طيب اذا كنا مو فاهمينك.. ايش كانت العبرة من اعطاءه مبلغ بيده بدون مناسبة؟ وبهذا الوقت؟

عشان نفهمك..

وترا الدافع الاخر ماراح يخلي نظرتنا للتصرف تتغير..

مهما كان غلطان واساء التدبير

ياشيخة راعي ان هذا الانسان ابو راتب محدود راح جاب لك هدية بهدف اسعادك!

فكر فيها ودور عاللي بخاطرك وراح اختارها وطلبها على مزاجك ودفع قيمتها ورجع يستلمها..

جا بباله رد الفعل المهين وهو رايح يشتريها تتوقعين؟ ابدا!

في ناس حالتهم المادية افضل مايفكرون يسوون اللي سواه على فكرة

__________________

اختلافي عنك لا يعني اختلافي معك

قال لي جببت لك شي تحبيه عشان تنسي اللي صار بس انتي نكديه وماتستاهلي احد يفرحك ... جرحني بكلامه وهو قاصد .. اما انا اذا جرحته باللي سويته ماكان قصدي ... كل اللي كنت ابغاه اعوضه بكل اللي سواه لي ... بس مايفهمني ! انا غلطت يمكن كنت مندفعه وكل هذا عشانه بس مااستاهل كل هالتجريح

__________________
-

فأجبر خَاطري .. بفيّض نعَمك ❤ ....

خلاص سمورة ألبسي السلسال ومبروووك عليك تستاهلين بعد التعب النفسي
وكذا أنتي عرفتي لزوجك انه مايحب مع انه من مواقفه قبل كان باين من موقفه مع ابوه وموقفه من هبة أبوك لك الله يجزاه الفردوس..
الفلوس اللي عطاك للبيت اذا ضقتي زيدي من غير مايدري كذا تساعدينه بدون ماتجرحينه..

وشكله مرررة حساس ناحيتك هالفترة
أجلي موضوع السيارة لبعد سنة أو اكثر ان شاء الله

مدري بس كنت ابعطيه قبل لا يجيب الهديه فقلت افرحه مثل مافرحني ... ماكنت ادري هالشي يزعله

__________________
-

فأجبر خَاطري .. بفيّض نعَمك ❤ ....

لبسته من اول ماجابه لي ... وكان باين علي الفرح وحسسته ان هالشي افضل هديه ... صحيح مو وقته ورح اجله ولا اجيب سيرة الفلوس ابدا بهالوقت ...

__________________
-

فأجبر خَاطري .. بفيّض نعَمك ❤ ....

سمورة انا مثلك ما عندي حسن تصرف في المواقف هذي زين أني قريت كلامكم علشان انتبه 🙈

زوجك شكله حساس جدا من ناحية الفلوس يفكر اي حركة هي تنقيص منه ومن قدرة بسبب حالته المادية الله يهديه

يمكن إنتي غلطتي بس غلطك ما اظنه يستاهل هذا كله

على العموم خليك حريصة الأيام الجايه من تصرفاتك والحمد لله ان شاء الله ان زوجك ثقة وتقدرين تخلينه يدير الورث حقك بدون خوف وانتبهي الفلوس تفرق بينكم

مرحباً أختي

خلاص إللي حصل حصل

الآن أعتذرتي له وهذا جيد

أتركيه شوي يهدء وأنتِ مارسي حياتك طبيعي وتكلمي معه عادي حتى لو مارد عليك .. وبعد يوم أو يومين كلميه بلطف وقولي له ما أرتاح لين ترضي علي وإللي يرضيك بسويه وأنا أسفة لو زعلتك .. لكنك ماتدري وش كثر فرحت بالسلسال وإسمي عليه وإنك أفتكرت يوم ميلادي ربي يعطيك العافية ويكثر خيرك ولا يحرمني منك



أخيراً .. ملاحظة عامة

من أسوء ما أصبح يحدث بين الزوجين أن كلام الواحد منهما أصبح دائماً يأخذ بحساسية وزعل ثم يجي الواحد منهم ويقول جرحني
وكأن كلمة جرحني بسيطة تستخدم على الطالعة والنازلة .. وللأسف أصبح الزوجين ما أحد منهم يتحمل كلمة الآخر ويعديها وكأنه كلام دارج قد يحصل بشكل غير مقصود وبلحظة عصبية مؤقتة لردة فعل مؤقتة



أعانك الله

هو من ناحية حساس فعلا حساس ودايما يحس بالنقص ... صعب يا اختي اثق بأحد الحين ... حتى وان كان زوجي ... سبق ووثقت بأخواني وصار اللي صار ... فماعتقد زوجي بيجي احسن منهم ...
ان شاء الله ... اشكرك اخي وجزاك الله خير ...

__________________
-

فأجبر خَاطري .. بفيّض نعَمك ❤ ....

سمورة انتي بحسن نيه رديتي فلوس الهدية بس مره ثانيه لا تكررينها
قولي له و اشرحي له قصدك و خلاص قفلي على الموضوع ولا تعطين اللي صار اكبر من حجمه

فلوسك تعودي تكون معك اذا هو جاب من عنده اقبليها و اشكريه ماله داعي التدقيق و على قولته الرزق جاي

توني قريت ردك بعد التعديل ... انا ممتنه له وباللي جابه وباللي سواه ... عشان كذا حبيت ارد له لو جزء بسيط ...

شرحت له اكثر من مره واعتذرت ... يقول انتي قاصده تهينيني ... انتي تبغين تحسسيني انك احسن مني وانتي وانتي ... ان شاء الله مابكررها وبكون حذره من ردات فعلي ...

__________________
-

فأجبر خَاطري .. بفيّض نعَمك ❤ ....