عزيزتي فكوهة،،

بالنسبة لسؤالك إذا احبه او لا فمشاعري محايدة لا حب ولا كره،،

واقتراحك جميل لكن إذا أبغا أزيد مارح أزيد اقل من الف إلى الف ونص شهريا
عشان مؤونة البيت بس ناهيك عن مصاريفي الخاصة ومصاريف السواق وفواتير جوالي وأكلي وشربي ولبسي،،
لكن رح ينخفض ها لمبلغ مثلا إلى خمسمئة شهريا في الحالة الثانية،،
وهي عموما على قولتك ما تفرق طالما انا في النهاية لازم أشارك في مصروف البيت بالإضافة لمصاريفي،،
لكن المشكلة مهي بالفلوس ومقدارها بقدر نفسيتي اللي مهي قادرة تتقبل الفكرة ، الكل حولي يقول ان الموضوع عادي واني انا مكبرته،،
ويمكن من الواجب علي اني ادفع مبلغ معين شهريا عشان بيتي،،
بس مدري ليه مو قادرة أتقبل هالموضوع ،،
اني شبه (اكد) على رجل كنت أظن اني رح اتكئ عليه في ما يخص البيت وبعض مصاريفي واستغني به ( بعد الله) وأحس بقوامته في هالجانب،،
مدري ليه ازدري أي رجل يأخذ ريال واحد من حرمة( قناعة مدري كيف اغيرها)

او يمكن على قولتك الموضوع أكبر من الصرف، وناتج عن تراكمات انا مو مستوعبتها ، يمكن كنت رح أتقبل هالشي فيما لو كنت ( احبه بجنون) مثل حالة خطيبة أخو زوجي،،

__________________
ربي احفظ لي ابنتي ..

وعليكم السلآم ورحمة الله وبركىته
يَ هلآ بِ
حبيبة قلبي آختي مدمزيل معآلي ♥
اولآ الف مبروك قرب الزوآج والله يتمم لك على خير يارب ..
وما اتوقع ان ه السبب يخليك تفكرين بالانفصال الله يهديك ..
انتِ بكذه تدخلين نفسسك دوامه من جديد بمجرد تفكيرك بِ هذآ الشي ..
الله آنعم عليك مشاء الله بشخص صادق ويحبك ووضح لكِ الامور من بدري
وصدقيني لو آنك تحبيه كنتِ رآح تتقبلي كل شي يقوله ورآح تضحي باللي عندك ..
بس انآ ادري انه الى الان اللي بينكم مجرد موده و آحترآم وانّ ( الحب ) مأجلته لمآ بعد الزوآج . .
وادري ان هذآ الشي مو بيدك وصدقيني مآحد يقدر يلومك الله يسخركم لبعض ..
بسس انتِ كوني حآزمه مع نفسك ولآ تجيبي ه الطآري ابد لـ آن الشيطآن يفتح آبواب لك و يزين لك فكرة الانفصال
وانك انسانه مقبوله اجتماعياً وناجحه درآسياً وغيره كثير يتمنآك صدقيني الفرص مو كل يوم تجي ..
احس شيطاني ايام انفصالي صآر يلآحقني الحين عشآن يدخلني في متاهات ثانيه احسه يبي يمرضني
يخليني احيان اتندم على انفصالي واني اذا بقيت معه احسن لي ويصورلي شوفي صحباتك اللي حولك اتزوجوآ وخلفوآ
وناحجين وانتي مرت عليكي اكثر من سنه وانتِ من فشل لفشل !
استغفر الله بس اسئل الله ان يثبتني احيان يشطح تفكيري يبي يوديني لستين داهيه
مآ عليكي مني بس اللي ابي اوضحه لك آنتبهي لآ تخلي الشيطان يدخلك متآهآة يزينهآ لك حاليآ
وبعدين يخليك تندمين وتتحسسفين عليهآ خليك انسانه صبوره آكثر معليش واجهي ه الصعوبات بنفس راضيه حاولي تتقبلي شخصه ..
كلآم النآسس ونضرتهم ترآ جداً تقتل وتمزق مايخلون احد في حاله وانتِ اكيد فاهمه اللي اقوله ..
بنت عمي زوجهآ اقل من راتب زوجك وهي تشتغل ولآ تصرف ولآ ريال ع البيت تقول اطنشه لابدأ يلمح
ولآ كاني اسسسمعه قالت بس هي تفكر بالعقل قالت لاحسيته صدق مزنوق اساعده بس مو تعطيه فلوس
لآ قالت من ناحيتي اجيب مقاضي البيت واوفر عليه بعض الاشياء
بس اهم شي تقول اني ما اعوده على شي لآنهم على طول يتعودون ..

