لو كنت مكانك ياروح بترك وظيفتي وأتفرغ لاطفالي خاصة بهذه الظروف على الاقل لين يشتد عودهم شوي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

الوسطاني يبي له حزم مش ضرب

الحبس حلو

اول مايبدا يبكي لاي سبب ويعاند ويصرخ
وديه غرفته وقولي له بحزم لما تخلص بكا تعال كلمني

وخليه حتا ساعه يبكي ماراح يصير له شي من البكا
مرة على مرة بيتعلم انه البكا والصريخ ماينفع

الكبير اعطيه وقت اكثر لانه بس يكبر راح يساعدك باخوانه
هو الاساس اذا صلح بيساعدك فيهم كثير
واذا لاقدر الله فسد بتتعبي اكتر

الوقت مش شرط تكوني جالسه معاه
وانتي تجيبيه من مدرسته كلميه بالسيارة واضحكي معاه
وانتي تطبخي خليه يقعد بالمطبخ واحكي معاه
وانتي بترضعي الصغير او تغيري له او تاكليه خلي الكبير جنبك
واحكي معاه وحتا علميه بشكل شفوي
تتحفظو جدول الضرب او سور قرانية صغيرة او تسمعي له يحكي لك
اشيا بسيطة تحسسه انك قريبه منه
مش شرط تقعدي معاه على طاولة واحدة ساعتين عشان يحس باهتمامك
خلي الاهتمام متفرق طول اليوم وباوقات مختلفة وتناسبك

والله يعينيك حبيبتي ويسخرهم لك ويجعلهم صالحين بارين

__________________
سبحانك لا اله الا انت اني كنت من الظالمين

اختي
طفلك الثاني يشعر بغيرة شديدة من اخوه الاكبر عندما تساعدين اخوه الاكبر في مذاكرته و تهملينه في هذا الوقت و يرى اخوه يملك حقيبة و كتب و دفاتر و اقلام و يكتب و هم محروم من هذه الاشياء لذلك اختي اشتري للصغير طاولة صغيرة و كرسي صغير و ألصقي على الطاولة ملصقات شخصية كرتونية يحبها و اشتري له شنطة مدرسية صغيرة جدا بشخصية كرتونية يحبها و دفتر للكتابة و اقلام تلوين و دفاتر تلوين و كتب تعليمية عن صور الحيوانات و الارقام و اي شي لعمر 3 سنوات ،

و فيه فترة مذاكرة الكبير اجلسيه فيه هذا المكتب الصغير و اجعليه يخرج كتبه و دفاتر التلوين و اجعليه ينشغل بها و عامليه تمام مثل ما تعاملين الكبير في فترة المذاكرة يعني شجعيه و اطلبيه منه ان يكتب و يرسم اشياء معينة و صححي له و عند الانتهاء اطلبي منه ان يدخل جميع كتبه الى حقيبته الصغيرة ، و ايضا اختي بنسبة لبكاءه تجاهليه تماما ليعرف ان هذا الاسلوب لا ينفع و يجرب اسلوب الكلام معك عندما يريد منك شيئا و هناك طريقة اخرى علقي ورقتين باسم الكبير و اخرى باسم الصغير و عندما يتصرف اي منهما تصرف جيد ضعي نجمة و عندما يتصرف تصرف سيء انزعي النجمة من الورقة و الذي يحصل على عشرة نجوم مثلا تشترين له لعبة و لا تشترين للاخر و كوني صارمة في تهديدك حتى يسعى الاخر للحصول على اكبر عدد من النجوم ليحصل على اللعبة ، هناك طريقة تتبعها صديقتي فهي عندها ولدين مشاغبين جدا اعمارهم 3 و 4 سنوات كانت تشتري من محلات التخفيضات كيس كبير فيه عشرين سيارة صغيرة متنوعة الاشكال و الذي يحسن التصرف و يكون مطيع يحصل على سيارة في نهاية اليوم و كل منهما يتنافسان للحصول على اكبر عدد من السيارات ، اختي لا تقلقي هذه مرحلة مؤقتة يمر بها الصغير و سرعان ما تصبح ذكريات كل ما كبر ، حفظ الله اولادك من كل سوء

هل كان طفلك يتعرض للضرب والعنف من أخيه الكبير عندما كان أصغر عمراً . .؟!
هل ترفعين صوتك وأنتِ تعنفينه أو تقومين بضربه. .؟!
الطفل يكتسب العصبية والعنف من المحيط الذي يعيش فيه يمتصها كأسفنجة

