السلام عليكم ورحمة الله ,,,

[TABLE1="width:95%;"]

مدخل ,, {
بلد ع ـيني بلد قلبي بلد روح ـي
مثل الع ـشق ما ينقسم نصيّـن ,

[/TABLE1]

عدت من جديد ,, حتى اكمل ما بدأت به في هذا الموضوع

حبيبة قلبي يالبحرين [صور متفرقة بعدستي] ~

الموضوع عبارة عن رحلة سياحية متواضعة في البحرين , /

واعتذر جداً عن التأخيــــر ,,
واليوم سوف انزل صور

[حديقة عين عذاري]

ومن الآن لحد ما اعدل الصور واكتب عليها اسمي ,,

لكم ان تتفضلوا حتى اضيفكم من الحلوى البحرينية اللذيذة ...

[TABLE1="width:95%;"]

مخرج ,, / ~

بلد أصلي بلد فصلي بلد أهلي , ,
بلد شق البحر فوق السما بحرين ... ! ,

}

[/TABLE1]

__________________

حبييبتي الله لا يحرمك اهلك ووطنك

ويسعدك بالذرية الصالحة


وتسلمي على الحلوة الرائعة

__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله

ننتظر عودتك ...

يم يم يم ..

شكل الحلوى يفتح النفس ..

__________________

بانتظارك يامبدعه الله يحميك يااارب
ويفرح قلبك وقلبي بالذرية الصالحه وكل محروم..

__________________
.. ربي لك الحمد والشكر ..

اقتباس:

المشاركة الأصلية كتبت بواسطة dr.nannu حبييبتي الله لا يحرمك اهلك ووطنك ويسعدك بالذرية الصالحة وتسلمي على الحلوة الرائعة

آآآآآميـــــن عزيزتي ,,
دعوات حلوووة من عضوة أحلى ,,
الله يعطيك ضعف ما تمنيته لي

اقتباس:

المشاركة الأصلية كتبت بواسطة gawlp ننتظر عودتك ... يم يم يم .. شكل الحلوى يفتح النفس ..

اعتذر عن التأخيير ,,
ولكني عودتي ستكون بعد بضع ثوواني إن شاء الله ,,

اقتباس:

المشاركة الأصلية كتبت بواسطة الحلم الدافئ بانتظارك يامبدعه الله يحميك يااارب ويفرح قلبك وقلبي بالذرية الصالحه وكل محروم..

اشكرك على الانتظار عسل ,,
واتمنى منك المتابعة




شكراً لكم عزيزاااتي ,,,

__________________

[ منتـــزه عين عذاري ]

.
.
.


انطلقت آنا مع صديقاتي (5 بنات وآنا رقم 6) ,, إلى منتزه عين عذاري ...
كان الوقت قبل المغرب بشوووي ,,,
المفروض نروح من العصر ولكن تعرفون حوووسه البنات
فقررنا ننزل في مسجد نصلي وبعدين نروح عشان نآخذ راحتنا هناك

كنا متحمسين لروحه ,,, وآنا عاد الي مستانسة (نسيت إني جبانة )
وطبعاً جهزنا كاميراتنا لتصوير (بس آنا ما صورت كفاية )


وقفنــا بالباركات ,, وهنـــــــا اول ما ندخل المنتزهـ ,,,










.
.

قبل ما ندخل الحديقة او المنتزه (مكان الالعاب) , لازم نسوي هذي البطاقة ,, بـ 250 فلس (ريالين ونصف)



وبعدها نعبيها عشان تلعب ,,, وتعبيها على كثر ما تبين .. يعني مثلاً تبين تلعبين بـ 3 دينار (30 ريال) تعطينهم 30 ريال وهم يحطون فيها فوجر
وهنـــاك اللعبة الواحدة بـ دينار واحد (عشرة ريال),, وطبعاً ألعاب الأطفال تكون أرخص , بس مادري كم لأن ما رحنا قسم الاطفال


بعد مناقشات وتشاور بيننا (إحنا البنات ) قررنا نلعب هذي اللعبة ,,




في البداية آنا خفت ,,, بس شفت كل البنات متحمسين وحابين يلعبوها ,, (اللعبة كانت واقفة ,, فـ يبين شكلها حلو ولطيف ,, وما تخووف وايد !!)