خلآص يَ معآلي حآولي تفرحي وتسعدي نفسسك مدري يجيني احساس انك الى الحين مو متقبله وضعك الجديد
احمدي الله وَ آشكريه و تغاضي عن اشياء لعل الله بهآ يعوضك بشي افضل ويرزق زوجك مال من حيثُ لآ يحتسب ويصرف عليك وعلى من يعز عليك . .

أسأل الله العلي العظيم آن يفرج همك وييسسر ويدبر آمرك وَ آن يتمم آمور زوآجك
مِن هذآ الشخص ويقذف في قلوبكمآ المحبه والموده والرحمه ويسخركم لبعض ويرزقكم الذريه الصآلحه
السليمه المعآفآة ويرزقكم من حيثُ لآ تحتسبون ويبعد عنكمآ شر اعين الحآسدين والمستكثرين ويديم
عليكم السسسسعآده ♥

أهلا سنا،، وووين الناس ،، افتقدتك كثيرا يا جميلة،،

انا معاك بكل كلمة،، لكن لو كنت تزوجته وكانت حالته المادية معقولة وفجأة حالته تردت صدقيني رح أوقف جنبه وما رح تكون ردة فعلي نفسها الآن ،،

لكن انا اجتمعت علي أمور كثير،، اعزب أخذني وأنا مطلقة وفي الأخير يطلع أساسا فقير،، شكوك تساورني انه ممكن يكون طمعان،، خوفي من المستقبل ومن كوني بالنسبة له مجرد جسر
يمشي فيه حاله لين يوقف على رجله ،، لكن صدقيني لو خطبني وتزوجته على أساس انه
مقتدر ومستغني عني - بعد الله- ومستعد يصرف علي ويقوم فيني من غير ولا قرش من
فلوسي ، وفجأة تقلب الدنيا عليه،، رح أساعده بكل ما أوتيت من قوة،،

أخلاقه كنت شبه ضامنتها لكن صارت منه كم زلة لسان شككتني فيه الله يهديه بس،، شوفي التفاصيل في ردي ع الأخ نيت مان،،

أحيانا أحس اني مكبرة الموضوع،، واحيان أحس انه كبير فعلا،،

الله يفرج همك وهمي وهم كل مسلم ويخليلك زوجك وبناتك ويحفظكم،،

__________________
ربي احفظ لي ابنتي ..

حبيبتي روح،،

أحيانا أحسها حظوظ ،، واحيانا أحسها اختلاف قناعات،، ان الوحدة تعيش في كنف غني
بس جاف،، وفقير كويس بس عيبه فقره،،

بس المصيبة زي ما قلتي لو اجتمع الفقر وعدم الاهتمام او المعاملة السيئة ، بعيد الشر عن الجميع

ويمكن هذا اللي يخوفني حاليًا،

وانت صادقة في كل كلمة قلتيها،، شغلة شريفة بس اهم شئ سعيدين ومستورين،، ومو مقصر معنويا لكن ،، بالنسبة لتأقلمي مع الحياة معاه في المستقبل،، هو المفروض ما احكم ليين اجرب
لكن حاسة اني رح اتعب شوي ،، ورح يشتغل عندي شريط المقارنات

انت بالذات ي روح استفدت منك كون تجربتك تشكل صورة مستقبلية لحياتي مع زوجي،، بالفعل الزوج الطفران متعب حبتين،، بس على الله تغطي الأخلاق على نقص المادة او يدب حبه في قلبي لدرجة أنسى الحالة المادية اللي إحنا عايشين فيها

وتقريبا انا شبه وصلت لقرار بالاستمرار وحاطة يدي ع قلبي

والله كريم ،،

__________________
ربي احفظ لي ابنتي ..

معالي يا عزيزة ..
أنا لازلت أذكر حروفك الأولى و كيف هي نشوتك بمن أحبك واختارك دون غيرك ..
أنا أجزم أن تفكيرك بالطلاق أتى من نقاط تلميحه وخوفاً منك أنه تزوج لـ استغلالك أو هدف مادي بحت , فلا تدعي الشيطان يشوش هذه الفكرة ..
بإمكانك تتجاوزي هالوساوس الآن
طبيعي أنه راح يواجه الشخص ضغوطات مادية قبيل الزواج وربما الأشهر الأولى فكيف بمكن هو وضعه بالأصل المادي قليل
إذا لم يدخل نفسه في دوامة الاقساط وما نحوها فلا تقلقي أزمة وبإذن الله ثم تعتدل مع الايام و سيصبح هناك موازنة.
الرازق يا غالية في السماء .. وما تدري عما تخبأه الأيام ..
فالله الذي اغناك سيغنيه ..
المادة ليست كل شئ يا صديقة ..
لعلك تجدين سعادة عند هذا الرجل تنسيك الماضي و آلامه ..

