شككرا اعماق

مبتعثه
انا اشتريتها من معرض الوكاله نفسها (تويوتا)
مش من معرض يبيع مختلف السيارات

وانا خلاص ما ببيعها لاني استخرت قبل اشتريها

ولان الرجل اللي كلمني قالي
ان السياره ما فيها اي عيب مصنعي
ف ما راح يرجعونها لك
هذاك الرجل اللي رجعنا سيارتها
رجعها بالحيله راح رشها وجا يقول السياره مرشوشه!
بعد ما استعملها مدة 3شهور
وانه رفع الشكوى لوزارة التجاره وجلس الموضوع شهر
لين قدر ياخذ فلوسه
ف هل انتي مستعده تسوين كل هذا؟!!

غير انهم حاطين السعر على السياره (هذا كلامه)
يعني حجتهم ما غشيناك
السعر موجود على السياره امام الجميع
يعني المعرض نفسه رافع سعرها على الجميع
وكاتبينها على الورقه الخاصه بالسياره
ف اذا السياره عاجبتك انصحك تمسكينها
واذا ما اعجبتك ف الله يعينك الشغله بطول

وانا رأيي
السياره تمام التمام وحلوه وكشخه
بس بعد ما سقتها كذا مره لاحظت انها كبيره
تمنيت لو انها ملمومه شوي
لكن يمكن لاني مبتدئه ف اشوف صعوبه في سواقتها
وكل ما تذكرت اني استخرت بينها وبين غيرها اطمن

بالنسبه اني لازم اروح مرتين وثلاث
انا يالله رحت مرتين تبغيني ازيد 😂
واخواني الى الان ما يعرفون اني اشتريت سياره
بعلمهم اذا بدأت اداوم فيها

مبتعثه انتي تسوقين؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اذا لك حق فعلا
انا رايي انك تشتكين و ما تخلين حلالك الست الاف
حرام لازم ينردعون
يعني هل هم فعلا غشوك واخذوا الباقي في مخباهم
هذا شي يقهر. و السكوت غلط
لا ترجعين السيارة و كلمي صاحب المعرض
دامهم رافعين السعر من راسهم لان الدنيا مو فوضى
و خذي حقك لا تتنازلين عنه

راعي المعرض هو اللي وافع السعر😂
قابلته مره وانا اراجع في السياره وسألته
وعرفت من جوابه انه عارف وهو اللي رافع الاسعار
عشان يسدد اجور العمال😂

المهم خلاص لي 3شهور اسوق بها
واموري تمام والحمد لله

في البدايه حكيت فيها كثيييير
كل كم يوم رايحه الصيانه اصلح حكه😂
لكن صدمات ما صدمت ابدا والحمد لله
واحد بس هو اللي صدمني من ورى
والحمد لله جت سليمه🙏🏻

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

زين الحمد لله
الله يعطيك خيرها و يكفيك شرها ❤❤
وعقبالنا ان شاء الله
انا حاليا متحمسة لشراء سيارة بس بحدود 40 الف
و لا اعرف بصراحة السيارة المناسبة ، واحتاجها لمسافات قصيرة جدا

امييييين الله يسعدك❤

ايوه احسنلك سياره بهلحدود
عشان اي حكه تجيها ما توجعك بقلبك😂

نسيت اقولك ان صاحب المعرض
قالي لو كنت موجود يوم اشتريتي السياره
كنت نصحتك تشتري سياره بحدود 40 الف
تدربي عليها في البدايه
بعدين تكشخين بسياره غاليه
بس كذاب بعد ما صارت الفلوس بجيبه
جاي يتميلح😂

ف انت تعلمي من غلطي
ولا تاخذي وحده عريضه
سيارتي عريضه شوي وتعبتني في اللفات🤦‍♀

والله ييسر امورنا وامورك❤

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ايه باذن الله
الحكات البسيطة تهون
انا من كثر ماشوف المقاطع وحدة داخله على حلاق و الا مطعم و الا بيت اخاف 😄
خصوصا اللي حولي يضحكون على سواقة الحرمة 😂او بمعنى اصح ينكتون
ان شاء الله ماجيب العيد

لا ما عليك هذولا غير متمكنات🙂
شوفيني اسوق زي اطلق شنب😎
ولا صدمت الى الان والحمد لله وحده
والله يديم عليه فضله🙏🏻

ايه يضحكون دايما😂
حتى لو تسوقين زين بس تغلطين غلطه بسيطه زيهم
يضحكون كنهم ما قد جابوا العيد
مع ان سواقتي سواقة محترفه
بشهادة اللي شافوا سواقتي😎
بس طبيعي تمرين بمواقف تحوسين شويه فيها

واحد مره موقف سيارته بنص الشارع
والمساحه ضيقه
وسيارتي عريضه ف ما قدرت امشي
ف ضربت بوري عشان يتحرك
ف رد ببوري اقوى (يعني انطم )
يحسبني رجال😂
ويوم شاف ان وحده اللي تسوق مو رجال
بعد سيارته على طول
لا ويقول اوقفلك السياره😋
يوم شافني حست شويه لان المكان ضيق😂


وانتي لا تسوقين ابدا لين تتمكنين زين🙋‍♀

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )