اخوي انت الرجل وانت العاقل وانت من بيدك العصمه ولم يضعها الله في يدك عبثا انما قوامه وترجيح عقل لا عاطفه
احيانا من من الاهل يجني على قريبه بهدم بيته ثم ينسحب بكل هدوء ولا يبقى الا المنكوب يجر اذيال الدمار والخراب
اخي يبدو ان زوجتك شخصيتها ضعيفه ولا تستطيع الوقوف او الرد امام والدتها واختها وتنصاع لهما بلا تفكير

هناك حل بإذن الله انه سيجدي ارسل لزوجتك واوحي اليها ايحاء فقط ليس حقيقه انها ان عادت فهي مكرمه في بيتها وان ابت فلها ماتريد(((( اقصد الانفصال )))) لكن لاتصرح به في الرساله هو الحل وسيتم سريعا لانك تبحث عن استقرارك (((( ايضا لاتصرح بالبحث عن زوجه اخرى)))))

يعني سيكون نص الرساله
ان عدتي فلك الكرامه في بيتك وان ابيتي فلك ماتريدين حلا وسيتم سريعا لاني ابحث عن استقراري

ثم اهجرهم ولا تتواصل معهم وتحمل يااخي حتى لو اشهر هذا ميثاق غليظ والطلاق ليس سهلا ولديكم ابن له حق في العيش بين ابويه
صدقني سترى عجبا من زوجتك وهي تصارع وتقف في وجه الجميع بقوه لتعود اليك حتى امها واختها اتوقع انهما سينسحبان بإذن الله

اود السؤال والاستفسار عن شي لم يتضح هل انت لاتصرف عليها او لا تسافر بها او تمنعها من المناسبات مع اهلها ام طلبهم زائدا !؟!؟

أخي أنصحك بالتركيز على التواصل مع زوجتك اول شئ
تواصل ودي بهدو بعيد عن التشنج
واترك أمها واهلها وهلك
كلمها بالجوال او تواصل معها بالرسائل , لاتدخل اي واسطة بينكما
بعدين من خلال الحوار اشرط عليها تذهب لاهلها مرة كل اسبوعين , اشوف ان هذه المدة ممكن تكون مقبولة من الطرفين منك ومنها...لكن ليش ابغاك تروحين لاهلك كل اسبوعين لاني انا واياك نحتاج نكون مع بعضنا وقت اطول ونستمتع بحياتنا ونطلع مع بعض واحس بوجودك في بيتي وتكوني فعلا زوجتي اللي مااستغني عنها,,, ومن هالكلام الزين.....ولو تقول اعرف واحد من اصحابي زوجته ماشاء الله ماتروح لاهلها الامرة في الشهر ويموت فيها وعايشيين بسعادة ومدري ايش ,,, وامدح فيها وهي شخصية وهمية

حاول تفهمها تكون مسيطرة على حياتها وتتنازل عن بعض الامور خصوصا الناتجة عن ضغوط اهلها.
في المرحلة هذه لاتكون صارم جدا معها في كل شئ حاول تتنازل أنت قليلا مقابل بعض تنازلات منها , واتفقوا فيما بينكم على الامور الاساسية.
ثم اقتنعها تأتي وستقتنع تأتي للبيت, خذها باللين الآن وماكان اللين في أمر الا زانه.

اذا جت بيتك خذ الامور بتدرج , اذا امها ضغطت عليها تجي كل يوم أنت ارفض قل ماتفقنا ياعيوني على كذا , اذا مرة شفتها ملزمة تروح خليها تروح في الاسبوع مرة لكن لاتوديها , قل اذا بتروحين يجي ابوك او اخوك ياخذك ويرجعك,,, انا اتفاقي معك اوديك كل اسبوعين مرة لاني مشغوول,,,
طنش كلام امها واختها بخصوص الامور اللي تضايقك , السفريات والهدايا والعزايم ومدري ايش, مولازم تستجيب لهم طنششش وعش حياتك زوجتك في بيتك وولدك اللي هو اهم منها عندك في بيتك, وتصرف طبيعي ولاتنفعل من بعض المطالبات.

واذا جاء في يوم وراحت لاهلها بدون رضاك ارسل لها رسالة نصيه أنك خرجتي من بيتي بدون اذني وانا ماقصرت معاك بشئ, واذا مارجعتي أنا راح اتزوج واعيش حياتي مع انسانة تستاهلني وانتي كيفك خليك عند امك, ولاترسل لها اي مبلغ , ولا احد يقدر يلزمك ترسل لها اي شئ لانك فاتح بيتك وطبيعي تصرف على زوجتك وابنك وهم في بيتك , لكن تتركك وتروح خلاص اللي ضافها يصرف عليها....لوتتصل عليك تقول ابي مصروف الولد قول انا اشتري اغراضه وتعالي بيتي خذيها.

