اختي كيف علاقة امه مع زوجات اولادها؟؟؟*

بره بامه حلو بس بما انه يقول امي و امي و امي فهذا بتتعبين معاه شوي لانه ما يعرف يوازن بين امه و زوجته...

الام لها حق و الزوجه لها حق.... و الزوج الشاطر هو اللي يوازن بين الاثنين....

السالفه مب عصيان لامه او انج تبينه يجحد فيها... السالفه بس انه يتذكر انه بيتزوج و لازم يتعلم يعطي كل ذي حق حقه.... لان واضح من كلامج التعب اللي بييج من ورا (انا ما برضى عليك يا ولدي لو ما سويت هالشي...).....*

يوم بتنام بيتكم.... لاااازم تنامين معهم.... بس نامي و قولي لها ابي احس بحنانج....*

و هذي الام بالذات ما تنادينها عمتي او خالتي... ناديها "يمه او الوالده"....*

طبعا علاقتج فيها لازم تكون عاااال العاااال بس توقعي تدخلات غير مباشره منها في المستقبل....

اختي انظري بنظره ايجابيه ليش التشاؤم

ريلج بار فيه امه ومتعلق فيها هاي مو شي غلط

انا الام صج عيالي صغار بس حتى لو كبروا يبقون صغار بعيوووني

اكسبي امه ولاتدقق على كل حركه

ترا بكره عيالج يعاملونج مثل ماتعاملينها

وترا شي طبيعي تصير غيره بينج وبينها لكن انتي اكسبيها وتغاضي عن الي مايعجبج

ترا انتي الخسرانه اذا كبرتي المشاكل وخليتي امه عدوه لج