اختي الحبيبة مهرة

انا عارفه انك قويه و حاطه حدود و ما تحبين الدخول في حروب و نزاعات تستنفذ طاقتك

و ما تحبين الدخول بمشاكل !

و وجود اي شئ يعكر صفوك في محيطك يضايقك و تكرهين انك تكوني متحفزه و جاهزه للرد

فكرتي في الانسحاب

و هل هذا منطقي لأولآدك ؟!

لأ يا مهرة

هذا غير منطقي لأولاد

انا هبة و عمري 19 سنه لُمت امي حين تطلقت ؟!

و للآن عندي غصة عشاني بنت لوالدين متطلقين

ابغى الجمعه حقتنا

وناستنا

حنان امي شمعة البيت

حبها سؤالها تفقدها

اكيد بتضحكي علي ايش الهبلة دي عمرها 25 سنه و أم و تدور امها ؟!

ايوا ادور امي

و اكتب لك و دموعي على خدي

لا تيتمي اولادك يا مهرة

حطي حدود لعبث زوجك و اصرخي فيه ،،،،،

لكن

لاااااااا تتركي البيت و اياكي و الطلاق

خليه يحسب لك الف حساب يا مهره

زعقي و قوليله هدفك من المكوث عنده و انه لاولادك و بس

و انه طلع من قلبك !!

__________________
[img]http://im78.***********/FRd0Bi.jpeg[/img]

مب فاهمة انتو ليش معتقدين إن ردة فعلي عاطفية ومندفعة؟!

ليش معتقدين إني مصدومة لأني اكتشفت إن الموضوع مب نزوة؟!

أنا من زمااااان عرفت إن الموضوع أكبر من زواج مؤقت أو علاقة عابرة .. من وقت ما شفت بطاقة التأمين الصحي اللي عملها لها .. من وقت ما كان وهو عندي يشغل سورة مريم أيام حملها .. من وقت ما بدا يبني لها بيت وهي حتى بعدها ما كانت حملت.

مشكلتي إن دخولها في حياتنا معناه إنه وقته معانا بيتقلص .. معناه إني إما أرضى إني أشوفها أو أنحبس في بيتي.

طول السنة ونص كان ما يبات برا .. الحين بييبها بيت أهله عشان تقعد بروحها مثلاً؟


هو وعدني ان حياتنا ما تتغير .. وأنا صبرت على هذا الأساس .. والحين كل شي قاعد يتغير!

كذب عليّ .. خذني على قد عقلي عشان أبلع الموضوع وأسكت .. وهو مخطط لشي ثاني!

كذب على أمه وقال لها أنا باشاور ام سلطان ولو رضت بييبها ولو ما رضت خلاص .. والحين لما ماما سألته قال لها ام سلطان راضية!!
.
.
.
أمي كانت معي منذ قليل وسألتني عنه .. قلت لها ما ادري.

قالت: تراني مهاوشته يوم الخميس .. قلت له ليش مزعّل أم سلطان .. قال: من قال مزعلها؟ .. قلت له طيب تعال خلنا نيلس ونتكلم .. قال ما في شي نتكلم عنه .. قلت له عيل خلاص سير الله وياك .. وسكرت الباب في ويهه.

قلت لها: يمه خلاص ماله داعي تهاوشين ولا تعملين مشكلة .. خليه يسوي اللي في راسه .. الموضوع منتهي بالنسبة لي خلاص.

انصدمت شوي .. قالت: أم سلطان! شو تقصدين؟

ما رديت.

قالت كلام كثير .. إنتي بنتنا .. وإنتي العزيزة اللي مالنا غنى عنها .. وانتي في كفة وهو وهي في كفة .. واحنا والله سألنها عن رايج قبل ما تيي وقال: خلاص أم سلطان راضية .. بس ما دام انتي مب راضية خلاص ما راح يصير إلا اللي يرضيج.

قلت لها: يمه خلاص ما في شي يرضيني .. وحتى لو طلقها ما راح أرضى .. ولدج كسر كل شي فيني .. ووالله لو ما كنت مفهمته كنت قلت ما يعرف .. لكني قلت له خلها مكانها وسوي اللي انت تباه بعيد عن البيت .. بس هو ماشي بشوره وما عليه من حد .. وانا ما أقدر على جذي .. أنا ما تزوجت عشان كل هذا يصير فيني .. هو ما خذني من الشارع عشان يسوي كل هذا واتم ساكتة.