بعدين طنش ولاترد على اي محاولة تواصل معهم وكأنك مبسوط ببعدها عنك وخلال اقل من شهر ماتدري الا اهلها جايبيين البنت وولدك في بيتك ومتعوذين من الشيطان.

اذا مر شهر ماجو وشفتهم فعلا مطنشين ولاهمهم , مع ان هذا عندي احتمال اقل من واحد في الميه ,لكن نقول لو حصل انت خلاص ابحث بجدية عن زوجة اخرى , وفهمها وضعك ....وزوجتك لاتطلقها ابدا الا اذا طلبت الخلع كيفها اذا تبي تخلع نفسها , انت لاتطلق خليهاعلى ذمتك تربي الولد ويمكن تعقل في المستقبل وترجع لك,,,,لانك لو تطلقها راح ترمي الولد وتروح تتزوج ,,, وتصير براس الولد المسكين يتعقد لاراح يعيش مرتاح مع امه ولا مع ابوه.

الخلاصة من وجهة نظري : لاتسعى للطلاق ابدا ولاتفكر في امور النشوز
وعفش البيت والاغراض والمصروف هذي كلها امور ثانوية ,,,, اهم شي خلي حياتك تستمر , طنش , وفكر في ولدك فقط وتاكد انك الرجال واذا احسنت التصرف وكنت هادي وماتهورت كل شي راح يمشي على كيفك...هبال امها واختها وفرعنتهم على ازواجهم مو عليك , اسحب عليهم , لاترسل فلوس ولاريال
مايقدرون يشتكون , يروحون للقاضي يقولون والله بنتنا تاركه زوجها وعايشه معنا ونبيه يصرف عليها , لويقولون هالكلام بيطردهم القاضي.
زوجته تعيشين معاه في بيته ويصرف عليك , اما اجلس عند اهلي ويرسلي مصروف كلام فاضي وماعليك منهم .

الله يعينك , صراحه من اهم الامور اللي ينتبهلها الرجل اللي بيخطب من عايلة , مسالة سيطرة الام على الاب وعلى البيت,,,اذا تزوجت بنت امها مسيطرة على ابوها راح ترمي نفسك بمشاكل,,,

لكن ان شاء الله بيفرجها الله عليك

جزاكم الله خيرا

اقسم بالله استفدت منكم كثيرا

قبل تقدم على طلاقها استخير الله، وفكر بابنك لو تقدر تحل المشكله لاتجعل الطلاق اول الحلول علشان ابنك مايعيش مشتت مابين ابوه وامه المنفصلين الله يكتب لك الي فيه الخير ويصصلح امركم

لا تستعجل انا و اخوك بالطلاق و تفكر بالزواج عندك ولد الان فكر فيه قبل لا تفكﻻ بنفسك عارف ايش مرارة الطفل لما يكون مشتت لو ترجع للوراء وانت صغير تفكر انت ما تستغني عن امك و ابوك المسألة مو بسيطة الله يوفقك اسعى في الصلح صدقني بتتعب مع ارحامك و بتتعب و بتتعب لكن ان شاء الله في نهاية راح تكون خير بإذن الله انا كل همي ابنك ﻷني شوفت اقارب لي بصراحة تدمروا الأبناء و السبب طلاق الاباء عن بعض و النهاية مسأوية فسأل ربي ان يهديكم لبعض و يسخركم لبعض

__________________

ما هو جديدك يا عبدالله؟

هلا والله بالشباب الغالين
جديدي تم ارسال رساله الي زوجتي
من امس ولم يصلني رد للان

استغفر الله العظيم

1) لا بأس.. هذا أمر متوقع.. فلا تغضب.
2) لعلك تكرر إرسال رسالة الليلة أو يوم غد.
3) أتمنى أنك قد أرسلت النفقة.

ماشاء الله عليك اخوي البليغ





الله يعطينا زي حلمك اشوف ردودك في بعض المشاكل ويرتفع ضغطي لكن لو اخذنا كلامك بعقولنا وتركنا عواطفنا نجد ان كل الحق معك

ابي مثلك عندما جائته اختي تشتكي من زوجها في أمر كبييييير جدا يعني لو عرفت بتتعوذ من فعله كلن ابويه هادئ ويكلم الرجل ع اساس انه مكن ترجع اختي واحنا نبكي ونتهم ابويه بينا انه بايع اختي فسبحان الله استطاع جر الولد الى ان كسب كل شي في قضية طلاقها وكان يشتغل بصمت وهو محروق من داخله اه الله لا يحرمنا منه يارب