عليك بالدعاااااااء ... دعي هذه الأمور لله قاضي الحاجات ..

وفقك الله يا طيبة و تمم عليك فرحكِ و رزقكم المودة و الألفة و السعادة ..

__________________

-
يَاربِ تمّم بالفَلاحِ مَسيرتي ..

هلا والله ي قلبي ،، شرفتيني،،

انا المفروض اللي أكون واقفة معك حاليا لكن طلعتلي هالمشكلة واشغلتني الله يفرجها عني وعنك يارب،

سبحان الله كلامك يبث في نفسي طمأنينة عجيبة،، وسؤالك صراحة ع الجرح،، انا بقارن أحيانا للأسف واعترف بالشي هَذَا.. وللأسف الفروق الكبيرة بين زوجي وطليقي من كل النواحي وخاصة المادية تساعد الشيطان انه يدخل لي من هالمدخل،،

أي والله يا سيدة انا ودي برجل خلوق وطيب في المقام الأول،، وأنا تفكيري بعد ما صارحني كان منصب ع الانفصال لا افكر في أمومة ولا استقرار ولا شئ،، بينما بعد الطلاق كانت فكرة الأمومة والاستقرار ملحة جدا علي ،، بس انا تقريبا توصلت لقرار اني أكمل بس خايفة من الجاي،،

مشكورة على وقفتك معي
، الله يسعدك يارب ويفرج همومنا أجمعين ويربط على قلوبنا ،،

سؤال طارئ:
هل تخصصك علم نفس؟

__________________
ربي احفظ لي ابنتي ..

هههههههههه

يا بعد عمري ضحكتيني اضحك الله سنك،،

كيفك يا عسل،، وحشتيني أوي يا بت،،

الله يسعدك يا قلبي ويبارك فيك وعقبال عندك( شاكة ان هالغطة وراها شئ)

أكثر شئ ضحكني التشابه الفضيع في الأحاسيس الابليسية،، اثاري ابن اللذين لعنه الله يستخدم نفس الأسلوب مع الكل خخخخخ

صادقة يا قلبي،، لمن تطلقت حسيت بالفشل وأنها نهاية العالم وان مالي داعي بالحياة
وان صاحباتي اللي كملوا وخلفو افضل مني،، وياليتني استمريت وووو

ويوم انخطبت صرت اتراقص من الفرحة هههههههههه،، وبعد ما ملكت بدأ إبليس اللعين أولى مهماته معي بإعطائي الأحساس اني استحق اللي أحسن من زوجي واني استعجلت ووووو وسمعت كم وحدة قالت لي لييييه استعجلتي وزادت الأحاسيس عندي،، مع اني موافقة بقناعة تامة وفرحانة بعد،، بس كنت اتغلب على هذي الاحاسيس وكنت مستقرة نوعا ما الين جات هالمشكلة قام ابليس يزيد الجرعة حسبي الله عليه لين وصلني لفكرة الانفصال،، ومتأكدة يا قلبي اني رح اندم وأتعب بعد الانفصال زي ما قلتي،، ولأني مجربة أساسا هالاحساس بعد طلاقي الأول ،، بس ماني قادرة أتصور في الوقت الحالي اني رح اندم لو انفصلت ولا انا قادرة أعيش إحساس الندم عشان يثنيني عن الموضوع وكأن الأمي السابقة تخدرت تخدير كلي عشان اتخذ هذا لقرار ببرود ومن غير خوف ان نفس الآلام تتكرر،،

يا ريت احبه يا حلومة،، حتى هو سألني قبل ما يزف لي الخبر، انت تحبيني ولا لا؟

تصدقين يا حلومة عطيتيني دفعة قوية بردك،، واحسنت فيه وكأنك صنعت تصور مستقبلي لحالتي في حال لو انفصلت، عيشتيني الجو لدرجة حسستيني بألم التجربة بعد ما كان متخدر عندي،، وهونتي المشكلة في نظري إلى جانب الاخوات نور الصباح وسنا النجمة وروح الطير بسردك لقصة بنت عمك،،

هالتجارب اللي طرحتوها حسستني فعلا اني مكبرة الموضوع، واني اقدر اتجاوزه من غير انفصال،،

الله يوفقك ويسعدك ويدخل الفرح على قلبك ويهون همومك ويذهبها عنك مثل ما خففتي عني همي،،