قالت: لا والله انج عزيزة ومحد يقدر يرخص فيج وانا موجودة .. خليه برايه يسوي اللي يباه ويروح وين ما يبا.

قلت لها: لا .. ما في شي اسمه يروح وين ما يبا .. وأنا اقعد مكاني منتظرة .. يمه هو في شغله ثلاث أسابيع .. ثلاث أسابيع انا بروحي مثل المعلقة .. أنا وعيالي أولى بوقته لما يرجع .. أنا وعيالي أحوج انه يعوضنا عن غيابه .. مب يروح يوزع وقته هني وهناك! .. يغيب كل هالوقت ولما يرجع يقول لي: انتي تبيني لاصق فيكم 24 ساعة؟!!

حاولت تطيب خاطري وقالت لي: لا تزعلين مني يا أم سلطان .. قلت لها: حشا مب زعلانة منج يمه .. إنتي ما قصرتي ورايتج بيضا .. وانا ما أقدر أطالبج بشي فوق طاقتج .. بس خلاص يمه اللي صار صار .. خلوه يسوي اللي يباه .. وأنا والله ما اباكم تزعلون من بعض ولا تعملون مشكلة بسببي .. هو في النهاية ولدكم وأنتو اهله.

قالت لي: أنا ما راح اقدر اعارضج في شي ولا راح أقدر اطلب منج تتحملين شي ما تقدرين عليه .. اهم شي صحتج وعيالج .. انا ما اباج تشيلين هم ولا تفكرين في شي ولا تقهرين نفسج.

قلت لها: امبلا يمه .. أنا مقهورة وايد .. ومجروحة وايد .. وخلاص وصلت حدي.


طبطبت علي كثير .. ومسحت على راسي وباستني.

__________________


اللهم طِيبَ الأثر .. وحُسْنَ الرحيل.

يعني شو؟؟؟

__________________


اللهم طِيبَ الأثر .. وحُسْنَ الرحيل.

أنا عاطفية؟

ليكن!

ليش أنا اللي المفروض أغير شخصيتي وأعيد تكوين نفسي وتوجهاتي وقناعاتي عشان تتواءم مع خططه وتصرفاته؟

ومع ذلك حاولت .. والله حاولت.

حاولت إني أبعد الحب تماماً وأتعامل مع الموضوع بطريقة مادية بحتة .. وأحسب حساب المصالح والحقوق بعيد عن العواطف.

قلت كفاية إني ماخذة حقوقي.

بس هو قاعد يضغط عليّ بزيادة!!


أنا ما أشوف إن حبل النجاة في زوج أو أهل زوج يا دنيا الفرح .. أنا كنت راسمة حياة معينة حاولت إني أترجمها على أرض الواقع وحاولت إني أبقيها على قيد الحياة على قد ما أقدر .. واللي هو يسويه ما يسمح بهالشي .. فليش أعيش حياة ثانية مختلفة تماماً عن اللي أباه وبعيدة تماماً عن قناعتي لمجرد إني لازم أكون إنسانة متفهمة كونه رجل عقلاني يحسبها بالمنطق مب بالعواطف؟!

__________________


اللهم طِيبَ الأثر .. وحُسْنَ الرحيل.

أنا مب بايعة كل شي .. لكن هو يبدو إنه مقتنع بالفعل إني ما أقدر أسوي شي ولا أروح لأي مكان .. عشان جذي هو تمادى اعتماداً على إني كل مرة أزعل شوي وبعدين أرضى وأنسى.

زوجي أعرفه زين .. مكابر وعنيد من الدرجة الأولى .. من زمان أقولكم هالشي.

وكل إنسان فيه جزء شر ولو صغير .. صحيح ما عمري شفته من زوجي لحد الحين .. لكن وقت العناد والمكابر ممكن جداً يطلع .. وأنا ما راح أعطيه فرصة يلوي ذراعي أو يذلني بأي شي حتى لو كان حقي .. وحتى لو كانوا عيالي .. وحتى لو وصلت إني أطلع من البيت.

