تعبت من حساسية زوجي الزائده كيف أتعامل معه؟ (حلت المشكله بالرد رقم-34) - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 18-08-2012, 09:44 AM
  #1
صباح العود
عضو مميز
تاريخ التسجيل: Dec 2011
المشاركات: 859
صباح العود غير متصل  
تعبت من حساسية زوجي الزائده كيف أتعامل معه؟ (حلت المشكله بالرد رقم-34)

مشاكل لاتنتهي تحملوني وخصوصا الاخ الكريم الزعيم خالد
قبل كم يوم رحنا لأهالينا واحنا راجعين في السياره للبيت انفتح موضوع بالصدفه وذكرت لزوجي بان اهله ماعزموا اهلي في يوم ملكة اخوه وفي زواج ولد عم زوجي ماعزموا كمان (بس زوجي دق في عصريوم الزواج وعزم الوالد والاهل) اما ملكة اخوه لاعزموا ولاشي
المهم توقعت الاعتذار من زوجي مادريت الا ويقول الحمد لله اننا أخذنا منكم عشان تعلمونا المذاهب
طبعا استصبت وتفاجئت من الرد وزعلت في خاطري قمت قلت طيب تعلموا أجل يصير ماتعيدوها مره ثانيه
قام يقول راجع مبسوط مستانس ونكدتي علي ياحبك للنكد شوفيني تنكدت الان انبسطي لاحول ولاقوه الا بالله طيب انا وش قلت وش عرفني انه بيزعل كذا لو ادري كان انطميت ومافتحت فمي لكن هو اللي يبغاني اتكلم واسولف بالغصب يبغاني اتكلم ولما اتكلم يزعل اذا الكلام ماجا على هواه ويقوم يرمي علي كلمات تجرح ونزعل من جديد
المهم وصلنا البيت وهو لاوي البوز بعد محاولات كثيره مني لارضائه في السياره لكن دون جدوى وكلها باءت بالفشل ولما دخلنا البيت قبلت جبينه وخدوده وخشمه قلت اسفه اسفه اسفه ماعاد اكرر خلاص افردها وابتسمت استمر على زعله شوي بس رضي بعدها وقال لاتفتحي ذا الموضوع نهائي قلت ابشر
صرنا حبايب يامحلانا
كلها ساعات نمنا وصحينا وطلب مني صرافته عشان يشتري جزمه للعيد وانتم بالكرامه قلت ابروح معك عشان اشتري جزمه للولد قال انتي ماتنتهي طلباتك مع انه يوم واحد فقط رحنا اشترينا اغراض العيد قبل شهر رمضان قال من وين الفلوس قلت من عندي ماعرف وش يقول قام قال لا منتي رايحه طيب ليه منت رايح رايح خلينا نروح مع بعض لا مالها داعي ولا ابغاك تجين قلت ليه لا وش بينقص منك لو رحت قال منتي رايحه وبس
طبعا جلست اطالع فيه بقهر لانه دايما يرفض اني اخرج للسوق من القهر قمت قلتله الصرافه نسيتها عند اهلي وخرجت للمطبخ جلس ينادي وانا مطنشه بس رجعت على طول الا وهو لاحقني للمطبخ ويقول ماتسمعين في النكد ويصارخ بأعلى صوته ويقول الله لايجعلك ترضين وانا ساكته قام قال والله لو ماتعدلتي لاسطرك كف على وجهك ويهز بيده عند وجهي انا لما قال كذا وقفت والتفت عليه طبعا لو انطق بحرف ضربني بس تعوذت من الشيطان ورحت للشنطه وطلعت الصرافه واعطيته أخذها وخرج من البيت يسبسب ويشتم
دخلت المطبخ قفلت الباب وجلست على الارض ابكي
قمت مسحت دموعي وكملت طبخي وجهزت سفرة الفطور رجع للبيت وافطر وانا بس شربت مويه ولافه وجهي عنه عشان مايشوفني ودموعي تنزل
الا ولدي يقول بابا شوف ماما طبعا ماحرك ساكن
جالس يتفرج وياكل بعد مااكل شلت السفره ومن وقتها وانا قافله على نفسي الباب وجالسه لوحدي عشان مااقول كلمه بالغلط ويتنكد ويقلب البيت على راسي
رحت نمت وصحيت شوي عشان ولدي الا يقول لي سوي قهوه سويت له وحطيت معه حلا وحطيتها عنده ورجعت لغرفتي
طبخت السحور ونفس الحكايه ولاكلمه
الرجال ذا طفشني من الحساسيه الزايده والزعل والهواش طول الوقت وعلى اي شي كيف أتصرف معه ؟؟ قلت والله ماعاد اكلمه الين يعرف كيف يحترمني ويتفاهم زي العالم والناس ؟؟ وناويه اخذ ولدي وانام في غرفه لوحدي عشان أريح راسي واريحه من التنكيد اللي يقوله كل مايصير شي او اقول شي قال تحبين التنكيد
او اكلم الوالد يتفاهم معه !! في بالي اروح لاهلي وماعاد ارجع نهائي راح عمري وانا بس اترضى واترجى في هذا المخلوق !! وش رايكم؟؟
أحس نفسي احزن ارسلتله قبلها رساله بمناسبة العيد وشوف كيف صار عيدي بسببه؟؟*
__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

التعديل الأخير تم بواسطة om abdlah ; 07-09-2012 الساعة 09:47 PM السبب: تعديل العنوان لأيضاح المضمون واضافة المستجدات
قديم 18-08-2012, 10:02 AM
  #2
صباح العود
عضو مميز
تاريخ التسجيل: Dec 2011
المشاركات: 859
صباح العود غير متصل  
رد : مشكله جديده

نسيت اذكر انه قال طيب لاتعزمونا في أفراحكم اصلا حتى لو تعزموني ماراح أحضروالله ماأحضر
كل هذا عشان بس قلت ترا اهلك ماعزموا أهلي في ملكة اخوك وزواج ولد عمك
بدل ماأزعل أنا يزعل هو واجلس اترضى فيه ومارضي الا بعد مارفع ضغطي
احس صبري بدأ ينفذ
خرب العيد علي الله يسامحه أفكر حتى العيد ماأروحله نفسي مسدوده مررررررره وش رايكم اجلس في البيت عشان يعرف الفرق بين التنكيد وبين السعاده اللي ماهو شايفها؟؟
__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

التعديل الأخير تم بواسطة صباح العود ; 18-08-2012 الساعة 10:11 AM
قديم 18-08-2012, 10:22 AM
  #3
مههها
عضو دائم
تاريخ التسجيل: Jul 2012
المشاركات: 84
مههها غير متصل  
رد : مشكله جديده

تعوذي من الشيطان /

كسرتي خاطري حييييل
/ إلا العيد تونس فيه ونسي ولدك

الله يهديه موضوع بسيط يخليه سالفة

شين وقوة عين / يأخذ صرافتك وينكد عليك


بصراحة لازم تأخذين موقف من الحركة اللي سواها /

خليك أحسن منه لاتخربين عيدك بسب موضوع تافه /بهالعيد تقدرين تكسبين حياتك فيه /وأنتي وشطارتك

لاتخلين الشيطان يدخل بينكم

إذا الموضوع وصل عند أهلك راح يتعقد كثير والله المستعان
قديم 18-08-2012, 10:59 AM
  #4
متفائلة بالله35
كبار شخصيات المنتدى
 الصورة الرمزية متفائلة بالله35
تاريخ التسجيل: Jun 2012
المشاركات: 2,501
متفائلة بالله35 غير متصل  
رد : مشكله جديده

تعوذي من ابليس وانسي الموضوع
الدنيا عيد وما بدنا نكد
__________________
انا لله وانا اليه راجعون
قديم 18-08-2012, 11:53 AM
  #5
ي حبني لك
عضو جديد
تاريخ التسجيل: Feb 2012
المشاركات: 47
ي حبني لك غير متصل  
رد : مشكله جديده

ماشاءالله عليك والله تصرفاتك تصرفات بنت متربيه احسن تربايه وبنت اخلاق
وعجبتني طريقة كلامك وطاعتك لزوجك
موضوعك بسييط جدآ
زوجك مو متضايق منك ولا شي ممكن مضغوط بالعمل ولا زعلان من احد من اقرباك اخوانك ولا اي شي
والعيد لا تبقين بالبيت روحي وستانسي ولا عليك من شيي وصدقيني زوجك بجيك يراضيك
بسس ممكن سوال ؟؟
زوجك من جماعتك ولا لا !
قديم 18-08-2012, 02:29 PM
  #6
قلوب حائرة
عضو مميز
تاريخ التسجيل: Aug 2012
المشاركات: 849
قلوب حائرة غير متصل  
رد : مشكله جديده

اختي انت اخطاتي لما اصريتي عليه في الخروج معو لما رفض مرة مرتين خلاص تقبليها واذا تبين جزمة للولد خلليه هو يجيبها معو
وهو عصب لما طنشتيه وقلتي له انك نسيتي الفلوس عند اهلك لو ما طنشتيه وعطيتيه الصرافة رح يحس بتانيب ضمير لانو رفض خروجك معه وممكن وقتها رح يتراجع وتخرجين معو

هو عصبي صحيح بس لو ما طنشتيه وزعلتي لانو رفض خروجك معو ما كان عصب عليك يعني بصراحة انت خلليتيه يثور
قديم 18-08-2012, 03:10 PM
  #7
الـجــريء
عضو مميز
 الصورة الرمزية الـجــريء
تاريخ التسجيل: Aug 2011
المشاركات: 1,453
الـجــريء غير متصل  
رد : مشكله جديده

واضح ان زوجك من النوع اللي مايحب الزحمة والقلق
تري هذا النوع غيور ولا وده يبين غيرته.. افهمي
بس مايقدر يعبر عنها الا بالرفض لاي طلب يثير غيرته

خروجك للسوق هو يراه عبء عليه لانه من غيرته ماوده يصير اي موقف يوتره
وانتي فاهمتها انه لمجرد الرفض لشخصك انتي وهذا غلط
ولو كنتي حولتي محاولة الخروج الى مكان اخر غير السوق كان ماحصل الموقف هذا كله

عجبني بصراحة فيك قيامك بتعاملك الجيد مع زوجك وعدم انقاص واجبك اتجاهه
وهذا يا اختنا فعل الكرام.. لقد وجهتي له اكبر صفعه وهو يحترق الان ويتندم لانك عاملتيه بطيب وهو ما كان كذا

بس ابيك تفهمين شي واحد الرجال في مجتمعنا لا يجيدون التعبير ويحبون الاختصار وفعل الافعال دون تبريرها..

وعشان لا تتكرر مواويل الخصام .. طبقي المثل الانجليزي( قبل ان تتكلم عد من واحد الى عشرة)
يعني قيسي نتائج ماستقولينه قبل قوله.. فاذا ماكان سلبياً فاتركيه
وسلبية الدعوة للزواج ليست لها علاقة فيما بينكما هذي علاقة عوائل وواجبات ..
دامها تأثر عليكم مالها داعي ابدددددددد انتي اولى بطيب هذا الزوج من حمقه وغضبه

انصحك لا تفوتي العيد ولا تجعلي نفسك ضحية لعبة الكرامات ..
__________________
ان انت اكرمت الكريم ملكته.. وان انت اكرمت اللئيم تمردَ!!
قديم 18-08-2012, 03:21 PM
  #8
المتفائل بالله
عضو مثالي
 الصورة الرمزية المتفائل بالله
تاريخ التسجيل: Nov 2011
المشاركات: 1,644
المتفائل بالله غير متصل  
رد : مشكله جديده

السلام عليكم ورحمة الله تعالى وبركاته

أختي في الله
تعلمي انج ما ادخلين زوجك في الشؤون النسائية!! والله أكبر غلط ان تسمحين لرجالك يقتحم عالم النساء!! لأن هالعالم بكبرة لايناسب الرجال ولا يستصيغونة ولا يعرفون يتصرفون معة!! وهذا هو اللي سببلك كل هالمشاكل.

وهو بعد الله يسامحة شديد شوي وغليظ بأسلوبة وكان من الأحرى ان ينطق بالحق ويقول ايه والله معاج حق بس انا رجال وهذاك دربي ومالي شغل بعزايم الحريم ، او يقول والله ياحبيبتي إذا كانت العزومة عزومتي تعالى اشرهي علي!! وانا ماني وكيل على خلق الله حتى لو كانوا عيال عمي او اي احد من بقية اهلي!! المسايسة حلوة!! بس وين اللي يعرفلها

تصرفاتج جداً حكيمة ، ف ونعم الزوجة انتي ، وماعليه تحملي وانا اخوج واصبري ، وعيشي عيدج واستانسي ، وكل امورج والله عوافي ومافيها الا الخير ، وأياني وأياج أدخلين أبوج او اهلج في شؤونج الخاصة مع زوجك!! والله بتكبر السالفة وتتعقد اكثر واكثر وبتحسس زوجج ان حياتة الخاصة صارت مكشوفة للكل وراح يحس بالإهانة !! وتعالي عاد بعدها ورقعي
__________________
استغفر الله واتوب إليه
قديم 18-08-2012, 05:26 PM
  #9
سنا نجمة
قلب المنتدى النابض
 الصورة الرمزية سنا نجمة
تاريخ التسجيل: Dec 2010
المشاركات: 519
سنا نجمة غير متصل  
رد : مشكله جديده

كل تصرفاتك رائعة
لكن عندك نقطتين 1. لما زعل فـے السيارة و رفع صوته لا تراضينه التزمي الصمت فقط
يعني لا تسوي الغلط و ترجعي تقولي اسفة فـے نفس الوقت اتركيه فتره فترة

2. مثل ما قالت احدى الاخوات لما قال مانتي رايحة معي ما كان طنشتيه يمكن لو أعطتيته البطاقة راح يغير رايه
__________________
قديم 18-08-2012, 08:59 PM
  #10
صباح العود
عضو مميز
تاريخ التسجيل: Dec 2011
المشاركات: 859
صباح العود غير متصل  
رد : مشكله جديده

اقتباس:
المشاركة الأصلية كتبت بواسطة مههها مشاهدة المشاركة
تعوذي من الشيطان /

كسرتي خاطري حييييل
/ إلا العيد تونس فيه ونسي ولدك

الله يهديه موضوع بسيط يخليه سالفة

شين وقوة عين / يأخذ صرافتك وينكد عليك

الصرافه لي لكن انا استلفت منه 2000 ريال اشتريت بهم ذهب عشان كذا الفلوس اللي فيها سلف له هو
بصراحة لازم تأخذين موقف من الحركة اللي سواها /

خليك أحسن منه لاتخربين عيدك بسب موضوع تافه /بهالعيد تقدرين تكسبين حياتك فيه /وأنتي وشطارتك

لاتخلين الشيطان يدخل بينكم

إذا الموضوع وصل عند أهلك راح يتعقد كثير والله المستعان

انا ماراح اكلمه لا في العيد ولا بعد العيد بس متاكده ومجزمه انه راح يقلي نكدتي علي عيدي والمشكله انه هو سبب كل النكد بحساسيته الزايده وظنه السئ فيني
كل الشكر اختي الغاليه مههها
__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:38 PM.


images