23-01-2017, 02:50 PM
|
المشاركة الأصلية كتبت بواسطة الأمانة
أقولك بالمختصر على بلاطة: طول السنين اللي فاتت فرفرت براسي أتأمل الأطفال و كيف نتعامل معهم، وفيه أجزاء كنا ندرسها عن تعليم الطفل و التعامل معه ، المهم إلى أن توصلت إلى آخر حكم حسيته أكثر شيء منطقي و صح، حتى لو كان صادم لك و لبعض الأمهات، وهو : " خليهم بحالهم "! اللي يلعب خليه يلعب، اللي يصارخ خليه يصارخ و تجاهليه (اعتبريه مب موجود ذيك اللحظة بمخك، وبعد ما يهدأ اعتبري انك فقدت الذاكرة طول الوقت اللي كان يشاغب فيه)، اللي يخرب ارفعي عنه الأغراض الخطيرة و المهمة و اتركي اللي ما يقدر عليه، و خلي غرفة مخصصة للعب انثري فيها الألعاب نثر على الأرض ! و فيها كل اللي يحتاجون بلاي ستيشن ، تلفزيون، أجهزة ذكية،خفايف أكل، كل شيء يعلقهم بالغرفة، و خليها مفتوحه، وانتبهي تحسسينهم محبوسين أو أنك ما تبينهم يطلعون، لا خلي الباب مفتوح على مصراعيه، وطنشيهم تماااااما. طيب، كلامي شكله عبط صح ؟ لا، ما هو عبط بل مبني على أساس علمي، ممكن حتى اللي تعلموا العلوم الإنسانية بطريقة سطحية أو قديمة ما يفهموه، بس أنا أفهم ، أفهم ايش و كيف؟ أنا أفهم سبب سلوكيات ولد زوجك من خلال تحليله و هو : الخوف و القلق، هذين الشيئين أهم سبب لـ 1- بطء التعلم / لأن كل ما زاد القلق قل التركيز، و كل ما قل التركيز صعب و تأخر التعلم. 2- عدم الثقة/ عدم الثقة بالنفس و القدرات يؤدي لعدم الشجاعة و الأخذ بالمبادرة بالتصرف أو بالكلام، و هنا السبب ليش ما يروح أكرمك الله الحمام. 3- الاحساس بالنقص من عجزه عن إتقان الأشياء أعلاه و بأنه يكون "ولد كويس تمدحونه"، و بالتالي ... 4- الغضب الدائم و العصيبة ، و هي نتيجة النقطة 3، فهنا يحاول يقاومها و تصعب على نفسيته الهشة أنه يتقبل أنه "ولد مو كويس". أتمنى تحسنين الظن بالله بنصيحتي، لأن أحسن الظن بك وبزوجك و مستحيل ألوم أحد على جهله"عفي عن أمتي الخطأ و النسيان"، إنما هنا أؤدي واجبي و أمانتي فقط ، فأوضح أساليب الأبوين المسببة للنقاط أعلاه هي: 1- المحاسبة، و التدقيق على كل تصرف. 2- استخدام ألفاظ محبطة للولد أعني حتى وهو "مخطيء"! هذا خطير لا تستخدمين إلا ألفاظ إيجابية تتعلق بنفسه، وذمي التصرف فقط. 3- إظهار الحرص و التأزم على الأشياء الدقيقة " مثالية الأبوين، مثلا الأم ما تحب أي شيء يطيح ، يخرب ، تتصادم مع أي تغيير ..." و هذا خطأ بحق نفسيتها و بحق شخصية الأولاد ! ما راح أفصل باللي تحته خط لأنه موضوع طويل . أما ولدك فهو بالضبط نفس تحليل ولد زوجك، إنما ؟ وضعه أشد و أخطر لأنك تمارسين قيادتك عليه بحرية تامة، فتصير هنا هذي النقاط مبكوتة و محبوسة و بنفسه ، و في نقطة مهمة أوقف عليها ... يصير يجاوزها " وهي مكبوتة" إلى تصرف آخر وهو " المقاومة"، و تفسير هذي المقاومة و التمرد أنه ولدك يركز على الخراب لأنك أنت نفسك تركزين على المحاسبة و الدقة، فيحس بالتوتر لأنه يحس بالحرمان من شيء عظيم. تصرف زوجك صحيح، و أنت رغم طيب نيتك خاطئ، و أدعوك للاسترخاء و تطنيشهم مب بس عشانهم، عشان نفسك .. لأني أحسب شبه متأكدة أنك تعانين من ضغط نفسي لأنك شخصية مثالية، و الشخصية المثالية خطأ و تصنف كاضطراب نفسي مثلها مثل المهملة، خلك