شكررا على دعواتك الجميلة وروحك الطيبة ولك مثلها،، فعلا الأخوة مالها علاقة بدم ولا قرب مسافة،، والأرواح المحبة تتلاقى من بعيد،،،

__________________
ربي احفظ لي ابنتي ..

دائماً تلهمني كلماتك وتحلق بي نحو الجمال،،

( لعلك تجدين عند هذا الرجل سعادة تنسيك الماضي والآمه) أتمنى ذلك عزيزتي وما ذلك على الله ببعيد،،

فعلا انا لم افكر بالطلاق فعليا إلا بعد تلمحياته،، وبدأت هذه الفكرة تتلاشى وتصغر بعد ردود الأخوة والأخوات جزاهم الله خيرا،، وبدأت تختفي تلك الوساوس

وفعلا الكل يمر بتلك الظروف،، والله قادر على أن يرزقه ويغنيه،، والدعاء يصنع المعجزات،، وسأظل أدعو ان يكتب الله ما فيه خير لي وله من الآن وحتى اللحظة التي تجمعنا،،

أسعدك الإله ورزقك بكل ما دعوتِ به لي وأكثر يا صديقتي،،

__________________
ربي احفظ لي ابنتي ..

غاليتي،،

اعذريني للتو انتبهت لردك،،

وكما قلت لفاكهة انا كان استنكاري على نفس الفكرة بغض النظر عن حجم المساعدة،،
وان شاء الله يكون خلوق بما لا يجعلني اندم على استمراري معه،،

__________________
ربي احفظ لي ابنتي ..

انا ما اقول لك ماتتعبي .. الا شي متعب ..
لكن دوري لي حياة زوجية بدون تعب ؟

عالاقل اتعب على امر مادي مقدور عليه .. و خاصة انه راتبي معايا ..
و لا على طبع متأصل فيه

و الله امس اختي الي زوجها ماشاءالله مليونير .. تغبطني على زوجي ..
لانه زوجي بيترك كل شي عشان يوصلني و يوصلها .. لمكان انا و هي متفقين عليه ..
بينما زوجها .. من ثلاث اشهر يقولها دبري حالك و خلي اخوانك يوصلوك ..
الذهااب لازم مع وجود محرم

و امس تقول لي ..
تبغى تتطلق من زوجها و تتخلص منه بأي طريقة و اهم شي بتعيش مع اولادها منه ..
و ماتبغى و لا قرررررررررررش منه ..

تقول الفاظه سيئة و وسخة و بس يشتم و يصرخ و نفسيتها تعبت ..
جلست اهديها و انه الاولاد اهم شي يعيشوا تحت ظل ابوهم ووووو الخ

و الله حتى لما اروح لها .. عشان يحرجها .. مايجيب لها هيل للقهوة العربية ..
مو بخل .. بس كذا تنكيييييد ..

و مرات اسمعه يقول ايش هدا .. كل يوم ناس و ضيوف و يرفع صوته ..
احرج اختي .. و لولا انها هي الي نادتني و لولا اختي و مابغى لها مشاكل ..
كنت عرفت اتصرف معاه و وقفته عند حده ..

و ماصرت اصلا اروح لها الا بالنادر ..

بس هو كذا بيبعد الكل عنها و مايحترمها قدام اهله و يشتمها ..
قليل ادب و يحسب كل الناس ميتة على فلوسه ؟؟؟؟؟؟

.
.

و راح ابشرك انت اول وحدة ..

زوجي توظف ماشاءالله و براتب كويس .. من اليوم

.
.

انت شايفة كيف شهووووووور طلع لي عيوني ..

.
.

بس برضو ابغى اقول لك شي ..

.
.

انا ماعودت زوجي اني اصرف من بداية الزواج .. و نظرتي هي نفسسسس نظرتك للرجل ..
و هذا السبب الي تعبني .. و برضو كنت اصبر حالي ..

بس انا كان لازم اصرف عالبيت في الفترة الاخيرة ..
عشان اولادي .. و الشغالة ..

بس لو انت و هو فقط ..

خلاص خليه هو يدبر حاله ..
ما راح تحتاجي تجيبي مقاضي للبيت ..
مصاريفك انت فقططط ..

و هو يبحث عمل اضافي .. و يسدد فيه مصاريف السيارة و الفواتير ..

بس قوليها له من دحييييييين ..

.
.

و انا ترى مو اني حبيت زوجي و الله .. و تحملت عشان سواد عيونه ههههه
اصلا ماحبيت زوجي من البداية و كم سنة ^^