هـ...ـلا وغـ...ـلا

اخواتي بنزل لكم أكلات منووعه وسهله

مع الصورررر لتستفيد منهاا المتزوجاات وغير المتزووجااات

بين الفتره والتانيه بتشووفون اكله جديده


:::: وماابي منكم الا الدعاء لي ولزوجي وعيااااالي ::::







الطبق الاول :: أكله إماراتيه :::

البلاليط من الاكلات الشعبيه..تسمى شعيرية في بعض البلدان



المقادير

كيس بلاليط (واحسن الانواع بالنسبة لنا اسمه بانزاني)
PANZANI
3 ملاعق كبيرة أكل زبدة أو زيت أو دهن محلي (سمن بلدي)
(وحسب الرغبة تقدرين تزيدينه أو تنقصينه)
فنجالين سكر (وحسب الرغبة تقدرين يا تنقصينه أو تزيدينه حسب رغبتك)
وماء مغلي

الطريقة
تجبين القدر وتحطين فيه السمن وبعدين تحطين فوقه البلاليط وعلى نار خفيفه تقلبينه حتى يتلون عندك يعني بيصير لونه عندك بني فاتح وشوي بني غامق وبعدين تضيفين الماء لين ما يغطي البلاليط وتضيفين الفنيالين سكر وتقلبينه وتخلينهن على نار معتدله وتغطين القدر وكل فتره والثانيه تقلبينه عسب الطبقه اللي فوق تنزل والعكس وبعدين حطيه في الفرن (وشغلي الفرن من تحت) لمدة عشر دقايق وطلعيه وحركيه شوي شوي بشوكه لأنه بيكون لازق فبعضه وسويلج قرص بيض وبالعافيه


الطريقة المقلاية :: طريقه تانيه



المقادير
كيس بلاليط (واحسن الانواع بالنسبة لنا اسمه بانزاني)
PANZANI
3 ملاعق كبيرة أكل زبدة أو زيت أو دهن محلي (سمن بلدي)
(وحسب الرغبة تقدرين تزيدينه أو تنقصينه)
3 فنجالين سكر
نصف ملعقة صغيرة هيل
بيضتان
نصف فنجال زعفران وماء ورد (يكون مخلط مع بعضه)
أو تحطين نصف ملعقة صغيرة زعفران و نصف فنجال ماي ورد

الطريقة

تحطين ماي في قدر على النار ويوم يغلي ضيفيله البلاليط وحركيه مره وحده ويوم بيبدأ يغلي مرتين صفيه عن الماء في المشخله وبعدين حطي القدر على النار وضيفيله الزيت او السمن وبعدها البيض وحركيه في الدهن لين يتقطعلج (ويستوي بيض مخربط) ضيفيله نصف ملعقة الهيل وبعدين لك الحركه السريه حطي السكر فوق البلاليط المشخول وحركيه حركتين وهو في المشخله وبعدين ضيفيه على البيض في الجدر وحركيه لين يختلط ببعضه وحركيه بخفه عسب ما يتعلج البلاليط (يعني يتعجن) وضيفيه عليه الماي ورد والزعفران من فوق وغطيه وحطيه في الفرن لمدة 10 د

وبالعافيه عليكم

__________________
لا إله إلا الله عدد ما كان وعدد ما يكون ، وعدد الحركات والسكون

:: الكيك بالنقط الملونه :::

اولا: مقادير الكيكه

4 بيضات
نص كاس زيت
كاس الاربع سكر
6 ملاعق شوفان
ملعقه صغيره باكنج بودر



ثانيا:
نخلط كل المقادير مع بعض و اذا حسيتي انها ناشفه زيدي شويه ماي

و بعدين دخليها في الفرن و ولعي شويه النار من فوق و تحت لين ما تحمر شويه و بعدين طلعيها و خليها تبرد شويه




ثالثا: خلطه الطبقه اللي فوق

وهي عباره عن
اكثر من نص الكوب حليب ناشف
نص كوب سكر
4 حبات جبن كيري
نص فنجان ماء



ونخلطهم مع بعض



رابعا: انجيب الالوان تبع الاكل

اصفر و احمر و بودره شوكولا

اتيب 3 طاسه و ناخذ ملعقتين من الخلطه و نحط في كل طاسه

و نصب في كل طاسه لون و يستوي كذا عندنا 3 طاسه ملونه من غير الطاسه الكبيره .... فهمتواااا




خامسا: نصب الخلطه البيضا على الكيكه و نحطها في الثلاجه لين ما تتماسك و تبرد



سادسا: ناخذ سكينه و نبدأ انقط على الكيكه من كل الالوان

من ما هو موضح بالصوره



و بعدين نحطها في الثلاجه لين ما تجمد الطبقه اللى فوق

و نحضر القطاعه اللى على شكل ورود و قلوب و الصينيه



و نبدأ انقطع الكيك طبعا من ما انتوا شايفين



و هذي الصوره من قريب

__________________
لا إله إلا الله عدد ما كان وعدد ما يكون ، وعدد الحركات والسكون

شوه هزيزن تسلم يديج ياالغالية
في انتضار المزيدمن اكلاتنا الشعبية

__________________

تسلمين الغاليه والثانيه شكلها روعه
بس بغيتج اتوضحين اكثر بالنسبه للبسكويت نستخدمه والا لا

رهيـــــــــــــــــــــــــبه ، حلوة أوي

تسلم إيديك

__________________

	[blink]"و اصبر حتى يحكم الله و هو خير الحاكمين"[/blink]

تسلم الايادي

وفي انتظار المزيد


دمت بصحه وسلامه

و الله كتييييييييييييير حلو خاصة الكيك يمممممم يممممميي

تسلمي حبيبتي

__________________
يا رب اشفيني من مرضي النفسي
أمانة يا اخوتي تدعولي

حلوة كتير الكيكة

تسلم ايدك

__________________
الكيس من دان نفسه وعمل لما بعد الموت/والعاجز من أتبع نفسه هواها وتمنى على الله الأماني

تسلم الأيادي عيون الظبي..
بس عندي استفسار ..
بالامارات تاكلون البلاليط خالي ؟؟
لأن إحنا عندنا لازم يكون معاه بيض مقلي ( قرص ) ..
الطريقة :
نضع بيضتين في وعاء ونضيف الملح والبزار ( البهارات ) ..
ونخفقها جيدا ..
ثم نصبه في مقلاة بها زيت ..
وبعد أن تستوي الجهة السفلية نقلبها للجهة الأخرى ..

روعة روعة روعة روعة

وين هالابداعات مخبية من زمان

تسلم الايادي وبانتظار الابداعات القادمة

__________________


لا احلل نقل اطباقي دون ذكر المصدر

(ام علي وريما شخص واحد وهو انا )