضمن كلامها ذكرت حاجتين اول مره اسمع فيها وهي ، قالت حتى يوم الايام زوجي داخل الغرفه ومقفل الباب ومااسمعه الا يضحك والله اعلم ، والشي الثاني يبغى يبع الارض ، قالت اخني والله اخوي ماهو حق حريم ولاهو حق مخدرات ، انسان في حاله ،وطبعا راحت اختي بدون حل والزوجه لازالت تبكي وتقول خليه يطلقني او بروح المحكمه اطلب خلع ، واختي حكت لي الموضوع ، وانا راست زوجتي رساله نصيه قلت فيها والله ورب القران اذا انا كنت يوم من الايام داخل الغرفه واضحك فأنا مع زملاي بالقروب ويشهد الله على ذلك ، وبخصوص الارض ابغى ابيعها عشان اسدد ديوني ، وياجماعة الخير وصاحب الارض اللي انا اشتريتها منه هو اخوها الكبير ، واتفقت اني ببيع الارض منك وابغى اشتريها منك بعد سنه عشان ابغى اسدد ديوني فوافق اخوها وانا وضحت هذي المعلومه لها بالرساله وايضا اتصلت باخوها وقلت له ضروري تكلم اختك بان سالفة اتصالي بالغرفه اقسم بالله اني كنت مع القروب ولاني خاين ، والارض وضح لها باني ابغى اسدد ديوني وبرجع اشتريها منك بعد سنه وقال اخوها طيب ، وقلت تراني بقطع اتصالاتي ومعاد براسلها بسبب ان تهدأ وتراجع حساباتها لان الطلاق يدور براسها وتفكر الطلاق هو الحل ، وانا مستحيل اطلق الا ان كانت بتروح المحكمه ومستحيل تروح المحكمه لان معدنها طيب ، ولكن انا اتوقع انها ضغوطات متراكمه وبخليها تهدأ ، وحاليا مسويه لي حضر بالواتس ، اخر كلامي ، لما اختي راحت من عندها بعد الروحه اتصلت باختي تتعذر بأنك لاتاخذين في خاطرك ، وانتهت المكالمه ، وحاليا بتركها ولعاد اتصل بها ولاعاد براسلها حتى تهدأ ، فأعطوني نصايحكم ، واقسم بالله انتم مثل اخواني وجميع ماحصل مني نادم عليه وتذكرو احنا بشر نخطي وليس ملائكه ، واللي بيني وبين زوجتي من يوم ماتزوجنا بيني وبينها حب وتقدير وود وانسانه طيبه وتخاف الله ، ولكن انا اعترف اني غلطت بحقها ، ونادم يعلم الله
ملاحظه / مستحيل اطلق ولاطرأ في بالي ، الا كانت راحت المحكمه وتطلب الخلع ومستحيل تروح المحكمه لان معدنها طيب ، وجميع اهلها واخوانها واقفين معاي يبغونها ترجع واهلها كلهم عسل ،
وثانيا /مستحيل ابث اشاعه باني بتزوج عليها ، لاني مستحيل اعمل ذلك ابد ، لاني دائم اقول لها بعد زعلها عند اهلها بأنك حبي الاول والاخير ومستحيل اتزوج عليك او اطلقك ولكن سأظل انتظرك
اخيرا/ ارسلت لها رساله نصيه قبل يومين باني احبك وابغاك ، وانتي حبيي الاول والاخير وانا نادم وسأظل انتظرك حتى ترجعين ، والحين ابغاك تهدأين ،
وخلاص ياجماعة الخير انا قررت معاد اتصل بها ولاعاد اراسلها ابد وكل بعد شهرين بشوف اولادي ولابدخل عند اهلها ابد ، ومصروف اولادي انا ارسله كل شهر ،انا اسف عالاطاله ولكن الشاهد الله انتم مثل اخواني وابغى استشاراتكم رجال ونساء للمتزوجين والموضوع معقد وهي تبغى الطلاق وتقول انا قنعت منك وحتى اهلها حاولو فيها اكثر من مره وهي تبكي ودموع تسيل باني قنعت منه واهلها جميعا زي العسل وواقفين معاي ، ووالله اني نادم ، لاني انا الغلطان واما هي فشهاده لله انها كفو وماعمرها غلطت فيني ، ولكن انا نادم وغلطت بحقها
والله يكتب بما فيه الخير


مستجدات في الرد 69

http://www.66n.com/forums/showpost.p...7&postcount=69



تم الطلاق الرد91


http://66n.com/forums/showpost.php?p...7&postcount=91

مكانه الانسب

ممكن سؤال ؟
ايش تحس وانت كل شوية تقول لها بتزوج بتزوج !؟

جد والله ايش شعورك ؟

ورأيي تحمل واصبر زي ماهي صبرت وترى الحرمة تكبت وتنفجر يوم ويحق لها
لأنها فقدت معاك الأمان

