اقصد باهلى شوك امى
ابوي توفى قبل سنتين ..احنا عائله مستواها الاجتماعى والمادي ممتاز لكن امي صعبه جدا وشديده على البنات على حياه ابوى كانت طلباتى اوامر بس ماكنت مرتاحه لامتعاض امى ورفضها مثلا عملى ببيئه مختلطه دراستى بقسم طبى وكذا
ماعندي اخوان ذكور ,, والان بعد وفاه ابوي صار الوضع اسوء حيث ان خوالى الرجال يتدخلون بكل صغيره وكبيره بحياتنا ومجننين خواتى
ويتامرون والخ حتى اختى اللى اصغر مني معانيه الامرين ويتشروط من ناحيه الزواج وللان ماقدرت تتزوج وقفت معها كثيرا وهى الان مخطوبه الله يوفقها,, حتي ورثى مثلا وابوى ماكان قاصره شى اخذته امى وورفضت اعطائنا اياه وبالعكس اانا ماعندي مانع هذى امى وحلالى حلالها ولكن عشان اوضح لكم الصوره انا اخاف شوى من امى ومن حياتى عندها

متفائله فعلا فكرت افتح الموضوع مع امى مع ان امى عارفه بعقم زوجي ورافضه فكره الطلاق وتقول سوا عمليات لو يجيكى طفل كافى , بس بنظرى انا طفل ابدا مو كافى ببوضع زوجي واهماله وبصراحه استحي ولاارغب ان اقول لامى مشاكل زوجي الجنسيه والعاطفيه الخ
قاعده افكر انتظر سنه لين موعد عمليته الثانيه ااذا الله كتب لقينا حيوانات سويت اطفال انابيب وربى رزقنى بطفل خير وبركه وخلاص
واحيانا اقول لاوشوله اجيب طفل ابلش فيه هالحياه كلها ماتصلح ,, ماعرف مشوشه هل طفل كافى بوضعى الحالى ؟؟؟ اخاف من المستقبل اخاف اكبر وكلن لاهى بعمره ودى بعيال يكونون سند لى ويصنعولى حياه
مره اغبط ماشالله سلفاتى كل وحده عندها 7 او 8 وازواجهم احسن من زوجي اطباء ومهندسين لا وهم جالسين بالبيت لاشغل ولامشغله ,, ولسان حالى يقول اذا جاد لك حظك باعلك واشترالك

مرحبا شهلا .. انا رايي في هالمواضيع معروف .. وهو راي اغلب الاعضاء اللي ردوا عليك ..
بس قعدت اتخيل ان زوجك ياخذ الارملة وياخذ عيالها تحت جناحه ويمارس ابوته عليهم .. وانتي قاعدة بحسرتك ..
ايضا مسأله تقصيره الجنسي جدا شيء صعب.. مرتين بالسنة! الزواج اعفاف وتحصين .. وحتي الجانب العاطفي يكاد يكون معدوم .. زواجك اسم فقط .. لكن ماتحققت جوانبه .. لا اعفاف وتحصين ولا عاطفة ولا ذرية ولا اهتمام.. هو فقط منحك استقرار واستقلالية .. ونضع بين قوسين انك ماراح تحصلينها عند اهلك ولو انك لقيتيه عندهم ماترددتي .. وبصراحة .. لو كانت ظروف اهلك افضل ماكنت ترددت بنصحك بالطلاق ..
امر اخبار اهله بعقمه .. هذا لاااازم يصير .. لاتقولي وعد .. ولا تقولي شفقه .. حطي الكرة في ملعبه وخلي الهمز واللمز يجيه بدل ما انتي مستحملة الضغط من كل الجوانب .. ارفقي بحالك .. واذا هو مايحس . حسسيه غصب .. هو مش ذنبه انه مريض وعاجز .. لكن الاكيد انه مش ذنبك انت كذلك .
تأثرت بمشكلتك كثييير وادعيلك من كل قلبي ربي يفرجها عليك وتعيشي الايام القادمة افضل من ايامك اللي راحت ..

فعلا هوا ليه مخبي على أهله موضوع عقمه
ايش يفكر فيه

__________________
-

" وَلسوف يُعطيك ربُّك فترضى "

اتفق معك هنا .. لو جبتي طفل راح تطلي برضه محرومة من حياة زوجية ... وهذا حق مشروع لك ..

__________________

خاله بيتا
قبل شوى كان عندي وسألني عن سهره الامس مع اهله
وذكرت له ان امه جرحتنى وقالت لى انتى وحده ماتحملين ابد
وطلبت منه ان يعترف لهم حتى يرفع الحرج عني
,, فقام عنى وهو زعلان ومعصب وقال لي اهلى مالهم دخل بحياتى وانتى انسانه نكديه وتحبين النكد
وكل مااجلس معك تتكلمين بالعلاج والمرض ومن هالامور ..
حسبى الله وكفا
الله يعوضنى صبري خير او ياخذ روحي ,, الى الله المشتكى ولاحول ولاقوه الا بلله

وبعد موقفه هذا باقي مصرة ماتعلمين اهله اسمحي اقول عنك ساذجه وبيجي يوم وتبكين دم ...
المسألة مو عقم بس حتى حقك الشرعي مرتين بالسنه بالله ليش متزوجه عشان الغرفه والصالة الا ساكنتها

خواطر مكسوره كلامك جارح جدا
انا املك من المال استطيع ان اشتري افضل فيلا لكن المجتمع يرفض سكن المراه لوحدها
ولكن خلاص راح اقول لاهله باقرب فرصه
شكرا لك

حبيبتي ما قصدت اجرحك الا عشان تنتبهي على نفسك حطيت نفسي مكانك و تمنيت احد يهزني بقوووه عشان اصحى لنفسي قبل ما هو يغدر بي...

لو كانت حياتك عاديه فيها اهتمام و علاقتكم الخاصه تمام بس نقصكم الاولاد كان قلت فكري ولو اخترتي زوجك عادي بس زوجك شكله بايع لا اهتمام ولا علاقه وفوقها يلمح بعد

طيب أختي ألا تفكرين أنت وزوجك في كفالة أيتام
وتتقدمين بطلب أنت وزوجك برغبتكما في تربية طفل وتمنحانه من مولده وبأوراق وإجراءات رسمية
أعرف إحداهن لا تنجب وهي على وفاق مع زوجها ، وذهبت إلى دور الأيتام وكفلت فتاتين وولد طبعا على مدى سنوات كل مرة تتقدم بطلب جديد وتطلب من أخواتها أو نساء إخوانها أن يرضعونهم في سنتيهم الأولى .

المهم الآن لديها عائلة جميلة وبيت مكتض بشغب الاأبناء ، وقد زوجت الفتاتين ، وكل نهاية أسبوع تعتذر عن كل الزيارات وتقول لا أستطيع الخروج بناتي يزوروني في الإجازة الأسبوعية وأبنائهن .

ومشغولة جدا بأمورهن وحياتهن ، ولا يشعر الشخص إلا أن هؤلاء الأيتام أبناؤها الحقيقيون وهم إخوة حقيقة .

فلعلك تفعلين مثلها وتكسبين أجر كفالة يتيم خاصة أنكما ميسوري الحال ، وقد يدخلون البهجة على حياتكما .