لم يتصل !!
بدأ معك لعبته الدنيئة تلاقينه محاط بالساقطين مثله ( طنشها اليوم علشان تولع أكثر ) ...
يا سبحان الله لهذي الدرجة هانت عليكم أنفسكم وهانوا عليكم أهلكم ؟
أنتي على حافة الهاوية أنقذي نفسك نصيحة لوجه الله قبل أن تتداول مقاطع إغتصابك في الآيفونات .
المعذرة كلام قوي لكنه الوااااااااقع .
أنا ما أتكلم من فراغ هذا شيء موجود بالمجتمع ومر علي كثير جدا جدا ...
بنات طاهرات وبنات ناس مرغوهم الشباب الساقط في التراب وأقولها بصراحة كم بنت عرضت علي بعد أن أصبحت أسيرة باسم وهم الحب وصارت بضاعة للتسويق .
وبصراحة أقولها الآن ودي أصفعك ما دمتي تنتظري اتصاله .

مساكين احنا يالبنات .. عاطفتنا زايدة بالحيل

لكن الحمدلله ربي علمنا ووجهنا كيف نفرغها في الموضع الصحيح

لا تتعذرين بأبوك انه حجرك على احد اقربائك

هذا تبرير ابليس اللعين لك عشان تتمادين في طريقك


يا قلبي كل شي في البدايه صعب ويحتاج ارادة قوية خاصة اذا كان الموضوع

يتعلق بالمشاعر ..

اقترح عليك في البدايه انك تقفلين شريحتك و وتجيين رقم جديد

غيري الباسوود تبع السكايبي والمسن , اكتبيه طويييل عشان يستحيل على

ذاكرتك ترجع تتذكره ..

كل ما تذكرتيه و شعرتي بالشوق قومي تتوضي وصلي ركعتين

اطلبي ربنا انو يساعدك قاومي قد ما تقدرين جاهدي نفسك

لان الشيطان في البدايه يرمي عليك كل تدابيره عشان ترجعين له وبقوة

بس انتي لازم تصدينه .. هذولي اهلك عارفة يعني ايش اهلك

ايش ذنب ابوك يفتح عينه على مصيبة زي كذا ..؟

هذا وانتي حافظة كتاب الله في نظره ...!!


يا الله قلبي تقطع على ابوك المسكين , اللي ما ساعته الارض من الفرحة يوم

سمع بخبر ولادتك .. رباك وصرف عليك عشان لما تكبرين تبيضين وجهه

مسكين مخدوع الآن يظن انك باقي لك كم جزء وتختمين القرآن

وانتي في عالم ثاني من الضياع , انتي في درب ضاع فيه كثير من الضعيفات

اللي ما عندهم اراده يتخلصون من هوى النفس و اتباع الشيطان

تدرين انا ما راح اتعب نفسي معاك عارفة ليش .. لاني صاحبت كثير بنات زي كذا

مهما تكلمت معهم و نصحتهم ما يفيد ولا يقدرون يسيبون العلاقة الا بطريقة وحدة بس

تدرين وشهي .. مافي احد يقدر يخليك تتركينه الا هو

اذا سحب عليك و قفل جواله و باعك ... وراح دور له صيدة ثانيه


عاد الله اعلم الصيدة الثانية سهلة زيك ولا وحدة لها باع في هالشي يلاقيها متمرسة

والله للحين اتذكر البنت اللي كانت معنا بالثانوي بنت عادية جدا

ساذجة وطيبة ولا عندها مكر بريئة للغاية تعرفت على واحد عن طريق صحباتها

ايام الاختبارات اول يوم شفناها جينا ثاني يوم سمعنا خبر وفاتها

ابوها درى عنها و قتلها و رفض ياخذ عزاها ... الله يرحمها ويغفر لها


ما يحتاج اقولك انه لعاب لانك انتي عارفة هالشي ومتأكدة منه بدليل سحباته الاخيرة

لما حطيتيه قدام الأمر الواقع ..

ومثل ما قالت لك اختي حبر راقي , خليك معنا بالمنتدى

اشغلي نفسك بكل شي ممكن يخلصك منه , فيه موضوع كتبته قبل فترة نتكلم فيه مع البنات

عن امالنا وطموحاتنا , لو تشاركينا فيه و تفضفضين هناك

صدقيني كلنا بنكون عون لك باذن الله بس انتي ابدأي بنفسك

البدايه الأولى منك انتي و تذكري اذا ما ساعدتي نفسك ماراح احد يقدر عليك

الله يفرج همك يا قلبي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

لا تفكيري انه راح يتزوجك كلهم يبحثوا عن وحده ماتكلم
يقولوا لو كلمتني اكييييييد راح تكلم غيري لو حصل الزواج
راح يكون فااااشل بالشك والمعامله السئيه
ليش الوحده تعرض نفسها لهذه الحياه
والله بنتي طفله صغيره اتعب تعب منها كيف امك تعبت عليكِ تعب مايعلم فيه الا الله
وكل يوم تحلم انك ترفعي راسها اخرررررر شي هذا جزائها
حبيبتي اتقِ الله اتقِ الله اتقِ الله تخيلي تموتي وانتي تكلميه ؟؟؟؟؟
وترى لو استمريني معاه راح يأخذ اعز ماتملكيه شرفك
لا تقولي لااا يقدر يأخذه بتهديده لكِ بتسجيل مكالمتك ويهددك فيها
عااد بس يأخذ منك الي يبغاه وبعدين تعضي اصابع الندم
كما عضها من قبلك من البنات اللهم عافنا يارب

