لا حبيبتي شفت ردج .. واتصلت بالدكتور اللي قلت لكم عنه .. بس بعده ما رد علي.

__________________


اللهم طِيبَ الأثر .. وحُسْنَ الرحيل.

بس حابة استفسر
انتي لازلتي بالشقة الليدفي بيت اهله والا طلعتي

اللي فهمته ان لج بيتج بروحج

بس لما قريت ان امج ممكن تشوف سيارتج معناته ان بيتكم بحانب بيتهم جدا


صحيح فهمي؟؟

__________________
لا اله الا انت سبحانك اني كنت من الظالمين

هيه حبيبتي.

البيتين جنب بعض .. يفصلهم خمس أمتار تقريباً .. والحوش والسور والبوابة الخارجية كلهم واحد.


وزمان ما كنت في شقة .. كنت في غرفة في بيتهم.

__________________


اللهم طِيبَ الأثر .. وحُسْنَ الرحيل.

مهره لو انج ما تردين عليه يا صديقتي ،،،، بس بقولج شي تراً البيت من حقج ولو أطلقتي لاااااا تتنازلين عنه عندنا فالقانون بيت الحضانه بيييتج هب تتنازلين عنه فهمتي صقيقتي

ياويل قلبي يابها بيت اهله وبيت يمهم وبنفس السور



شي يقطع القلب


الله يصبرج ويفرج لج
انتي بنت حلال وتستاهلين كل خير

وين راح يلقى مثلج ومثل صبرج

خليه يسطفل اهو ومراهقاته

حدي مستاءة منه

__________________
لا اله الا انت سبحانك اني كنت من الظالمين

يا حبيبتي يا أبغي حل .. بعدكم ما عرفتوني؟

يوم أكون منفعلة أو مشحونة جذي أخبصها مع بعض الردود .. بس والله أقرا كل كلمة .. الله يرضى عليكم لحد يزعل مني.



عارفة ان البيت من حقي فديتج .. ومب قصة تنازل.

أنا ما أدري رده على رسالتي كيف راح يكون بالضبط .. لكن في النهاية أنا اللي طالبة الطلاق ولو طالبت بالبيت ممكن أفتح له مجال للمساومة بشكل أو بآخر .. وأنا ما أبا أعطيه هالفرصة.

بتصدقين عاد؟ .. هالمرة لما رجع دوامه ما خلا لي بطاقة الفيزا اللي مخصصها لروشن البيت .. ما راح أظلمه وأقول متعمد لأن حصلت مرة أو مرتين قبل ونسى يخليها .. لكن رغم ذلك سكت وما قلت شي ولا حتى بعثت له أسأله عن البطاقة .. وصرفت على البيت من مصروفي وأنا ساكتة .. مع إن مصروفي شي ومصروف البيت شي ثاني.


وبعدين أنا ما أبا أنهي الموضوع بهالشكل .. أنا طول عمري عايشة معاه وحقي المادي واصلني لين عندي بدون ما أضطر أطلب منه أو حتى أذكّره .. وما راح أكون مرتاحة وأنا أطلع من حياته بأسلوب حقي وحقك وورقة وقلم!

المهم في هذا كله هو حق عيالي .. وهذا أنا ضامنته بإذن الله.


أنا ما راح أضيع بإذن الله .. صحيح اختي قالت لي أروح عندها .. يعني باكون ضيفة .. لكن بيت أبوي الله يرحمه بعده موجود .. وهو البيت اللي ساكن فيه اخوي حالياً.

__________________


اللهم طِيبَ الأثر .. وحُسْنَ الرحيل.

مهرة ذكرت انه في حالات سابقة عندما طلبت الطلاق رفض اﻻمر ولم يناقش به.
برايك ما سبب رفضه:
حبه لك
او
وضعه اﻻجتماعي
او
حفاظا على عائلتكما

احاول معرفة قوة موقفك

بالتوفيق ان شاء الله.

مهره
قلبي معك و مو عارفه اش اقولك
ما املك لك إلا الدعاء

بضع مرات كنت أقول له: أحياناً أشعر أنك تبقيني لمجرد الواجب وأم أبناءك .. فكان يرد دوما: أنا مب فاتح جمعية خيرية .. ولو ما أباج ما بقيت عليج!

لذلك كنت .. كنت أعتقد أنه الحب!

الآن .. لا أدري!

__________________


اللهم طِيبَ الأثر .. وحُسْنَ الرحيل.

مهرة قرارك بأنك ما تخرجي من بيتك أشوفه صح مئة بالمئة خروج المراه من بيتها من دون رضى زوجها شرعا يعتبر من النشوز ومثل ما قلتي لاتسمحي لزوجك يحط الغلط عليك او يدور عليك الزلة حتى لو كان هو غلطان بس قدام المجتمع والناس هو ماعمل شي يخالف الشرع والدين

الله يريح بالك يارب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.