السلام عليكم
خواتي اخواني
انا متزوجه ليا سنة ونص وعندي ولد الله يخليه ليا
زوجي قبل مايملك عليا اشترطت عليه اني اكمل دراستي
ووافق
جلسنا مع بعض شهر عسل بعدين رحت عند اهلي وجالسة اكمل دراسة وهوا يجينا كل 4 شهور
ولكن صرف عليا اول كم شهر بعدين قال انا مو مسؤول عنك وانتي في بيت اهلك
مافي حاجه تقدمينها ليا وانتي هناك
لا اكل ولاعلاقة ولاشيء يعني انو مو مستفيد مني شيء فليش يصرف عليا .... بس يصرف على ولدو 600 ريال كل شهر
باقي على دراستي نص سنه غير هذا الترم
قولولي الحق مع مين

لا طبعاً الحق معك انتي
هو مسؤل عنك وعن ولدك
اذا يشوف منك فايدة !!
فقول : يكفي انا اربي ولدك وانت بعيد عنه
_ اسهر عليه
_ واذا مرض وديته للمستشفى
_ غير التطعيمات كل ست شهور
_ غير الاغراض الي يحتاجها
واموررر كثيرة

وين مأستفاد منك بشي
يعني لازم تغسلي ملابسه وتطبخي له علشان يعطيك مصروف !!! << انتي مو خادمة علشان المصروف لازم مقابل تعمليه
ايش هذا المنطق ؟!

بس تدرين الغلط عليك انتي تساهلتي معه بالبدايه
وسكتني عن حقك
وبعدين 600 ريال للولد ماتكفي ؟؟
واطلبي منه يزين الى 2000 ريال كل شهر
_ اطلبي منه ولا تسكتي عن حقك هو مسؤل عنك مو اهلك

__________________

كلام غير صحيح وغير منطقي زوجك مسؤل عنك
وعن ابنك.. ولكن البعد يخلق المشاكل
الله يوفقكم يارب

__________________
سبحان الله وبحمده سبحان الله العظيم

هو مسؤول عنك بس انتي بعيده عنه وحتى الاعفاف لم يتحقق .. هو تزوج عشان ينبسط ويستأنس ويعف نفسه وانتي بعيدة عنه وعايش كأنه اعزب ولا استفاد شي ! ويجي كل اربع شهور ! يعني الي متزوج مسيار احسن منه !

و الاخت تقول عشان ما تطبخين له وكذا ! وتقول مو شغالة عنده ! طيب والعلاقة الخاصة وش وضعها؟؟ او هذي بعد مو من حقه !

واعرفي ايش النفقة الواجبة عليه ! النفقة هي المأكل والمشرب والكسوة بالاعياد والبرد والصيف !

يعني المفترض شوي تستحين من وضعك هذا وتعذريه بدل ما تتمردي عليه !

نصيحة هذا دليل على انه تململ من الوضع فلا تزيدين الوضع سوء وتتمردي عليه زيادة وتكوني الخاسرة بالنهاية !

الحق مع زوجك طبعا انت زوجته بالاسم فقط ما مستفاد منك شيء

لا مو صحيح...
تسقط النفقة شرعا..
اذا سافرت وماكانت عنده...
وتأكد من فضيلة القاضي...

هذا كلامنا احنا...
لكن شرعا تسقط النفقة اذا ماهي عنده..
وتأكدوا من شيخ..
المفروض قبل نطالب بحقوقنا
نتأكد من الشرع والدين...
والله المستعان...

تقولك اشترطت عليه الدراسة يعني المؤمنون على شروطهم ... ورعايتها وتربيتها لولدها هذي كمان مو مستفيد منها

ابغا افهم وين المشكله تكملين دراستك عند زوجك؟؟

شيلي قشك وروحي كملي دراستك عند زوجك
واذا ما فيه جامعه محل اقامة زوجك
تفاهمي معه واقنعيه انه كان شرطك والمؤمنون عند شروطهم
ويوم يجيكم خليك عنده طوووول الوقت لا تروحي لا لاهل ولا لصديقات
وقتك كله مقابله وجهه
وشغلتك تبدعين في تدليله وتعويضه
علشان يوم يسافر يكون شبع من مقابلتك ويتلهف للقاء القادم

اهلك مايقصروا معك؟؟؟

انتو توكم متزوجين وتلاقيه يسمع من هنا ومن هنا
لا تضغطي عليه انه بعطيك مصروف
لكن لو نفسك في شي صوريه له وقولي حبي لاهنت أبغى مبلغ منك أشتري هذي عندنا مناسبه مثلاً
واذا رفض قولي خلاص رغم اني مستحيه بس بطلب أبويه والله نفسي فيها

خذيه بالكلام الحلو مو من حقي ولا من حقك
واذا حسيتي انه ولدك يحتاج شي وماكفى أطلبيه ...