مشكلتى هى امى !!! اريد حلا - منتدى عالم الأسرة والمجتمع

02-11-2008, 12:35 AM

عضو جديد

تاريخ التسجيل: Nov 2008

المشاركات: 3

مشكلتى هى امى !!! اريد حلا

انا كرهت حياتى والله وشكلى هدخل فى اكتئاب اكتر مما انا علية
حد يحللى مشكلتى ياجماعه ارجووووووووووووووووووووووووووووووكم
مشكلتى هى امى ....... حاسة انها غريبة ان الام هى اللى تكون سبب فى اكتئاب ولادها مش مساعدتهم للخروج من مشاكلهم
انا هبدأ من الاول واعذرونى بجد مخنوقة ومش لاقية حد افضفض له
الحكاية تبدأ من صغرى يعنى اللى افتكرة ان امى كانت تضربنى كتير وانا صغيرة حوالى من 3 ابتدائى دة اللى افتكرة
عمرها ماطبطبت عليا مرة - مفتكرش والله ولا مرة ليها خدتنى فى حضنها الا كلة ضرب واهانة
ولما كبرت لاقيت نفسى منعزلة فى حجرتى وهى مع اختى الكبرى (اكبر منى ب 7 سنين )
افتكر ليهم هما الاتنين - امى واختى - مواقف كتيرة ضدى يتفقوا مع بعض انهم ميكلمونيش واسمعهم
اختى كانت تخبى منى كل حاجه ليها وطبعا انا مكنش حد بيجيب ليا اى حاجة طول عمرى وانا حاسة بظلم من ناحية والدتى واختى
لما اختى تزوجت والدتى حاولت تقرب منى وكل لما احاول اقرب منها مقدرش وابعد اكتر واكتر
والدى دايما مسافر خارج البلاد طول الفترة دى كنت بعيدة بعد تام عن امى يادوب عايشين فى نفس البيت مفيش لا احاسيس ولا عواطف ولا احساس بالحنان
كتير قلت لها انى بحس انها مش امى وهى كمان قالتلى انها عمرها ماحست انى بنتها
كل لحظة وكل ثانيه امى تفكرنى انها هى اللى بتصرف عليا وهى اللى كبرتنى وانها هى اللى علمتنى
مع العلم انها مش بتشتغل هى قاعدة فى البيت ووالدى هو اللى بيعطيها المصروف وهى تتولى شئون البيت عمرى ماشفتها بتعامل اخواتى بنفس الطريقة
عمرى ماشفتها بتدعى ليا دايما تدعى عليا وتتمنى ليا كل شر بس انا كمان مدخلتش جواها انا اخدت بالظاهر اللى انا شايفاه
كل لحظة معاها بخناقة ومشاداة فى الكلام
وانا عصبية وبتعصب كتير عليها واوقات بقولها كلام ميصحش انى اقولة لامى اللى المفروض انها امى

دة غير اخويا كنت متعلقة بية اوى جعلنى اتعقد من الرجال كلهم يمشى مع كل واحدة شوية وانا اللى اشوف بعينى حركاتة مع صحباتى فى بيتنا وكل مايعرف واحدة تيجى تقولى واعرف انا اول واحدة مشاكلة
من افعال اخى قطعت صداقتى مع صديقة 10 سنين من العمر لما لاقيتها بتعرفنى عشانة .....بعد 10 سنين

الانسان اللى كنت هرتبط به سابنى عشان والدة قالة تتجوز بنت عمك وهو وافق
عايشة لوحدى لمدة 21 سنة كل عمرى وحيدة لا ام تطبطب ولا اب يدافع ولا اخت ولا صديقة ولا اخ
كرهت حياتى ونفسى اموت كل يوم وكل ساعه بتمنى الموت
امى مش سايبانى فى حالى كل لما نتكلم نتخانق على اى حاجة وكل حاجة ومش بتسكت دايما تدعى عليا وانا دايما اقول فى بالى لما اتنرفز عليها دى مهما كانت امى ....بس مش بلاقى قدامى غير كل حاجة وحشة شفتها منها
تعبانة اوى انا بعيدة عن ربنا وعارفة انى مليش غيرة بحاول اقرب منة بس مش قادرة اوصلة
بعدت عن ربنا لما حسيت ان كل الناس بتسيبنى وتبعد
رجعت للعزلة تانى من بعد ماخرجنى منها الانسان اللى كنت هرتبط بية بس رجعت لها تانى من بعد ماسبنى
علاقتى سيئة جدااااااااااااااااا مع والدتى لابعد الحدود بس لما بحس انى مظلومة كتير ...بس فى نفس الوقت ضميرى بيأنبنى عشان هى امى
بس تانى اقول انها هى سبب من اسباب وجودى فى الحياة
بس ارجع تانى واقول انى مشفتش فى الحياة دى غير كل شر من الناس
ارجوكم انا قربت اكتئب والله عاوزة حل ..............................................
انا لخصت اجزاء من مشكلتى عشان ماطولش عليكم
ارجوكم فيدونى

التعديل الأخير تم بواسطة يائسة من الحياة ; 02-11-2008 الساعة 12:43 AM

02-11-2008, 01:10 AM

اموت في اولادي

كبار شخصيات المنتدى

تاريخ التسجيل: Mar 2008

المشاركات: 1,940

الله يهديك يااختي صلي على النبي والله حنا الامهات نكون مظلومين انا حاسه بكل الي بتقوليه وعارفه تصدقي اني حاسه انه كلام بنتي التانيه ماادري ليش يمكن لانه بنتي الكبيره شخصيتها قويه وتعرف كيف ترضيني الاقي اني من غير قصد اعاملها غير لانه التانيه مستفزه او انا كده افهمها معليش حبيبتي صدقيني مافي شي من الي انتي تفكري فيه ببساطه اختك الكبيره عرفت كيف تجذب امك حاولي تعاملي امك بنفس الطريقه والله خلتيني الحين نفسي اخلص كتابه واروح احضن بنتي هي ونايمه مع اني ابد ماافرق بالاشياء الثنتين اجيبلهم نفس الشي بينهم بس سنه ونصف وبالنسبه لاخوك ماابي اعاتبك بس الله يهديك مايصير تجيبي صديقاتك على البيت وتخلي اخوك يشوفهم بعد الي عرفتيه وحاولي معاه شوي شوي وصدقيني انه صلاتك وقرائتك للقران راح تفيدك وتساعدك تتخطي هذي الظروف ولاتزعلي على الي كنت تحبيه لو هو ماتاخذني مهتم كان اصر على انه يخطبك الله يعوضك احسن منه وارجع تاني اقولك حاولي مع امك كل ماتسكر باب روحيلها من الباب التاني وبعدين اي ام عفوا يعني تجي بنتها تقلها انا حاسه انك مش امي راح تقولها نفس الشي ترى انا وبناتي نسوي نفس الشي ولايهمك حبيبتي اعتبريني اختك واي حاجه انا حاضره اوضحلك اياها انا بدرس علم نفس بالاضافه الا اني ام لاربع بنات الله يخليهم صحيح مو كبيره مره بس عندي خبره

__________________
اللهم لا اله الا انت سبحانك اني كنت من الظالمين

02-11-2008, 01:22 AM

*عروس حبيبى*

عضو نشيط جدا

تاريخ التسجيل: Oct 2008

المشاركات: 271

حبيبتى بسم الله عليكى

انا مقدرة ان حالتك صعبه

عاوزة اقللك ان فى فترة من فترات حياتى كنت مثلك

وكنت اشعر بأنى بعيده عن اهلى وكنت حساسه جدا من اى تصرف يفعلوه

وكنت انعزل فى غرفتى ولا اشعر ان احد يحبنى

وكنت اقول امى لا تحضننى وابى لا يطبطب على

وكنت اقول لايحبونى

لكن تعرفى كل هذا تغير امتى؟؟؟؟؟؟؟؟؟

بعد وفاة والدى

اعذرينى اختى لى عودة

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

02-11-2008, 02:53 AM

GREEN222

VIP

تاريخ التسجيل: Jun 2008

المشاركات: 11,121

غرفة النوم والانعزال فيها هو سبب المشكله

مش انتي ولا امك

الشيطان يوسوس لكي

اختك استطاعت ان تستوعب امك من غيرتها منك وهذا طبيعي بين الاخوه

جا دورك يا شاطره

اول شي انسي غرفة النوم للنوم فقط

اقرءي سورة البقره

وصلي على النبي

انتي من سيغير معاملة امك لك

لا سمح الله اذا اصابها اي مكروه

ستندمين اشد الندم على كل لحظه كنتي فيها بعيده عن امك

انا عندي هنا زوجي يعامل ابننا اصعب من امك

انما بسم الله عليه ابني دايما حلطط العذر لآبوه انو مريض

.

ابحثي وشوفي شو اللي يفرح امك اعمليه

لو حسيتي انو ما عجبها انما هي من داخلها ستفرح

وشويه شويه عليها

مش من اول معامله رح تنصلح الاحوال

هي من حملتك ٩ اشهر وسهرت لمرضك وانتي طفله صغيره

نحن البشر طبعنا ان ننسي كل جميل عند اول اساءه

اختك استطاعت ان تفوز بقلب امك وتبعدكم عن بعض

كوني انتي اشطر من اختك

وفوزي بقلب امك

لا سمح الله اذا اصابك اي مكروه اول شخص سينصدم ويخاف هي امك

بعد الام احفر وطم

انتي بيدك ستدمرين الجدار الذي بنى بينك وبين امك

اهم شي تخلعي الافكار الهدامه مثلا عند اول مشاجره ولو بعد شهر

سيعود عندك الشعور بالاكتآب اضطرديه فورا هذا الشعور

وانا متآكده انك ستنجحين

واعلم ان تركك العريس المنتظر اللي سمع كلام ابوه ليتزوج بنت عمو

ساعد في زيادة الهوه اول الجدار اللي بينك وبين امك

مستقبل حياتك متوقف مع التغير اللي رح يحصل معك بمعاملة امك

اذا نجحت بإذن الله

ستستطعين التغلب على اي مشكله ستواجهك بحياتك

الدنيا ليست جميله كما نتصور

انما نحن من نصنع الجمال بآيدينا صدقيني

ان ما نشاهده على التلفزيون من جمال وحب واخلاص

كله تمثيل ليزيدونا كآبه

اتمني ان ينقلب قلبك كقلب ابني

انا متآكده انك ستنجحين وباسرع وقت

02-11-2008, 08:22 PM

*عروس حبيبى*

عضو نشيط جدا

تاريخ التسجيل: Oct 2008

المشاركات: 271

مرحبا اختى

اتمنى ان تكونى هديتى الأن

لا أعلم من أين أبدأ ولكن واضح انك انسانه حساسه ورقيقه وتتوقعى ان يعاملكى الناس برفق كما تتمنين

ولكن تأتى تفاصيل الحياة مخيبه لأمالك الرقيقه

اعلم انكى تحلمين بأم توقظك بقبلات وأحضان الأم الحنونه

وتستقبلك عند العوده بحضن تلقين فيه همومك

ولكن عندما تجدى أمك تعاملك بقسوة يتترجم هذا فى قلبك الرقيق بأنه كره

ولكن صدقينى التجربه اثبتت لكل من كان مثلك اننا نحن المخطئون ولسنا ابائنا

اتعلمين لماذا؟؟

لأن هذه فطرة الله الذى وضعها فى قلوب الأمهات والأباء تجاه ابنائهم ولن تصدقينى الا عندما تجربى احساس الأمومه

ربما امك تقسوا عليك لأنها من وجهة نظرها طريقتها فى التعبير عن استياؤها من شىء ما

ربما تريد ان تغير بك صفه ما لاتعجبها

اعلم ان (ماوضع الرفق فى شىء الا زانه وما وضع العنف فى شىء الا شانه)

ولكنها تبقى امك التى انجبتك للحياه وقاست عند ولادتك وأرضعتك وعلمتك الحروف الأولى والكلمات

ولكن الشيطان ينغز بينكما

واعلمى ان ليس كل الأباء والأمهات يستطيعوا التعبير عن مشاعرهم

ونحن عندما نرى ذلك نعتقد انه لا حب بيننا

لكن انا لا اريد ان يفوتك الوقت والعمر الذى وهبكى الله اياه لكى تبريهما فيه

سأذكر لكى الموقف الذى لن انساه فى حياتى ما حييت

أبى كنت اتحسس منه دائما انه لا يحنو عليا (بطريقتى )اى لا يحضننى ولا يقبلنى مثلما ارى مع صديقاتى وابائهن

عند وفاة ابى (امام عيناى) لم اقدر الا ان ارتمى على قدميه واقبلهما امام الناس وكنت اشعر بالندم يعتصرنى لأنها المرة الأولى التى اعبر فيها لأبى عن مشاعرى ويالها من لحظه

وكان فى الأيام التى قبل وفاته _رحمه الله وأسكنه فسيح جناته_ ابى يستدعينى لغرفته لكى يمسك بيدى وينظر الى (وكانت المرة الأولى التى يفعل معى ذلك)

هذه اللحظات برهنت لى ان بداخل كل الأباء والأمهات حب لا يوصف لأبنائهن ولكن ليس جميعهم من يستطيع التعبير

وجلست بجانبه على سريره طوال الليل بعد الغسل قب ان يذهب الى مثواه الأخير بين التراب وكلمته كثيرا وقلت له كل مافى قلبى وقلت له اننى احبه جدا ولكن كنت لا استطيع ان اعبر

وكنت اتمنى ان يعود لأقول له ذلك وارتمى عند قدميه

حبيبتى ارجوكى لا تفعلى مثلى ولا تجعلى الوقت يفوتك

حاجتى فى الحنان كانت تعمى عينى عن محاسنهم وتجعلنى اركز على هذه النقطه فقط

ولكن فى الحقيقه ابيكى وامك هم بوابتك للحياه

الله وهبكى الحياه عن طريقهما

هم السبب فى وجودك

هم اللذان وفرا لكى ظروف معيشتك

بداخل امك حب لا مثيل له ناحيتك وانتى ايضا ولا تقولى لا لأن الله عز وجل هو من قدر ذلك

لا تدعى هذا الحب يستيقظ بعد فوات الأوان

احرقى شيطانك واذهبى لأمك وتعاملى معها بلين ودعى العصبيه جانبا

صدقينى ستجدى منها ما تبحثين عنه

اسفه اختى على الاطاله

ارجوا ان تطمنينا عليكى

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

التعديل الأخير تم بواسطة *عروس حبيبى* ; 02-11-2008 الساعة 08:38 PM

02-11-2008, 09:51 PM

سيدرا 1

عضو مثالي

تاريخ التسجيل: Jun 2008

المشاركات: 504

السلام عليكم ورحمة الله وبركاته ،،

اقتباس:

علاقتى سيئة جدااااااااااااااااا مع والدتى لابعد الحدود بس لما بحس انى مظلومة كتير ...بس فى نفس الوقت ضميرى بيأنبنى عشان هى امى

الله يبارك فيكِ اختي الكريمة ،، والله انه فيك ِخير ،، انت انسانة رائعة ،، انت عارفه انه هذه والدتك والله امرنا بطاعتها ،، وانها احق الناس بصحبتك لها ،، الله يوفقك تطيعيها كما يحب ويرضى .

1- اسمعي حبيبتي ، ،
قبل كل شيء توبي الى الله عز وجل من عدم طاعتك لها ،،

2- كل الأفكار السوداء عن اهلك والأنطباعات التي كونتيها عن والدتك واختك ،، انسيها ،، قولي اعوذ بالله من الشيطان الرجيم و اعلمي انها وسوسة من هذا اللعين ،، وابدأي صفحة جديدة

3-انتظرت طويلا طبطبت والدتك لك ولم يحدث ذلك او يمكن انه حدث ذلك لكنك نسيتي ،،
لذا كوني انت المبادرة ،،
امك مرت ولازالت تمر بظروف صعبة ... زواج اختك ،، غياب زوجها لفترات طويلة ،، انها تفتقد الى العواطف ،، والأحاسيس ،،
هي مثلك انثى ،، وغذاء الأنثى هو العاطفة ،،
لذا انت احضنيها ،، بوسيها بمناسبة وبدون مناسبة ،، و ابتسمي في وجهها ،،روحي لها في الليل قولي لأمك تصبح على خير ياحبيبة قلبي وقبلي راسها و يديها ،، اشتري لها هدية ،،
او اعزيمها في مطعم ،،لما ترجعي للبيت اشتري لها حاجة شوكولا مثلا ....

بالمختصر المفيد
الحاجات اللي نفسك أنه امك تعملها معاك أنت افعليها معاها ،،
عامليها كأنها صديقتك ،، ادعي لها ،، وادعي الله انه يحنن قلبها عليك ِ ،،

خذي كل هذه النقاط بالحسبان ويارب تنفعك ،،
الله يوفقك ياقلبي ،،
سادعو لك ِ في ظهر الغيب ان شاء الله ،،

02-11-2008, 10:07 PM

يائسة من الحياة

عضو جديد

تاريخ التسجيل: Nov 2008

المشاركات: 3

السلام عليكم ورحمه الله وبركاتة
والله انا مشكورة جدا لكل اللى حاول يساعدنى
والله العظيم انا نفسى انها تكون صديقتى وكل شئ فى الكون ليا بس هى مدتنيش فرصة لكدة طول عمرى وهى بعيدة عنى وبحس من معاملتها معايا انها بتبعدنى اكتر عنها
انا عارفة انها لو غضبت عليا ربنا مش هيسامحنى ابدا بس صدقونى انا كونت جوايا احاسيس وحشة كتيرة ناحيتها هى واختى لان الايام دى كانت ايام مراهقتى وكنت فى امس الحاجة لاى ايد تطبطب عليا كنت بحتاجها كتير والاقيها مش معايا مع انها موجودة جنبى
هى مولدتنيش وانا كنت كدة ... اكيد مكنتش كدة ولا عاوزة اكون كدة
المشكلة كمان انى باخد حاجات كتيرة معاها بالعند وانا عارفة انة غلط بس مش بيكون قصدى او فى نيتى انى اضايقها والله ومعرفش انا بعمل كدة لية
يمكن بحاول احسسها بالاحساس اللى انا حسيتة زمان من ناحيتها هى واختى والله مش انتقام بس مش عارفة دة اية
كنت دايما وانا زمان لما كانت والدتى واختى يزعلونى كنت ابكى لوحدى وافضل اكتب كل اللى انا حاساه ناحيتهم فى ورقة وكانت دموعى تملى الورقة دى لحظة مش بقدر انساها مهما حاولت
هو انا كدة دخلت فى حالة نفسية ولا اية المشاعر المتراكمة جوايا دى ناحية انسانة المفروض انها تكون قريبة منى وانا قريبة منها
انا مش قادرة اخرج اى مشاعر وحشة اتبنت جوايا فى سنين انى انساها فى لحظات انا بشر ياجماعه
والله بفكر كتير فى اسلوبى دة وانا مش راضية عنة اساسا بس مش عارفة كمان ابدأ منين ؟؟؟
ومش عارفة كمان ابدأ انا لانى والله مش قادرة اتخطى الحاجز المبنى بينا
ومش عاوزة افضل كدة لان عارفة ان كدة ربنا مش هيكون راضى عنى
وحاسة انى طول ماانا معاملتى مع والدتى سيئة ربنا مش هيبارك ليا فى اى حاجة والله عارفة
بس بجد مش عارفة او مش قادرة اتخطى الحواجز دى مش قادرة اموت المشاعر اللى جوايا فى لحظة

التعديل الأخير تم بواسطة يائسة من الحياة ; 02-11-2008 الساعة 10:09 PM

02-11-2008, 10:34 PM

om shams

عضو مميز

تاريخ التسجيل: Aug 2004

المشاركات: 485

اختي العزيزه ان شاء الله ياتيك النصيب اي الرجل المناسب الحنون وينسيك الماضي وان ترتاحي معه وبالنسبه لامك فهي مهما تكون هي ام حملت وولدت ورضعت وكبرت مما كانت قسيه والله سبحانه وتعالى وصى بالام فالواجب عليك يا اختي احترامها وبرها والله الموفق

03-11-2008, 03:09 AM

night2005

قلب المنتدى النابض

تاريخ التسجيل: Apr 2005

المشاركات: 6,286

أختي تأكدي ان امك تمر بضغوط لا تعلمينها ونتجيه للتربيه التي تلقتها تجدينها تلقى صعوبه في تعبير حبها لكي لكن هي تحبك
اصبري اولا لوجه الله سبحانه ثم لا يوجد لنا غير امهاتنا في هذا الزمن المليء بالمخادعين والمصالح
ادعي لها بالنغفره وان يسخرها الله لكي
توددي لها اصبري واقرئي سورة البقره
لما تقسى عليكي اصبري واستغفري ولا تتجادلي ووتذكري انو رضا الله سبحانه من رضا الوالدين واحق الناس بصحبتك امك

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

03-11-2008, 08:56 AM

#10

ربيع الحياه

عضو نشيط جدا

تاريخ التسجيل: Aug 2006

المشاركات: 786

السلام عليكم يا اختي الحبيبه

حبيبتي انتي قريبه مني في حاجات كتيره في حياتي انا كنت زعلانه اوي من امي وأختي كمان بس كل واحده فيهم كان ليها سببها تقدري تقولي اني طول عمري متعقده من اختي الكبيره لكن بفضل الله بقينا قريبين قوي من بعض دلوقتي بعد ما كنت بقولها انا بكرهك

