فعلا ريماس حاسه بكتمه ومحتاجه اتكلم لأي شخص ... يمكن لو تكلمت مع عمي بيكون احسن من اني اتكلم لبناته .. اشكرك عزيزتي

اختي خاطري هو مو عيب ولا حرام بس ادري بنفسي اني ماحقدر اتكلم لكن سأحاول بإذن الله ... اشكرك عزيزتي


اللهم امين اختي ومض القمر شكراا لك عالدعوات

__________________
-

فأجبر خَاطري .. بفيّض نعَمك ❤ ....

عزيزتي سموره ، عذرا ، كم صار والدك رحمه الله غير موجود ؟

شهر تقريبا ....

__________________
-

فأجبر خَاطري .. بفيّض نعَمك ❤ ....

ولا تردين ان تعبرين عن مشاعرك ! ، تحتاجين احتواء ، و بما انك ذكرت هم غير مقصرين ، لكن هذا لا يعني ان تكتمين شعورك ، وتتفادينهم ، وتعيشنه لوحدك ، هم لا يعرفون ، ساعديهم ليساعدوك على تخطي ما تشعرين به .

سموره انتبهي من الاكتئاب
البكاء والانفراد والظلام دليل الاكتئاب
علاجك بيدك الحقي على نفسك
اول شي انتي مؤمنه بالله وبقضاءه وقدره ومن مقتضيات الايمان تسلمين وتؤمنين ان الموت حق
النبي اللهم صل عليه مات والصحابه وهذي سنة الحياه ناس تولد وناس تموت
والدك يحتاج دعائك وصدقاتك
لنفسك حق
انتي واقفه عند نقطة وفاة ابوك لذلك ارى ان وبقووووه ضروره ان تخبري عمك بحقيقة مشاعرك حتى يقفوا معك
وقوفهم احدى درجات وركائز راحتك
اطلبي من زوجك عمره واتركي اطفالك لدى اهلهم
كوني قويه

صعب كثير والله مدري ليه .... الحمد لله انا مؤمنه بقضاء الله وقدره والحمدلله على كل حال

وقت السحور تجمعنا كلنا بسفره وحده .. وهو قاعد يتكلم على الصيام والكل يقول شي ورأيه بشي وانا ساكته وسألني ... " شاركينا يابنتي بالموضوع " والله حسيت بغصه ورجعت قلت له على ايش .. قال شهر فضيل واللي زعلان من أحد يتسامح و... الخ ... قلت له الحمدلله انا مو زعلانه من أحد ... قال لي أكيد محد مزعلك من اهل البيت !؟ قلت له لا بالعكس انتوا اهلي مازعلت من اي احد وكنت ونزلت دموعي غصب عني والله غصب ماقدرت من اول ماجلسنا وانا كاتمه نفسي .. رجع سالني ولدي زعلك بشي !؟ قلت له لا .. ورجع لفت على زوجي وقال له اذا زعلتها ياويلك تراهي بنت الغالي الله يرحمه... قمت من السفره ورحت الغرفه تعبت ماعرفت اتكلم معه اكثر...

اول ماقريت كلام مهره والباقي قلت اكيد سهله الفضفضة للعم بس والله صعب

لكن الحمد لله من زمان ماجلست معه الجلسه هذي مثل امس ... حسيت بنوع من الراحه ...

ملكة الإحساس ليش حكمتي على انه اكتئاب ؟

لان بنت عمي قالت لي قبل كم يوم احس فيك اكتئاب لانك مو طبيعيه وماعطيت اهتمام لكلامها !

__________________
-

فأجبر خَاطري .. بفيّض نعَمك ❤ ....

تراكي كده بتتعبيهم وتعذبيهم

اكتبي ورقه او مسج لأي واحد منهم ( الاب او الام او الاخوات)

وقولي انا حزينة على والدي وكل ماجلست مع عمي تذكرت والدي مع انه مايشبهه

ساعدوني على تجاوز هذه الازمة يارب مايوريكم مكروه في احد

__________________

الآن هم يعلموا اني لست زعلانه منهم ... قبل قليل جلست انا وبنت عمي وكل شوي تقول لي دامك مو زعلانه مننا تعاالي ساعدينا وسوي كذا وسوي كذا ... لان قبل كذا كل مادخلت اطلب اساعدهم يرفضوا يقولوا مافي شي وهم على بالهم اني زعلانه او متضايقه من وجودي معهم واني مغصوبه على جيتي لهم ... هذا اللي فهمت منها قبل شوي

اعتقد اني مكتفيه دامهم متفهمين الوضع !

__________________
-

فأجبر خَاطري .. بفيّض نعَمك ❤ ....

اسمعي الكلام وبلاش تضييع وقت بلا دلع ودلال زايد

استحرمي شوي وخليكي شعر ( تقال للحريم المدللات) ( اخترعتها للتو لاني لم اجد بديلاً)

على وزن

استرجلي شوي وخليكي شنب ( تقال للرجال المدللين )

تراكي نكدتي عليهم وقلبتي رمضان عليهم هم وغم

استهلكتي كل رصيدهم في المجاملة

استرجلي ياشيخة عشان ابوكي الله يرحمه يفتخر فيكي لو كان عايش

اقصد استحرمي

ان شاء الله حتى لو تكتبي الورقه وترميها داخل احدى حبات السمبوسه

المهم انهي مسلسل البؤساء قبل لاتطلع عيارة عليكي ويتمتمو بينهم وبين نفسهم لما تجي ويقولو : اوشششش جات وجه الهم والغم والنكد ، عليها وجه يقطع الخلفه ياشيخه اعوذ بالله من غضب الله )

__________________

اذاً فعليَّ ان اتكلم معهم وجهاً لوجه اذا كان فعلاً هذا كلامهم لي من وراء ظهري!!!

لكن للتوضيح ليس دلع وربي يعلم هالشي ...

سأوضح لهم كل شيء افضل من الرسائل هذا اولا ... وثانيا انا لست وجه نكد وغم بالعكس اجلس معهم واضحك واسولف بس بوجود عمي يختلف شوي .. وانفرادي برضو

اشكرك اخي

__________________
-

فأجبر خَاطري .. بفيّض نعَمك ❤ ....