كلها ثواني الا تشتغل ,,, ويييييدب الرعب في قلبي شفت شلون تخرررع !!

تروح فوق وتحت وتدوووور بعد !! ويلي مستحييل نووو وي اركبها (وآنا امووت ونقطة ضعفي الاماكن الرفيعة)
قلت لهم تبون تلعبون روحوا بروحكم وآنا بنطر هنــــــي ,, ولكن مع اصرار البنات واقناعهم لي باللعب (طبعاً
وافقت (مرغمة) إني العب ,, كنت مو مقتنعة ابداً لأني اعرف روحي خوافة ! بس ما حبيت اكسر خاطرهم (بس ليتني كسرت خاطرهم ) ,,

لأن بس ركبت اللعبة ,, وبدأت في الدوران حسيت روحي خلاص (مااقد اوصف شعوري !!)

والله حسيت قلبي يوقف وحتى راسي قام يدووور !!! ,,, (وهذا للحين ما بدأت اللعبة في الجد)

وبعدها قامت تسوي الحركات المجنونة فووووووووق وتحت وو خلااااااااص هني قمت اصرررخ حدي

وعفسسسست الدنيااا (نزززززلوووووووني يالمجانين وقفووووووها خلووووووني انزل ,,, الخ)

البنات قاموا يضحكون علي بس آنا اعرف روحي مابقدر اتحمل تخلص اللعبة وآنا بهالاحساس المخيف !!

واصلت صرااااااااخي وآنا اضرب رجليني بيدي من العصبية (كانت اصوات الالعاب صاخبة جداً )

فـ بصعوبة سمعني الي (يشغل اللعبة ) ,, يوم شفته انتبه لي ,,, زاد جنوني وصراخي ابيه يوقفها بأي طريقة

مو راضي يوقفها ,,,يمكن يحسبني اصرخ لأني مستانسة ؟؟؟؟ حرااااااام عليك وقفها (وبدأت اكمل صراخي)

ترى والله اعلم عليك ابوووووووي (حتى البابا دش بالنص ) ,, المهم بعدين سمعني و استوعب السالفة
ووقفها ,, وآنا حسيت ردت لي الروح ووووقمت بطريقة سريعة من اللعبة وآنا اركض من اللعبة ,,

ووووبس خلاص تووووبة اول وآخر مرة إن شاء الله العبها عسااااااني مالعبت شنو بصير بالدنيا يعني
طبعاً البنات كملوا لعب وهم مستانسين ويضحكون ويصفقون بعد !!! ما شاء الله عليهم شجاعة

وضليت آنا اطالعهم واصورهم والله العظيم كانت يدي ترجف والصور تطلع مهزوزوه لأني ارتعبت عدل


,,

بعد ما خلصوا لعب , قلت لهم مالي شغل !! بعد المووت الي شفته ,, لازم تلعبووني لعبة
تخليني استرخي وترجع لي اعصااابي ,,, لأني كنت صج متخربطة !!

ورحنا لعبنا (لعبة السيارات) ,,, وهذي لعبتي المفضلة
واستعدت نشااااااطي والاهم إني انتقمت منهم كللللهم ودعمتهم وخربت عليهم اللعب

ومن الحماس الي خذاااني حتى نسيت اصوور

وبعدهاا وصلنا اللعب ,,, (قصدي هم واصلوا اللعب لأني الالعاب الي يلعبوها تخررعني )



وهذي اللعبة بالذات ,,,




بس شكلها خرررررعنـــي !! حاولت بكل الطرق امنعهم من اللعب بس ما قدرت عليهم !!
كنت خايفة عليهم ومابيهم يلعبون ,, بس حماسهم كان اكبر ,,
وظليت بروحي على الكرسي انطرهم يلعبون وآنا اصووور مني ومنـــــاك ,
وكانت هذي الصوور ...















