السلام عليكم ورحمة الله وبركاته

اولا لا أدري اذا كان هذا المكان المناسب لموضوعي ام لا وارجو من الإشراف وضعه في المكان المناسب

بما اني بعيده عن اهلي منذ اسبوع تقريبا فأحتاج الى فضفضه .... ومالقيت غير هذا المنتدى الذي احتواني وارشدني للطريق الصواب ...

انا عند اهل زوجي بمنطقة تبعد عن اهلي 4 ساعات سنقضي رمضان عندهم وبرضو العيد ... وزوجي واهله معاملتهم لي في احسن مايكون وخاصة عمي وزوجته ... مايبغوني احس اني فقدت ابوي الله يرحمه ولا يبغوني احس اني غريبه عليهم ... لدرجة القى تلميحات من بنات عمي ان امهم وعمي يعتبروني بنتهم اكثر منهم طبعا التلميحات كانت مجرد مزحه .. باختصار اهل زوجي من صغيرهم لكبيرهم مافي اروع واطيب منهم ومو من الحين لا من زمان هما كذا ... المشكله مو فيهم المشكله فيني انا ... اجلس معهم اسولف واضحك بس مجرد ما شوف عمي تجيني الضيقه ماقدر اجلس معاه ابدا مو بارادتي غصبا عني ... والله اني احس بموت اذا جلست معه اكثر من 5 دقايق واول مايدخل البيت على طول اروح غرفتنا ... او اذا قرب موعد وجوده بالبيت أروح اسوي نفسي نايمه ... واضطريت هذا الاسبوع اسوي نفسي صايمه عشان ماشوفه وقت الغدا .. كل هذا كوم وفي الليل وقت النوم كوم ثاني ... لي اسبوع على هذا الحاله بكا بأخر الليل قبل مانام ... فاقده لابوي أكثر كل ماشوف عمي اشتاق له اكثر ... مدري احس شي من جوا قلبي يتقطع .. نَفَسِي يضيع كل ماحس انه مو موجود ... كل ماتذكر ان اارمضان جا وانا مارح اشوفه... كل ماتذكر ان العيد جاي وهو مو موجود ... وصلت لدرجة اني احسد بنات عمي ... اقول بنفسي حظهم عايشين بجو اسره متكامله ... والله ماحب احسد احد ولا احب هالنوع ... قبل يومين صحيت الصبح قابلتني بنت عمي شافتني انفجعت تقول عيونك منتفخه ليكون كنتي تبكين .. صديت عنها غصبا عني ...وحسها زعلت مني ويمكن قالت لزوجي وجا يكلمني ويسالني اذا احد زعلني .. قلت له لا .. وقال لو عشان نومة الليل خلاص رح يجي ينام عندي ... هو في الليل يجي متاخر يمكن الفجر مدري كم الساعه بالضبط لان يسهر مع اخوانه وخواته ... وانا قلت له مو عشان كذا واقوله روح اجلس معهم بس عيّا يروح .. كان قلبي بينفجر بكا وانا كاتمه عشانه ... حاولت حاولت ماقدرا تعبت من البكا ... مدري هو انا مريضه او ايش .. النهار كله مافيني شي والوضع طبيعي بس يجي الليل احس كأن قلبي خالي والله مو عارفه كيف اوصف لكم ... زوجي يسألني وانا مو عارفه وش اقوله... وانا مابغى يقول عني نكديه احاول ادور رضاه بأي طريقه بس كل ماشوف عمي ينقلب حالي حتى سلام ماقدرت اسلم عليه زين وقالت لي بنت عمي .. ترى ابوي يظن انك زعلانه منه ... ومارديت عليها لاني مالقيت جواب ارد عليها ... وزوجي مره وحده اللي هي اول يوم جينا عندهم شافتي ماتكلم مع عمي مع اني زمان اغلب وقتي معاه سوالف ولعب وكل شي ... سألني وش فيك غريبه ماجلستي مع ابوي وتمزحين معاه ... قلت له تعبانه بسبب الطريق ... ومن يومها مايسالني ... مع انه يلاحظ اني اتجنبه ... حتى وزني نزل بشكل ملحوظ وزوجة عمي تعاتبني وتقول اللي يشوفك بيقول انك مو مرتاحه عندنا واول مره نشوفك كذا هاديه وتسألني في احد زعلك ولا لا ... ومثل ماقلت لكم اني احاول قد ماقدر اسولف معهم واجلس بس مو مثل قبل ... وعمي ماجلس معاه اكثر من 5 دقايق اذا مسكني بالصدفه او ماشوفه خير شر .. وبناته وزوجي كل مره يقولون لي ترى ابوي سال عنك اليوم ..

اعتذر طولت عليكم بس مالي غيركم افضفض له


مستجدات الرد 32

http://66n.com/forums/showpost.php?p...6&postcount=32

__________________
-

فأجبر خَاطري .. بفيّض نعَمك ❤ ....

مكانه الانسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

بالعكس يا سمورة.

