تجربتي الله لا يعيدها :( - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

إضافة رد
قديم 13-05-2012, 01:21 PM
  #1
rm11
موقوف
تاريخ التسجيل: May 2012
المشاركات: 74
rm11 غير متصل  
تجربتي الله لا يعيدها :(

السلام عليكم ورحمة الله و بركاتة

مريت بتجربة و حاب افضفض و صراحة لقيت الناس هنا ممكن تستفيد من فضفضتي دي لان كثير من الي هنا توهم عرسان ولا مقبلين على الزواج يعني مخطوبين

انا عمري 25 سنه و الحمد لله اعمل في وظيفه حكومية مرموقه جدا و دخلي الشهري فوق ال 10 الاف

بالاضافة الي عائلتي و سمعتها الحمد لله مثل الذهب ماعلينا قاصر

كلمت الوالده مثل اي شاب ابغي وحده تكون حلوة محترمة مؤدبة و و و ومن الصفات الكثير

و ركزت على موضوع انها تكون جميلة

بدات الوالده تدور و تروح و تشوف و مافي مناسبة الا سارت تروحها و جلست قريب سنة تدور و بالاخير جات و قالت لي لقيت لك الي تناسبك

و خطبت لي وحده فيها كل الي ابغاه بس كانت والدتها غير سعودية

قلت يا ولد انا مالي و مال الام اهم شي البنت ناسبتني

سالنا عن العائله و الوضع الامور تمام

توكلت على الله و خطبت و سوينا الفحص

بعد ما بديت اكلم البنت و بحكم اني عمري في حياتي ما كلمت بنت ولا اتعرفت على بنت مع انه مو قاصرني شي لكني كنت محافظ على نفسي لزوجتي و بس ..

اول مشكلة قابلتني هيا موضوع عبايتها و التحرر الزايد فيها يعني العباية من اولها الي اخرها مطرزة و لون العباية رمادي مو اسود

قلت يا باشا مشي اغيرها بعدين مو سبب كبير يخليني اتراجع خصوصا ان كل شي تمام الي الان

لقيت انو يجيها مدرس خصوصي يدرسها في البيت

قلت لها ما ينفع و زعلت من الموضوع هذا و قلت كلها ترم و بحولها انتساب و ارتاح من الموضوع هذا و اعتبرت المدرس مثل الدكتور موجود للحاجه له و اخوها كان يجلس معاها

بدت اتكلم معاها بالتلفون الفترة الاولي كانت تمام بس كانت تسكت كثير بالتلفون

سالت اختي الكبيرة قالت لي البنات عادي كذا تلاقيها مستحيه منك

مشيت الامور لقيت انها ما بترسل لي رسايل ابدا لدرجة ان عدت شهرين و هي ما ترسل لي حتي صباح الخير

مع اني برسل لها يوميا اكثر من 3 رسايل

و كنت دايم اوجد لها العذر

خلال الفترة هذه كانت تقول لي زعلانه مثلا من حاجه معينه في الجامعه ولا اهلها زعلوها

اروح اشتري لها اسكريم من باسكن ولا حلاوة من باتشي ولا اودي لها باقة ورد فيها كروت و فيها كلام يرضيها

كان ما يهون علي زعلها ابدا و انها تكون مبسوطة و سعيده هذا غايه مناي و في الفترة دي بديت ابين لها اعجابي فيها و حب لها و فعلا بديت احبها حب مو طبيعي لدرجة انها سارت ما تفارق خيالي لحظة و حده
حتي و انا بسوق السيارة افكر فيها

كنت موقت جوالي على جدول محاضراتها عشان اتطمن عليها رجعت البيت ولا لا

كنت اصحي من نومي عشان اتطمن عليها بس و اسمع صوتها

اثناء مكالماتي لها سار ان اي مشكلة بيني و بينها الاقي امها متصله علي ياولدي ما بيسير هيك و انت ما ترضي تكون زعلانه و تاخذني بالكلام الي زي العسل تخلايني انحرج منها خصوصا اني من الناس الي انحرج من الكلمة

و مواضيع انا غير موافق عليها ابدا بس و الدتها تحرجني و اوافق بس بالاحراج

مثل موضوع نتف الحواجب !

