سبحان الله أستغرب كيف تسأل البشر ورب البشر يقول (( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم ))

أخي لتتفائل فقط ..
قبل 3 اشهر ربما , فتاتين من أقربائي كل واحدة من عائلة تزوجن بشابين بمستواك او اقل اهل الفتاتين تكفلو بالزواج لان الشابين لايستطيعان واحدهما لايريد زواج كبير فهل يعقل ان اهل الفتيات يرفضون تزويج بناتهم من اجل قاعة وخلافة !!
قاما اهل كل فتاة بعمل مايريدون دون تكليف الخاطب وليس في ذلك عيب دامها رغبتهم .. أما المهر فميسر مع العلم أخي انت افضل حالآ من الشابين فانت تملك مسكن كما تفضلت وتدفع اقساطه اما هما فيسكنان أجار بقيمة قسطك وربما اكثر وفي النهاية ليس ملك لهما .
2900 تكفيك بأذن الله وانا أكلمك من واقع تجربة الاكل ليس شهريآ ستشتري الأشياء الأساسية بمعنى ليس كل شهر ستنفد كذلك الملابس لن تشتري كل شهر .. فواتير الجوال والنت ليست بكثيرة ابدآ خاصة مع الباقات , الكهرب وبنزين سيارتك كم سيقتص منه ؟ مايتبقى من راتبك ارفعه ولا تضعه بكماليات وستجده ان شاءالله متى احتجت ان كان لشراء ملابس (مواقع النت ارخص وارقى ونيو كلكشن ) او لزيارة طبيب لاقدرالله والحكومي افضل ..

أخي لاضير ولاعيب أن تبحث عن موظفة تعينك أن شاءالله تعفها وتعفك .

أسأل الله أن يغنيك بحلاله عن حرامه وبفضله عمن سواه .

اتمنى لك التوفيق والسداد وتيسير امورك
اخي الباقي من راتبك قليل فاذا اقدمت على الزواج فحاول ان تبحث عن موظفة وان تكون متفهمه لوضعك لان اقل حاجة هي تحمل عنك مصاريفها ولاتعتمد على راتبك واقول لك امر مهم فهو ماتفضلت فيه الغالية111انك تعف نفسك وتعف بنت الناس من زمن المحن والفتن وانت فكر في عمرك اذا انت كبير في عمر 30 فبادر بالزواج لان كل ماتاخر زواجك تاخر انجابك للاولاد فيجب ان تفكر لهذه النقطة العفاف +الاولاد الاستقرار بعد الله واسئئل الله يوفقك فكر في كلامي فالاولاد مكسب ورزق فيجب انت تفكر ان تنجب في عمرك وانت صغير فبعد فترة تراه امام عينك وانت صغير بالعمر

اخوي موضوع السؤال هل يكفي الراتب والا لا هذا ماراح تحصل له اجابه
لان هالسؤال يعتمد عليك انت فيه ناس راتبهم فوق العشرين الف ومع هذا مايقدرون يوفرون شي واخر الشهر تحصل مامعه شي
وفيه ناس راتبه 4000 ويوفر ويجمع منه
فـ موضوع الصرف هذا راجع للشخص نفسه
وبنفس الوقت راجع للزوجه اللي انت راح تختارها واعتقد ان الله وفقك بزوجه صالحه تعينك على الدنيا وتحافظ على فلوسك وتمسك الفلوس وتحط كل ريال بمكانه هنا راح اقولك راتبك راح يكفيك وزياده

بس السؤال اخوي قرضك كم باقي له يخلص ؟
وهل انت ساكن بملك ؟

جزاكم الله خير على التفاعل
غيرت رائي
نويت بأذن الله اني اجمع 32الف و بأذن الله بتجيني مساعدات بحدود 45الف
وباخذ قرض حكومي بقيمه 60000ريال بدون فوائد
بعدها اتوكل على الله
بأذن الله تخف علي القروض
يصير بأذن الله كل شهر
اخصم 800قرض وتقريبا 1600حق اجار
يبقى لي حدود3800 وش رايكم كذا مو احس
طبع انا ماعلي قروض الان ولسا ماستاجرت
دعواتكم

الله يوفقك وييسر امرك ويرزقك بنت الحلال اللي تسعدك

الله يسهل أمرك ويسعدك، ويحقق لك مرادك ومناك.

__________________
ياصبحِ لاتِقبل !!
عط الليل من وقتك..

أخي أنت ضامن مساعدات بي 45 الف شيء ما يدخل العقل لا يكون اعتمادك على ما سوف يعطونك الغير انما اعتمادك على ما قمت أنت بتوفيره مازالت في انتظار اجابتك على اسئلتي

اخي توكل على الله وبتتسهل ان شاءالله

Sfyجزاك الله خير على التفاعل
طبعا بأذن الله القرض الي باخذه حكومي بدون فوائد بقيمه60000لمدة6سنوات بقيمه 800ريال بشهر
ومبلغ 1600هذا تقريبي بيكون قسط على جمب كل شهر لاجار الشقه
وطبعا انا اﻻن ليس لدي مال لكن قررت بأذن الله اجمع وبعد عون الله ثم المساعدات والقرض بعد الزواج بيبقى معي مبلغ حدود 30000 بأذن الله
وبنسه هل اني متأكد ان راح تجيني مساعدات او ﻻ انا متفائل وبأذن الله راح تجيني ولو ماجت ماراح تقدم على الزواج اﻻ ان يشاءالله
وطبعاىالقرض بخليه اخر مرحله ان اكتملت جميع الضروف بأذن الله