السلام عليكم ورحمة الله وبركاته
اختي ندى اسئل الله العظيم ان يفرج همك وييسر امرك
فهذه اول مشاركه لي في المنتدى وعند قراءتي لقصتك تأثرت كثيرا
فلم احب ان اخرج دون ان ادعولك فليس لدي مااضيفه على ماقاله الاخوات
وان شاءالله سوف تحل هذه المشكله وتبقى من الذكريات واتمنى ان تخبرينا بالمستجدات
فرج الله همك وهم جميع المسلمين.

السلام عليكم
اسفه مارديت عليكم امس لاني نمت بدري
بس لما صحيت لقيت مكالمتين من ابوي ورساله
كاتب برساله اذا سالك زوجك ابوك كان عنده علم باني باجي اخذك من الجامعه قولي ايوه
وحاولت اتصل على ابوي افهم السالفه بس خفت منه وقلت اكيد لو عنده شي او قابله بيرجع يكلمني
المهم رجعت من الجامعه كان البيت هادي ولافيه الا واحد من اخواني فسالته وين الباقين
قال ابوي جا في الصباح وسوى مشكله كبيره قسم بالله بغى يغمي علي من الخوف قلت خلاص كلهم عرفو بالسالفه
بس الي فهمته من اخوي انه تهاوش مع امي وقال انها السبب بضياعي انا وواحد من اخواني
لان اخوي صارله شهرين متزاعل مع زوجته بسبب امي وابوي توه عرف بالسالفه لما جى البيت لانه سال
عن عيال اخوي فقالت له اختي الصغيره من زمان ماهم موجودين بالبيت وامي السبب ماتحب زوجة اخوي لان ابوي الي
اختارها وقال اخوي ان ابوي هدد امي يجيب زوجته تسكن هنا ورحت لامي بافهم السالفه مافهمت شي منها لانها بس تدعي على ابوي وعرفت انه باقي ماعندهم خبر لان لوعندها خبر كان قالت لي
ورحت غرفتي ونمت الى الحين بس مدري شسوي اتصل على ابوي او انتظره هو يتصل ويمكن يجي البيت
بس انا خايفه تكبر بين امي وابوي واتندم انا

خلاص دام ابوك عرف بالموضوع خلي ابوك يتصرف بطريقته ولاتدقين عليه ولاشي
اهم شي سويتي اللي عليك
اعجبتني فكرة ابوك بعلمه لخروجك من الجامعه وش رايك تقولي الفكره لاخوانك كمان والا تخافي ابوك يعلمهم وتنكشفين ؟؟
الله يفرج همكم

__________________
الحجاب عبــاده وليس عاده

حبيبتي اللي ابوها موجود ما تخاف من شي .. باذن الله وراها سند
الله يطول بعمره و يخليه لكم
نامي قريرة العين الان .. ابوك بيسوي كل اللي في مصلحتك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اخت ندى
لا وقت للخوف .. خليكى ورا ابوكى واتركى مشكلة امك معاه ..
هو ملزم يحل مشكلة بنته وان زوجك شكك باى شئ فالتحاليل الطبيه كفصيلة الدم والدى ان ايه هى الفيصل ..
لا تخافى واثبتى وربنا حايظهر الحق

أن شاء الله مايصير إلا خير
أبوك بإذن الله رح يصلح الوضع بناء على رسالته الأخيرة
حاولي تتجنبي النقاش مع أمك او مع أخوك العصبي
ولاتتصلي أبدا على زوجك وسوي اللي يقوله أبوك وبس
واطلبي من أبوك اعتذار ورضاوة من زوجك على كلامه بشرفك لإنه هالشي ماينسكت عنه
مع إني ضد فكرة الرضاوة في أغلب الحيان بس زوجك يستاهل

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

ياقلبي عليك ممممره تحزنين
ماعندي حل لك
لكن بدعيلك
الله يفرج همك ويرده لك ردا جميلا الله ييسر امورك

__________________

أقرب مايكوون العبد لربه وهو ساااجد
اتصلي بالله سبحاانه وتعالى
فهو خير معين لكي
وقوته اكبر من أي قوه في الكون
اسألي الله ان يسخر قلب زوجك لكي
ويصلح حال والديكـي
وألزمـي ذكر الله في الليل والنهار
فمن توكل على الله فهو حسبه ,,,
والله يلم شملك مع زوجك ويبعد عنكم المشاكل ..

اغلبكم يقول ليه مارحتي للبيت بدل من الفندق
هذا السؤال ماستوعبت عليه الا ثاني يوم عرفت اني كنت غبيه لاكن الحمدلله على كل حال
الي صار ابوي كلمني الليله وقال انه اخذ زوجي وراح لامه الي هي عمتي وابوه
وقاله علم اهلك بالي صار وقال تكلم وعلم اهله
وقاله ابوي ليه تشكك في شرف بنتي وتقولها متاكده اني انا ابوه
قال بنتك اشرف بنت ولو عندي واحد بالميه شك فيه والله ماخليها على ذمتي
بس كنت اظن انها تبي تلوي ذراعي وانا مدري كيف ارسلت الرساله واعتذر لبوي وعتذرت عمتي وعمي من ابوي
وقالو لابوي مايصير خاطرك الا طيب
قال لهم ابوي خاطري يصير طيب اذا ولدكم اعتذر من بنتي
المهم قالي بجيك على الساعه عشره وقولي لاخوانك اني ابيهم
وفهمت ابوي على نقطه انه يقولهم انه كان عنده خبر بالموضوع من اول علشان مايهجمون اخواني علي
وجا وتكلم معهم وفهمهم الوضع وقال ان زوجي بيجي خلال هاليومين ويتفاهم معهم
ردة فعل اخواني سكتو ولا احد علق على الموضوع
ردة فعل امي زعلت علي ودعت علي بدعاوي كثيره تقول ليه تقولين لابوك ماتقولين لي
ولاهي راضيه تسمع مني كلمه
ردة فعلي انا من زوجي كرهته مابيه ماتوقعة منه هالنذاله ابد
وابوي حالف لو اقول كلمه وقالي انثبري واشرطي عليه الي تبين بس بالمعقول وروحي معه بيتك
بس من جد ماني طايقته