توقفي تماماً عن تعنيفه وعن الصراخ عليه لو كنتِ تفعلين
أبدائي بالعلاج السلوكي معه وأكسبي ثقته ودعيه يبدأ بإطاعتك بكل رضى ومن تلقاء نفسه
لايفعل مايفعله عبثاً تأكدي أنه ينادي عليك من مكان بعيد وعميق جداً لايستطيع أن يعبر
عن معاناته إلا بكل هذا الضجيج

طفلك ياروح يحتاج للكثير من الأحتواء

__________________

لما كلمت أخصائية بالتربية .. و مستشارة
قالتلي انت فترة حملك بطفلك الوسطاني تعرضتي لضغوط نفسية !
قلت لها ايوة ؛ امي كانت مريضة بالسرطان و كنت آذري انه ما راح تعيش خلاص ..
و توفت و ولدي عمره 45 يوم فقط ..

قالت لي هو هذا السبب الرئيسي ..
و السبب التاني .. غيرته من اخوه الصغير

و أتوقع حاليا ..
مفتقد ابوه .. لانه متعلق جدا جدا في ابوه ..

سيدة ..
انا من يوم ولدت الصغير و الوسطاني كذا صاير ..
يبكي على اي شي و يصيح و يصرخ

بالعكس اخوه الكبير مرة حنون عليهم و يحبهم ماشاءالله
الكبير هذا شي تاني الله يسعده .. ( قلب كبير )
حتى الصغير حبيب قلبي ( قلب كبير مرة )

لكن الوسطاني الله يهديه و يصلحه ( متعب قلبي )

لي عودة للإجابة

مرحبا فيك حبيبتي واعتذر إن كنت تأخرت

بصراحة التحليل ماكان شطارة مني , إنما تذكرت إنك سابقا تحكين أن الكبير أبوه ما يهتم فيه مثل الصغير

فربطت سبب تصرفاته بفقده لأبوه

بشكل عام بأنصحك أولا وأخيرا بالصبر هي فترة مزعجة وتنتهي بإذن الله , ففكري كيف بتنتهي وكيف بيطلع ابنك منها
تقريبا على الأربع سنوات يكون سلوكه أفضل

الشيء الثاني أنتي قلتي هنا

هذا له دور كبير بعصبيته لأنه ما يقدر يحكي ويعبر وهو أصلا شخصية سريعة الإنفعال وتحت ضغط نفسي
فكل تعابيره بتكون صراااااخ

فيه حلول بسيطة بتساعدك لتجاوز الموضوع :

1- رد الفعل على صراخه الهدوء , وإنزلي لمستواه وحطي عينك بعينه واخفضي نبرة صوتك وأنتي تكلميه وقولي نتكلم بهدوء , إيش تبغى
ولو استمر يبكي برضه عيدي الكلام وخفضي صوتك
الصوت الهادي مع النزول لمستواه والنظر في عينيه من مستوى مباشر وليس من أعلى بيأثر عليه بشكل مباشر
ممكن ما تحصلين استجابه في البداية لكن بتشوفينها المرات القادمة
2- لو استمر يبكي خذيه لخارج المكان اللي انتي فيه وقولي إذا انتهيت من البكاء تعال عندي وخليك حازمة لكن بدون عصبية
3- خلال اليوم أكثري من الإحتضان واشبعيه حب.
4- قللي من الممنوعات وخففي من كلمة لا واستبدليها بكلمات ثانية .
5- تجاهلي بعض سلوكياته المزعجة اللي يمكن تجاهلها. ولا كأنه صار شي.
6- فيه طريقة غريبة لكنها مفيدة وهي أنك تطلبين منه الإستمرار بالبكاء والصراخ واحكي له ارفع صوتك أكثر أيوه أبكي وأنتي تطالعين فيه بهدوء , بتحصلينه يهدا , لأن الطفل يحب يفعل العكس.
7- حاولي بث السعادة في بيتك , كل ماكان الأطفال سعداء أكثر كانو لطيفين أكثر.
8-أوقات تدريس ابنك الكبير خليه جنبك وأعطيه أقلام تلوين , صلصال , قلم ودفتر, كتاب أرقام وحروف , ايباد , أي شي يشغله عنك والقاعدة تقول أشغليهم حتى ما يشغلوك !
9- عوضي غياب والده عن المنزل إما بوجود أخواله حوله أو مكالمه لوالده يوميه وبلغي أبوه أن يتواصل معه باستمرار.
لو أمكن تطلبين من كل أخ مره في الأسبوع يمرك ويأخذ الولد معه ساعه أو ساعتين أو حتى يكون في بيتك جالس والولد قريب منه
10- اسمحي له أحيانا بالتذمر والغضب من غير ما تعنفينه خليه ينفس مشاعره


