السلام عليكم و رحمة الله و بركاته

ماعرف ليه ، حاسة كذا نفسي اهرج عن شغالتي الجديدة ..
بصراحة ، أول مرة أقابل وحدة مثلها ..

بجدددددددد ..
أخاف منها ، و نفس الوقت تضحكني مرات ..
ما عمري قابلت شغالة مثلها بجد .. و حبيت تشاركوني ..

قولوا ( ماشاء الله )
عشان لا تتغير ..

أحسها راح تمشي أولادي ، على عجين ما يلخبطووووووووووووووش ..
أول مرة اكتشف انه أولادي مدلعين ..

*. وصف مظهرها .*

شفتوا - توم & جيري - !!!؟
مو فيه - شغالة عندهم -

نسسسسسخة من شغالتي الجديدة ، اللي جاتني من 5 أيام ..

ملاحظة :
شغالة = عاملة منزلية ..
أنا ما أقول قدامها شغالة .. بس عشان تفهموني و انا بأتكلم ..

.
.

خلونا في المهم ..

بأكتب عن بعض الأشياء الي ما شفته في الشغالات الي قبل !
ماعرف ليش غصب عني ابتسم و اضحك مع نفسي ..

- ولدي الكبير استأذن مني يخرج الحوش و يلعب مع ولد الجيران ..
قلت له طيب روح العب .. و هو راجع البيت بعد نص ساعة ..

الشغالة فتحت له الباب و جات عندي تقول لي بصوت عالي و معصبببببببة :
مداااااااااااااااااام .. انت سمحتي لعبودي يطلع برة ؟

قلت لها ايوة ..

قالت : ايوط بس كنت بأتأكد ..

.
.

و بعد شوية أروح و ألاقيها مقفلة باب البيت بالمفتاح و معلقته فوق
و أولادي ماهم قادرين يطلعوا برة في الشارع ..

انبسطت منها الصراحة ..

----------------------------

و هي في المطبخ ، يدق جرس الباب ..
و أولادي يجرووووووووووووووووا عشان يفتحوا الباب ..

و أسمعها تصيح من المطبخ ، و تقول ( يا ولد .. ياااااااااااااااا ولد .. يا ولد ، استنى لا تفتح الباب )
و تخرج جري من المطبخ و يدينها فيه صابون الغسيل و تقولهم لا تفتحوا الباب و تجري لجهة الباب ..
و لما شافتني اخرج من غرفة المكتب حقي ، قامت رجعت المطبخ .. ( ماهي دارية اني سامعة )

.
.

عكس بقية الشغالات الي قبل ، كنت أقول لهم - لا تفتحوا الباب لأي أحد -
و يطنشوني و يفتحوا لأي أحد يدق الباب ..

موقفها عجبني ..
مع إنه أولادي يكرهووووووووووووووووووووووووووووووووووووها ، و ما يحبوها ابدا ابدا ..

ماشالله الله يبارك لك فيها اش جنسيتها

*. ولدي الوسطاني .* <--- فينها شوك

جاء عندي يصحيني و يبكي ، و سحبني للمطبخ ..
رحت معاه و قالت لي الشغالة بعصبية و هي مقفلة باب المطبخ ..
( ولدك يبغى بيبسي و خبيته و ما أعطيته ، لا تعطيهم بيبسي مو كويس )

بجد الشغالات الي قبل ، كنت أقولهم لا تخلوه يشرب غازيات .. و من ورايا يعطوه عشان يريحوا حالهم

المهم ..
عملت له حليب و نيمته ..
و مدحتها و شكرتها ، قلت لها ايوة صح لا يشربوا بيبسي ..

.
.

كل شوية اولادي يجوا عندي يبكوا بسببها و اتضايق بداخلي ، لكن يطلع الحق معاها ..
فأقوم اطنشهم ..

و اعطتني محاضرة قبل امس ، تعلمني كيف اتعامل مع أولادي
و تخاصمني ، تقول انت تدلعيهم مررررررررة و ما يصير كذا يا مدام ..
حسيتها كأنها أمي أو أختي الكبيرة و هي تخاصمني و تتكلم بصوت عالي
طبيعة صوتها زي كذا ..

.
.


و دحين هما مرة مو طايقينها ..
بس يستاهلوا ، أحسها راح تأدبهم مضبوووووووووووووط هههههههه

راني ..

أول شغالة - حبيبة قلبي كانت - اللي اخدتها بريطانيا و كانت عند أمي الله يرحمها
اندونيسية .. يا حبي لهم

.
.

بس بعد كذا ، كلهم حبشيات - معليه اكره الجنس هذا -
صارلي ثلاث سنوات مع الحبشيات ..
كرهوني في حياتي ، و في كل الشغالات ..

ما ينفع معاهم المعروف و لا الإحسان .. ابدا ابدا ابدا ..
طلعوا عيووووووووووووووووووووووني ..

.
.

هذه من - مالي - أو يقولوا - غانا - ..
صارلها بالسعودية تقول 11 سنة ..

كينيه صح؟

الله يبارك لك فيها

اذا تبغي تتنازلي عنها كلميني

أظن كينية ، عمري ما شفت أي وحدة كينية و ماعرف اشكالهم ..
كأنها قالت كينيا .. تقول لي من ( مالي ) ، سألتها من ( غانا ؟ ) قالت يس ..

...................

أنا راح استقدم من فلبين بإذن الله .. بس يبغالهم ست أشهر اقل شي لحد ما يوصلوا ..
و ناس صارلهم سنتين يستنوا ..

هذه الي عندي ، من اللي هنا يشتغلوا بالأشهر ..
تقول بعد الحج تبغى ترجع بلدها خلاص للأبد ، و ما تبغى تجلس ..

تكون وصلت لي الفلبينية بإذن الله .. ^_^

جايبة معاها ( الكوب الخاص بها ) ..
جايبة معاها ( كيس المخدة ) .. و تقول لي ( اقرف انام على مخدة غيري و الشغالات الي قبل )
جايبة معاها ( لحافها ) ..

جايبة معاها ( اغراضها الخاصة )
و قدر صغير لنفسها ..

.
.

قبل امس اعطيت لأولادي ( كمثرى ) .. و هي كنست الصالة ..
و هما ياكلوا و القشرة يخرجوها من فمهم ..

خاصمتهم ، و دخلتهم الغرفة ..
و قالت لهم ، تاكلوا و انتوا جالسين مكان واحد ..
مو تمشوا و تاكلوا و تفتفتوا في كل مكان ..

سمعوا كلامها كلهم ، و راحوا للغرفة