توبي الى الله توبه نصوحه والحمدلله لسى ع البر ماصار شي
اتركيه وانفذي بشرفك فكررري بعائلتك الي ربتك وتعبت عليكِ
عشان لذه ثواني تنزلي راسهم للأرض الله يهديكِ يارب

مالك رد الظاهر ما اقتنعتي ...
عموما انتي في طريق الهلاك وبراحتك .

السلام عليكم ورحمه الله وبركاته

اختيه الطيبه ..
الاخوان والخوات ماقصروا في النصح حتى لو انه اسلوب البعض كان جارح هالشي مايسوى شي جدام اللي انتي قاعده تسوينه ..
انا راح اقولج نصيحتي من اخت لاختها بدون قيود وبدون رسميات وفي حال ماتقبلتيه فريه ورى ظهرج ولا كانج قريتي شي ..


الغاليه البدايه كانت الرغبه في الزواج +ا دخول موقع زواج+لتعرف على شاب+ الانتقال للماسن + الانتقال للموبايل +غرقتم في بحر العلاقه الغراميه اللي الله اعلم بما دار بينكم من احديث سواءن كانت في حدود الادب او تعدتها ..

مشاعر معلقه حب هيام تحيلات كلام رومانسي محاوله انتحار ومالخ .. انتي على نياتج ترغبين في الستر والاستقرار بس هو مجرد ذئب بشري يستعرض لين ماتاتيه الفرصه المناسبه علشان يقضي على الفريسه ماراح يكتفي راح يوصل للتصوير والتهديد ومالخ وانتي انسانه تقولين انج حافظه جزء من القران وعلى علم بالحلال والحرام
ومن عايله محافظه انا متاكده انه اهلج محافظين بس بنتهم موب محافظه
ماعليه تحملي كلامي لاخر
تبهدلين بعمرج بالرغم انه الله يكتبلج الستر عن طريق خطاب وانتي ترفضينهم عشان واحد واثق انج لايمكن تكونين ام عياله في يوم..

انتي تطلبين صفعه توقظج من غفلتج وانا اللي اجوفه انج للحين قاعده تصفعين في اهلج وهم على نياتهم مايعرفون بالخافي
على بالهم بنتهم مسحورة ومايدرون بنتهم خانت ثقتهم وتطعنهم في ظهرهم لين اليوم

عزيزتي تخيلي ابوج يعطيج مفاتيح البيت ويقولج يابنتي هاي مفاتيح البيت ان حفظتي نفسج بتحفظين البيت باللي فيه وان ماحفظتي نفسج بضيعين البيت باللي فيه
..
انتي اسمج باسم اهلج وسمعتهم لوطاحت في القاع اول الضحايا راح يكونون والدينج لانه الناس بتقول ماعرفوا يربون بنتهم بالتالي راح يكونون ضحايا ثانين انت تسببتلي في تشويه سمعتهم وبتنزلين راسهم بين الناس اللي هم اخوانج وخواتج باجر بيقولون فلانه اخت فلانه سوت جي وجي فلانه اخت فلان كانت ترمس واحد وفضحها

فكري بحجم الكارثه اللي راح تنتج بسبب علاقه ماانوضع لها حد .. مده سنه واحده كافيه على تحديد مصيرج بس انتي تقولين
بحاول
يعني المصيبه اللي بتجرين اهلج وراها بسبب واحد قالج كلمتين على بعض خلتج عميه مااجوفين جدامج وتعتبرين العلاقه تستحق المحاوله في النسيان بدل لاتقولين خلاص عثره وانزاحت من طريج المسلمين

انا اقولج مفاتيح بيتج في ايدج وتذكري شيبات ابوج وطيبه امج وعطف اخوانج وخواتج انا اكتبلج والله يشهد اني للحين دعوات امي المرحومه تتردد في بالي اكتبلج وربي الشاهد اني اتخيلها جدامي مثل ماكنت تقولي قبل لااروح دوامي اتصلي فيني وطمنيني من توصلين ويوم ارجع تقولي تغدي قبل لاترقدين الام رحمه وامج عندج فرحيها وخل اجوف بنتها عروس ابوج الشيب ترس راسه بس للحين متعشم في عياله وواثق انهم ماراح يمشون في الغلط لانه كبر في أذنهم اول ماانولدوا ..

اهلج رحمه لج ومفاتيح بيتج في ايدج وانتي حرة في اختيار الطريق انسانه بكامل قواج العقليه وتذكري اذا انكسر شي ماراح يتصلح وبعدها لو صحتي دم ماراح يفيدج شي

والسموحه

اختي من ترك شيئا لله عوضه الله خيرا منه
اتركيه وربي بيعوضك خيرا منه
واذذا قلتي ما اقدر اصبر الله سبحانه يقول من يتصبر يصبره الله