انا وزوجي .. والضغط النفسي - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 12-07-2016, 01:28 AM
  #1
Sam_m
عضو جديد
تاريخ التسجيل: May 2016
المشاركات: 42
Sam_m غير متصل  
انا وزوجي .. والضغط النفسي

السلام عليكم ورحمة الله وبركاته ..

اخواني واخواتي .. انا في حيره وهم وتردد و مشاعر متلخبطه ..

انا متزوجه من 6 شهور وحامل .. بحكيلكم من البدايه ، خطبني قريبي وكانت فترة الملكه 7 شهور فيها حب واشتياق يحبني بجنون يجيبلي هدايا يبغى يشوفني بإستمرار ، لو مر كم يوم وماشافني يتنكد ويبكي ، طول الوقت يبغى يكلمني ويسمع صوتي لدرجة مرات احس انه يغار من اهلي اذا جلست معاهم ويغار من صحباتي ، كان هالشيء عاجبني و مبسطني لاني كنت احس بحبه الشديد لي ، وبنفس الوقت مضايقني لانه كان زنان وزعول على اي شيء يزعل كنت احاول اداريه واراضيه واسوي اللي اقدر عليه عشان ابين له اني ادور رضاه بس مايبين في عينه ، بالعكس يشوف اني بارده ومطنشته وما اعطيه بال ، اعطيته من الحب والكلام والزيارات الشيء الكثير بس برضو يشوفني مقصره في حقه وما اعطيته شيء ويشوف انه ماقد قصر معايا بشيء وهو اللي فيه الحب والحنان وانا لا ، صارت مواقف بيننا احترت فيها ليش يتصرف معايا كذا معقوله اللي يحب يسوي كذا ؟ موقف ما انساه .. صباحية زواجنا تكلمنا مكالمه طويله وصار بيننا هواش بسيط انا جلست ابكي قلت ترا اليوم زواجنا الله يخليك لا تسوي كذا .. جلس يقول والله لو الحين زواجنا ماعلي .. يعني ماهمه ابدا بكاي والترجي اللي ترجيته وانه صباحية زواجنا .. حرق قلبي بتصرفه هذا خلاني اخخخاف منه ومن العيشه معاه .. عديت وحاولت ارضيه و تم زواجنا على خير .. في ليلة الدخله حاول معاي وانا مرا خايفه لكن احاولت اتجاوب معاه مهما كان الرجل مايقدر على الامر هذا لوحده اذا مافيه تجاوب لكن لما استصعب عليه الامر قام يصارخ ويعصب اذا سويتي كذا بقوم اطلع واروح بيتنا !!! انا هنا فعلا طار الامان اللي في قلبه له كككيف يتكلم في ليلة الدخله كذا . المفروض يهديني يحتويني مو يتكلم كذا ، صارت بيننا مواقف كثيره يتكلم فيها بأساليب ماتدل على ان هذا الانسان يبغى الزواج بالعكس احسه مو متمسك ابدا فيني رغم انه يحبني حيرني معاه صرت مابين حبي له وخوفي منه .. حنون مرات ويحب يهديني مرار وادري انه متعلق فيني بس ليش يسوي معايا زي كذا !! عجزت افهمه جيته بكل الطرق بس مانفع معاه ، دايم يسيء الظن فيني مستحيل يفكر ياخذ الامور مني بحسن نيه .. مثلا : زارتني اخته قبل فترة واعطتني ظرف فيه مبلغ مال لما راحت من عندي رحت قلت لزوجي شفت الكرت اللي على التسريحه قال ايوا بس مدري ايش فيه قلت اختك اعطتني اياه في مبلغ خذ المبلغ هذا انا مو محتاجته ولو بحتاج شيء بقولك ادري انك مو مقصر معي وبتعطيني ( قلتله هذا الكلام