السلام عليكم...
اولا...كل عام والجميع بصحة وسلام..
ثانيا..الصراحة انا من زمان مسجلة معاكم بالمنتدى بس ماكنت اشارك بس حبيت اشكر كل من في هذا المنتدى الرائع انا فعلا استفدت منه كثيرا..
ثالثا... حبيت اشارك بالموضوع...
كان يوم ميلاد زوجي برمضان بس عطيته الهدية وقلت بأجل الاحتفال الى العيد...
وبخلي العيد عيدين..
وهذا ثاني عيد نحتفل فيه مع بعض...
اول عيد كنا بشهر العسل...
المهم راح اغير الفرش وطبعا لونه عنابي وقميص نوم عنابي وخذت من زوجة عمي الليت الملون اللي ي يدور وقلت بجهز الغرفة لما يرد من صلاة العيد وبكشخ وبلبس بدلة العيد وماراح اخليه يدخل غرفة النوم الا بالليل لما نرد من زيارة اهالينا..
انا الصراحة ماكان في وقت اخذ له هدية لانه على طول معاي ومايصير اخذ الهدية وهو معاي..
قلت بعطيه عيدية من زمان محد عطاه فلوس بيده العادة ياخذون منه..
قلت بشوف اللي في المحفظة وبعطيه..
لقيت 500 ريال والباقي عشرات وريالات..
فراح اعطيه ال500ريال...
ودزيت له بطاقة حلوة على الايميل...
بس ان شاء الله تعجبه....
اتمنى اني مااكون طولت عليكم...
ولكم مني اجمل تحية...
ام سلطان