الله يجزاكم خير امس كتبت الموضوع وانا فعلا منهارة من البكاء الحمدالله كلامكم خفف عني كثيير ....انا عندي مشكلة مو قادرة اتحكم فيها لما امتنع واتنازل عن حقي خلاص يصير عندي قناعه داخليه انه مالي دخل فيه ولا يحق لي اغار او احاسبه ....بس لما نرجع لوضعنا الطبيعي لا ...تشتعل الغيرة واحس انه ماأعرف احكم مشاعري ...عشان كذا اختار البعد دائما....بقولكم مثل لما ولدت جلس شهرين عندي انهرت لما راح لها وبكيت من قلب كأنه عرسه ...وتذكرت كيف كان يسويلي وحسيت انه عريس ....مثلا لما راحت عند اهلها كان علاقتنا بالاسبوع وعادي لما رجعت صار يعطي كل وحده بيومها انا صار عندي نفور داخلي وكلمته ...ايش اللي اختلف بوجودها زاد الرغبه مثلا وليش اذا مو موجودة يصير الوضع عادي ....انا كمان انسانة ولها حق ...ايش يعني لازم تكون موجودة عشان يشتاق او يعطي ...قهرني هالشعور انا انسانة بذاتي ومش محتاجه لوجودها عشان آخذ حقوقي لذلك رفضته اكثر واكثر ......كذا اريح بلا حقوق وبلا عدل اعيش حياتي باللي يناسبني أنا ...مادري تفكيري صح ولا لا بس خلاص كل مرة أقتنع منه أكثر

و الله يا امل قاعدة اقرأ كلامك و اتألم من قلبي من الي تعانيه ...
المؤمن مبتلى
و الابتلاء درجات
في الي بلوته دائمة ، و الحمد لله على كل حال .
والله يا امل ما في احد مرتاح
و العذاب اللي تحسينه ترى غيرك عندهم و زود ، فلا تسوين شي غير التقرب من الله و الصبر
اذا حسيتي نفسك ملخبطة و منهارة ، توجهي لربك ، و الله بترتاحين لو يكون بلاك بنسف الجبل نسف .

__________________
أشهد أن لا إله إلا الله و أشهد أن محمدا رسول الله صلى الله عليه و سلم

بصراحة يا أختي زوجك جزء كبير من المشكلة
ماعرف يتعامل مع الوضع قرأت مواضيعك السابقة مستفز كثيرا ومحسسك بالفرق بوجودها وكذلك يتكلم عندك عنها الله أعلم قد يكون مستمتع بغيرتك وربما لو تتقصين ستجدينه يذكرك عندها حتى تغار ويشعر أن نساؤه لا يستغنين عنه

اكتبي له بجديه ورسميه النقاط التي تضايقك حتى تعيشوا بسلام لأن عيشتك حاليا تقصر العمر

الحمدالله يالوفتي هذا اللي أنا أسويه بس أحيانا تضيق فيني وأحس كل شيء فيني يبكي بس الحمدالله أحسن من غيرنا بكثيير الحمدالله اللي ماجعل ابتلائي في صحة ولا في دين ولا في فقد ولد

عزيزتي .. مشاعرك نوعا ما حتتبلد مع الأيام..
حزنك طبيعي وشعورك بالخذلان مهما مرت السنين ما راح يختفي

لا تضغطي على نفسك في شي..
اللي تحسي فيه ويريحك، سويه..

الله يربط على قلبك ويجبر كسرك

انا للأمانة أستفزة بغيرتي وهو من النوع اللي مايحب يسكت عن حقه فيرد علي وندخل في موضوع المقارنة ....ولا يقولي ترى كلامي معاك بحدود حسيت زي اللي يرمي انه ماقلتلك محاسنها معايا ...بس هو طبع المقارنة فيه من قبل كان يقارني بطليقته وبعدها لما تعرف على زوج اختها صار يمدح في اختها وان زوجها مبسوط منها ولما تزوجها صار عندي رفض قوي من الداخل لو يمدحني من هنا للسماء ماعاد اصدقه ولا اقتنع نفسيتي تأثرت منه لأنه طول عمره محسسني اني مش زي الحريم ...الحين يقول انا راحتي عندك اكثر وندمان بس خلاص ...بس يمين بالله ماأصدقه البنت شايلته من الأرض شيل وكلام حلو على طول ورسايل ومابينهم ماضي سيء زي اللي بيني وبينه هو احتواها واحترمها من البداية وهذا اللي تتمناه كل بنت عشان تعطي زوجها ....انا تشرشحت عشان أحصل على حقوقي عشان الاقي الاحترام اولا بدون حتى حب بس ابدا مش مقدر هالشيء معتبر اني متدلعه وباقي الحريم يرضيهم اي شيء ....مستهين حتى بضربه لي اول يوم ويقول شيء وحصل وخلصنا(طيب هو هذا السبب اللي سبب بيننا شرخ كبير اثر على حياتي وانسجامي معاه وعلى علاقتنا لفترة طويلة بسبب الخوف منه )
يمكن اللي يسمع كلامي يظن اني اكبر المواضيع بس اللي انا متأكدة منه اني فعلا اتمنى يتعرض لجزء من اللي سواه فيني عشان يعرف احساسي وقهري ...الله يختار لنا الخيرة الطيبة وان كان شر علي يصرفه عني

الظلم و الاعتداء دين على صاحبه يا امل ....
يعني اللي سواه فيك ربك شافه و سمعه ...
و بيرد له دينه سواء اليوم او باكر ..
انتي بس ثقي بربك و لا تيأسين ...
بس اللي لفتني فكلامك، و تكرر للمرة الثانية او اكثر ..
انه نجح فهدم ثقتك بنفسك !!
حتى انك صرتي تشوفين نفسك غير عن كل الحريم (نظرة سلبية قصدي )
تصدقين عاد
هنا انا الومك لانك ظالمتن نفسك
ولا وش ينقصك عن اللي عنده عشان تشوفين نفسك تحت بالله عليك ؟
انا فظني ان هاذي اهي نقطة ضعفك الي تمكن منك غيرك ...
الله يفرج همك يا امل

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يؤجرنا في مصابنا بصراحة حياة بلامشاعر صعبة وقتل لروح الحياة انا طول عمري اكره المصالح والعلاقات المبنية عليها ....الحين احس انه هو مستفيد اني مربية العيال وانا مستفيدة الم عيالي ويصرف عليهم ...الحمدالله بس مو مشكلة ابغاها تتبلد وأسعى لذلك

للأسف هذي الحقيقة انه فعلا تأثرت ثقتي بنفسي ...مرة انلميتد قالت لي انه المشكلة في شخصيتك انتي وليس في زواجه ...وانا اقول الماضي له دور ...دائما جماعتنا كانوا يحسسوني اني مميزة رغم سمنتي ...كثرة الخطاب ايضا ...الحمدالله في مدرستي وفي اي مكان أشعر باحترام الناس ...لما دخلت عنده مادري ليش كسر نفسي وساعده على ذلك سمنتي ونفسيتي الحساسة اللي تتأثر بكل ماحولها ...وقفت امامه مدافعه عن نفسي واسلوبي ولكن خاوية من الداخل .....امتداحه المبالغ لبنات منطقته وشطارتهم وللأمانة معروفين بهالشيء ....كسرني من الداخل ...كسر ثقتي جالسة اقارن نفسي فيها بكل شيء ...يمكن كنت مستمدة ثقتي من اللي حولي مش نابعه من نفسي عشان كذا تأثرت
اللي متأكدة منه لو اوثق بنفسي حقيقة راح اعيش وراح اكسبه وراح انسى وجود امرأة ثانية بحياته ...بس للأسف ماقدرت


تدري يالوفتي كرهت طولي وانا 159 وهو تقريبا 172لانها اقصر مني وانحف فصرت اقول انا طويلة بجنبه مايحس بأنوثتي زي معاها لانها مقاسا وحجما اصغر منه وبحثت بالنت ولقيت الرجال يمتدحون القصيرة صرت اكره اطلع معاه سوق او مركز او حتى اتصور معاه ...انا ماأقدر البس مرتفع عشان ماأصير طوله بعكسها لو لبست راح تظل اقل منه ...كل ماركبت السيارة وهي ركبت قبلي اعرف لانها تقدم المرتبه بشكل كبييير جدا بين انا اظطر ترجعها للخلف عشان اكون انا وزوجي بمستوى واحد ....اختي تقولي المفروض هي تغار من طولك بس الحاصل العكس حتى طولي اللي كنت شايفه انه حلو ومناسب صرت اكرهه ...

انا طولي 168 اللهم بارك ، و الحمد لله احب الطول و ما يعجبني اكون قصيرة والله ...
عموما يا امل ، شكلك محطمة جدا من جهة النفسية ..،
و المشكلة منك يا اختي ، لانك تساهمين نفسك في تدمير نفسك !
انت انسانة و لك مميزات
استشعريهم ، تمتعين بنعم الله عليك ، لا تخلين غيرك يحس بنفسه فوق لانك نزلتي ظهرك و صعد عليه ...
ارجعي قومي ، و ثبتي رجولك زين و عيشي حياتك حتى ولو تضغطيني على نفسك ، الين تتعودين باذن الله .

__________________
أشهد أن لا إله إلا الله و أشهد أن محمدا رسول الله صلى الله عليه و سلم