القصة ومافيها

أني متزوج وعندي اطفال وقبل فترة عرضة علي فتاة ذات خلق ودين ولا نزكي على الله احد واستخرت الله بالشي هذا والحمدلله وجدت انني اميل للزواج منها وهي تصغرني مطلقة المشكلة انه عنده امل كبير اني اتزوجها وصارت تدعي الليل والنهار علشان اكون من نصيبها حتى في رمضان تدعي في كل صلاة ان الله يكتبني من نصيبها وهي حسب ماوصلني انه مرتاحه مني كثير وتبغى الارتباط بي ولا ادري حتى الان سألت عنها وعن اهله ومدحوهم لي وقالو والنعم فيهم وقلت لهم على شرط مبدئي لو حصل الزواج انه يكون بالسر فترة معينه لين اضبط اموري وبعده اعلم ام العيال وهلي وغيره هم ماعندهم مانع

الحين انا محتار
اوافق على الزواج من بنت الحلال ولا ارفضها

مع انه حسب ماوصلني من الوسيط جزاه الله خير انه مستعدة تحطني انا وعيالي بعيونها

ولا ادري ابي مشورتكم يالاجواد اتقدم له رسمي ولا اتركها


وانا والله ودي اتزوجها لوجه الله بقصد الستر


الله يكتب مافيه ا لخير

__________________

اذا كنت جاد فعلا تزوجها وتوكل على الله

مرحباااا بالسر بتتزوجها ليش ؟؟؟ قوول لزوجتك اولاا وبعدين تزوجها الا اذا كنت تخاف من زوجتك ماينفع تتزوج بنات ناس وانت من غير شخصية

الصراحة صعبة .. و بعدين لازم تعدل بينهم ..

زوجتين .. شي ماهو سهل أبد ..

و مسكينة زوجتك الأولى ايش ذنبها ..

انا اقول لا تستعجل ..

الأخ وسيم مشكور على ردك الجميل

الأخت جمانا موب ضروري أني آخذ اذن الزوجة الأولى بالزواج من الثانية والشي هذا حتى مهب موجود بالشرع ولا خبرت احد يجي يقول لزوجته ابتزوج عليك وش رايك مافيه وحده عاقله وتحب زوجه بتوافق على الشي هاذ الا اذا فيها عيب والحمدلله مادام الشرع فاتح لنا الباب بالزواج من اربع ليش يمنع انفسنا وش علشانه علشان الزوجة الأولى ماتزعل الزوجة الأولى بتزعل وترضى والحمدلله مانب رايح اظلمها ابد رايح انشاء الله اوفق بينهم مهما صار

المستغرب مشكور على مرورك وردك ولا فيه شي صعب

من توكل على الله فهو حسبه والحمدلله والشكر


تحياتي

__________________

اذا انت مرتاح مع زوجتك انسى فكرة الزواج
من وحده ثانيه,,
وهي انشالله الله يعوضها
لانه زوجتك وعيالك مالهم ذنب


عاشقة سفر

سبحان الله على الحريم مهما كان ماريح يرضون بالتعدد والردود تدل على ذلك انا اقول الي ماعنده رد مقنع افضل انه ماتكتب رد بالمره لأن الغيرة عند الحريم بدة تشتغل حتى هني بالمنتدى

لاحول ولا قوة الا بالله سنة من سنن الله عز وجل يحاولون انهم يلغونه نهائي بحجة عدم العدل ولا عدم القدرة على الصرف او غيره وغيره

__________________

فكر زين زين لأن زواجك بيترتب عليه اشياء كثيره بالمستقبل من حقك تتزوج مقلنا لا بس يترا سالت نفسك انت قادر تتحمل بيت ثانى وتصرف عليه ويجيك ابنا ء بيلهم تربيه وتعليم يليت تفكر كثير قبل لا تتخذ خطوه بهذا الموضوع
وتقبل تحيا تى
بدويه

__________________

نصيحتي هي
اذا كنت في مشاكل دائمه مع زوجتك تزوجها اما اذا كنت مبسوط وزوجتك قائمه معك علي اكمل وجه لا اشجعك بالزواج من تلك