لا بد من التأكد من هل الكلام قالته أخت العريس ولا لا

يمكن يكون إفتراء من بعض الحاقدات

وإن طلع الكلام صحيح

الحل الوحيد هو

الإنفصال

والله الموفق

من بدايته كدا

نصيحه بلاش منه إنتم لسه بالبر


عسى ربنا يوفقها للزوج اللى يعرف بقيمتها


ومستغربه كيف كتبتم الكتاب وماأخذتم مهر


غريبه

أنا متابعة
الله يستر

و قولي لأختك " كل بنت فيها أشياء معينة بعض الرجال يعتبروها عيوب و بعضهم يعتبروها حسنات "

واحد مرة متقدملي قالتلي أخته بضحك أول ما عرف إنك بيضة رجع في كلامه , يموت على السود مو السمر لا السوووووود

و أنا خذيت الموضوع عادي

و في رجاجيل يدورون السمرة و في يدورون البيضة

يعني لولا اختلاف الأذواق لبارت السلع

و بعدين واضح إنه مفتري و كاذب و يتحجج

مو المفروض انه يكون داخل في ايده المهر ثم على حسب كلامه يتفاجئ بأختك !!

اللي حصل انه داخل و ناوي يسوي هالتمثيلية عشان يلغي أو يقلل المهر

أولا من حقها المهر ماكان لازم تعملوا الشئ هذا

إنتوا مو طالبين منهم يتصدقوا عليكم ؟ هذا حقها

ثاني شئ يمكن يكون كلام من أخته و الولد ماله أي دخل

و أحسن شئ اللي عمله الوالد

بشري ياقلبي ايش صار؟

__________________

طيب ليه هو فاكر حاله كامل؟؟

يمكن اختك شافت فيه عيوب بس تغاضت عنها..ليه لانها تبحث على شخص كفؤ..

بانتظار مايحدث

ألموضوع ما ينسكتله بالمرة ارفضوا واطلبوا الخلع الرجال باين من اول يوم ما ينفع مافي رجال يتكلم على مرته كذا بالعكس المفروض يكون فرحان بيها وطاير عليها

السلام عليكم ورحمة الله
اخر التطورات ...
اليوم طبعا احنا كنا بانتظار عريس الغفله ... ومن الصبح واخته اللي هي مرة عمي تدق على اختي ,,بس اختي اسفهتها ولاردت ..
المهم في حدود الساعه الثامنه مساء ارسلت اخته لاختي مسج تقول ردي ضروري
ردت اختي بس ماعطتها وجه قالت لها نعم
قالت انا ابي اعتذر عن الكلام اللي وصلكم بس حبيت انبهك لاتقولين شي لزوجك
لانه هو ماقال شي والكلام هذا اللي طلع مني ومن خواتي الثانيات ,,احنا بس
كنا نبي نبين لكم ان اذواقكم ماعجبتنا وكنا نبي نقول لكم تنتبهون لما يجي الزواج
(تخيلو ياناس بغت تخرب زواجه كامله عشان توافه )سبحان الله لعظيم ..

المهم اختي قالت لها على خيران شاء الله
طبعاوجا المعرس ولما دخل اختي قالت لابوي انا بأتفاهم معاه
دخلت اختي ،، وسلمت وقالت لزوجها انت وش رايك فيني في الملكه
قالها ماشاء الله لاقوة الا بالله مايحتاج اوصف ..
قالت له بس احنا الكلام اللي وصلنا غير هالكلام قالت اللي وصلنا اني ماعجبتكم ووووو قالت له كل شي بس ماقالت ان اختك هي اللي قالت لنا ..

الولد تفاجئ وحلف انه ماقال هالكلام وانه يعتذر عن اللي طلع هالكلام وان اكيد غرضه تخريب الزواجه...
وعد ابوي انه المهر في خلال كم يوم راح يكون عندنا لانه مقدم علىقرض وينتظر يطلع ..

والحمدلله اختي تقول بعد ماحلف لي ارتحت وعدت الليله على خير ...




الف شكر لكل من رد وعبر وطرح اي فكره الف شكر مره اخرى والله يفك كربتكم ويبعد عنكم كل شر .. ولاتنسون تدعون لاختي ولكل عروس الله يتمم لهم على خير ويبعد عنهم كل شر ..
اختكم انتفاضة قلب ..

__________________

(ربي لاتذرني فردا وانت خير الوارثين )

الحمد لله رب العالمين ان ما طلع الكلام منه

لكن صراحه المفروض يكون وقفه من اخوك مع مرة عمك وكان المفروض ان يعلم العريس ما حدث من اخته وما ارادت ان توقع به لأنها اذا كانت هكذا من اول يوم في الملكه وضيعت على اختك فرحتها هيعملو فيها ايه بعد كده
وومكن توقع بايه بعد كده بينها وبين زوجها

عموما الله يتمملها ويتمم لكل عروس على خير ويرزق بنات المسلمين بالأواج الصالحه والذريه الصالحه يا رب العالمين

لا حول ولاقوة إلا بالله

معقولة فيه ناس مريضة نفسيا الى هذه الدرجة !!!!!

حسبنا الله و نعم الوكيل ..

و الزوج المسكين ظلمناه .. نسأل الله المغفرة ..

حسبنا الله و نعم الوكيل

الله يعين اختك على اهل زوج بهذا الشكل .. لازم توقيفهم عند حدهم لكي لا يخربوا حياة البنت مستقبلا ..

بداؤا الموضوع بمحاولة تخريبية مريضة ..

الله يستر عليكم و يبشرك بالخير لانك طمنتينا

__________________
اللهم تقبل دعاء