قلت لها شقري النتف فيه لعن و ما يفرق عن التشقير و و و و

لقيت انها زعلت ولا سارت تكلمني يومين و بعدها امها تكلمني و تقنع في

قلت لها هيا الان في بيت ابوها ولا سارت زوجتي خليها تستاذن من ابوها انا مالي علاقه ما اتحمل ذنبها

استاذنت من ابوها و سوت الي تبغاه مع العلم انها عارفة اني انا مو موافق

كنت اشحن لها اسبوعيا ً ب 150 -200 ريال

و تجي اخر الاسبوع ترسل لي كول مي و كنت اشحن لها بدون لا تكلمني مع العلم اني ما اتكلمت معاها انا ولا دقيقة على حسابها

ولا كنت اسوي لها قلق كنت اشحن لها على طول لان ما بتفرق معاي 200 ولا 300 حتي

جاء وقت الملكة و ملكت عليها وقبل لا املك عليها سالتها 3 مرات باوقت و ظروف مختلفه انتي موافقه قالت ايوة وديت مهر لها 35 الف

بعد الملكة والشبكة سوها اهلها بقاعه متوسطة ( و في الشبكة و ديت لها طقم ذهب ب 8 الاف و عربيتن مو وحده كلفتني 12 الف ) و يوم الملكة وديت لها هدية جوال قيمته 3 الاف و كان يوم ملكتنا يوم عيد ميلادها
رحنا نعشينا في مطعم و خليت المطعم يسوي لها حفله انه يطفي الانوار و يجيب الكيكة الي مسويها بره بس عشانها و المطعم غير الاغنية الي مشغلها خلاها هابي برث داي و دلعتها علي الاخر .

المهم بعد الشبكة
كلمتني على السكن لاني اشتغل في منطقة غير منطقة اهلي

قلت لها بسوي شقة في مكان عملي و باخذ غرفه ببيت الوالد عشان لمن نجي

قالت لا ابغي الشقة هنا و الغرفه في مكان عملك عشان لمن يجو اهلي يزروني و لا صاحباتي يجوني في الشقة هناك محد بيجيني

قلت لها خير اشوف الموضوع

ما اصحي غير ابوها داق علي قال ابغي اقابلك

رحت له قام يكلمني يقول لي كيف تقول للبنت بتسوي لها غرفه بحمام بس !!

قلت يا ابن الحلال غرفه بحمام هنا بس ولا بمكان عملي بسوي شقة كاملة من مجاميعه

قال هاه و فتح فمه قال البنت تقول انك انت تقول لها بتسوي لها بس غرفه و حمام ولا لها حق تطلب شي ثاني !!

بعدها
اتكلمت مع الوالد الله يحفظة الا الوالد اعطاني شقه 4 غرف و قال لي ضبطها من سرميك جديد و بويات و غير الحمامات كلها من سرميك و ادوات صحية و مطبخ جديد يعني من الاخر شقة جديدة

و كلمتها قلت لها ترا بسوي شقتين مو وحده وحده هنا و الثانية بمكان عملي

و الاثنين باثثها اثاث كامل ترا

قالت طيب ابغي افرش معاك كل شي و ابغي اختار كل شي !!

قلت لها ما ينفع تفرشي كل شي و تختاري كل شي ممكن اخليكي تختاري غرفه النوم و الصاله

ممكن تسوي شي معين لكن كل شي صعبه

ما الاقي غير امها داقه علي تقول ليش ما تخليها تفرش

قلت لها انا بفرش شقتي و اهلي بيساعدوني

قالت طيب في موضوع ثاني ابغي اكلمك عليه قلت تفضلي

قامت تتكلم على الذهب !!

قالت لي الطقم خفيف و انا استحيت اوريه عمات البنت هذا ذهب انت تحطه على زوجتك !!!!

انا حسيت راسي راح ينفجر

قلت لها انتي من جدك تتكلمي !!