مرنة عشان ترتاحين. تحكمي و سيطري و صيري قيادية بكل تفاصيل حياتك الثانية هذا إيجابي و مفيد، و بنفس الوقت طنشي كل التفاصيل الصغيرة الأخرى، و أيضا بنفس الوقت طنشي الأطفال"حتى لو ما اعتبرتيه تفصيل صغير، لأنه خطر نفسي عظيم ببناء شخصيتهم" قد تسبب لهم أمراض بالمستقبل مثل الاكتئاب ، القلق المرضي، الوسواس، الرهاب. لو بغيتي الشرع تأملي حديث أنس عن الرسول أنه ما قد نهر خادم و لا طفل قط، و أيضا حديث الطفل الذي بال على النبي و قال للي نهره أو جاء يآخذه: لا تروع ولدي،ابحثي بقوقل. |
23-01-2017, 03:12 PM
23-01-2017, 03:25 PM
|
المشاركة الأصلية كتبت بواسطة الأمانة
ولد زوجك/ من كلامك أفضل تعرضوه على أخصائية تغذية ، ما أعرف و ما هو اختصاصي، لكن حتى هذا الوقت أعطوه زيوت الأوميغا 3، لأن نقصها يؤثر على التركيز شفته بوثائقي عن أطفال مشاغبين ومايركزون بالدراسة و كان السبب سوء تغذية ونقص أوميغا3، وهي موجودة : السمك المليء بالزيت مثل / (السلمون والسردين والماكريل والتونة) وفول الصويا (التوفو)، الزبيب الجوز، بذر الكتان والزيوت التي تستخرج منها واللوز وزيت الزيتون(ويكيبيديا). صعبة أحدد شخصيا أي صنف غذائي لأني ما أعرف وش اللي تقدرون تجيبونه بالبيت ، لكن أقرب شيء أتوقعه هي " التونة" ، احرصي يفطر عليها ، و الجوز مع الشكولاتة السوداء، و زيت الزيتون مع الحمص بالصحينة مثلا على الفطور. قلت لزوجي لازم يروح دكتور تغذيه ونجيبلهم فيتامينات لان وزنه قليل ومو طبيعي لعمره ابددا .. وقلتله من قبل لو صار بالولد شي انت حتلوم نفسك بسبب الشوكلت الي تديه هوا 24 ساعه كوجبه رئيسيه .. وانا احرص كل ويكند لما يجو اعمل سيلمون في الغداء .. المهم الين جا يوم والولد اغمى عليه فجأه ومافاه الا بعد كم ساعه .. وطلع عنده انيميا ونقص فيتامينات والحديد شبه معدوم جوابا على سؤالك هو : اجلسي مع نفسك و تأملي حدود قدراتهم (العقلية) و صلاحياتهم بالحياة ( التحكم بالتصرفات الصح من الغلط)، رح تقتنعين أنهم كائنات ضعيفة و معتمدة بالعيش شبه كليا على كائنات أقوى صلاحيات و أعلى قدرات عقلية اللي هم الأبوين و الكبار عامة. رح تكتشفين أنهم أضعف و أجهل من أن يطبق عليهم أسلوب التربية الصارم التقليدي. و بإنها كائنات "اعتماديةdependent" عاطفيا و كل شيء، ليست "مستقلةindependent" حتى تتم محاسبتها بصرامة. و بالنسبة للتربية و التعليم : ( نعم موجود!، إنما ؟يكون بالمدح و التحفيز الايجابي زي اللي شرحت فوق). و ليس بالأسلوب الصارم التقليدي مثل النقد و الخصومة أو الضرب أو الحكم السلبي على شخص الطفل مب تصرفه ما أقصدك أبدا و الله لكن أوضح أنه تقريبا الأسلوب الشائع لكل الأجيال السابقة، طيب وش الأشياء اللي تحاسبين عليهم و اللي لا ، هنا ابحثي بقوقل حسب كل عمر( كل سن وله طرق بالتعليم وبناء الشخصية نفسيا وكل شيء). |
23-01-2017, 03:35 PM
|
المشاركة الأصلية كتبت بواسطة meemaa
كلامك سلييم يبغالنا طولة بااال
عزيزتي شكرا لكي ..بحاول اطبق الي قلتيلي عليه وما اشد عليهم << والله يصبرنا بس حبيت تكون حياتي مرتبه ومنظمه |
23-01-2017, 03:56 PM
|
المشاركة الأصلية كتبت بواسطة الأمانة
