السلام عليكم

كيفكم اخواني ان شاء الله طيبين ..... خصوصا الموظفين

مادري الموظفين او الموظفات خصوصا اكيد انتم مثلي تمرون بنكد في الاسبوع الاول من العمل

انا كل سنه امر فيه ...... بس هالسنه بزود ..... العام الماضي كنت منتدبه لمكان اخر مجبره وكان فيه

صديقات وزميلات عزيزات علي..... والحمدلله على كل حال كان انتداب سيء علي.

وهالسنه مابغيت الرجعه وغايبه الاسبوع الماضي ... واليوم السبت داومت بمكان عملي الاول

اتخيلوا ولا وحده من الصديقات المقربات ولا الزميلات اللي اعرفهم موجوده كلهم نقلوا ,, مابين خارج

المنطقه ومابين داخلها....... يعني مبنى فيه بس الذكريات ..... كل الموجودات جدد .... حسيت بغربه

قويه وانا في بيتي ...... رجعت بيتي محبطه قلت ليتني على الاقل العام جلست معهم وهالسنه نقلت

والا انتدبت...... زوجي يقول اتي حساسه بزياده وهذا العمل وهذي الحياه.. وهو عنده حق

بالاضافه لذلك اختي المقربه مني سافرت للخارج للدراسه وماراح اشوفها قبل سنه او اقل ان شاء الله

وكان بيننا سوء فهم قبل تمشي .. وعليه صار بيننا جفاء ..

هل وسبق اخواني ومريتوا بوحده .... كيف اتغلبتوا عليها؟؟

ومشكورين مسبقا

[info]الاشراف: لفظ المشيئة يكتب هكذا (ان شاء الله) [/info]

السلام عليكم ورحمة الله وبركاته


أهم شئ دقي على أختك وصالحيها .....................ترى صلة الرحم مهمة......................واتركوا عنكم المشاكل والزعل ......كلها من وساوس الشيطان والعياذ بالله منه

أما بالنسبه لوضعك بعملك إحمد الله إن عندك عمل وأكيد ان معظم وقت مشغوله في العمل وعلى موضوع العمل والراتب لاتنسين الصدقة والزكاة

والموظفات إنشاء الله بتتعودين عليهم مع الايام..........

يأختي لازم تتعودي على هذا الشي فلا يمكن ان تبقي مع زميلاتك في العمل ولا حتى في نفس المكان دائما
يبدو انك حساسه يجب عليك ان تتأقلمي مع اي وضع جديد وهذه هي الحياة عموما هذا الاحساس سيزول ان شاء الله مع مرور الوقت

احمدي ربك مومثلي طالبة ومحتاسة


كنت ادرس بالكلية قسم انقلش ومومرتاحة في لقسم لانة مورغبتي

فالسنة الثانية اعتذرت بالرغ م من محاولت صديقاتي لي بس شسوي


قلت لازم نصبر وادخل قسم ابغاة


دخلت الجامعة لوحدي طبعا مع اختي ممع العلم انااكبر منها بس قلت ماعلية اهم شيء اادخل قسم ابغاة الحين اذكر جماعتنا 15 طالبة احزن ودي ابكي بس متحملة والحين بادية اتعرف على زميلات بس الحمد لله شنسوي

مصير لدنياتفرق ربنايعين ياشيخة

لا تذكريني..البارحة كان يوم النكد العالمي لي..وكنت أفكر بعدم الذهاب غداً

المسألة فقط مسألة وقت و ستتعودين على الاجواء و الزميلات التي تعملين معهن..

و اهم شيء عندما تعودين للبيت لا تتحدثي عن العمل و اذهبي لزيارة أهلك أو احد صديقاتك المقربات و غيري جو

موفقة أختي

__________________

أيها الحائرون .. أستمضون فوق جثتي؟؟ أم ستذهبون؟؟ ففي جسدي دم يهتف: بالعز سأدفن تحت الأرض وأنتم بالذل سوف تعيشون!!!!

اختي اكيد بتحسي كدا

كنت باجازه طويل
سهر ونوم

جيتي لدوام ورسميه
وعن الصديقات ربي يرزقك الصحبه الصالحه


اللي تعينك في دينك ودنياك


شوفي انا كل ماانتقل من مرحله لمرحله اكون لحالي

سبحانالله مايتيسر ادخل معهم ارضاء لامي تكون مختاره لي مدرسه افضل او شئ زي كدا


ومشاءالله ربي يرزقني بصديقات كثيره

لدرجه انو اهلي يقولو خلاص يكفي صداقات


واختك

ارسلي لها رساله حلوه

واتصلي عليها


والله يسعدك

اختي قال رسول الله صلى الله عليه وسلم لا يحل للمسلم ان يهجر اخاه فوق ثلاث ليال
اتصلي بها ولو مسج ترسلينه لها

بالنسبه عن الكآبه اقرئي المعوذات واذكري الله قبل ما تدخلي المدرسه وركزي على عملك

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اشكركم اخواتي على المشاركه

الحمدلله ان شاء الله انا افضل من قبل الان

الله يوفقكم

يمسيك بالخير اختي
جيتي عالجرح
لسه الحين مكلمتني صديقة عمل عزيزه على قلبي فرقتنا حركة النقل الخارجي من ثلاث سنوات
وجلسنا نتذكر احلى ايامنا سوى مع باقي الصديقات المقربات
غير اللي تبعدني عنهم الاف الكيلو مترات
اخيتي
حكمة خوذيها مني
علمتني التجارب بهالحياة اني احمد ربي انه خلقنا وسمانا انسان نلتقي نحب نتعلق ثم نفترق وننسى اللي حبيناهم وهذا من رحمة ربي بنا ولا كان شفتي ناس صدورهم متفطره من حزن قلوبهم
وايضا اقولك علمتني الحياة اني اتأقلم مع كل مجتمع تجبرني الظروف اني اعيش فيه وصدقيني كم شهر ةتتأقلمين على المعلمات اللي معك وتحسينهم زي خواتك
واخيرا اقولك هذا حالنا يالمعلمات كل سنه فصل جديد ومعلمات جدد ومشرفه جديده ومقرر جديد
للمعلوميه انا اقول لزميلاتي في العمل ترانا مثل الشغالات كل سنتين كفيل جديد اللي هو المديره واسرته هي المدرسه بما فيها وماان تنأقلم معاهم الا وينتهي عقدنا ونرجع لبلدنا وهكذا
اخيتي جمدي قلبك واهتمي ببيتك وزوجك واطفالك لانهم هم اللي بيضلوا معك بهالدنيا وخليهم هم سعادتك والمدرسه بما فيها شي ثانوي بحياتك
دمتي مبسوطه

__________________

	أستودعت الله نفسي وزوجي وذريتي وأهلي في ديننا ومالنا وخواتيم أعمالنا اللهم حصن بيتي من أوله لأخره ومن أعلاه لأسفله اللهم أبعد عنه الحرام بأنواعه وأجعل لنا فيه سعاده في ديننا ودنيانا وصلى الله على سيدنا محمد)