عزيزتي ماريا ..

حليب و عملت له قبل شوية ، و متأكدة انه شبعان و نظيف ..
كانت رجوله توجعه .. شد عضلي قبل ساعتين ، و دهنت له زيت زيتون دافئ و جلست نص ساعة ادهن له
لحد ما نام و ارتاح و فكت رجوله .. بعدين قمت من قدامه و رحت أدخل الشوربة و الرز في الثلاجة و رتبت الثلاجة بشكل سريع

جيت اعمل ساندويتش ..
صحي يبكيييييييييييييييييييييييييييييييييي و يرمي نفسه بالمطبخ .. و بدون سبب
شلته و طبطبت عليه ، و أخدته الغرفة لحد ما نام ..

رجعت اكمل الساندويتش و الشاي ..
و تويي اجلس هنا ، و رجع يبكي و يصييييييييييييييييح ..

بالعادة اروح معاه .. بس تجاهلته مرة و بالاخير صرخت عليه و أشرت بيدي عالباب
و قلت له ( روووووووووح نام ) ..

تركني و راح و ما سمعت صوته ..

انسدت نفسي عن الأكل .. و الشاي برد ما شربته ..
قمت دحين ، اتطمن عليه و أعمل لنفسي كوب شاي تاني عشان اكمل أكلي .. و اخلص شغلي و اعبي الأبليكيشن ..

لقيته نايم و الحمد لله

اختي روح الطير
اتذكر برنامج لمربية الخارقة سوبر ناني كانت الحلقة عن ولد يبكي بشكل هستيري و يرفض النوم على سريره و عندما تضعه امه على السرير يبكي و ينزل من السرير و عندما ينام ويصحوا فجأة ينزل من السرير و يبكي بشدة بدون سبب فقط دلع .

نصحت سوبر ناني الام ان تضعه في سريره لينام و تتجاهل بكاءه و كلما قام من السرير و بكى تضعه الام ف السرير مرة اخرى حتى يتعب الطفل و يمل من هذا وينام و قد يستمر لأيام حتى يفهم انه مهما فعل فمصيره الى السرير جربي هذه الطريقة لطفلك .

ماريا

الوسطاني متأثرة نفسيته عشان غياب أبوه ..
حالته تزيد كل مرة ، حتى متأخر بالنطق ..

تخيلي يمسك ( كرت العايلة ) و يخليه في يده ، عشان صورة أبوه و ممنوع أحد ياخده منه ..
و لما نركب مع السواق ، يطالع يتأكد إنه مو ابوه .. و ياويلي لو سمعني أتكلم مع الكبير و أقول له ( بابا ) ..
يبكي و يقول ( بابا ) .. و يأشر لي عالشارع ، يبغى يتأكد إنه أبوه مو برة في السيارة ..
و يمسك قميص أبوه و يحضنه و ينام و يبكي .. و لو أحد دق الجرس ، يجري يحسبه أبوه ..

و لما يشوف أبوه ، ما يبغاني .. و يطنشني أصلا و يبغى كل شي من أبوه ..
لدرجة البامبرز الله يعزك ، يخلي أبوه يلبسه و يغير له .. و حتى الأكل لازم يكون جالس في حضن أبوه ..
و حتى لو راكب السيارة مع أبوه ، لازم ينزل من السيارة معاه و يركب معاه ..
و لو أبوه دخل الحمام الله يعزك .. يجلس هو جنب باب الحمام .. و يرقد يستنى أبوه ..

و لو أبوه نايم ، لازم يروح و يرجع و يتأكد انه أبوه موجود و ما اختفى ..

صار يخاف إنه لما يختفي أبوه .. لإنه يشتغل في مدينة تانية ..
إني أنا كمان اختفي فجأة من قدامه ..

.
.

تخيلي يكون يلعب ..
و كل ربع ساعة أو عشر دقايق ، لازم يجي و يتطمن إني موجودة و ما اختفيت ..
لو ما شافني مثلا ، ما تسمعي غير بكاااااااااااااااااااااااااااااااااء و صياااااااااااااااااااااح و يفتح باب الشارع يدورني
.. و بشكل هستيري و يرمي نفسه عالأرض و صراخ .. و دموع .. و مامااااااااااااااااااااااااااااااااااا ..

أقول له ( حبيبي أنا هنا .. تعال )
يجري و يحضننننننننني بقوووووووووووووووووووووووووووووة .. و يبوس خدي و كل مكان ..
و يحط راسه في حضني و يتطمن ، بعدين يروح ..


.
.