اصلا الذهب مره نار و كون الطقم خفيف مو ذنبي انا لي بسعر الطقم مشتريه ب 8 الاف و مودي معاه اغراض ب 12 الف

يعني اذا وديت بس طقم ب 20 و ما وديت شي جنبه تكلموا و قالوا عيب عليه

و بعدين المتعارف عليه في منطقتي الاطقم للشكبة هذه اسعارها

المهم و اعصب على الام و اقفل منها زعلان شوي تدق البنت تزعق بالتلفون و تقول لي انت كيف تعلي صوتك على امي

و الاقي نفسي بازعق عليها هي كمان انه كيف تعلي صوتها علي اساسا ً

و انا بصرخ ما الاقي الا الوالده قدامي في الغرفة تقول لي خير ايش ساير

قلت لها الموضوع الوالده قالت تكلمت معاك في ذهب !!!! و حطت يدها على راسها

قلت و الله مدري عنهم يعني ايش تبغي مني اسوي لها

المهم و الله و الوالده تكلم ام البنت تفهم منها و تفهمها اننا ما قصرنا ولا بشي بالعكس الشي الي جبناه زيادة

و الي يضحك انها تقول لامي لون الزينه مو حلو تبع الاغراض !

و العروسة هي الي مختارة اللون هذاك بنفسها

المهم ثاني يوم كلمني ابوها قلت له خير قال تعال ابغاك بموضوع

رحت له و جلس يقول لي ليه تزعق على خالتك الا قلت له الموضوع لمن عرف انها تكلمت بالذهب و الفلوس وجهه راح و سار الوان

و بداء يقول لي هي ما تقصد و انا لاني معود بناتي ان ما عليهم قاصر و بداء يكذب الابو

يقول لي انا سويت الشبكة ب مبلغ و البنت تقول لي مبلغ ثاني و قال لي اشتريت فستانها ب 10 الاف و البنت قايله لي ب 5 الاف

المهم قلت له انا ما يهمني ايش دفعت ولا ايش سويت يا ابن الحلال

لكن الي سار مردود عليكم شوي و تجي خطيبتي و تجلس رجل على رجل و مسوي زعلانه و قامت تعلي صوتها قدام ابوها

قلت لابوها عاجبك هذا كله !

قال لا مو عاجبني و جلس يزعق عليها

الا لفيت على عمي و قلت يا ابن الحلال وحده ما تحترم زوجها ترا ما تلزمني ولا ابغاها

و الله و اقوم و اخرج من عندهم و انا مقفله معاي

شوي و امها تدق تقول خلاص و ما يسير و معليش و الاب دق يعتذر و البنت دقت علي و قالت لي تعال البيت الله يخليك

قلت اوكي و الله و اروح عندها و اجلس معاها للصباح اعتذرت و انا اعتذرت لها و انتهي الموضوع

و فهمت ان عند امها عادي يتكلموا في الاشياء هذه

والله و يعدي اسبوع و تكلمني تقول لي الدبله كبيرة على صباعي

قلت لها اوكي روحي غيرها في اي محل ذهب و فرق السعر انا اتحمله

قالت طيب شوي ابوها داق علي يقول لي كيف تقول للبنت بيعي ذهبك !!!

قلت له ما قلت لها بيعي ذهبك قلت لها الدبله ذهب روحي للمحل يشتريها منك و خذي الي مقاسك خصوصا اني بره المنطقة ولا كان جيت بنفسي وديتها

قال لا تجيب لها دبله ثانيه مقاسها !

قلت ابشر بعزك لو تبغي 10 دبل ما اخرتها عنها بس ترا الموضوع مو زي ما انت فاهم

و انزل لهم الاربعاء و اخذها هي و امها و خلوني الف اسواق البلد كلها على دبله في الاخير قالوا يبغوا دبله تفصيل !

قلت ترا مني فاضي اروح و اجي كثير خلاص تاخذ من الموجود الا امها دخلت اول محل بعد الكلمة دي و طقت لي دبله توينز ب 1000 ريال

ما تكلمت ولا كلمة دفعت و قلت لها الف مبروك و ملبوس العافية و اول ما ركبت السيارة لبستها هيا و سلمت على يدها

لمن وصلنا بيتهم تعشينا و بعد العشاء طلبت البنت لحالنا و جلست اكلمها بموضوع مزعلني منها

البنت اكلمها الظهر تقول لي ابغي انام اقول لها اوكي اصحي المغرب اكلمها تقول لي لسي ما نمت من الظهر !!

طيب دام عندك قدره تجلسي صاحية ليه ما تتكلمي معايا ولو 10 دقايق

تقول لي انا ما عندي استعداد اجلس صاحية عشان اي احد بس ماما غير ماما مستحيل

قلت لها انا اي احد !

