ياخوي شفيك جالس تضرب في نفسك؟
صح انت غلطت بس تراها ميب غلطه كبيره!! لا انت الي خنت او الي ترجع للبيت سكران او تضربها او تنقص من كرامتها قدام عيالك هي تدلع عليك وعاجبها الوضع انك كل شوي تركض وراها تتأسف. بعدين يا اخي هي تقولك انها ماتبيك، وش تبي بوحده ماتبيك؟ هو هي حرمه كبيره وناضجه؟ اتركها شهر وبعدها اذا تواصلت معك وطلبت انها توجع خير وبركه، وان طلبت الطلاق عطها اسبوع تفكر بالموضوع واذا بعد اسبوع اصرت قلها تعالي للبيت وشيلي عفشك وطلقها طلقه وحده. اذا هي فعلا تحبك او مقدره العشره الي بينكم هالطلقه بتصحيها ان شاء الله. واذا ماصحتها اعرف ان ماعندها استعداد تكمل معك لا علشانك ولا علشان عيالك. اصحى وفقك الله |
ههههه انا احترم وجهة نظرك وعلى راسي ، ولكن لا تقول هي ماتبغاني ، زي ما قالو الاعضاء هي تحبني وماتكرهني ولكن تكره الصفات اللي فيني ، اقسم بالله تبغاني ، ولكن هذا كله زعل في زعل بسببي وقالتها لي بان خاطرها انكسر وقالت انت قللت من قيمتي وقالت انت قللت من قدري وماعندي امان منك ، في اي وقت لتتزوج علي وقالت كل هذا بسببك ولسانك الجارح وهي حساسه وعاطفيه ومن المعروف النساء كلهم مشاعر واحاسيس مو زي احنا الرجال اللي قلوبنا مثل الصخور تتحمل ، انا رجال غلطان وغصبا عني يجب ان اتحمل وأثمن كلامي ، انا غلطت والاعتراف بالحق فضيله والإعتذار من شيم الرجال ، فضروري اتحمل واصبر حتى الله يفرجها ، ولساني يبغى له منشار ، أنا السبب والحين جالس اتندم على غلطاتي ، فياخالد مثل هذي المشاكل يبغى لها طولة بال ههههه انت لو بدالي كان طلقتها وجبت العيد ،، فلاااا وانا اخوك لازم نتحلى بالصبر ولانستعجل ، هي ام عيالي وعندي ولد وبنتين ولاهو انا اللي انكر واجحد العشره الطيبه اللي كانت بيننا ، وأقسم بالله هي تحبني وقبل المشكله بشهرين ونصف كنا في حديقه اسمها حديقة الملك عبدالله ، مافيه الا تريقه وسواليف وضحك وهي متعلقه فيني ، ولكن انا ابصم بالعشره وايديوني الاخوان والاخوات أنه فعلا هذي تراكمات في قلبها وانا السبب والحل يبغى له طولة بال ، فلو كان فعلا هي تبغى الطلاق فليش حضرتها ماراحت المحكمه وتكون عند كلمتها انها بتطلب الخلع ، انا زي ما قلت الموضوع يبغى له طولة بال ولاهو انا اللي انسى العشره الطيبه ، ولكن مسألة اعطيها طلقه فأللف لا ولا ولا ومستحيل اقدم على هذا الشي ، ضروري من طولة البال والصبر الجميل والله لايريكم اي مكروه ، عندي ملحوظه / للامانه فيه فوائد كثيييييره ومعلومات انا استفدتها هنا بالردود من بعض الاخوان والاخوات ، الله يكتب لكم الاجر على الردود الكافيه والوافيه ، ومتابع معاكم حتى ترجع او لاقدر الله خلفيات اخرى ، وعندي احساس كبير سوف تحن وترجع ، والله اعلم
|
ممتاز
الله يلم شملكم عاجلا و ليس اجلا ة لا تنسى تشوف ردي الاول |
زين عرفت اخطائك واسباب زعل زوجتك اشوفها قوية حتى لو بعض الاعضاء هنا اتهموها بدلع
كلمه بتزوج عليك و ياعاطله ما منك فايده مو سهل وحده تسمعها واكيد انت ما خبرتنا بكل شي فيه حلقه مفقوده اشم ريحه زواج مسيار في موضوع ليش مديون وليش تبيع ارض ؟؟ شكلك من نوع المعددين اللي يتزوجو ويخبصو الدنيا ويعفسوها ع الزوجه الاولى واخر شي يجي زعلان عندنا زوجتك مجروحه واكيد لاسباب انت تعرفها المشكله والجرح منك والحل عندك مو عندنا |
ههههه في مثل عندنا بالسعوديه يقول
ليتها بحمولها تقوم ،،، يعني انا مديون بأقساط عاديه مثلي مثل الناس ،، فكيف اتزوج مسيار او غيره ،، وانا اصلا سالفة الزواج من وحده ثانيه ماطرت في بالي ، لان الاولى ماليه عيوني ، فكيف اتزوج عليها ،،، مستحيييييل ،، وابغى ابيع الارض اسدد ديوني ، وبسترد الارض وبشتريها من رحيمي بعد سنه ان شاب الله حسب اتفاقي معاه ، وأقسم بالله لاني متزوج ثانيه ، المسيار ولاغيره ، لكن بصبر وبتحمل ، ،،،،، عندي معلومه حاب اقولها الحين لكم ،،،، الحين اتصلت باخوها الكبير قلت يا اخي انت اخبر جميع العائله لااحد يضغط عليها ويجيب سيرتي أمامها ويقول ارجعي ارجعي ارجعي ، خلوها تهدأ ،،، هههه كفايه اني جبت العيد وغلطت بحقها ، اقسم بالله انا اللي غلطان ، وقال ابشر اكلم جميع العائله معاد نقول لها ارجعي ومعاد نضغط عليها حتى تهدأ |
وانا اعيد واكرر ، والله ثم والله انها تبغاني ومستحيل يكون هذا كله كره او زعل فهو يعتبر هي تكره الصفات اللي فيني
|
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|