عشان تطمئنين تأكدي شهر بالكثير تتعودين و يصير الوضع عااااادي، و تظهر نتيجة ما كنت تتوقعينها الحين ! أنا ما أعرفك لكن أحسن الظن بالله أنك طيبة مرة من داخل، و الدليل هو طرحك للموضوع. وأدري أنك نفسيا ممكن تقاومين نصائحي فترة بالبداية ، لكني أحرصك عليها مب بس لأنها مفيدة للأولاد لا؟ بل مفيدة لك. ( مع أني مب أم ولا متزوجة لكن في أمور ثانية كنت مثلك زمان و تعبت، وتعلمت، وارتحت الحين الحمدلله) لأني أحسبك شخصية مثالية و هالشيء خلاك تعبانة نفسيا و متوترة من داخل. و فيه مقولة علمية للشخص الناجح هو من ينجز 80% من أعماله، وليس 100%! لأن الإنسان بقدراته المحدودة إذا يسعى إلى المثالية المطلقة يعتبر مرض و شيء غير منطقي الله قال "ربنا ولا تحملنا ما لا طاقة لنا به، واعف عنا ..." و مافيه أحد حياته بيرفكت. بالنسبة لزوجك، خليه يقرأ هذا الكلام، و بأن الولد أمانة يحاسبه الله عليها و ليس البشر، و أحسن الظن بالله وبطيبة زوجك أنه ما يرفض إن شاء الله به كل الخير و الأمانة ... خليه يعرضه على أخصائي تغذية و نفسي أيضا، كلاهما معا، وليس واحدا. |
شكرا لكي
23-01-2017, 09:28 PM
23-01-2017, 09:34 PM
24-01-2017, 10:09 AM
|
المشاركة الأصلية كتبت بواسطة متفائله200
المكافئه اي مكافئه حسيه حلاوه شيبس عصير
وافضل مكافئه بالنسه لأعمارهم ومجربتها المكافئه المعنويه أحضنيه بحنان وخذي وقت وانتي تحضنيه وقولي لو كررت الصح أحضنك بقوووه واذا سوى غلط سوي نفسك زعلانه وقفلي يدينك ع صدرك وقولي خلاص ماابحضنك انا زعلانه وبرضه سويها مع ولد زوجك |
|
المشاركة الأصلية كتبت بواسطة متفائله200
الطفل الى عمر 6 او 7 سنوات يحتاج للحضن كثيير طول اليوم ولو شفتي نفسية احد اطفالك ماهي ع بعضها أحضنيه وشوفي كيف يهدأ انا عندي طفلي الصغير ابتعدت عنه فترة الاختبارات وسار عصبي ويضرب الاطفال حتى أنا يمسك شعري وبمجرد مااحضنه يهدأ ويفك يده من شعري
|
مع انو يحبني مرا .. ولما بينام عندي وبيجي ابوه ياخذه يقولي لاا ابغى ماما بابا مو حلو .. بمجرد مايشوف ابوه قدامه يجري بحضنه كأنو مابيقاومو مع انه بداخله نفسه يكون عندي ..
25-01-2017, 12:51 AM
|
المشاركة الأصلية كتبت بواسطة meemaa
ايوا استعمل المكافئه بالشبس والشكولا ..
والحضن احضنهم بأي وقت كدا ف اشوف اتعود عليه سواء عمل غلط او صح .. امس جا طليقي وجاب ولدي عندي و الولد جلس ف الشارع يصررررخ ويبكي مايبغى يجي عندي .. حاول زوجي وابوه يدخلوه رفض .. وجبناله حاجات تغريه وحلويات .. لكن رفض يدخل عندي .. انا استغربت وحسيت بحزن بداخلي ماعرف ليش . وايش سبب ردة فعله مع انو يحبني مرا .. ولما بينام عندي وبيجي ابوه ياخذه يقولي لاا ابغى ماما بابا مو حلو .. بمجرد مايشوف ابوه قدامه يجري بحضنه كأنو مابيقاومو مع انه بداخله نفسه يكون عندي ..لكن موقف امس خلاني اتفاجئ وابكي ايش سبب تصرفه ؟؟ هل هو مو عاجبه شي عندي ؟؟ او حابب ابوه اكثر ومو حاسس فيا ؟؟ |
ايش السبب وهل هي أول مرة يسوي كذا .. لازم تبحثين الموضوع بجدية ولدك صغير وماراح يسوي كذا الا من خوف أو قلق او توتر بس حبيبي هو مايعرف يعبر .. لو فيه احد تقدري تتواصلي معاه مثل أم طليقك وتشوفي ايش استجد على ولدك
25-01-2017, 02:47 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