و اجلس بعدها ساعتين اكلمها ولا ردت ولا كلمة و تطالع لي في السقف و مره بالارض

قلت لها جيبي لي مويه لاني بديت اتعصب

راحت جابت المويه و هي داخله الغرفة كانت تضحك فجاءه قلبت زعلانه !

جلست اقول لها معليش اذا اتعصبت بس انتي ليه ما تردي و خذ من الكلام الي يطيب الخاطر

و الا هذه ما ترد شوي اقول لها انا زعلان بطلع و انا زعلان و لا يهمها ولا ترد علي

تخيلوا الين ما وقفت عند باب البيت قلت لها انا خارج و انا جدا زعلان

تطل فيا بدون ولا كلمة

بس و الله و ارجع البيت و انا ضايقه فيني الوسيعه اقول ياليتني ما نزلت ولا رحت لها من الاساس

و اصحي ثاني يوم و اكلم الوالده قلت انا ما اقدر استحمل برود و تدخل من اهلها زي كذا خصوصا ان امها كانت تتدخل في كل شي و لمن اعصب على الام البنت تسوي زعلانه


انا بعد ما اكلم الوالدة الوالدة قالت لي الحق و الله معاك بس يا ولدي قبل لا ننهي الامور خليني اكلم امها تعقلها

و الله و الولده تكلم امها قدامي و امها تقول لها ابشري حكلمها

و الله و بعد ساعه زمان تتصل خطيبتي على الوالده و تقول لها انا في شي مضايقني من ولدك

الا تقول لها هو هداك اليوم يقول ما يبغاني خلاص حتي انا ما ابغاه !!

الوالده قالت لها يا بنتي امك تعرف الكلام دا قالت لا قالت لها اعطيها الجوال الي تكلميني منو زي ما انتي

و الله و الام تكلم امي و تقول لها خلاص زي ما تبغي البنت

الا الوالده قالت لهم على راحتكم

و الله واكلم ابوها قلت له البنت تقول ما تبغي تكمل قال لي خلاص هيا الدنيا قسمه و نصيب !!

يبوية و ين الي قبل 4 ايام مكلمني يقول لي تكفي لا تفكر في الخراب و الانفصال و الان يقول لي ببرود خلاص مافي نصيب

قلت له تم ابشر بعزك

الله لا يهينك بنتك الي ما تبغي تكمل ابغي اغراضي و مهري و تجيك و رقتها

قال خلاص خير ان شاء الله

و الله و ينقطع بين و بينهم الكلام اسبوع و اكلم ابو البنت قلت له اليوم امرك اخذ اغراض الشبكة و الهدايا

قال اوكي و الله و اخذ اغراضي و بقينا على المهر

كلمته قام يزعق بالتلفون يقول لي مالك عندي مهر انا خسران شبكة و مدري ايش

مع العلم اني شايل الفرح كامل و قلت له سوي شبكة لو تحب بالبيت ترا ما فرقت معاي انا الفرح بسوية في افخم قاعه كامل

لاني شفت وضعه المادي تعبان و عليه حكم من محكمه بمبلغ و وضعه مزري الله يرفع عنه

و اتركهم شهر

بعد الشهر كلمت البنت بالرسايل قلت افهم منها قبل لا اطلقها لان اخر مكالمه كانت مع امي

و انا مني مقتنع ان السبب بس اني قلت لها ما ابغاكي لانها علت صوتها لاننا اتصالحنا و مشت الامور

بس كنت ابغي اتاكد من السبب و من تفاهتها

و الله و اكلمها و قالت لي ايوة دا هو السبب قلت لها خير ان شاء الله

و الله و اسبوع زمان يكلموني بالمحكمة رافعه قضيه تطلب فيها الخلع !!

المشكلة مالي و مال المحاكم بس اهلها و عمانها قضاياهم مرة كثير

و الله و اكلم الوالد الا الوالد قال لي روح المحكمة ولا يهمك و الله و اروح و اخذ المهر مع اني تنازلت عن هدايا و خساير لي ما رجعت قريب 20 الف اخرها تذكره ب 7 الاف لاروبا كنت موديها شهر العسل هناك

و الله وا خذ المهر و اوقع لها في المحكمة

احس اني كنت في قمة فرحي فجاءه اتحول لطلاق و محكمة و هذا و انا ما قصرت ولا في شي

يعلم الله اني حبيتها حب ما تشوف ربعه من غيري و دللتها دلال

و كل عيبوها كنت احسسها انها مميزات فيها عشان لا تتضايق منها

تخيلوا في زفتي تركتني بالكوشة لوحدي و راحت لصحباتها ترقص معاهم لدرجة اني طلعت الجوال

امها بعد الملكة تقول لي خلاص الان انت سرت ملك لنا !!

