لا ان شاء الله ميمو مارح تتغير معاملتي له بإذن الله ...

مهره عزيزتي للحين اصلا ماوزعوا ولا شي وكلها طرطشة كلام ... وانا احاول ماسمع كثير ولا اتدخل حتى اذا اختي حكت لي ايش صار ماحاول اني افهم .. زوجي دابما يقول لا تسكتين عن حقك خلينا نمتع عيالنا فيها ... اللي فهمت من كلامهم انهم مقهورين من اخواني قاعدين يتصرفون قبل مايتم التوزيع .. مهره قصدك عاملين لزوجي توكيلات ؟؟ لا مو عاملين شي ... وايش يعني ممثل الورثه مافهمت ..

مسك ... عمي ماشاء الله مرتاح ماديا اللي هو أبوه فليش حاطط عينه علي !؟

__________________
-

فأجبر خَاطري .. بفيّض نعَمك ❤ ....

لا مب زوجج.

زوجج ماله علاقة بكل هالقصة.



ممثل الورثة هو اللي يمثّل الورثة ويتكلم باسمهم في المحكمة والجهات الرسمية .. ويكتسب صلاحيته من خلال توكيلات يعملها له كل واحد من الورثة.


يعني تتفقون إنتي وإخوانج على اختيار واحد منكم ـ الأفضل يكون الأكثر تفرغاً وقدرة وطول بال (طبعاً مسألة الأمانة مفروغ منها) ـ وتعملون له توكيلات لإنهاء إجراءات حصر التركة وتوزيع الميراث.

لكن تتفقون إن قبل أي إجراء أو تصرف يعطيكم به خبر وياخذ موافقتكم جميعاً.


طبعاً ما أعرف هل هو إجراء إلزامي أو فقط اختياري .. لكن من باب تسهيل الأمور .. وحركة شخص واحد يروح ويجي أسهل من مجموعة يمكن يكون واحد منهم فاضي وواحد لا.

وأنا وأخواني عاملين لأخوي توكيل عشان يباشر هالأمور.
.
.
.
بخصوص تصرف إخوانج قبل ما يتم التوزيع .. فماله داعي تعملين نفسج مب فاهمة أو مب مهتمة .. اسألي أمج إذا فعلاً في شي يصير .. ومب شرط يكون من باب التشكيك .. لكن كلكم الحين ـ إنتي وإخوانج وخواتج ـ من حقكم تعرفون.



أما زوجج .. فكثّر خيره نبهج إنج المفروض ما تسكتين عن حقج .. وهذا صحيح .. لكن خلاص دوره ينتهي بعد النصيحة .. وإنتي حرة تتصرفين مع إخوانج بالطريقة اللي تشوفينها مناسبة.

__________________


اللهم طِيبَ الأثر .. وحُسْنَ الرحيل.

اختي انا قلت الله اعلم.. يمكن فاتني شي من الموضوع لاني ما شفت كل الردود.. بس بنيت كلامي على نقطتين:
حسابك بالبنك والكرت الي معاه وطلب منك الرقم السري..

وكلامه انو يشتري بيت ويكون على اسمكم الاثنين وتاجيره للاستفادة ،، وجوابه، عيب الأملاك باسم الحرمة..

انتي ادرى بزوجك طبعا.. ومادام ابوه ميسور وزوجك ماله اي رغبة في الاستفادة من ورثك.. ليش ما ياخذ مبلغ من ابوه، يشتري بيت باسمكم الاثنين، وتستفيدو من التأجير..

مهره ايه فهمت عليك الحين ... شوفي اخواني مو متفقين ابدا كل ماخترنا واحد يعترض الثاني ... رجع عمي الاصغر قال اجلوه لبعد العيد .. وشكله مارح يتفقوا بالاساس .. اخواني يقولون بيسوون مشاريع وبعد مايتم التوزيع اذا بغينا ندخل معهم عادي .. مهره انا مو فاهمه بالسوالف هذي عشان كذا ماعرف ايش اقولهم او احاول اتدخل بينهم ... ان شاء الله اذا رجعت عندهم بسألها وبفهم كل شي ... شكراا لك عزيزتي ...

مسك الليل . . تفكيرك نفس تفكيري على حساب بالبنك والباقي ... بس اقول احط ثقتي فيه بالاول واشوف وين بيوصل ...

بخصوص ياخذ من ابوه فهذي سالفه طويله ... زوجي وابوه كانو بمشاكل كثيره من لما كان صغير ... وابوه طرده من البيت لما كان يدرس في اول ثانوي... وزوجي كمل دراسته وسكن عندنا في البيت ... وابوي الله يرحمه شغله معاه .. واول راتب نزل له راح عطاه لابوه وكل شهر كذا وبعد تقريبا سنه او اقل رجع بيتهم .. ومن يومها ماياخذ من ابوه ريال ... لا سلف ولا غيره ... الحين راتب زوجي 4000 يادوب يكفينا لاخر شهر وهو مصمم انه ماياخذ من ابوه ولا شي ... حتى الحين قضينا شهر رمضان عندهم برغبة ابوه وزوجي شارط ان يدفع مصاريفنا كامله ...

ابوه كثير يعرض عليه مساعدتنا حتو لو دين بس رافض تماما .

