السلام عليكم
الله يعطيكم العافيه ياليت تعطوني حل في مشكلتي لأني تعبت
اول شي أنا اصغر خواتي
واعاني من تحمل المسؤليه الزايده
حاولت اتخلص من بعض المسؤليات بس للاسف اهلي مايساعدون
أنا موظفه وعندي مسؤليات في الدوام وخاصة أني موظفه وانا عمري عشرين سنه
خواتي اكبر مني منهم متزوج ومنهم عاطلين ومنهم وحده موظفه والموظفه وشايله الحمل معي
بس المشكله ان اختي الموظفه تحملت المسؤليه وهي كبيره لانها توظفت متأخر وطبيعة شخصيتها تحب تكون قياديه يعني مناسبها هالوضع
بس أنا توظفت وانا صغيره بديت اصرف ع بيت اوفر خادمه واجباري
ولما ارفض ينكرون كل شي سويته وكل شي وفرته
يعني جبت لهم احدث الاجهزه جبت لهم هدايا
عيشتهم بعز
ليما تعودو ع العز
وانا من الناس ماحب ابخل ع نفسي
عشان كذا يفكرو ان معي فلوس
لان اختي تبخل ع نفسها فيستعطفوها يفكرو ماا عندها فلوس
يعني أمي تبغى فلوس زياده تجي لعندي
ماتروح لاختي
طبعا ابوي أنا اعطيه ربع راتبي واختي كمان نفس الحكايه
بس القهر في الموضوع أني لما افكر اخفف عني بعض المسؤليات يقول ادفعي
مع ان عنده اسره ثانيه يصرف عليها بالكامل
بحجة أنهم ماعندهم احد بيشتغل
وكمان تلاقيه كريم مع زملائه وبيدفع كتير
ويشغل عمال عنده ع حسابه براتب زياده
وفي يوم من الايام طلبت منه يجيب سواق للعائله لاني بروح لدوام بسيارة تكسي واول مارحت مع تكسي اول مره مت من الخوف وهو شال همي في البدايه بس طمنته وبعدها ماسال علي
وكلمته عن السايق لأني تعبت وفلوس منيره تروح ع الفاضي ورفض وقال جيبيه بفلوسك وأعطيه راتبه وكمان جيبي له سياره والمشكله ان أني وأخواتي بيقولو معاه حق
ويقولو انتي بتجمعي فلوس ليه
حتى لما اكلم صاحباتي بيحاسبوني
يقولو صرفتي كروت كتير
طيب أنا مو من حقي أتمتع براتبي
مع أني مومقصره معاهم جبت لهم أشياء ماكانو يحلمو فيها
أنا مليت من كلمة جيبي. هاتي .أنا ابغى .أعطيني فلوس
ادفعي راتب الخادمه. ادفعي القسط الشهري للسياره .إدي ابوك فلوس .إدي امك فلوس
جيبي لنفسك
نفسي تتبدل هالكلمات ويصيرو يسالو عني ايش ناقصني يجيبو لي شي من مااطلب
أنا اعرف ان اهلي مالهم غيري
بس بنفس الوقت ماابيهم ينسون أني بنتهم
وينسو يهتمو فيني
ابيهم لما اقول ماتقدر يصدقون
مو يعملو مشكله وكانو اجباري اسوي هالشي
يعني يقهر لما أشوف خواتي الي اكبر مني ماعليهم اي مسؤليات
وانا مسؤليات في الدوام وبعد مااطلع من الدوام ولا احد سائل فيني

إسمعي وأنا أخوك :
أنا حسب مافهمت من كلامك إنك طبعاً مو متزوجة !
طيب ي الفاضلة أنا بعطيك الحل اللي لو كنت مكانك بسويه
وهو إنك تصرفين عليهم حتى لو صرفتي كل راااتبك
منها أجر فيهم , ومنها طلب رضاء والديك اللي لو دعى أحد منهم لك , راح تنفتح لك أبواب السعادة

وكلها وأنا أخوك سنة سنتين بالكثير وتنخطبين وتتزوجين
وساعتها أنتي بتكوني في بيت رجال ومايقدرون يشرهون عليك
لأنك عندك بيتك وإلتزاماتك وإهتماماتك , وراح تتعذرين لهم إنك تصرفين على زوجك وخادمتك وسواقك ووو إلخ

..