تخيلوا مشاكل بسيطة بيني و بينها امها تكلمني شوي ابوها يكلمني و مرة اخوها

حقيقي ندمان على الوقت و الجهد الي راحو مني

و احس على قد ما كنت متعلق فيها على قد ما انها مي فارقة معايا الان

و احيانا تجيني اوقات احن لذكريات معينه معاها

لكني مستغرب من تفكير العائلة هذه مع كثرت تنازلاتي و كثرة ما اتعامل معهم بجنتله

خربوا على بنتهم كثير

بعد الانفصال امها ترسل لي انت ما تستاهل الحب و الاحترام !!

ولا رديت عليها

حقيقي احس اني متضايق من التجربة دي علما بان البنت عمرها 20 سنه

حبيت اشارككم و افضفض

صراحه هي فضفضه اكثر من مشاركة

لاني مرة طولت ومرة اتكلمت كثير بس اخرج الي فيني

و الله يكتب لي الزوجه الصالحه الي تقدرني و تقدر الي بسويه لها

التعديل الأخير تم بواسطة om abdlah ; 14-05-2012 الساعة 04:18 AM السبب: حذف الجنسيه
رد مع اقتباس
قديم 13-05-2012, 01:42 PM
  #2
بنت اطيب انسان
موقوف
تاريخ التسجيل: Nov 2011
المشاركات: 257
بنت اطيب انسان غير متصل  
رد : تجربتي الله لا يعيدها :(

اول ماقرقيت قصتك صدقت مقولة ان البنت القوية الغثة وقليلة الادب وطلباتها كثيرة وبجيحة تنحب وتدلع او يمكن الجمال السبب ابسوي دراسة للموضوع

هذولا العائلة يتطبق عليهم
اذا اكرمت الكريم ملكتة واذت اكرمت اللئيم تمردا

شافوك طيب وتتنازل واستغلوك اساساً انت المفروض ماتسمح لاحد يتجاوز الخطوط الحمرا سواء هم او غيرهم
عموماً الحمدلله اللي فكك منهم والا كان راح تستمر طول عمرك بمشاكل معهم
اللي خلقها خلق الف غيرها واجمل منها اخلاق وخلق

الله يعوضك ويعوضها
رد مع اقتباس
قديم 13-05-2012, 02:06 PM
  #3
ياربي رضاك
عضو مثالي
 الصورة الرمزية ياربي رضاك
تاريخ التسجيل: Jul 2011
المشاركات: 128
ياربي رضاك غير متصل  
رد : تجربتي الله لا يعيدها :(

لا حول ولا قوة الا بالله.
الخساير تتعوض ان شاء الله والحمدلله ربي فكك منهم
الله يعوضك بافضل منها جمال وخلق ودين
وخليك وسط خير الامور اوسطها في المرة القادمة.
رد مع اقتباس
قديم 13-05-2012, 02:15 PM
  #4
طالب زواج1
عضو نشيط
 الصورة الرمزية طالب زواج1
تاريخ التسجيل: Dec 2011
المشاركات: 150
طالب زواج1 غير متصل  
رد : تجربتي الله لا يعيدها :(

حبيبي دور ع ناس واعيه وفاهمه يراعونك
اقسم بالله دللتها اخر دلال وامها وابوها ناشبيلك يبون يفلسووووووونك
كويس انك خرجت نفسك بدري
والله بتحصل اللي بتسعدك احسن وافضل منها ولعلها خيره والخيره فيما اختاره الله .
رد مع اقتباس
قديم 13-05-2012, 02:40 PM
  #5
L0o0Ve
موقوف
تاريخ التسجيل: Dec 2011
المشاركات: 695
L0o0Ve غير متصل  
رد : تجربتي الله لا يعيدها :(

