اهلا خاله بيتا الف شكر على ردك ,,
علاقتى مع زوجى علاقه زملاء بمعنى انى استشيره بمشاكلى بالعمل والى ماذلك فقط
ااما الحنان اللى خايفه افقده فانا ارمى نفسي بحضنه بالاسبوع مره مثلا لاحصل على جرعه حنان تقوينى للحياه هذا الشى خايفه افقده وخايفه افقد صداقته مع انه انسان كتوم مايتكلم كثثير بس انا اتكلم وهو يسمعنى هالشى يسعدني شوى
الجنس مره كل سته اشهر وبمقويات انا ماالومه لانه مرض من الله

ايه خايفه افقد هالجزء اليسير من الحنان كمان شكلى الاجتماعى انى متزوجه مابى اكون مطلقه
اهلى صعبين ونظرتهم صعبه ومانى مستعده اتحملها
بالنسبه لاهل زوجي حببتهم فينى وخليت نفسى زي بنتهم بس لمن تاخرت بالانجاب صارو ياذونى شوي بس انا صابره عشان طلب زوجي كمان هو يقنعنى انى اقولهم عشان لايشفقون على نفس مايشفقون على قريبتهم اللى زوجها عقيم

راضيه انا بحياتى معاه ومستعده نعيش نفس الاخوان بس ابى ظفر طفل

بالنسبه لزواجي الثانى مثلا هل ينجح ولالا انا تفكيرى مثلا لو تزوجت مستقبلا راح اجيب اكبر عدد من الاطفال وحتى لو مانجح زواجي انا اشتغل ودخلى ممتاز وبوقتها اذا كان عندي مجموعه اطفال راح يسمحولى اهلى بالاستقلال ببيت لحالى حتى لو مانجح زواجي وانا مستعده اصرف على اولادى ولاابى شى من ابوهم اكيد اطفالى راح يعوضونى عن الحنان والحب وراح اكون عائله // اللى اقصده انا مو مهتمه اذا نجح زواجي وزوجي كان كويس خير على خير واذا في اسوا الاحوال مانجح انا راح اكون لهم اب وام واصرف عليهم ومابى من احد شى


خاله بيتا فعلا انا شخصيتى تفاجات بها بعد الزواج صبوره متزنه احاول اساعد الناس واسعدهم الحمدلله طيبه المعشر وجميله وهذا من نعم ربى على
ممكن تساعدينى بالقرار الان خاله

نسيت اقول شغله زوجي يحتاج عمليات تفتيش عن حيوانات
وسوينا العمليه مره وماوجدو شى
وعدني زوجي اننا نسوى العمليه بعد سنه
عشان كذا ودى اصبر سنه اذا نجحت العمليه
او اطلب الطلاق
انا مو خايفه عليه لان هو دايم يذكر ارمله تقربلهم يلمح لى عليها كم مره وهاالشى جرحنى بس اطنش
الحمدلله على كل حال بس ولله على كل هذا حابه حياتى جدا جدا يمكن لانى مانى مبسوطه عند اهلى
لى صديقات كثير وكل الناس تحبنى بس اخاف اقولهم مشكلتى مااحد يعرف هالشى ابدا


انتظر ردك خاله شكرا لوقتك الثمين

ماشاء الله عليك صبوره ...
الله يرزقنا نص صبرك

كيف يعني يلمح لك عن ارملة تقربلهم؟ماذا يقصد؟

__________________

السلام عليكم ورحمة الله وبركاته
اخيتي الحبيبة انت لست قنوعة بمعنى الاكفتاء بل خوفك من المستقبل يجعلك مكتفيه بكل هذه التناقضات العاطفيه التي تعيشينها اليوم
اهلك هم العائق الوحيد الذي يجعلك متوقفة عن اتخاذ اي قرار مصيري بغض النظر عن ان كان قرارك مناسبا ام لا ويجعلك متشبثه بالقليل الذي تشحذينه من زوجك

فلو انك تتخلصين من تراكمات الماضي سيكون من اليسير عليك اتخاذ القرار

ظروفك ليست سيئه ولكنك رغم ورعتك لاتحسنين التعامل معها عاطفيا رغم روعة شخصيتك واتزانك ومعرفتك ابعاد مايحصل لك

1_لديك مشكلة عاطفيه مع زوجك وراضيه بقدر الله فيها ولكن انوثتك ترغمك على ان تولعين به رغم قلة عطاؤه وخوفك من تعطل انوثتك من بعده وهذا قياس غير صحيح
2_هناك اسباب نفسية بداخلك تجعلك تقبلين ان تكوني المذنبه في عدم الحمل بدلا عن زوجك وهذا مؤذي لك ومريح له
قلت انه يلمح بالزواج بأرمله
هل لديها اطفال؟
وماهدف ذكرها امامك
تمهيدا لقرار سيتخذه ام لاثارة حفيظتك فقط؟
3_لديك تراكمات عميقه من بيت اهلك تجعلك تتراجعين من اتخاذ قرار مصيري
4_لست قنوعه بل متطلعه ويقيدك الخوف السلبي
5_اكتفاؤك بالقليل من زوجك رغم احتراقك عاطفيا يعني انك لاتثقين بقدرتك بلاه رغم ان عطاؤه العاطفي قليل لانك تجدينه ابا اكثر من زوج وصديق بل تجدين فيه الاسرة التي فقدتها سابقا
العلاج بداية داخلي بحت ولا علاقة لزوجك به وهو التخلص من تراكمات الماضي
ثم
تجردي من العاطفه ومن الاسباب الشخصيه وتناولي مايحصل لك كحاله وانت مستشاره لها
1_اافتحي ملف وورد او ورق واكتبي سلبيات وايجابيات بقاؤك وسلبيات وايجابيات انفصالك
ورجحي عقلا ومنطقا الافضل بما يحبه الله لك
2-في حال وجدت نفسك باحدهما فما هي الحلول للسلبيات او على الاقل التعايش معها باقل الخسائر
وفقك الله