الهدف من كلامي ونصيحتي هو /
إنك راح تتركين بيت أهلك لما تتزوجين وهم يذكرونك بالخير , ويحسون بمكانك ويفقدونك ويدعون لك
وساعتها لما تكوني في بيت زوجك لاتعطين أحد من أهلك إلا أمك < لأن الأم حالة إستثنائية
ويكون مبلغ رمزي شهري مثلاً 1000 ريال

..

الأهم من ذلك كله إذا تزوجتي إنتبهي تكررين نفس السيناريو مع زوجك
وتبدين تغرقينه بالفلوس , فـ بيتعود ومارح يتقبل بيوم من الأيام توقفين الدعم عنه
إتفقي معه على شيء معين , مثلاً تقولي الخادمة علي , ومصاريف البيت عليك وإنتهى


/

إتمنى لك التوفيق

انا مع رأي الاخ عزوبي ناضج بارك الله فيه
والله كل اللي تسوينه في اهلك موخساره فيهم

اشكركم ع ردودكم
وانا اتفق معاكم بهالشي
وانا لما كنت ادرس كان حلمي أني اتوظف عشان أساعد اهلي
بس للاسف تحقق الحلم وساعدت اهلي بس نتيجة تصرفي ان كل شي اترمى ع عاتقي
بس وربي أني ماني ندمانه ع الفلوس والصرفيات الي صرفتها
بس أنا في بداية عمري محتاجه احد يدعمني
بس للاسف بديت حياتي متحمله مسؤليه زايده ومحد يبغى يطلعني منها
وأي عذر اقوله مو مقبول
الي اسمعه كلمه وحده دبري نفسك
او انتي بخيله وينكرو كل شي اخذوه مني
ع العموم الله يهدي اهلي لي
لأني حتى لو اتزوجت مجبوره اصرف
وبرأي اصرف ع اهلي ولا اصرف ع زوجي
بس خلاصة الكلام أنا محتاجه احد يحس فيني
يعذرني لما اقول اعذاري
محتاجه ان اهلي يغيرو اسلوب انانيتهم
ويعملو مساواه بينا
يعني الي قاعد في البيت مو مثل الي يشتغل
ومايجبروني ع مسؤليات مو من مسؤلياتي
ويحطو في بالهم أني محتاجه اسلوب الابوه وان فيه احد مسؤل عني مثل ماهم محتاجيني في مصاريف البيت ومسؤلياته

أنتي واضح إنك مو بخيلة , وواضح إنك مو ندمانة إنك صرفتي عليهم
يعني فقط تريدين إحساسهم بما تبذلينه وتريدين شكر وتقدير منهم
وتريدين يعذروك في حالة عدم توفر المبلغ المطلوب منهم

..

وأنا عندي إحساس أيضاً إنك تتمنين أحد يصرف عليك ويحسسك بالإهتمام
بدلاً من الواقع العكسي , رغم عدم حاجتك لهم , ولكن من باب الاهتمام
ومالومك فالقران الكريم يقول : ( الرجال قوامون على النساء )

إنتي مو زعلانة على فلوسك قد مو إنك تبي تقدير وإحساس لوضعك
وإمكانية تقبل أعذارك عند عدم قدرتك على الصرف لأي سبب كان
الله يعينك حبيبتي
بس سؤال هل يبقى لديك شيء للصرف على نفسك أو تخبئينه للإستثمار أو أي سبب آخر؟؟

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

شكرًا عزوبي ناضج >جبتها ع الجرح هذا هو الي اقصده
بس وين الحل.؟
روح المسا اشكرك ع مرورك
وبالنسبه لسؤالك
إيه يتبقى لي فلوس اصرف ع نفسي فيها وذكرت أنا في بداية الموضوع أني ما أحب ابخل ع نفسي
واحب ارفه نفسي
واحيانا لما يكون في بالي حاجه أجيبها لنفسي بمبلغ كبير ابخل ع نفسي واجمع عشان اجيبها
هنا يزداد الهجوووم وتبدأ التساؤلات من وين جبتي هالمبلغ
واحنا اذا طلبنا منك ماتدينا> انكرو كل شي
كأنهم مايعرفون أني اشتغل وأتعب ونتيجة تعبي أنا احق بيه من غيري