اما امي فطول عمري انا اكتر واحده في اخواتي بخدمها برموش عينيا وانا اكتر واحده في اخواتي عمري ما حسيت منها انها حنونه عليا او قريبه مني لدرجة اني كنت بسمع من الناس انها بتشكر فيا وبتدعيلي وكنت بستغرب

لكن برضه هقولك اني بقيت دلوقتي اقرب واحده في اخواتي ليها بقولها كل حاجه

اما مراهقتي وطفولتي كانت من اتعس ما يكون ومريت بتجارب فاشله عقدتني اكتر

لكن فضل ربنا بقى اكبر ودلوقتي انا متزوجه من انسان عرفني بجد قيمتي

حبيبتي انا مش هقولك ان معاناتي اكبر منك ولا ان معاناتك قليله لأ ربنا يكون في عونك بس انتي مستنيه مين ياخد بايدك عارفه المشكله اللي فينا اننا كل ما تحصل مشكله مع اي انسان بنرميها عليه وبنقول ان احنا ملناش حظ

حبيبتي ربنا شايفك وحاسس بيكي بس مش معنى كده اننا نحط ايدينا على خدنا امتى حتستمتعي بشبابك, اولا مامتك مش قادره تفتكري ولا حاجه حلوه ليها حاولي لازم تحاولي

كنت بتفرج مره على التلفزيون وشفت مشكله زي بتاعتك بالظبط الدكتوره النفسيه قالتلها ابدئي انتي وروحي لامك وكوني حنونه معاها وحاولي توصليلها مشاعرك واستحملي اي حاجه تيجي منها وحاولي وحاولي وحاولي لاخر نفس في حياتك,

امال هي الجنه سهله لازم احنا اللي نجري وراها الجنه مش هتجيلنا لحد عندنا

انا عملت كده مع امي وكل ما الشيطان يقرب مني كنت ببعده واروح اجري عليها مره اشتكيلها ومره احكيلها, حبيبتي مامتك مستنياكي تعملي حاجه خصوصا انها بسبب مشاكلكم مع بعض فاكره ان انتي بتكرهيها لا حاولي قومي ومتسيبيش نفسك كده ومحدش هيحل مشكلتك مع امك الا انتي خليكي قويه وانا متاكده انك باذن الله هتكوني قدها

اما الانسان اللي كنتي هترتبطي بيه فهو زي الطياره الورق اتقطعت وزعلنا عليها لكن بايدينا نجيب زيها واحسن منها كمان ايه ده هو مش نصيبك زعلانه ليه هو الخسران لان خسر حب صادق وشريف وبكره باذن الله ربنا يعوضك زي ما عوضني الحمد لله

اما اختك فسامحيها وابعتيلها هديه وقربي منها وروحي زوريها ان كنتي تقدري وكلميها في التليفون حبيبتي مش كل عضو فينا بيوجعنا هنرميه ليه منعالجوش لانه في الاخر حته مننا اديلهم كل الحب انسي كل حاجه وسامحيهم مهما عملو اوعي في يوم تبعدي عنهم حتى بعد ما تتجوزي باذن الله ربنا قال كده في كتابه العزيز

اما اخوكي فليه بتجيبي اصحابك البيت حاولي تبعدي اصحابك عنه حاولي تقربي منه واقنعيه ان كل اللي بيعمله ده غلط ده حقه عليكي يا حبيبتي

حبيبتي كل مشكله ممكن تتحل بس عايزه قوه وصبر وشجاعه, لما تتضايقي اقعدي في اوضتك وابكي بس لربنا وكلميه واحكيله وادعيه ان يفرجلك همك هو وحده اللي قادر يحول حياتك لبستان فيه كل حب وحنان قربي من ربنا وادعي ربنا انه يقربك منه ربنا قادر يحيي الموتى وقادر يحيي حياتك

بس اياكي تسخطي وتجيبي سيرة الموت تاني تموتي دلوقتي طيب مين اللي هيبني الحب والحنان والامل والبيت السعيد اللي هيجمعك بزوجك الحبيب حبيبتي الفرج قريب باذن الله ربنا يفك كربك امين

__________________

( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه