اختي العزيزة

الله يحفظك وينصرك ........

اختي مبين من كلام البنت ان ابوك ما يقابلها بس يتسلى معاها بالتلفون

والله أعلم هل هي صادقة ولا لا..........لكن لنأخذ الفايدة من الكلام اللي قالته

اختي انا اظن ان ابوك محتاج يسمع كلام الحب والغزل والدلع ويبي أحد يتسلى معاه

ويريحه نفسيا يسمع له باهتمام ويشور عليه ويخفف عنه همومه ويمازحه ويضحكه

وأظن انه هذا اللي حصله عند هالبنت ...........وأظن انه هذا اللي ناقصة

أختي شو الحل الحين ...............؟

الحل ..........انكم تزيدون جرعة الأهتمام

تجلسون معاه أكثر تمازحونه تسولفون وياه تحكون له قصص مسلية تضحكون معاه وتضحكونه

اذا كان عنده وقت فراغ تطلبون منه يطلعكم لو بالسيارة

تشترون له الهدايا ..........تسوون له حفلة مفاجأة

ليش ما تسوون حفلة عرس جديد حق الوالد والدة بالأتفاق مع الوالدة وتخلونها مفاجأة له

وصي الوالدة تغمره بعبارات الحب والغرام وتزيد من أهتمامها بشكلها بابتسامتها بصوتها ودلعها

تسوي له مفاجأت في غرفة النوم وتعزمه على العشاء في مطعم تغير الروتين بينهم

تحاول تسوي برامج مشتركة بينهم مثلا المشي , او حضور محاضرات دينية , او زيارة الأهل والأصدقاء

تحاول تضيق عليه أوقات الفراغ ...........تشغله بأشياء مفيدة

تذكرة بأعمال الخير اللي كان يسويها زمان

فهمتي اختي تملأ وقته ............تتصل عليه تلفونات دائما تسأل عنه وتعبر لها عن اشتياقها وانتظارها له

تدز له مسجات حب وغرام .............

وشيء مهم جدا ....................تقوي عنده الوازع الديني

تهديه محاضرات يسمعها في السيارة او في البيت في اي مكان يحب الجلوس فيه

تسافر وياه العمرة او الحج

تتفق معاه على القيام ببعض الطاعات مثل تتفق معاه على صيام يوم من ايام الأسبوع

او تشجعه انهم يصلون جماعة قبل النوم لو ركعتين

وياليت لو يصلون التهجد

وعليكم اختي الغالية بكثرة الدعاء له ..................

اختي انتي بالذات اكثري من اهتمامك فيه وابدي له خوفك عليه وحبك له وتعلقك به خليه يشعر بذلك

يارب يفرجها عليكم ويبعد بنت الحرام عن طريقكم ويردكم والدكم خيرا مما كان اللهم أمين

قلوبنا معك ............استودعكم الله .

كلامك في قمه الروووعه اختي
بنفذ كلامك حرف حرف
بس بقولك شي انا امي دايما تتصل لابوي وتسوي مفاجأت وحركات وكل شي
بس بخليها تزوود العيار واخواني بالاساس من يجي لين يطلع ورررراه واهو من النوع الي يحب الاطفال اكثر من نفسه
انا اقترحت عليه فكره الحج ووافق وفعلا راح حجز للحج وشفت الاوراق بعيوني وشفت انه مايكلم تليفون هاليومين كثير
بس اليوم حسيت من نظراته انه عرف اني كلمتها وتناقشت معاها لاني اعرف اقرأ نظرات عيونه
بس عملت نفسي مو فاهمه
مشكوووووورة اختي

العفو عزيزتي

مادام انه ما فاتحك

خليك نفسك عادية ولا تخافين

يمكن هي خبرته عن اللي صار وشاك فيك

اذا صارحك قولي له انا اخاف عليك وانت اغلى الناس عندي واغلى من نفسي وما ارضى عليك بالشر .

موفقة اختي العزيزة .

اخواني واخواتي
رجعت لكم مالي غيررررررررركم
الوالد احسه متغير مايطلع كثير واحنا طووووووول اليوم معاه مااخليه يطلع لوحده ابدا واذا شفته راح يجلس في المكتب رحت بكل خفه وجلست معاه اسولف واضحك معاه والوالده فعلا غيرت من شكلها وخليتها ترسل له كم مسج من جوالها حركات
وبروح معاه للحج اهو طلب مني وانا قلت له ان شاءالله وراح حجز لي معاه
امي ماتقدر تروح لان عندي اختي طفله عمرها سنه بس واخواني اطفال
الله يهديه وانا افكر اني اطلب منه يغير رقم جواله اذا تركها
والبنت تتصل على الجوال الي اتصلت منه وتقفل وانا ماارد واخر شي ملت ورسلت مسج قالت خلينا نتفاهم وراح ترضين
احنا بنات ونفهم لبعضنا وانا مارديت....ممكن رأيكم؟؟؟
اختكم:الحائــــرة......

ما شاء الله ...................تطورات سارة

الحمدلله رب العلمين على فضله وكرمه ..........

الصراحة كل اللي سويتوه ممتاز انتي او الوالدة

وحلو انك تروحين معاه الحج ............ايوه كده خليكم معاه على طول

اشغلوا وقته بما يفيدكم ويسعده ويبسطه

وفكرة تغيير الرقم فكرة زينه

وزين سويتي انك ما تردين على هالأنسانة

الصراحة الأفضل ما تنكشفين لها

ويارب يحفظ ابوك من كل شر ويخليه لكم ويجعلكم حبايب قلبه وقرة عينه .

بصراحه اشعر ان الناس يعيشون فترة مراهقه متاخره يمكن ايكون الفراغ العاطفي ليه دور كبير في حدوث مثل هده الازماتفمن رايي انيش تتكلمين مع ابوشوتتفهمين الاسباب يمكن اتكون امش مقصره ويمكن الحلل من ابوش

أختي الحائرة

يمكنك فتح موضوع جديد تخبري به الأعضاء عن حل هذه المشكلة

دمت بحفظ الرحمن

تحياتي