بحكم ان زوجي مو موظف وكان مطفر ) قال لا خليه معاك قلت لا خذه انت والله ماني محتاجته بشيء قال ليش متحسسه ان اختي اعطتك فلوس وكانت نبرته معصب .. يعني انا متصرفه معاه هالتصرف ويسيء النيه فيني كذا .. والله قهر قلبي .. حاولت بعدين افهمه اني قلت كذا عشان اعطيه الفلوس واني ماني بحاجتها والا ابدا انا مو متحسسه من اخته بالعكس .. بس هو بقى على رايه ويشوفني متحسسه كنت متوقعه اكبر في عينه او يجي يقول حبيبتي ادري ماقصدك شيء بس خلي الفلوس معاك .. مشكلته يصر على كلامه مستحيل يتراجع او يبين لي انه غلط او ندم مع ان فيه مواقف عشان يتمسك فيني وفي زواجنا لازم يعتذر او عالاقل يبين انه ندمان .. مثلا مرا صار بيننا خلاف وهو انه يبغاني امشي في السوق عيني عالارض قلتله كيف تكون عيني عالارض صعبه بجلس اطيح او اصكع بالناس رغم اني اكلمه بهدوء وابتسامه قام وعصب ونافخ وقال اذا انتي ماعندك استعداد تخسرين بيتك انا عادي عندي اخسره .. هالكلمه هذي جات على قلبي مثل الصاعقه .. دمرت كل احساس امان جواتي فيه .. ماكنت اببغى ابكي بس بكيت عنده غصب عني بكيت بكيت لين ماحسيت روحي بتطلع .. بعد فتره قلتله تدري انا كل ماجيت بنام اتذكر كلامك لي وينحرق قلبي قال ليش قلت كلامك كان غلط وخطأ .. قام يكابر على خطاه وانه ماقال شيء غلط ابدا وان تصررفي هو اللي حده يقول هالكلام ؟ ايش الخطأ اللي انا سويته ؟ عشان جالسه امشي بالسوق وعيوني تطالع في المحلات بشكل مستقيم ؟ والله العظيم اني بنت ما احب حركات البنات والنظر والتميلح وهذي الاشياء بالعكس احاول وهو جنبي احترمه كرجل يمشي معي بس يشوف العكس اني ما احترمه ابدا واني انسى انه زوجي ومن هالنيه السيئه فيه تجاهي .. مايشوف اي شيء اسويه له بالعكس ينتقدني اكثر ما يمدحني رغم اني دايم اقوله ترا كلامك لما تمدحني يدفعني اسويلك اكثر يعطني طاقه اعطيك اكثر .. بس دايم يشوف اني مقصره معاه وبحقه رغم اني اعطيه من كلام الحب والحركات الرومنسيه والحنان حتى مرات ما اروح لاهلي عشان اقضي وقتي معاه حتى فترة حملي الثلاث الاشهر الاولى كنت متوحمه عليه بقوه بس تحملت وجلست في بيتي واحاول قد ما اقدر اعطيه وما اقصر معان بشيء حتى بالعلاقه .. بس ماكان يعذرني ابدا بالعكس يلومني بإستمرار .. رغم اني عروسه وحملت بسرعه ماشاء الله والمفروض اتدلع زي البنات بس بالعكس من قلقي انه ما اقصر معان بشيء خلاني اعطيه اكثر واكثر عشان مايحس بالفقد مني ..ليت بيّن بعينه بس .. مرات لما اساله انا مقصره معاك بشيء ( من باب حرصي اني ما اقصر معاه ) يقول ماهو انا فلان ولد فلان اللي يحس بالتقصير .. بإختصار ماخذ الامور بكبرياء وتحدي ومو انتي اللي تهينيني وتذليني رغم اني والله العظيم ماني من النوع اللي كذا بالعكس اموت فيه واحترمه واعطيه حقه كرجل زوج محترم ..

مع العلم ان انا عمري 23 وهو 32

انا خلاص طفشت ومليت من الضغط النفسي اللي مسببه لي قلق اني اكون مقصره معاه بشيء وخوف من بعض كلامه مايعطيني الامان ابدا .. طفشت من كثر الانتقادات والاهانات اللي اسمعها منه حياتي معاه صارت ضضضغط نفسي لدرجة اني فكرت انفصل عنه بس ما اقدر احبه مرا وفي بطني بيبي حرام اظلمه ..

الله يخليكم انا بحاجة مشوره لاني ماني عارفه ايش اسوي فقدت الامان معاه جدا ما احس بأمان عايشه بضغط نفسي بس واخاف افقد الحب بعد ..

التعديل الأخير تم بواسطة Sam_m ; 12-07-2016 الساعة 01:34 AM
قديم 12-07-2016, 01:58 AM
  #2
سُلَّمُ ألحَانٍ
عضو مثالي
تاريخ التسجيل: May 2014
المشاركات: 887
سُلَّمُ ألحَانٍ غير متصل  
رد: انا وزوجي .. والضغط النفسي

السلامُ عليكم ,,

أختي الكريمة ,,

أسأل الله أن يربط على قلبك ,,

ذكرتي ان زوجُكِ غير موظف ,, فكيف يصرفُ على نفسهِ وعليكي ؟؟
__________________
و في الريح من تعب الراحلين ,, بقايا
,, جُذَيْلُها المُحَكَّك ,, ماستر في تخصصي علم النفس والخدمة الاجتماعية
قديم 12-07-2016, 02:23 AM
  #3
Sam_m
عضو جديد
تاريخ التسجيل: May 2016
المشاركات: 42
Sam_m غير متصل  
رد: انا وزوجي .. والضغط النفسي

سلم ألحان .. امين يارب

ما ادري والله من وين يجيب الفلوس .. ماقد سألته ابدا .. رغم انه جالس في البيت ماعنده لا تجاره ولا شيء
قديم 12-07-2016, 10:10 AM
  #4
ضيعتني آلعاطفة
عضو مثالي
 الصورة الرمزية ضيعتني آلعاطفة
تاريخ التسجيل: Jul 2014
المشاركات: 731
ضيعتني آلعاطفة غير متصل  
رد: انا وزوجي .. والضغط النفسي

على هالتصرفات توقعت عمره أصغر
تزوجتيه وهو مو موظف ولا ترك بعد الزواج؟
وش الأسباب اللي مخليته مايشتغل؟
لازم تعرفين مصدر الفلوس اللي يجيبها زوجك ليش منتي مهتمه من هالناحية؟؟
بالنسبة لموضوع الفلوس اللي عطتك أخته ماكان المفروض تصرّين عليه ياخذها وبالذات هو مو موظف كان شلتيها عندك إحتياط لاقدر الله إحتجتوا شي أو صار شيء طاريء إلا معكم فلوس
زوجك شخصية حسّاسة والله أعلم إنه خايف يخسرك عشان كذا يكسّر مجاديفك ويحاول يوهمك إنه بايع وإنك ماتعنين له شي كبير
نوعاً ما يحاول مايحسسك بالأمان عشان تتمسكين فيه أكثر
عشان تعيشين معه مرتاحه لاتاخذين كلامه على محمل الجد إسمعي منا وطلعي منا وإذا عاد هالكلام إسكتي ولاتبينين أي ردة فعل وبلاش ترهقين نفسك بكثرة العطاء عشان مايقول مقصرة خليك طبيعية
__________________
وبدأت تحدي إنقاص الوزن الهدف إن شاء الله 55 كيلو
قديم 12-07-2016, 03:16 PM
  #5
Sam_m
عضو جديد
تاريخ التسجيل: May 2016
المشاركات: 42
Sam_m غير متصل  
رد: انا وزوجي .. والضغط النفسي

لا تزوجته وهو مو موظف .. بس كان يقولي لا تتوقعين اني بجلس كذا فاضي بعد الزواج بدون وظيفه بس للحين ماتوظف .

