(خاطب وحفلة الزواج وشهر العسل )
صباح الخييير حبيباتي انا عضوة جديدة ويا رب تفيدوني محتارة ماني عارفة اوافق ولا لا تقدملي واحد من اسبوع وتمت الشوفة وارتحت مراا له بس حاجتين ماني مرتاحة لها قبل الشوفة امه جات لوحدها وجلست مع معانا اخلاق ومحترمة ما عليييه بس اسلوبها قهرني شوية زي مثلا قالت شوفو من الحين الزواج على كيف ولدي محد يتدخل لو يسويه في البر امي قالت اكيد مالنا في المظاهر نبي ولد الحلال بس وكملت ثاني شي شهر عسل الولد ما يقدر عليه من الحين لا تقعدو فوق راسو وبنتك لا تجلس تبكي وتسويلو حركات البنات تتدلع وتبكي امي سئلتها ليه قالت ولدي ما يبي يسفرها من دحين عشان بتكون خجلانة وما راح ينبسطوو بيخليها بعدين لمن يتعودو على بعض وقالت البيت مستقل وباقي الامور تمام وبنتك راح اعتبرها بنتي بعدين قاعدة تطالعة فيني وانا وجهي محمر وخجلانة وقالت فديت الخجولة وقاعدة تتغزل تمنيت الارض تبلعني جلست ابكي من الخجل وراحت بعدها الحمدلله المشكلتين هي
الاولى اسلوبها زعلني انا ما عليا من الزواج بس الا شهر العسل > فيس يبكي كل البنات يروحو خجلانات عادي اصلن احلا شي ليه يخربون فرحتي يعني شهر عسل في البيت
الثانية المهر حنا متعودين مهورنا تكون 50 بس هوا بيعطينا 30 واشوفها ما تسوي شي كلمت بابا قال انتي بكيفك تقبلي ولا لا احلى شي في بابا ما يجبرني على شي
وبيزيد الثالثة انا بيضا مرا وشعري ناعم زوجي لونه غريب كدا اسمر محمر يعني برونزي وشعره وسط وكنت اتمناه زيي عشان اولادنا يطلعو حلوين
هوا وافق وخلاص بقي انا ومدري محتارة وبابا خلاني على راحتي يقول لا تستعجلين وانا حيرانة مدري خايفة اندم يوم لا ينفع الندم
ساعدوني بليز
(تم التعديل ليتناسب مع المضمون)