انا صراحة خذتها قاعده البنت اللي عايشه بفقر ويجيها واحد يدلعها تركب على ضهره
بس بنت العز غير صدقني
وانت باين ماشالله عندك خير وابوك عنده خير ومتزوج من عند ناس الله يفرجها عليهم حالتهم حاله وطمعوا فيك
شي طبيعي انا يوم طلقت رجعوا المهر ناقص خمس الاف والهدايا كانك شفتها فاانا ماشفتها بحوالي 3000
وفوق كذا كنت احبها يمكن اكثر من حبك لزوجتك ولاكن ماقدرت والبنات على قفى من يشيل ليه ارتبط مع وحده ماتقدرني
وماهمها الا الهدايا
زواج زي كذا محكوم عليه بالفشل

الله يرزقك وحده تسعدك وتروف بك وتصرف عليك ويجيكم ولد تسمونه هريدي
رد مع اقتباس
قديم 13-05-2012, 03:17 PM
  #6
jomana3
عضو مميز
تاريخ التسجيل: Apr 2012
المشاركات: 512
jomana3 غير متصل  
رد : تجربتي الله لا يعيدها :(

اقتباس:
المشاركة الأصلية كتبت بواسطة L0o0Ve مشاهدة المشاركة

انا صراحة خذتها قاعده البنت اللي عايشه بفقر ويجيها واحد يدلعها تركب على ضهره
بس بنت العز غير صدقني


الله يرزقك وحده تسعدك وتروف بك وتصرف عليك ويجيكم ولد تسمونه هريدي


كلامك صحيح وواقعي
بنت العز غالباً عينها مليانة

لذلك دائماً أنادي بالتكافىء بين الزوجين في كل شيء

رد مع اقتباس
قديم 13-05-2012, 03:20 PM
  #7
rm11
موقوف
تاريخ التسجيل: May 2012
المشاركات: 74
rm11 غير متصل  
رد : تجربتي الله لا يعيدها :(

الحمد لله على كل حال

انا من الشباب الي اعشق الضحك و الفله الخرجه مع الشباب

صدقوني من بعد ما خطبتها بشهر اصحابي و الشباب يقولوا لي انت منت طبيعي

سرت ما اضحك سرت قليل الطلعه معاهم

احس اني حياتي سارت كئيبه كلها تفكير و مشاكل حتي في العمل سرت من السيارة لمكتبي و من مكتبي للسيارة

ما اكلم احد حتي ان كانو جايبين فطاير و حاجات زي كدا و الموظفين متجمعين كنت ما اروح معاهم

و الله العظيم احس بعد ما فكيت منهم اني رجعت مثل اول اضحك و مبسوط

احس حياتي رجع لها طعم

سرت العب مع اولاد اخواني الصغار لاني اكثر عم و خال يحبونه لاني العب معاهم و اوديهم البقالة و زي كدا

كنت في الفتره الي كنت خاطب فيها يجوا يجرو يبغوني احضنهم الاقي نفسي باحضنهم ومالي خلق غلبه الصغار

وربي تعبتني مع اني كنت معطيها كل شي

و البنت نفسها يعلم الله اني ما قصرت عليها بشي

حتي اخر كلام بيني و بينها سالتها انا قصرت في شي

قالت لا بس انت تقول لي ما ابغاكي ودا السبب الي خلانا نوصل للمرحله دي !!!!

اعطيتها كل الحب الي في قلبي تخيلوا يا عالم ما عمري سويت اي علاقة بره مع انه و الله العظيم اتصالات تجي لحدي و بنات تعرض نفسها علي عرض و شباب اليومين دي كل واحد مو مخلي على قلبو شي

ولا سويت شي بس عشان زوجتي هيا الوحيده الي تسحتق دا كلو

من الاشياء الي ما قلت عليها

تخيلوا اكلمها فرحان اقول لها اشتريت تذاكر شهر العسل

تقول لي طيب ماما تبغي تجي معانا !!!

تخيلوا الرد الفله دا

يعني ما في شكرا مافي الله يتتم لنا مافي اي رده فعل تفرح القلب

قلت لها الله يحيها ايش ارد عليها

شوي قالت لا خلاص اخوي يبغي يسافر معانا !