الله يصلح بينكم

الله يكون بعونك .، والحل انت طرحته في موضوعك .. لا تتواصل معها ابد واذا اخذت عيالك وجيت ترجعهم ارسل هديه بدون اي تواصل معها

فكرة الطلاق مسيطره عليها واتوقع زوجتك من النوع اللي صعب تطلع الفكرة من راسه عن طريق اقناع هي بنفسها تطلعها

عندها تراكمات وضغوط نفسيه منك سببت لها جرح وعقده نفسيه...خلها فتره تروق وبعدها خذها لطبيبه نفسيه تفضفض لها وانت لاتدخل معاها..وحاول تغير من اطباعك وتمسك لسانك

مرحباً أخي

رأيي الشخصي

ماني شايف شئ كبير حصل عشان تاخذ منك هذا الموقف الكبير والزعل الكبير وطلاق وما أدري إيش

زوجتك تحتاج لمواجهة من واحد يتكلم معها بالعقل والمنطق

ويسألها ببساطة :
وش يعني يوم زوجك قالك يا عاطلة ..؟؟ خلاص بتموتي وطربق عليك الدنيا وكرهتي الحياة وبتشتتي أبناءك ويمكن كمان تنتحري ..!!

كل هذا ليه ..؟؟ عشان قالك يا عاطله

سبحان الله

كان بإمكانها توقفه عند حده وتقول له .. لا عاد تقول لي كده أنا أزعل

وعلى إفتراض أنه ما تكلمت وكتمت .. جاء الآوان وأنفجرت وطلعت كل إللي بقلبها .. طيب وبعدين .. جاء زوجها وأعتذر مرات كثيرة وعمل وساطات وأرسل ناس ورضوة وغيرها .. وبرضه للآن زعلانه وتحرقها الكلمة .. طيب لمتى ..؟؟ وإيش إللي يرضيها ..؟؟ هل فعلاً لو تطلقت بترتاح وبتحس أنها أنتقمت ..؟؟

وقيس على كلامي السابق جميع ما ذكرت من الهدية أو غرفة النوم أو مزحك معها بالزواج أو غير ذلك .

هل معقول أن يوصل الحال إلى تفكك أسرة وتشتيتت أبناء .. عشان قالي وقلت له ..!!

معظم حياة المتزوجين تحدث بها أمور سواء من أقوال أو أفعال لا ترضي أحد الطرفين .. ولكن حسن العشرة والمحبة والصبر وترجيح المصالح هي من تجعل الحياة بين المتزوجين تستمر ويتجاوزون الكثير من العقبات في حياتهم

عموماً
أعطيتك الحل الأولي من وجهة نظري في بداية الموضوع .. وإذا لم يفيد الحل هذا .. فقد أعطتك زوجتك الحل على أن تعيدها لعصمتك مرة أخرى بعد فترة


والله أعلم

زوجتك ما تحس بالآمان معك فكل شي تسويه يثبت لها انك بتروح وتخليها
خاصة مع تكرارك انك بتتزوج عليها وشعورها بأنك كارهها من خلال تصرفاتك السابقة معها
عدم تغييرك الغرفة لما طلبتك وبيعك للأرض أوحى لها والله أعلم انك بتعرس عليها خلاص
فهي ما تحملت وبتطلع قبل لا تصدمها لأنك لو تزوجت عليها بتنهار ففضلت تتطلق عشان وقع الألم يكون أخف عليها
زوجتك حساسة وكل شي كنت تسوية وتقوله لها كانت تكبته لما خلاص الحين ما عادت تتحمل وفقدت الثقة فيك
وحل مشكلتك بيدك

لا اظن اتخذت هذا القرار الا بعد ان انجرحت كثير
انا ايضا زوجي لا يخون ولا يتعاطى وقايم بواجباته لكن قلبي متحامل عليه بسبب لسانه المتبري منه
وقع الكلمات التي تحط من قدر الواحد وتكرارها اشد من السيف خاصة اذا كانت بمسمع من الاولاد
والزواج يا اخي تزوجو عن جد ولا تظلو تهددو في الوحدة فتفقد الامان
لكن بما انك اعتذرت وحققت مطالبها كان الاولى بها ان تقبل
دعها لبعض الوقت وان شاء الله تلين

للامانة عبارة انتم يا النساء يا حبكم للثرثرة لا تزعل كثير ولا تستاهل انهاتخزنها وتكتمتها

للاسف انتوا الرجال عبالكم لما الحرمة ماترد معناته هي ماعندها احساس هي عطتك بدال الفرصه الف.
وللاسف انا وزوجي نمر نفس قصتكم بالضبط.
والله لو يجيبلي الدنيا على كفه ما ارجعله.
الاسلوب هو الاساس.المال يروح ويجي لكن القلب لما يوصل لمرحلة الكره مافيه شي يغيره.