ولدك حبيبك بتفرحين فيه , اكرهي تصرفاته لكن انتبهي تكرهينه هو أو تحطين في بالك أنه شخصية مزعجة ومؤذيه , لكل شخصية إيجابيات خلف السلبيات , اسمحي لها تظهر بتفهم المشكلة

مثلا العنيد شخص واثق وصاحب قرار
المماطل الهادئ شخص صبور ومتفهم
وهكذا

يقر عينك فيه يارب وفي أخوته ويرزقك الصبر

لي عودة للردود
( معليه كنت خلال العشرة الأيام الأخيرة مريضة أنا و الأولاد .. و توي اليوم تحسنت و الحمد لله و هما كمان )

.
.


لكن كنت عند دردشة النساء .. و صارت المستجدات هذه
و ما حبيت اعكر مزاجهم هناك ..

و قصيت الكلام و نقلته هنا ..

-------------------------

أولادي ناموا و الحمد لله ..

^


تويي اكتب الجملة هذه في الدردشة .. و اعمل لي كوب شاي و ساندويتش أبغى اتعشى ..
الساعة 2 نص الليل ..

يصحى ولدي الوسطاني و يبكييييييييييييييييييييييييييييييييييييييييييييييي ييييييييييييييييييييييي
بدون أي سبب .. دلع و مجاغة و مسخرة ..

.
.

الغريبة اني مجرد ما أقوم من جنبهم ( يقوموا زي الجنون .. الله يحفظهم )

#. و الله أمس أخدت لنفسي راحة من كل شي
( كنت أصلا مسخنة و مريضة أمس .. و نايمة من الظهر لحد الليل )

رقدت أمس جنبهم من الساعة 2 الليل لحد الساعة 7 الفجر ..
مافي ولا واحد منهم ( صحي و لا تحرك و لاشي ) طوووووووووووول الليل ..

و أنا جالسة مع الجوال أتابع المنتدى و الانستجرام و فترة استجمام ..
و بداخلي تأنيب ضمير عشان ما قمت و خلصت أشغالي

دحين و دايما و قبل ..
كل ما أقوم أو اتحرك أبغى أخلص اشغالي أو أصلي أو اتعشى

ما أسمع غير هذا يصيح و التاني يبكي
و يجي ورايا يبغاني ارجع الغرفة انام جنبه

تعبت تعبت تعبت
يبكوا بدون سبب ..

حتى و أنا جالسة اكتب ردي ، صحي الوسطاني و يبكيييييييييييييييييييييييييييييييييييييييييييييي
جاء عندي يصيح ، يبغاني اروح الغرفة معاه

كأني متزوجة ( أربعة .. الأولاد و أبوهم )

أبوهم أصلا مو معانا حاليا ..

.
.

تويي عملت لي كوب شاي و ساندويتش أبغى أتعشى
و هذا يبكي ..

يبغاني اروح معاه ، و دحين الشي يبرد ..
و ماني قادرة اعبي الأبليكيشن حقة الجامعة عشان الدكتوراة ، و راح يقفلوا بعد عشرة أيام التقديم ..

يعني البكاء حقهم بيأثر على مستقبلي و شغلي و صحتي و كل شي

معليه عالفضفضة ، بس تويي افتح الكمبيوتر و أقول بسم الله
و هذا يقوم لي يصييييييييييييح

أحط حرتي ( هنا ) ..
و لا أحطها ( فيه ) ..

.
.

أول مرة اصرخ عليه دحين ..
و راح الغرفة و سكت و نام ..

ماني سامعة له أي حس ..

لإنه كان يصيح قبل دقيقتين و طنشته .. و تجاهلته ..
و بعدين خاصمته و صرخت عليه قلت له ( روح نام ) ،.

دايما أترك كل شي
و اروح معاهم و احضنهم و اطبطب عليهم لحد ما يناموا ..
و من الساعة 11 الليل و لحد الفجر و أنا كذا مع الإثتين الصغار

كل ربع ساعة يقوم هذا أو ذاك .. مجرد ما أقوم من جنبهم ..

.
.

بكاء أحسه دلع و مجاغة بجد ..
متضايقة مرة منهم ..

الصغير بدأ يقلد حركات أخوه الوسطاني ..

اختي اذا كنتي متأكدة من انه لا يشكو من ألم او مريض و فقط يبكي بدون سبب فتجاهليه تماما حتى يعلم ان هذا الاسلوب لا يجدي نفعا معك ..

تجاهلي بكاء الدلع كانك ماتسمعيه
بيرجعوا يناموا