قلت لها براحته انا بعطيه اسماء الفنادق و اوقات السفر اذا حب يضبط وضعه

بس حطي ببالك ترا انا طالع شهر عسل معاكي يعني اخوكي يقابلنا هناك كم مره بس مو معانا طول الوقت

لان صراحه بشهر العسل الواحد بيتكلم مع زوجته براحته

قالت اوك

احمد ربي و اشكر فضله و الله تعبتني

اوديها مطعم فدركرز في سلطة انا مرة احبها في المطعم هذا لدرجة ان كل اسبوع لازم اروح له مرتين اقل شي

و اطلب السلطة و اجي اكلها بيدي الا تقول لي انا ما احب السلطات !!

يا بنتي طيب عشاني دوقي بس

ولا رضيت تاكل ولا لقمة لانها هي ما تحب السلطة

تخيلوا بالله شعوري هذاك الوقت

4 شهور حطمتني فيها

منها لله

التعديل الأخير تم بواسطة rm11 ; 13-05-2012 الساعة 03:29 PM
رد مع اقتباس
قديم 13-05-2012, 03:29 PM
  #8
نيوتيلا
قلم مبدع
تاريخ التسجيل: Dec 2011
المشاركات: 617
نيوتيلا غير متصل  
رد : تجربتي الله لا يعيدها :(

الله يعوضك خير
للاسف الاسرة نظرتها مادية بحتة ويمكن البنت الله يصلحها ويهديها انغرت بجمالها
وحسيت الاب متشتت مرة يوقف مع الحق وياك
ومرة يرضخ لتحريضات زوجته وبنته

انت حاول تطوي هالصفحة بحلوها ومرها وانظر الى الجانب الممتلئ انك ماكملت معاها
وبتلاقي بنت الحلال اللي تسعدك وتكون مطيعة لك باذن الله وربي يعوضك خير ويهدي طليقتك ويعوضها خير
رد مع اقتباس
قديم 13-05-2012, 03:38 PM
  #9
زهـرة الـرمـان
قلب المنتدى النابض
 الصورة الرمزية زهـرة الـرمـان
تاريخ التسجيل: Jul 2011
المشاركات: 3,048
زهـرة الـرمـان غير متصل  
رد : تجربتي الله لا يعيدها :(

حسبي الله ونعم الوكيل
يلا الحمدلله خيره وربنا فكك منهم بالخير والمعرووف ..
وان شاءلله ربنا يعووضك كل خير ويعوضك بالبنت يللي من جد تستاهلك وتستاهل طيبة قلبك ..
__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟
رد مع اقتباس
قديم 13-05-2012, 03:38 PM
  #10
rm11
موقوف
تاريخ التسجيل: May 2012
المشاركات: 74
rm11 غير متصل  
رد : تجربتي الله لا يعيدها :(

انا مو قاهرني الا ابوها

ابوها عنده ظرف صحي يخليه ما يقدر يروح و يجي براحته

و امها هيا الي ممشية البيت كلو

كلمتها هيا الي ماشية

و هذا من الاسباب الرئيسية ان البنت تحاول تمشي كلامها

فهمتها اكثر من مره انا طيب مني ضعيف

يعني كلامي يمشي و البيت انا الكبير فيه

طيبتي دلعي لك هذا من حبي لك

و فعلا ً انا غلطت اني حسستها انها ملكة جمال الكون الي مافي قبلها ولا بعدها بالنسبة لي

كنت احسب ان الشي هذا يفرحها

و هي و صلت لمرحلة توقعت انها لمن تقول لي ما ابغاك اني بموت و اجي اترجاها

ما درت اني ادور الفكه و الحمد لله الي جات منها اقلها الواحد يقدر يطالب بحقوقه

و جاني خبر انها انصدمت لمن عرفت اني طلقتها

يعني انتي رافعه قضيه بالمحكمة و تقولي ما ابغاك و لمن اطلقها تنصدم !!

لا و امها مرسله لي تقول ما تستاهل الحب و الاحترام !!

يعني ايش المطلوب مني مثلا بظروف زي هذه ؟

ولا ايش كانت تتوقع ,,

عموما انا ايقنت تماما ً ان الجمال بدون اخلاق ما يسوي شي

انا حتي شرط الجمال اتنازلت عنه يعني الان اهم شي عندي العائلة و انهم سعودين اب و ام

مع احترامي لجميع من هم غير سعودين بس حقيقي توبه

و شكرا لكل من رد

حقيقي الفضفضه تريح الواحد
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:50 AM.


images