اخواتي واخواني /
مساء الخير ان كان مساءً وصباح الخير ان كان صباحاً

هناك أكلة تايلندية ( شوربه ) واسمها ( توم يوم) الله اعلم اسمها صح والا لا ؟
المهم من لديه الطريقة يلحقنا فيها


ملحوظة /

خذ بالك يالمتزوج

إذا تعرف اسمها بالانجليزي سوي بحث في ياهو ولا شي يمكن تلاقي

http://search.**********/search?va=%2...=20&fl=0&x=wrb

أقول؟ وش سالفتها هالشوربه؟؟؟؟؟؟؟

يمكن لأن عليها فلفل !!

حلوه الطريقه ............. أترجم لك الطريقه والمقادير ؟؟

__________________
أكـــــــــــــوان

مساء الخير للكل

الحقينا بالترجمة يا اكوان .............. ترى ما حنا فاضين للترجمة وبعدين انا ثقافتي ( شمريه )

اما الأخت اللي تسأل عن الشوربة وسالفتها ؟؟
فا أقول اذا انتي من سكان الرياض فيه مطعم تايلندي وفلبيني بشارع ( الأمام الشافعي ) مقابل مستشفى اليمامة
اطلبيها واذا ما ادمنتي عليها..................... حاسبيني

بس على فكرة انا جربت الشوربة هذي بالبحرين ودبي .......
مو مثل اللي بالرياض فعلاً حقيقه هذا الكلام المسألة مو تعصب والله انا اقول الحقيقة

وربنا يوفئكم

100 ورده على خدودكم

هذى الترجمه ......... ( ولو إني ما احب أكل شرق أسيا كله )


إسم الشوربه ...................... شوربة بطاط توم الحلو

المقادير:


500 جرام روبيان
2لتر ماء
2 ملعقه معجون كاري
2 ملعقه مركز تمر هندي
2 ملعقه صغيره كركم
2 فلفل حار مقطع
4-8 كلس ( ممكن مقطع أو كامل ) ........... ولا تسألني شنو يعني والله ما اعرفه

2 ملعقه صلصة سمك
2ملعقه عصير الكلس
2ملعقة شاي سكر أسمر
1\4 كأس كزبره
--------------------------------------------------------------------------------

--------------------------------------------------------------------------------
الطريقة:
قشّر الذي الروبيان ويترك الذيل سليم.

سخّن الزيت في مقلاة كبيرة. أضف الروبيان وإتركه لـ10 دقائق على الحرارة العالية باعتدال، مع الإستمرار بالتقليب حتي يحمر قليلا .

أضف 1 من كأس الماء ومعجون الكاري إلى المقلاة.

إغل لـ5 دقائق إلى أن خفّض مستوى الماء بعض الشّيء. أضف الماء الباقي وإغل ببطئ لـ20 دقيقة.

أضف تمر الهند،والكركم، أوراق الكلس والفلفل الحار. وإتركه يغلي لـ2 دقيقة.

أضف الروبيان إلى المقلاة والطباخ لـ5 دقائق .

أضف صلصة السمك، عصير كلس، سكّر وتحرّك للجمع.

وإخيرا قدمه بعد رش سطحه بالكزبره الناعمه.

................ وهني وعافيه

أنا أقول لو تروح المطعم أحسن لك ................

--------------------------------------------------------------------------------

__________________
أكـــــــــــــوان

*سنقربوطي*: أنا أصلا من الخبر (03) بس حاليا ساكنه بالرياض مع زوجي و أدرس هنا بس عاد هذا الكلام ما صار له غير أسبوعين تقريبا فصراحه ما أدل لا مستشفى اليمامه ولا مستشفى الحمامه كل اللي أدله جامعة الملك سعود في عليشه (مدري مركز الدراسات الجامعيه مدري أيش) و المملكه و الفيصليه بس على العموم أنا ما أحب هالسوالف أكل تايلندي و فليبيني و كذا بالذات اذا كان

* أكوان*: بحكم لقافتي () اطلعت على بعض الوصفات و كان فيها أشياء ما عرفتها أظن حشيش ليمون (Lemon Grass) مدري أيش و أوراق نوع معين من اللايم اللي هو الليمون الأخضر الصغير (Kaffir Lime Leaves) بس ما أذكر اني شفت الكلس اللي تقولي عليه.........عموووووووووووما أنا أيش سويت؟؟؟؟؟ رحت دورت على بدائل لهالخرابيط فوجت التالي:

صلصة السمك يمكن الاستبدال عنها اما بالملح أو الخل أو صلصة الصويا (مدري أي وحده أفضل لأن كل وحده من موقع )
Kaffir Lime Leaves: قشور لايم (إما تقشره بالسكين ولا ابشره بالمبشره أسهل )
Lemon Grass: كمان قشور لايم
Galanga: مدري أيش بالضبط بس شفت عنه معلومات و صور في http://www-ang.kfunigraz.ac.at/~katz...?Alpi_gal.html لكن ما عرفته لكن ممكن استبداله بزنجبيل مطحون

عموما هو فيه 1000000000000 طريقه للشوربه العجيبه علشان كذا أنا فكرت أترجم هذه (حسيت فيها خيارات أكثر):

المقادير:
1 لتر مرقة دجاج
1 ملعقة كبيره صلصة تشيلي
ملح، فلفل و سكر حسب الرغبة
1 ملعقة كبيرة عصير لايم
1 ملعقة كبيره عصير ليمون
1 ملعقة كبيره قشور لايم
1 ملعقة كبيره قشور ليمون
ملعقتين كبار صلصة سمك
1 galanga مدري أيش
1-2 فلفل حار طازج (اللي هو فلفل التشيلي)

بالاضافه الى: اما خضار ولا ربيان ولا سمك ولا لحم حسب الرغبه

الطريقه:
اغلي مرقة الدجاج

أضف قشور اللايم و الليمون و هذاك اللي ما أعرفه (galanga) و الخضار (إذا كنت تبي خضار) ما عدا الطماطم (لا تصير صلصه) و خليهم يغلون 3-5 دقائق

أضف الربيان أو السمك (حسب اللي بتستخدمه) و الطماطم (إذا تبي) و خليهم يغلون لحد ما يصير الربيان وردي (بمعنى ثاني يستوي) و السمك ينضج

آخر شي صلصه التشيلي، الملح، الفلفل، السكر، عصير الليمون، عصير اللايم و فلفل التشيلي و بعدين اخلط كل شي مع بعضه

و بالعافيه

والله الشوربه كلها مو عاجبتني ( الله يزيد النعمه )

بس علشان سنقربوطي ........ ولا أنا ما احب أكل شرف اسيا ..........ز لا مو بس ما احبه أنفر منه ( الله يديم النعمه علينا )

__________________
أكـــــــــــــوان