كلمت بعدين ابوهم ..

و قلت له .. الكبير لما تعوده يسكت لآخوه لما ياخد اغراضه ..
انت تعلمه كذا انه يكون جبان .. و اي احد بعد كذا يتعدى على حقوقه و ياخدها منه غصب ..
يعني يسكت له و ما يدافع عن نفسه ..

و التاني انت تخربه و بيصير واحد شراني .. و متسلط و يتعود ياخد اي شي مو له من اي احد ..
و نحن ما راح نعيش له طول العمر .. خليه يتعلم من دحين ..

اقتنع بكلامي و سكت ما قال شي ..

قلت له ..
راح يبكي الوسطاني ؛ مرة ؛ و اتنين و تلاتة .. لكن في الأخير يتعلم غصب عنه
و لا تقول صغير ما يفهم .. ما شاءالله عليه مكار ..

مشكلتي :

هذا الوسطاني .. شاغل وقتي كله عشانه ..

بسببه و بسبب استفزازه لي .. اقصر مع اخوانه

.
.


مثلا اخرج كتب الكبير عشان اذاكر له ..
الا لازم يجي و يبغى يقطع دفاتر اخوه او يشخمط او يدعس الأشياء
او ياخد مراسيمه او يسحبني يبغى اي شي .. او يناديني أعطيه اي شي
و يرفض انه الشغالة تسوي له اي شي أبدا أبدا ..

الصغير كمان يصيح و يبغاني اشيله ..
كيف اقدر اذاكر للكبير !؟

أقفل الباب و ما اخلي الصغار يدخلوا ..
فيه غرفة مكتبة خاصة بي في البيت .. اخلي الكبير بس يجلس و يذاكر ..

لكن يجي الوسطاني و يدق الباب برجوله الله يعزكم و يصييييييييييح و يرمي نفسه
يعني افتحوا الباب ..

على طول يصيح .. كم مرة اقول له تكلم اول شي وًقول ماما ابغى كذا كذا ..
مو تصيح على طول !؟

هو لسى ما يتكلم غير كلمات بسيطة
لكن يفهم ماشاءالله

ليش تغيروا العنوان و تقولوا مرهقة !؟
: (

انا ما اشتكي من الإرهاق و التعب معاهم ..
معليه ..

مستعدة اتعب و اتحملهم ..
لكن ماني قادرة أسيطر عالوضع .. و لا أوازن بين الثلاثة ..

و تعبي وًارهاقي أحسه ( رايح عالفاضي )
بسبب الوسطاني .. يستنفذ كل طاقتي له هو فقط

ياقلبي ياروح الطير...

طفلك الكبير هو مرحلة تأسيس لازم تكوني معاه وتخصصي له وقت والقت هذا يكون الوسطاني والصغير في مكان بعيد يلعبو فيه لو في احد من اهلك قريب قوليلهم ساعتين بس ورح تكفي وزياده للاهتمام بطفلك الكبير

منها يحس انه موضايع بينهم وانه في احد مهتم فيه

انا زييك ثلاث صبيان لكن الاثنين الكبار يدرسو والصغير شخصيته زي طفلك الوسطاني يقطع كتبهم ويسوي بلاوي لكن اصرفه عند جدته اطلب من ابوه اطلعه الحوش او اي مكان في العاب وراحه له ...

لو ماعندك مكان ينشغلو فيه خليهم يدقو الباب حتى ويبكوا من قلب بعدها اوقفي عند الباب وقولي الي يمسك كاب واحد اطلعه برى
نسيت اقلك اعطيهم شناط وكتب والوان وكل واحد يمسك زاويه من المكتبه والي يقرب من كتب الكبير يطلع برى وخليك قدها عشان يتعلمو انه هذا الشي خطأ ....

اعجبني تصرفك مع ولدك الكبير وهذا كلام مؤيد لموقفك .....





كل الأطفال يتخانقون ولكن تعرفون وين المشكلة؟
المشكلة اذا الأم طلبت من صاحب اللعبة يتنازل عنها للطفل الثاني... والمشكلة الأكبر اذا قالت له صير احسن منه واعطه لعبتك.... ليش مشكلة؟

لأن واحد راح يكبر معتقداً ان التنازل عن حقه شيء طبيعي وواجب لإرضاء الآخرين والثاني سيكبر معتقداً ان رغباته يجب ان تكون مجابة حتى وان كان فيها تعدي على الآخرين بالصراخ والهجوم... الطفل من حقه ما يرضى احد يلعب في العابه واذا بنعلمه شيء لازم نعلمه انه من حقه يقبل او يرفض المشاركة ونوضح له نتائج سلوكه مثل ان نقول كيفك اذا ما تبي تعطيه اللعبة بس ممكن تستانس اكثر اذا لعبت معاه... هنا نكون شرحنا له ماذا تعني المشاركة...ونعزز عنده القدرة على القرار....✔️
الطفل الثاني نفهمه انه ما يقدر ياخذ كل شيء بالصراخ والهجوم ولازم يتعلم يستخدم السؤال والطلب والأدب...وما نعزز عنده سلوك الهجوم.✔️

المشكلة ان احنا مالنا خلق.... نبي اللي يصرخ يسكت فنهجم نحن ايضا على الطرف الضعيف طالبين منه التخلي عن النحاسة والتنازل عن حقوقه للطفل الثاني.... هكذا اعزائي يطلع عندنا ناس متساهلة في حقوقها تستكين للظلم وترضى بالخطأ والتعدي... ويطلع ناس شرسة هجومية تشعر ان من حقها الحصول على كل شيء بالتعدي والصراخ والهجوم..... حبيت اشرح اساس المشكلة علشان ما يتكرر هذا الخطأ....