ليش ما أسأله ؟ عشان ما احب احرجه وهو مرا قالي ما احبك تسأليني هالسؤال
قديم 12-07-2016, 03:34 PM
  #6
عبدالعزيز 951
عضو نشيط
تاريخ التسجيل: May 2016
المشاركات: 146
عبدالعزيز 951 غير متصل  
رد: انا وزوجي .. والضغط النفسي

حلوه هذي ،، لازم تعرفي مصدر الفلوس ؟؟ وكيف رجل بلغ ال32 ماعنده وضيفة ؟؟ وش قاعد يسوي طول هالسنوات ؟
اذا توظف راح تنحل نص المشاكل هذي ،، وبعد كم سنه تنحل باقي المشاكل ،، لان الغيرة في بداية الزواج تكون مبالغ فيها وبعدين تخف ،،
قديم 14-07-2016, 01:02 AM
  #7
Sam_m
عضو جديد
تاريخ التسجيل: May 2016
المشاركات: 42
Sam_m غير متصل  
رد: انا وزوجي .. والضغط النفسي

ارجوكم فأنا في حالة غير مستقره ابدا .. ارجو من لديه الخبرة والحكمه انا يدلي بدأيه ..
قديم 14-07-2016, 04:25 PM
  #8
متفائل يا زمن
عضو نشيط
تاريخ التسجيل: Aug 2014
المشاركات: 145
متفائل يا زمن غير متصل  
رد: انا وزوجي .. والضغط النفسي

اختي اسال الله ان يصلح زوجك

من اجل طفلكم حاولي الابتعاد عن القلق والمشاكل وان اضطررتي اطلبي منه ان تكملي بقية ايام حملك عن ادهلك من اجل ان يهتموا بك ودارية وخذي بخاطرة وبعد الولادة شوفي حل لمشاكلك بهدوء وبعيدا عن نفسية الحمل.
قديم 25-07-2016, 07:56 AM
  #9
هدوء حالم
عضو جديد
تاريخ التسجيل: Feb 2016
المشاركات: 8
هدوء حالم غير متصل  
رد: انا وزوجي .. والضغط النفسي

اسمعي الله يحفظك ..
زوجك مكن ياخذ مبالغ من اهله فلا تحرجيه بهالسؤال حتى لو كان من غير اهله رجل ومدبر بيته .
اما من ناحية اخلاقه يكفيك انه غيور عليك صحيح مزودها حبتين بس يحبك ماشاء الله
انتي حيل حساسة طيحو الميانة بينكم وتعاملي مع الامور بدون اسئلة كثيرة حاولي تركزي من هالناحية
اي شي يجيك خذيه ونبسطي وراعيه هو صحيح متنمر عليك بس فيه الخير
لاتفكري بالانفصال والكلام الغير معقول هدي ونفسي ومشي على مايحبه مو لازم تضايقي حالك بالصغيرة والكبيرة مشي مشي والحياة ماشية وربنا يربط على قلبك ويهديه ولابد من المصارحة
جيبي دفتر وحطي خط بالنص واكتبي ايجابيات فلانة وسلبيات فلانة وقوليله اكتب عني ونا بكتب عنك
ومدحييييييييييييييييييييييييييييييييه خليه ينبسط وعطيه سلبياته قليلة بس راح ينتبه وبااذن الله يتغير الحال .. موفقة عزيزتي
قديم 25-07-2016, 07:57 PM
  #10
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: انا وزوجي .. والضغط النفسي

خوفك بصباحية الزواج و على قولتك ماحسيتي بالأمان ومع ذلك استمريتي بالزواج ..
يقولك انه بايع وتبكين وتقولين ماحسيت بالامان وبرضو مستمرة بالزواج ..
ماعنده وظيفة واللي هي اهم مقومات الحياة المستقرة وبرضو ماعندك مشكلة ..
وزيادة ع كذا تقومين تحملين بهالسرعة !!

لا تعليق صراحة
__________________
سبحان الله وبحمده ، سبحان الله العظيم
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:02 PM.


images