السلام عليكم اخوتي الكرام
مشكلتي هي اني اتفقت انا وخطيبتي من قبل عقد القران على ان لا تلبس بنطلون نهائيا وهي قالت لي بانها بالفعل بالفترة الاخيرة لم تعد تحبه واصبحت تلبس تنورات فضفاضة اكثر ولكن اشتكت لي بما انها طالبة جامعية بانها اثناء المواصلات تتضايق من التنورات وانها ستلبس بنطلونات عريضة وفوقها جاكيت طويل لتحت الركبة فوافقت على ذلك لها لكن على الجامعة بس وذلك لابدي لها تفهمي لها
والبنت حرام ما عاد تلبس ابدا بنطلونات غير على الجامعة وبالطريقة المذكورة لكن في احدى المرات اتصلت بها وهي في المنزل فاخبرتني بان لديهم اختها وزوجها فسألتها ماذا تلبسين فقالت لي بيجاما مخمل وقلت لها يعني بنطلون فقالت لي نعم بس مخمل وعريض وانا هون جن جنوني لذلك وما بعرف شو صرت احكي فقالت لي خلص لنتزوج ما رح اطلع ابدا بالبيجامات فقلتلها شو الفرق وعللت السبب بانو جوز اختها تزوج اختها من حوالي عشر سنوات وكانت صغيرة يعني متل مربيهم وبتعتبرو بسعر أخوها وكمان هون انا رجعت عصبت وقلت لها ما في عندي هادا متل اخوي وهادا متل ما بعرف شو . كل الرجال متل بعض فقالت لي طبعا بس انو هون الظرف انو اذا ما طلعت رح تزعل اختها و ما بعرف شو وانو بالنهاية قالتلي انو بعدين رح تلتزم بالكلام بس هلق صعب وهون انا هددتها و قلتلها هالامر بالنسبة الي مصيري وانا عقلي هيك بتقدري تلتزمي اهلا وسهلا وسكتت وقالتلي ايه وشو قلتلها مفهومة وهون زعلت هي لانو قلتلها هيك وصارت مشكلة.

فسؤالي هل علي كخاطب ان اعالج كل امر بالتدريج ما دام هناك اقتناع بذلك ام ان تصرفي كان صحيح

ما بعرف ؟
شو بتنصحوني

ملاحظة : حرام البنت مقتنعة بعدم لبس البنطلوب بس السبب برايها انها تعودت تطلع هيك واذا بدها تغير فرح تزعل اختها وانا قلتلها اذا الواحد متعود على الغلط معناها لازم يستمر بالغلط فكان الحل بان يكون بالتدريج يعني مرة ما تطلع نهائيا ومرة تطلع ببيجاما فوقها جاكيت طويل ومرة بالتنورة يعني هيك حتى يكون الامر طبيعي وما يكون فيو شك باحد لا سمح الله

انتظر خبرتكم واكرر سؤالي هل في مثل هذه الامور او اكبر منها علي ان اتقبل تنفيذها بالتدريج ام ان الامر لا يستدعي كل هذا التدرج