الخلاصة : إجبارك لطفلك تنازله عن ألعابه وأغراضه الآن لإخوته أو لغيرهم ، سينتج عنه تنازله وتخليه عن حقوقه للآخرين في المستقبل .. وفي المقابل ستّولد لدى الطفل الآخر تسلّطه وإستيلاءه لألعاب أقرانه في صغره وإستيلاءه على ما هو أعظم وهضمه لحقوق الآخرين في المستقبل ..

بيدنا نخلق مستقبل أجيالنا ..

إنشر لتعم الفائدة 

جمييل صحيحة فكرة الالعاب واختلاف الاطفال عليها لو ينتبه لها المجتمع يتصحح مسار الاجيال القادمة،،

متفائلة ..

ما عندي احد يمسكهم .. و انا الي حاليا من بين اخواتي عندي شغالة ..
و كل وحدة و ظروفها .. الي حامل و الي موظفة و زي كذا ..

الكبير هو الي يشغل نفسه بنفسه ..
ماشاءالله عليه ( اجتماعي جدا و محبوب من الجميع ) ..

اول ما نرجع من الدوام و هو من المدرسة .. يقول لي ماما اروح العب في الحوش !
اقول له طيب ..

لاني أكون لسى راجعة و ابغى اصلي الظهر و اخد الصغير من الشغالة و أغير للوسطاني ..
و أتأكد انهم شبعانين .. طبعا الكبير يكون شبعان لاني أعطيه مصروفه و احط له بالشنطة عصير
و ساندويتش و مرات قطع دجاج و فلوس او حليب بالكاكاو و زي كذا ..

لكن ما اقدر اتركهم عند اي احد ..
حتى جدتهم ما تحب الأطفال ..

.
.

الكبير كلامه كثير ..
مرات يصدّع لي راسي .. لاني أكون ( متعبية ) من الوسطاني ..
الوسطاني متعلق جدا في ابوه .. و نفسيته تعبانة بسبب الشي هذا ..

ليت سماء العدالة تساعديني افهمه ..

الوسطاني عمره صغير مررررة دلعيه لاتقسي عليه لبسيه و اكليه توه في مرحلة لعب مو تعانديه وتأدبيه كذا تطلعيه من طوره .. وتغافلي عن عناده كثير وبيتعدل ان شاء الله لا كبر فثلاثة ارباع التربية بالتغافل .. ابوه حاس بصغره وفرقه عن اخوه عشان كذا يدلعه حتى تعليمه الصلاة عند 7 سنوات مش اقل .
طارق الحبيب قال بترت يد اب يضرب طفله وبترت يد ام تضرب طفلها وانا دايم اضرب واندم
تدرين ليش لانهم توهم اطفال و الضرب ظلم لهم ولايفيدهم .
الكبير في مرحلة تأسيس مهمة جددددددددا جدا واهم شيء الاملاء والقراءة ركزي عليهم وتكلمي معاه كثير
الصغير حذاري تختلي فيه الشغالة وخذيه للحضانة معك .. وحاولي تحببين الاخوان في بعض

__________________

الجوري الحلوة

هم يحبوا بعضهم الحمد لله ، لكن بالفترة الأخيرة بدأت افقد السيطرة ..
( و كان العنوان الي كتبته ، إني بدأت افقد السيطرة )

بدأ الوسطاني يتمرد ، و يضرب ، و الكبير بدأ يكتم بنفسه و ينعزل ..
راح أرجع بإذن الله اتفرغ لهم

لكن الوسطاني ماني قادرة اتحكم فيه ، هو يمشيني على كيفه ..
على طول يصرخ ..

لو فرضا يبغى عصير ، من غير ما يتكلم ( بسرعة يرمي نفسه عالأرض و ما تسمعي غير صراااااااااااااااااااااااخ بأعلى ماعنده
و ماشاء الله عليه ، صوته كمان تقولي صوت رجال مو طفل .. مو مثل أخوانه صوتهم واطي ، هذا صوته جهوري
ماشاء الله )

حتى لو وحدة في الحضانة تبوسه أو تحضنه ، يدفها و يشمممممق لها أو يضربها ..
لو اعطيه شويط وجه ، يزيد تمرده علي .. ( أنا وقتي كله له 80% من وقتي و إن ماكان 98% .. كله معاه )
طفشت بجد منه ..

حتى قلت لأبوه ياخده معاه و يترك لي الإتنين ..
لما ينام أو يخرج ، البيت مافي أحلى منه

من يوم انولد و هو متعب ..

طيب ممكن اعرف تعاملك معاه كيف

بتقولي وقتي معاه 80 بالمئه

ايش تسوي معاه....؟؟؟

اه يا قلبي تدرين ذكرتيني ببنتي الوسطى كانت كذا وكنت افقد اعصابي عليها والله ندمانه كانت صغيرة بعمر ولدك و كنت اضربها لانها توتر البيت وعنيدة فلاتغلطين غلطتي والله ودي يرجع الزمن واصحح غلطتي
انتي كل وقتك معاه بس هو المهم الكيف وليس الكم .. لازم تعرفين كيف تتعاملين معاه ومع الايام بيتعدل ان شاء الله اهم شي تغاااااااافلي ثلاثة ارباع التربية بالتغافل .. تغافلي عناده وكل اخطاءه وراح تتلاشى مع الوقت ان شاء الله وخليك ريلااااااكس .. هم كذا الاطفال مختلفين عن بعض وادعي لهم طول الوقت

__________________