|
بسم الله الرحمن الرحيم السلام عليكم اخواني واخواتي اعضاء الهيئه انامتزوجه من 5سنوات لدي أطفال عمري فوق العقد الثالث وزوجي فوق الرابع ؛ وهو قريب لي من طرف امي ؛ زوجي مدخن عصبي حبوب طيب حساس كريم بس العصبييييه قويه اول زواجي كان يعصب على اشياء تافهه وكنت استغرب بع دزواجي ب3سنين زوجي تعب تجيه كل شهر ضيقه صدر واكتئاب ويقعد يصيح وماله خلق لاحد يومين لثلاث ايام وتروح عنه الضيقه من بعدها راح لدكتورنفسي وعطاه علاج ومستمرعلى العلاج للان وتجيه احيان ضيقه صدروحتى لوتهاوش مع مديره بالدوام يضيق صدره وبس يبي ينام وحتى من تزوجته كثيرنومه ويضايقني كثره نومه وغالبآخلال يومه امانايم او بالدوام اوبالملحق اللي بالسطح ويااخوه اللي ساكن بجنب شقتنا المهم بالموضوع انا مصدومه زوجي راعي حشيييش عرفت بالصدفه كنت اللاحظ دايم عيونه حمر اقوله ليه يقول بسبب دوامي اتعرض للغبار ودايم قطرات العيون معه واشوف ملابسه مخرقه والدخان العادي مايسبب هالشي واحيان اشم فيه ريحه حرق فتاكدت اكثرلما اتصلت على عياده الدكتورالنفسي وعطيتهم اسم زوجي ورقم جواله وقلت للسكرتيره ان زوجي يتعالج عندكم والعلاج ماجاب نتيجه واني ابي اعرف هل هوخبر الدكتور انه يتعاطى الحشيش اولا شوفي ملفه بصراحه انصدمت لماقالت انو ايه ذكرللدكتوره الشي وانه يتعاطى من سنوات طويلة واناماادري عنه !!!!!! وانه يبي يتركه وجته ضيقه واكتئاب وجاللدكتور وانوعنده رهاب اجتماعي ومايحب ولا يحس بالحب !!!! اجل يلعب علي انه يحبني وانه ماينام عنده ارق ومايحس بالجوع ااابد وفعلا اللحيين انا محتااااااره وش اسوي اقوله والا لا اقول لامه وابوه والا لا انامن يومين بس عرفت واللي خلاني اشك انه راعي حشيش سمعته مره يكلم واحد يقول دبرلي عود او عودين تكفى!!!!ومن بعده كلمت العياده وعرفت.. انامدري وش اسوي ابوي متوفى امي مااقدراقولها لان شخصيتهاطيبه اخوي ياابيض يااسودامه وابوه ممكن يفيدوني بس اكيد اخوانه بيعرفون واعرفه حساااس وتهمه نظره الناس له حتى نظرتهم لي ولعيالي ياليت تعطوني حل واي اسأله انا حاضره الله يجزاكم خيير ويجعله بميزان حسناتكم ... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|