صباح الخير اخواني واخواتي عساكم طيبين 💖💖؟
كالعادة ماستغني عن نصايحكم ومشورتكم والله

السالفة كالتالي:
من بعد عملية زوجي وشفاءه وهو انسان ثاني خالص
هادي وبارد بشكل مستفز ، كلامه صار قليل وعازل نفسه
حتى النوم صار عادي ينام بدون ماكون جمبه !!
اموت واعرف وش صاير والله مو زوجي ابد
انا شكيت فالدكتورات معه فالمستشفى (شغلته طبيب)
وقبل يومين جته رسالة من رقم وعلى الاشعارات الخارجية
المهم وتقوله معك فلانه
دكتور .... فينك ماتداوم ان شاء الله انك بخير بس؟
سويت كأني ماشفت الرسالة
رحت الغرفه عادي وبنام وهو لحقني وشفته فتح الرسالة
ومارد عليها ونام
نمت مرتاحة جداً متراجعة عن فكرة الشك
بس وش هالتغير تكفون علموني
يعني فجاه الرجال يصير كذا وش السبب؟
زوجي هذر بثر فرفوش صار ثلججججة وهادي
اذا عالفترة اللي راحت ترا ماصار شي بيننا
كنت قايمه فيه بعد العملية واسهر عليه
واسحب عالجامعه وعيالي ، وكل التركيز عليه
قبل لما يشوفني الم الصغار وابوسهم
يجي علطول يعني بوسيني وسوي لي زيهم
الحين لما اسوي هالحركات ابيه يجي يلف وجهه او يفك جواله

صديقتي تقول
يمكن كاره عياله لانك رجعتي اهتميتي فيهم بعد ماكان ثلاث ارباع وقتك له
😢 وبروده قاعد يزيد
هي دخلت الفكرة ذي براسي بس مو احسه كارهم ، لا احسه متنرفز منهم
لان من فتره ماشالهم ولا باسهم؟

اذا احد يقدر يفسر هالتصرفات علموني تكفون

مكانه الأنسب

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يمكن مرهق او تعبان او متضايق بعد العمليه
الانسان تجيه فترات ينغلق على نفسه
ويرجع لوضعه الطبيعي ان شاءالله

يمكن زوجك يعاني من بداية إكتئاب وهو مايدري ... واضح مشكلة زوجك نفسيه انتي مالك دخل فيها

العملية لوز ترا 😢 تافهة
ولو ان صار مضاعفات بس مايستدعي هالتصرفات

لاااااا😭💔💔
نفس كلام ماما

إقرأي عن كهف الرجل
يمكن يمر بمشكله مع أهله وإلا عمله وإلا صديق وهو خلاص منغلق الان يفكر مع نفسه وبيرجع لكم

كثير رجال فيهم هالطبع يقفلون مدة ويرجعون لا تضغطين عليه ولا تخنقينه بالأسئله والاستفسار ادعي له بس

معقوله مايعلمني ؟؟
هو مايخلي خافية ولا بادية مايعلمني
قسم بالله يهرج وانا فالمطبخ اطبخ ويقرب عند اذني لين ادفه برا 😂😂😭😭😭
الحين هجده موب صاحية

طيب جربتي تسأليه عن سبب التغير ؟؟
بدل ماتجلسي محتاره وتفكري ؟؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

والله تعبني لاسألته يدمع
وانا ماودي اضغط عليه