مب عارفة انتو ليش شفتوا رسالتي له انهزامية .. أنا فهمته إني أبا عيالي وأبا بيتي .. لكنهم ما راح يكونون وسيلة ضغط علي.


عموماً أنا ما راح أطلع الحين .. لكني مب مستعدة أبادر وأفتح معاه أي حوار لما يرجع .. لأنه راح يعتقد إنه في مركز قوة ويتعامل على هذا الأساس .. وهذه نقطة أنا متأكدة منها حسب معرفتي بشخصيته والمواقف السابقة اللي كنت اعيشها معاه أو أشوفها تحصل مع أهله.

مسألة إني أطلب منه يطلع من البيت .. نعم فكرت فيها .. لكني مب عارفة كيف أطرحها بدون ما أبادره بالكلام .. ومب حابة حالياً أطلب من أمه تقول مثل هالشي.

لكن في اليومين اللي طافوا وقبل ما يرجع دوامه أنا كنت متجاهلته تماماً .. وما صار بينا أي كلام .. وسأستمر على هذا الحال لما يرجع.

__________________


اللهم طِيبَ الأثر .. وحُسْنَ الرحيل.

اليوم الصبح بعث لي: صباحو وبعد أموت فيج.

ومن شوي بعث لي: وبعد أحبج.

وبعدها على طول: وبعد أحبج.





ما رديت.

__________________


اللهم طِيبَ الأثر .. وحُسْنَ الرحيل.

انتي ما فكرتي بطريقة عاطفية نهائيا
امي الله يحفظها دائما بتقول خاف من الهادي اذا عصب
هذا الي عم يصير معك حملتي حالك فوق طاقتك و تجاهلتي اشياء كبيرة و وزوجك وصلك لمرحلة الانفجار ومع ذلك ما انفجرتي رسالتك تنفيس بسيط عن بركان الي بداخلك ولسى جواتك كثير من شان هيك حاسه الحياة معه مستحيله و شايفه حالك مو قادرة تكملي
الحل فجري قسم من الي جواتك حتى تقدري تعيدي حساباتك وتفكري بشكل افضل او على الاقل ترتاحي انتي
انا صراحة مستغربة شغله فيكي ليش موصلتيله فكرة انه هو ما عمل شئ يزعلك
ليش ما بدك اياه يحس بتانيب الضمير
الله يفرج همك

__________________
سبحان الله والحمد لله ولا اله الا الله والله اكبر

تعرفين مهره ،،، سمعتيبها سالفه الزوجه و العشيقه،،، ريلج عايش وياها زوجه و عشيقه ،،، ساعتين فاليوم ،، من احسن الأوقات يعيشهن و تلاحقه بالفون وله و شوق .، معيشتنه عاشق ،. خليه لها .، خليها تعاشره عدل و يحس هو بالفرق،،،،


محد يلومج قرارج وصل عقب صبر و تفكير ،،، والحل عندج تستحملين كان بها ،، ما ترومين خلاص الحافظ الله ،،، بليز عوضي نفسسسج و خليه مع نفسسسه

الشرقي ما بيعرف يعتذر مباشره اﻻ بطرق ثانيه
جابلك هديه هدا اعتذار
ارسلك رساله هدا اعتذار
ساالك عن اهلك هدا اعتذار
سالك عن اﻻوﻻد وفتح نقاشات هدا اعتذار
راح جابلك اغراض البيت هدا اعتذار
هو حاسس بالندم لكنه عنيد ومكابر
ومو عارف يفتح حوار معاك
كتبتلك من الجوال
الله يفرج همك ويهدي بالك
امين

__________________
انا لله وانا اليه راجعون

بالعكس كان رديت عليه وعاتبتيه مره ثانيه وقلتي ليه الي يحب مايجرح ويكسر قلب الي يحبه
كان رجعتي قلتي له نفس الكلام الي قلتيه لأم زوجك
خليه يحس انه فعلا جرحك ومش مجرد زعل وبترجعي ترضي
عاتبيه مره ومرتين وثلاث

هو زوجك صح عنيد ومكابر بس لو حس انه راح يخسرك بتكون ردة فعله غير مارح تتوقعيها منه واعتقد هذا قصد سابين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.