السلام عليكم ورحمة الله وبركاته ...

هذي أول مشاركه لي بمنتداكم ... لثقتي بكم ..

بدون مقدماات ...

وبعد :-

خطيبتي جرحتني بكثرة طلبها للطلاق .. يعني إذا اختلفنا في موضوع فجأة ترسلي رساله بطلبها للطلاق .. وبعدها ترجع عاديه ما كأنها طلبت ..

المهم هي على نفس الموااال هذا أي شيء يضايقها تطلب الطلاق فورا .. ثم تتراجع ..

الحين تقريبا لنا ثلاث أسابيع ما نكلم بعض لأني طنشتها دائما تجرحني بطلب الطلاق .. قد أكون مقصر لا أدعي الكمال .. فالكمال لله وحده .. لكن لاتطلب الطلاق إلا عند الحاجه له ..

أنا أحبها وهي كذلك .. لنا تقريبا 8 أشهر متملكين عمري 27 وهي 21 ..


سؤالي للبنات ولا مانع من إجابة الرجال ..:

هل الزوجه جادة في طلبها للطلاق أم لا ؟ ( يعني السبب مشاكل خفيفه لا تستدعي لطلب الطلاق وتحصل في أغلب البيووت كاختلاف الآراء أو سوء الفهم أو عدم فهم ما يقصده الآخر )

أنا طنشتها إلى الآن 3 أسابيع أرسلت رساله الاسبوع الماضي تؤكد طلب الطلاق ؟ ( أشك أنها تستفزني لكي أتصل بها و أترجاها .. )

أرجوا مساعدتي .. وكيفية التعامل معها ..؟ ودمتم .

عموما أنا مادري وش هالحب اللي خلا بعض الناس يتقبل الأهانات،،، ياخي لو مكانك كان طلقتها من أول طلب بلا دلع بلا بطيخ،،،، أجل عند أدنى الدون طلقنني،،،، حبيبي خل قلبك قوي ووقفها عند حدها واللي هذا أوله ينعاف تاليه،،،، اجل لو تزوجتها وش تبي تصير حالتكم!!!


عموما إذا ماعقلت طلقها، وعلى قولت الشامي ترى كل البنات بيشلحوا ماوقفت عليها،،،، يعني اسحب عليها السيفون ودور غيرها وشف لك وحدة تعزك وتحترمك وتقدرك . .

وعليكم السلآم ورحمة الله وبركاته..

¤~أجيبك على سؤالك..بما أنك تقول أنها تحبك..أبدآ ليست جاااااااده..يبدو أن خطيبتك حساسه وأنفعاليه..مع قلة وعي منها بطلب الطلآق أو عدم أدراك حقيقي للكلمه..

شوف وأنا أختك أول شي لآزم يكون فيه حل جذري .بمعني تعرف وأيش سبب الخلآف بينكم دائمآ وتحاول تتفاده.. وكل واحد يفهم الثاني ويتجنب الي يغضبه..ويلبي له مايريد..قدامكم حياه طويله بأذن الله لآزم تكون ركائزها الوعي والتفاهم..

وبخصوص طلب الطلآق بعد ماتتراضون أن شاء الله..أنا أنصحك أنك تكلمها في وقت تكونون مره منسجمين مع بعض وداخلين بحاله رومانسيه..
وتقولها ياغاليه لآعاد تجيبين طاري الطلآق.أنا أحبك ومتمسك فيك..أذا فيه أشياء تضايقك قولي أحلها..بس طاري الطلآق ماتحمله..وتراه كبير.

والله يوووووفقكم ويسعدكم..

اصبر عليها

الاخ تابع الحق انت شكلك ما راح تأسس اسره مستقره بالتفكير ده مع احترامي لك,,,,,,,,, لأن هذه الناقاشات عاديه بين الزوجين وشكله زوجه الاخ ما فاهمه الحياه تمام وكلمه طلقني وانتي طالق مش بالشي الساهل وانتي طالق ما ممكن تطلع في اتفه الامور والا لم يكن هناك اسره مستقره ........ يعني الاخ وزوجته يبون جلسه مصاااااارحه وكل واحد يقول للثاني الشي اللي مو عاجبه فيه علشان كل واحد يتفادى الغلط ......

احترامي للجميع...

__________________




سبحان الله وبحمده ♥
سبحان الله العظيم ♡
♥♡♥♡♥

هل الزوجه جادة في طلبها للطلاق أم لا ؟
لا .. ليست جادة .. و لكن لي رأي في ذلك ..
الرجل يكون عرضة دائما لضغوط الحياة .. اي مشكلة تحدث داخل البيت او خارجه يتصدي لها الرجل .. بالاضافة لمشاكل عمله و مشاكل اهله (ابيه و امه و ربما اخيه ايضا و جيرانه و اقاربه) .. يعني بإختصار هو تحت ضغط هائل .. فلا ينقصه ضغوط زوجته ايضا
لذلك لابد للرجل ان يكون له رد فعل قاسي تجاه طلبها هذا ..
1- يطلب منها ان تخبر ابيها بذلك و ان يطلب ابيها منه هذا الطلب و ان ابيها لو فعل ذلك فستجيب طلبه علي الفور
2- لا يتكلم معها او يأكل معها و يهجرها في الفراش
3- عندما تعود لحالتها العادية مرة اخري .. لا يستجيب لها و يستمر علي الخصام
4- يخبرها انه لا يشعر بالاستقرار معها و انه تراوده افكار شتي للزواج باخري تكون اكثر عقلا و استقرارا
5- اذا اعتذرت و وعدت بعدم العوده لذلك مرة اخري .. يقبل اعتذارها و لكن يتعامل معها بجمود و برود .. حتي تتضايق و تحاول هي ان تكسر جموده بالتودد اليه .. فان فعلت ذلك .. فاعلم انها تعافت من مرض طلب الطلاق ..

أشكر الجميع على ردوودهم واهتمامهم بالموضوووع ؛؛؛

طي وش الحل ؟ والله مقهووور ... لي 3 أسابيع ماكلمتها .. خايف أكلمها وأقول كلمي أبوك إنك طلبتي الطلاق فيقولون السبب مني أنا ...


وأنتوا هل تتوقعون باقي ننفع لبعض دامها هذي أولها .. وإلا كل واحد يشوف نصيبه ..؟

أنا لست عاجز عن الاجابه .. بل إستشاره لعلها تفيدني ..

افعل ما قاله لك الاخ رجل حليم ....
وان شاء الله اهلها ما راح يقولو منك

بس قول لها اذا انتي جاده بأنك تريدي الطلاق كلمي ابوك وانا راح افهمه كل اللي حاصل والموضوع يبقى موضوع رجال .

واللي فيه الخير ربي يسويه

__________________




سبحان الله وبحمده ♥
سبحان الله العظيم ♡
♥♡♥♡♥

أشكرك ..

والله يكتب اللي فيه الخير .

كلام جميل