ما دام ربي منعم عليج بأهل زوج طيبين .. وعم يحبج ويحب سوالفج ويفقدج لما تغيبين عنه .. فهذا رزق كبير ونعمة عظيمة والله.

أكيد محد يعوّض مكان الأب والأم .. لكن إذا الله رزقج بشخص ممكن يملي جزء من هالفراغ عندج فالمفروض تستغلين هالشي بشكل إيجابي.



رايي تفضفضين بجزء من اللي في نفسج مع عمج.

جزء يا سمورة .. وليس كل ما في نفسج .. يعني فضفضي معاه باشتياقج لأبوج الله يرحمه وإنه (عمج) يذكّرج بأبوج فتحسين بالحنين لحبه وعطفه وحنانه.

لكن لا تتكلمين مثلاً عن إحساسج بالنقص لأنهم لا يزالون أسرة متكاملة وكلهم مع بعض وإنتي لا.



أما زوجج فرأيي تخلينه برا هالموضوع.




الله يرحم أبوي وأبوج ويجعلهم من أهل الفردوس الأعلى.

__________________


اللهم طِيبَ الأثر .. وحُسْنَ الرحيل.

الله يهنيك فيهم ولا يغير عليكم يارب وهم اكيد متفهمين وعارفين بس لو وضحتي لهم انه لم تشوفيه تتذكري ابوك عشان كذا ماقدرتي تقابليه مو لسبب ثاني ولو اني اتوقع انهم عارفين السبب
وانتي حاولي تشغلي نفسك بأي شيء ووقت جلستك معهم لا تمشي مع افكارك
اشغلي وقتك معهم في المطبخ
مع الوقت ماراح اقول تنسين لان محد ينسى حبيب وغالي عليه لكن راح تنشغلين بالحياة

اللهم آمين...

مهره غاليتي الحمدلله على نعمه .. ماتعودت افضفض لأحد غير امي .. عجبني فكرتك بس والله استصعبها لاني اعرف نفسي مارح اقدر اتكلم اذا شفته مع ان مافي شبه يينهم بس مدري كل ماشفته احس تجيني الضيقه .. يعني اذا جيت بكلمه رح ابكي وماحب أحد يشوفني كذا ولا احب الاستعطاف منهم .. وام زوجي قبل شوي تقول اذا مانتي مرتاحه بخلي ولدي يرجع لمدينتكم وتجلسيت عند اهلك ... وفهمتها اني مو متضايقة منهم وبالعكس مرتاحه معهم ..

رح احاول اتكلم مع عمي اذا قدرت ...

اشكرك عزيزتي

نرجسيه ... ماعتقد انهم فاهمين شي لان عبالهم اني زعلانه منهم او زعلانه من زوجي او اني مكرهه على جيتي عندهم من قِبَل زوجي ... هذا اللي فهمت من طريقة كلامهم لي ... شاغله نفسي معهم وبالقراءه وبالتصفح بالنت بس اطفش واقفل كل شي لاني احس بضيقه بخنقه مدري كيف

اشكرك عزيزتي

__________________
-

فأجبر خَاطري .. بفيّض نعَمك ❤ ....

وشو فيها لو بكيتي؟!

شي طبيعي تبكين وإنتي تتكلمين عن الوالد الله يرحمه.

وما راح تبكين أمام حيا الله حد .... هذا عمج اللي يحبج ويعتبرج مثل بنته.


لكن يا سمورة تفضفضين وتوضحين اللي في خاطرج لعمج .. أفضل من أن تتركينهم كلهم يخمنون سبب حالتج وتفتحين باب لفهم غير صحيح ممكن يؤدي إلى سوء تفاهم معاهم أو مع زوجج.

__________________


اللهم طِيبَ الأثر .. وحُسْنَ الرحيل.

ان شاء الله يامهره رح احاول قد ماقدر ... عشان مايفهموني غلط

اشكرك عزيزتي

__________________
-

فأجبر خَاطري .. بفيّض نعَمك ❤ ....

اؤيد نصيحة مهره

ولو تفضفضين لحدى خوات زوجك اقرب لك من عمك ..على الاقل تخففين عن نفسك هالكتمه اللي بقلبك
احسك محتاجة فضفضه لا اقل ولا اكثر
محتاجه احد يحضنك ويخفف عنك

وعليكم السلام ورحمة الله وبركاته

الحل بسيط إن شاء الله...

وأنتي جالسة مع عمك عبري عن مشاعرك تجاه والدك...
أبكي وفضفضي وطلعي اللي بقلب...
الموضوع عادي مو عيب ولا حرام...

إذا سألوك قولي تذكرت أبوي الله يحرمه...
بالعكس راح يتفهمون موقفك ويقتربون لك أكثر...
وكذا راح ينكسر الحاجز شوي شوي...

بالتوفيق

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

الله يرحم والدك ويسكنه فسيح جناته ويرحم جميع اموات المسلمين ، اسال الله ان يملى فقدك لوالدك يا رب ، وارى انه في مقام والدك ، خاصة انه عمك ، وعادي يا اختي عبر عن مشاعرك الايجابيه كأنه عندما ترينه كانك ترين والدك .