__________________
-

فأجبر خَاطري .. بفيّض نعَمك ❤ ....

سمورة..

أنا شخصياً ما أشك في زوجج .. ولا أعتقد إن عينه على ورثج.

غالب ظني إنه مستصغر سنج .. يعني شايف إنج صغيرة وفي أمور يمكن ما تفهمينها فما تقدرين تناقشين أخوانج فيها .. ويمكن شايف إنه هو الأقدر على هالشي.


وفي النهاية بينكم سنوات زواج مب قليلة .. وأكيد تعرفين معدنه في مثل هالأمور.


لكن في كل الأحوال .. ما دام شايف إنج المفروض ما تسكتين عن حقج مع إخوانج .. فالمفترض إنه يتوقع إنج ما بتسكتين عن حقج معاه .. بالتالي ناقشيه في جزئية عدم التسجيل باسمج .. لأنها في الحقيقة مزعجة بالفعل.

ومثل ما الحق ما ينزعل منه مع إخوانج فما ينزعل منه معاه هو بعد.

__________________


اللهم طِيبَ الأثر .. وحُسْنَ الرحيل.

مهره انا ماكنت اشك فيه ابدا .. بس تصرفاته وطريقة كلامه خلاني اشك ... هو يحب الفلوس يحب الوناسه دايما يقول لو ربي بس يرزقني كان ماخليت شي بخاطري ... فقلت يمكن انه منتظر باللي بيجيني ... عاد هذي كلها تحليلات بس ان شاء الله مافي شي ... واكيد بكلمه على انه ليش مايسجل بإسمي ...

اشكرك مهره 🌹

__________________
-

فأجبر خَاطري .. بفيّض نعَمك ❤ ....

[QUOTE=سموره ☆;343348 ومن يومها ماياخذ من ابوه ريال ... لا سلف ولا غيره ... الحين راتب زوجي 4000 يادوب يكفينا لاخر شهر وهو مصمم انه ماياخذ من ابوه ولا شي ... حتى الحين قضينا شهر رمضان عندهم برغبة ابوه وزوجي شارط ان يدفع مصاريفنا كامله ...

ابوه كثير يعرض عليه مساعدتنا حتو لو دين بس رافض تماما .[/QUOTE]

اختي من هالجزئية زوجك مبين معدنه طيب ومو طماع..

يمكن مثل ما قالت مهره بدو يتحكم عشانك صغيرة.. لكن ما يمنع انو اموالك يعتبرها رزق تستفيدون منه انتو الاثنين.. اهم شي لا تستبقي الاحداث.. واذا صار واشتريتي ملك او اي شي سجليه باسمك من غير نقاش.. زوجك نفسو عزيزة اذا وصلتيلو من الان فكرة ان الميراث ماحد يتدخل.. راح يفهم على طول وترتاحي من اللف والدوران

ان شاء الله يامسك الليل ... شكرا لك

اول يوم رح يخلص ومافتحت جواله ...

__________________
-

فأجبر خَاطري .. بفيّض نعَمك ❤ ....

تكلمت مععه بعد التراويح ... قلت له عطني جوالك من زمان مافتحته " لما غير الرقم السري وكنت اطلبه كان يقول خلاص اذا تبغين تفتحينه قولي لي وانا افتحه لك وتشوفينه قدامي .. سويتها يمكن مرتين " ... المهم لما قلت له قال دقيقة ورجع عطاني اياه ... دخلت على الواتس ماشفت ولا محادثه ... يعني مسح كل شي .. قلت له معقول طول رمضان ماكلمت احد .. قال لا بس مسحت ... سالته ليش ... قال جوالي يعلق من كثر الرسايل ... مشيتها له ... انا قلت لو كان مامسحهم واقراه قدامه واساله بس مسح كل شي ... قعدت اسولف معه ومن سالفه لسالفه فتحت موضوع اخواني ... قلت له مابي الفلوس تفرق بيني وبين اخواني ... قال كيف يعني لو اكلوا حقك انتي واختك بتسكتين ... قلت له .. احنا اخوان نصطفل مابي احد يتدخل عشان ماتصير لك مشكله ويقولون انك تحرضني او شي ... قال مايهمني بس فلوسك تاخذينها اذا مو عشانك عشان بنتك وولدك وكان معصب ... وقاال انتي ماتعرفي وين مصلحتك ووو قال كلام كثير ... اقوله هما اخواني مابغى احد يتدخل ولا ابي تخرب علاقتي فيهم ... وبعدين قلت له .. واذا اخذت فلوسي واشتريت لي شي رح يكون بإسم مين ... قال طبعا بإسمي يعني تبين ينكتب بإسمك ... احنا ماعندنا حريم ينكتب شي بأساميهم .. وثاني شي ماتفرق انا وانتي واحد وش فيها لو سجلناه بإسمي .. قلت له .. انت على عيني وراسي بس يتسجل بإسمي افضل ... مارد علي وتركني و نزل لعند أهله وللحين ماطلع شكله زعل .. مع اني كنت اتكلم معاه بهداوه ... ولا غلطت عليه بشي ...

__________________
-

فأجبر خَاطري .. بفيّض نعَمك ❤ ....

ركزي على هذه الفكرة

التي قالتها لك أختنا الفاضلة مهره

و خليك هادئه و بإذن الله راح تعدي على خير