__________________
الحمد لله..اللهم صل على محمد و ال محمد

التفريغ المنهجي

اهلا اختى شكرا على ردك
مثلا اول ماكتشفنا المشكله زوجي رفض العلاج رفض تام ,, ولمن كنت اطالبه بالعلاج كان يقولى ماتبينى روحي شوفى حياتك مع غيرى ولمن اساله انت ايش راح يصير فيك ؟ يقولى هذى قريبنا الارمله ابتلاها الله بموت زوجها وعندها عيال تربيهم ولاهى موظفة ولاعندها مورد شوفى مشكلتها واحمدي ربك على حياتك ,, فانا استغرب ليش يجيب طاريها كل شوى مع انى طلبت العلاج وماطلبت يقارن حياتى بحياه الناس
زوجي قائم معي بدور الاب ودور الاسره وهالشى يكفينى ومسوى لى استقرار نفسى جدا جدا خايفه اضحي فيه ,,


نسيت اقول شى : سبب خوفى من فقدانه وسامته , كرمه , احيانا اقول لو كان عندي اولاد ودي يكون لهم اب نفس مواصفات زوجي مع انى ماستفدت من(حالته الماديه ) ولا شى حتى سكن انا ساكنه ببيت اهله وهو يقدر يوفر لى فيلا ومقتدر
واحيانا افكر واقول حتى مثلا لو لقينا حيوانات منويه بالعمليه الثانيه وربى رزقنى طفل او طفله هل يكفينى طفل واحد؟؟ بظل وجود رجل مهمشنى عن حياته !! فهمتو وش اقصد
اقصد انو ايش الفايده يكون عندى طفل وزوجي بهذا الشكل مقصر على حبيا وعاطفيا وجنسيا وكل شى
واحيانا اقول الحياه ماتعطي كل شى واذا الله اكرمنا ونجحت العمليه الجديده وجبت طفل فهذا يكفينى
نسيت اقولكم انى من عوائل النجديه اللى ماتتقبل البنت اللى تشتغل بالمستشفى ومحسستنى انى لو اتطلقت فما راح اتزوج ثانى مره لان الرجال بمجتمعنا يرفضون زواج بالمراه اللتى تعمل بمجال مختلط / انا صيدلانيه وهذا مصدر رزقى الوحيد ومو مستعده اتنازل عنه / مع انه حصل لى بعثات ونفسى مره اكمل دراسه الماجستير والدكتوراه بس اكمال الدراسه يتطلب استقالتى وانا مابى اضحي بوظيفتى في ظل وضعى الزوجي الغير مستقر هذا ,, وزي ماقلت كثيرين من العمل خطبونى وهم مايعرفون انى متزوجه ولكن مشكله اهلى مره اخري انهم لايقبلون اى عائله ولهم شروط كثيره بالنسبه للنسب والخ
ولكنى اجد ان زواجي مره اخرى ليس مستحيل بل ممكن لان صديقتى لها تجربه زواج من موقع زواج ونجحت بتجربتها واهلها نفس وضع اهلى بالضبط ووجدت زوج وهى سعيده بحياتها فتقبلت الفكره
الله يعين بس
اتمنى وضحت الصوره

سأعود لموضوعك إن شاء الله تعالى..

أنا معك فعلا لو أنجبتي طفلة حتى أهله راح يظلوا على حالهم يلحوا تجيبي الولد ولو جا الولد يبون له أخ .

السيئة الاضافية والكبيرة بالموضوع هو برود زوجك من الناحية العاطفية والجنسية واستغناؤه عنك لدرجة التفكير بالأرملة كونه هناك مصلحة متبادلة بينهم وتعايش أكبر .

كونك تتزوجي مرة ثانية هذا بعلم الغيب .. وكونك تنجبي من اللي بتتزوجيه برضه بعلم الغيب لكن ربنا ما قال نكون سلبيين ...
لازم نستخير ثم نمشي بالموضوع فلو تيسر يكون الخيرة فيه ولو تعسر نرجع عنه .

وأرجع أقول لك لو قررتي الطلاق لا تأجلي ... استخيري وامشي بالموضوع .

__________________

لاتنجبين حتة لو حصلوا حيوانات منويه
لانك رح تزيد عاطفتك وتصعب اكثر مشكلتك
طلاق وتشتت عائله وابنك يضيع بينكم

خلونا نكون شوي صريحين حبيبتي ماعليه ما اعتقد فيه انثي ترضي ان زوجها يجيها بالسنه مرتين وبعد مقويات والخ وبدون عاطفه وغزل وحنان وحب
المشكله مو مشكلة عقم قد ماهي مشكلة عاطفيه
العقم علاجه بالتبني بس عاطفتها وانوثتها هي بامس الحاجه للحب للحضن للرومنسيه والحنان
انتم حطوا نفسكم مكانها
لاتبدون الفلوس علي العواطف
الفلوس تجي وتروح لكن العواطف والحب واياحتضان والاقتراب والابناء افضل من كل شيء ..

وماعليه هذا زوجها مو ابوها ولت ولدها عشان تضيع عمرها من اجله وتصبر معه عشان ماتحسسه بالضعف ..
روحي شوفي حياتك
ترا ماحد بياكلها ندم بعدين الا انتي ..
الله يكتب لك الي فيه الخير والخيره