حتى لما أخده الحضانة و اتركه هناك .. ( للأسف الحضانة الي سجلته فيها ، سيئين أيضا و بأنقله لحضانة تانية إن شاء الله ) ..
الأبلات يقولولي اتركيه ، أنا قبل لا اتركه .. احضنه و أقول له ( حبيبي أنا أروح دحين و أرجع لك بعد شوية ) ..

يجلس ولدي بالحضانة ( و ماسك شنطته و أغراضه لحد الساعة 1 الظهر ) ..
و أول ما أجي ، يجري يحضنني و ما يبغى يتركني أبدا .. لازم اكون ماسكة يده ..

حتى انه متأخر بالنطق ، صحبتي تقول لي ( دلع ترى ) تأخره بالنطق ..
و بزيادة دحين ما يتكلم ( بالإشارة يأشر لي أي شي يبغاه ) ..

.
.

أنا الصراحة بدأت بتطبيق التعليمات و النصايح اللي هنا مع ( الكبير ) و الحمد لله ..
و تفرغت للكبير أكثر ..

لكن جات فترة مرضوا كلهم ، واحد وراء التاني ..
أسبوعين أقل شي .. و اخر شي انا الي مرضت قبل أمس ..
و قالت لي الدكتورة
( ارهاق شديد جدا .. و محتاجة انك تنامي فقط و نعطيك مغذي ، لكن رفضت اخدت مغذي و نمت و تحسنت بعدها ) ..

جالسة اعبي الأبليكيشن ، و كل ما ضغطت ( حفظ )
اجي اكمل هنا

دحين صحي الصغير ,, يبغى يرضع ..
حتى لو يكون شبعان هذا الصغير ، بس يبغاني جنبه و يرضع بس كذا يبغاني جنبه

جالس يبكي
عن اذنكم أروح اشوفه

عاد هذا ما يفهم ، و ما اقدر اقوله روح نام

تركت اللاب توب مفتوح

و دحين مع ولدي الصغير و اكتب من الجوال
و برضو ارد بالواتس عالامور الي تتعلق بالشغل .. و اي استفسارات ..

بالمناسبة قريت كتابين من الي اشتريتهم عن طرق التعامل مع الطفل العنيد
و مع الاطفال المزعجون

للأسف الشديد ..
خسارة اني اشتريت الكتابين

الاول الكاتب عربي و له مقاطع باليوتيوب ..
لكن كتابه ما عجبني .. و تحسي ما جاب شي جديد

و التاني .. المؤلفة امرأة عربية ..
برضو كلام روتيني و أساليب تقليدية ..

.
.

الكتاب الثالث مسكته ..
و الكاتب اجنبي .. لكن مترجم الكتاب

رائع بمعنى الكلمة .. بس توي كنت بدأت اقرا ى ما انتهيت منه ..

.
.

سمووووو ..

شكرًا عالرسالة الخاصة و التعليمات و النصائح الي فيها
ما قراته لسى .. انشغلت مع مرض الصغار ..

.
.


دحين و الصغير يرضع و انا اكتب

صحي الوسطاني و يبكي ..
و جاء نام فوق رجولي الله يعزكم ..

و بس يتحرك و يتغنج ..

زي كذا طول الليل
يوميا

الغريب انه من بعد الساعة 5 الفجر

الصغير يناااااام بشكل متواصل لحد الساعة 8 او 9
و يرضى يشرب قارورة الحليب

لكن نص الليل يبكي و يرفض القارورة ..
و يتحرك يدورني

دحين مضطرة انام معاهم و اترك كل شي ..
عشان اصحى الصبح و الشغالة تجلس معاهم عالاقل شوي

.
.

ممكن يدخلوا بنوم عميق

لو رفعت درجة التكييف
لكن تاني يوم راح يمرضوا ..

راقدة معاهم .. و مافي و لا حركة منهم ماشاء الله
ماعرف هما يشموا ريحتي !؟

لو تحركت دحين
بيقوموا ورايا

نمت و صحيت دحين
نوم متقطع طبعا

مابين اخر رد و الرد هذا



بس يتحركوا و هما نايمين
بس لو جات يده علي او رجوله علي

خلاص يتطمن و ينام
لو حركوا رجولهم او يدهم و حسوا ماني جنبهم
قام و رفع راْسه يدور علي انا فين !

انا كنت نفس معانتك
والحل تصيرين فرفوشة و وطويلة بال اذا يبغى ينام معاك خليه ينام معاك عادي قولي له طيب لاتعانديه ابدا
وليه ماتنقلي لمقر عمل ابوه راح يرتاحوا ان شاء واكرر مافيه مثل التغافللللل و لا تتصادمي معاهم مع الوقت يتحسنوا ان شاء الله