مساءكم خير ..
مع بدايه كل اسبوع تتجدد معاناتي
اليوم جتنى مشكله جديده مع الوالد الله يهديه ..
سبق تكلمت انى افكر بالاستقاله و اقدم اجازه اول ولكن الظاهر ان الاجاز
بتاخذ وقت طويل و قالوا لى اكمل الترم و اخذها السنه الجايه ..بس انا مافينى انتظر
بحجة وااهيه وهى ان مافيه بديل ..< المديره ابدت تمسك كبير فينى
وان اجازتى راح توثر على سير العمل ..
ماعلينا مو هذا الموضوع ..
الموضوع انى الاسبوع اللى راح غبته الا يوم
جاء الوالد اليوم على غير عادة يعنى مايجى الا لشيء كبير ..
فقال لى ليش مقدمه اجازه ؟ وكان زعلاان جدا < ماعلمته انى بستقيل
قلت عشان ارتاح وانا تعبانه و كدا .. قال ايش متعبك مريضه ؟
جيبي تقرير من المستشفى
شرحت له الوضع و معنننند على رايه .. انفعلت انا وقلت له كافي انى سمعت كلامك
اول بالدراسه و دخلت تربية ومادخلت مجال صحى زى اخوي
هو ماغصبنى وقتها لكن انا سمعت كلامه مابغى ازعله رغم ان نسبتى وقتها كانت جدااا عاليه وكنت متفوقه بمواد العلمى
و لكن دخلت مسار ادبي .. " ارضاء له ..
قلت غصبت نفسي على الدراسه و الحين مابغى اغصب نفسي على التدريس ..
قال طيب و تدريسي لك و شهادتك ..
وانا ماعلمتك ودرستك عشان تجلسي بالبيت .. هذا مستقبلك
وكثير بنات يتمنون وظيفتك .. تضاايق جدا وقام يتكلم و يقول انتى بس تعاندينى
"عشان هو اول ماجاء تعيينى رفض اروح منطقه بعيده بس انا اصريت ورحت "
واليوم يقول لما قلت لك خلاص اشتغلى و جيتى المدينه ، بتعاندينى وتقولي مابغى ادرس ..^_^
ويقول انا شارط على الرجال وظيفتك و ماتتركينها ..
انا صراحه ماعندى استعداد و بتركها لكن ابغاه يرضى و مايزعل و يشيل بخاطره
لان ان زعل بيذكرنى فيها للابد ، و بعد مانى ناقصه انا توتر علاقتنا زياده .،
و ظلم ابراهيم ^-^ يقول اكيد هو ماثر عليك عاطل و بتصيرين مثله ..
استغليت انا الحجه وقلت ايوا صح هو يبغى اجلس بالبيت واهتم فيه وبالاولاد..
على بالى بيقول خلاص اسمعى كلامه ^_^
بس قال اهااا هو قايل لك كذا .. بسيطه انا اكلمه لك < تورطت
الان كيف اقنعه وايش العمل ؟!!
للمعلوميه هو مو مستفيد من شغلي شي ويقول كله لك ومستقبلك
ولا ياخذ منى ولا ريال ولا يعرف اصلا كم راتبي ولا عمره سالنى عنه ..
لكن فيه اصرار عجيب انى ما استقيل ولا حتى اخذ اجازه ..

تم تعديل العنوان ليتناسب مع المضمون