,,,



يتبع ,,,

__________________

بعدها ضلينا نتمشى نفكر شنوو نبي نلعب ,,








ووقفنــا يم هذه اللعبة المخييييييفة !!! ,,, صج صج صج صج لعبة لعبة خطيرة
ومخيييييفة آنا سميتها اللعبة المجنونة !!








والمجنانين الي معاي يبون يلعبوها ,, !!! بس هالمرة صرررخت عليهم حدي وقلت لهم متسحيييل تركبوها
وعفست الدنيييا عليهم واصرريت على موقفي حتى وافقوا على كلامي وهم مقهورين !!

ومشيييينااااا نكمل نختار لعبه ,, حتى وصلنا لهذه اللعبة ,,
من شكلها يبين لطيف !! ,,, ووما تخرررع ,,



حتى صديقاتي قالوا إنها لعبة اطفال ويستحون يلعبوها ,, !! مع إني كنت مترددة العبها ,, !!
وخايفة شووي بس استحي اعبر عن شعوري لهم ,

بعد تردد طوووييييل وتشجيع منهم ,,, قررت العبها اخيراً ,,
ومن بدأت اللعبة في الدوران ,, كان الجو حلووو واحس بالهواء وآنا اطير ,,

حتى حسيت فجأة إن اللعبة ترتفع فوووق !! تزيد بالارتفاع اكثر واكثر ,, وسرعة الدوران تزييد وتزييد
بدأت اصررررخ واصررخ ((((بس خلاااااااااص وقفووا ,,, نزلوووووووني ,, )))
بس للأسف صووتي كان بايح ! وفقدت الامل يسمعووني من الاصوات الصاخبة
فـ سكت وآنا حاطه ايديني على وجهي مغطيه عيني مابي احس بـ ولاشي !!
وضليت ادعي وادعي وقريت كلللل السور الي حافظتها ...... والحمد لله مر الموقف بسلام
ولكني ما نزلت والا مو قادره اوقف من الدوران الي كنت احس فيه
,,,


هذي اللعبة صورتها من بعيد لأن ما لعبناها ,,




وهذي اللعبة لم تعجبني فـ رفضت ايضاً ان يلعبوها , ! (وكأن على كيفي )



. . .

وبعدهااا لعبناا شوووووي لحد ما تأخر الوقت ,,
وحسينااا بالجووع ....
رحنـــا لـ مجمع المطاعم في المنتزه ,,







وأكلنـــــا , ,






وخلصت الرحلة على خييير ,,
بس البنات كانوا منصدمين فيني !! وقالوا لي خلااااص ما نمر عليك مرة ثانية
قلت لهم آنا اسم الله علي ما جيت هالمنتزه مرة ثانية

__________________

انتظـــروني ,,

على خير إن شاء الله ,

في جوولتي القادمة ,,

في

صور
[ كورنيش ساحل الغوص]


بالمحرق ,,

__________________

السلام عليكم

على راسي البحرين و اهلها

و الله شوقتيني ازوركم .. تدرين على كثر زياراتي لكم ما فكرنا نمر عذاري بارك !

ننتظر المزيد و الى الامام

يـــــــا خـــــــــــوااااااااااافه
صاحباتك
بأجي وأطلع معاهم

أعشق المجازفه والمغامره في كل شي بس ماحولي أحد يشجع..

وهذي اللعبه عشقي الأزلي من الطفوله وكنا نسميها ((السلاسل))





وقبل فتره أقول لزوجي وين ألقاها؟شفتها بمجمع تجاري
ومررره نفسي ألعب فيها..

__________________
.. ربي لك الحمد والشكر ..